സമഗ്ര സാക്ഷ്യം നൽകു​ന്ന​തിൽ ആനന്ദം കണ്ടെത്തുക

¹ നമുക്ക്‌ നന്നായി ചെയ്യാൻ കഴിയുന്ന കാര്യങ്ങൾ ചെയ്യു​ന്നത്‌ നാമെ​ല്ലാം ആസ്വദി​ക്കു​ന്നു. യേശു​വി​നെ​ക്കു​റിച്ച്‌ പുരു​ഷാ​രം പിൻവ​രുന്ന പ്രകാരം ഘോഷി​ച്ച​താ​യി മർക്കൊസ്‌ 7:37 പറയുന്നു: “അവൻ സകലവും നന്നായി ചെയ്‌തു.” യഹോ​വ​യു​ടെ ഇഷ്ടം ചെയ്യു​ന്ന​തിൽ യേശു ആനന്ദം കണ്ടെത്തി​യെ​ന്ന​തിൽ ഒരതി​ശ​യ​വു​മില്ല! (സങ്കീർത്തനം 40:8 താരത​മ്യം ചെയ്യുക.) പിൻവ​രുന്ന നിർദേ​ശ​ങ്ങൾക്ക്‌ ശ്രദ്ധ നൽകു​ന്നെ​ങ്കിൽ, “ജനങ്ങ​ളോട്‌ പ്രസം​ഗിച്ച്‌ ഒരു സമഗ്ര സാക്ഷ്യം നൽകാ”നുള്ള യേശു​വി​ന്റെ കൽപ്പന അനുസ​രി​ക്കു​ന്ന​തിൽ നാം സമാന​മായ സന്തോഷം കണ്ടെത്തും. (പ്രവൃ. 10:42, NW) അർധനി​രക്കു പുസ്‌ത​ക​ങ്ങ​ളാ​യോ പ്രത്യേ​ക​നി​രക്കു പുസ്‌ത​ക​ങ്ങ​ളാ​യോ സൊ​സൈറ്റി പട്ടിക​പ്പെ​ടു​ത്തി​യി​രി​ക്കുന്ന 192 പേജുള്ള പഴയ പുസ്‌ത​ക​ങ്ങ​ളാണ്‌ നാം ജനുവ​രി​യിൽ സമർപ്പി​ക്കു​ന്നത്‌. പ്രാ​ദേ​ശിക ഭാഷയിൽ അത്തരം പുസ്‌ത​ക​ങ്ങ​ളൊ​ന്നും ലഭ്യമ​ല്ലെ​ങ്കിൽ പരിജ്ഞാ​നം പുസ്‌ത​ക​മോ കുടും​ബ​സ​ന്തു​ഷ്ടി പുസ്‌ത​ക​മോ 20.00 രൂപയ്‌ക്ക്‌ നാം സമർപ്പി​ക്കു​ന്ന​താ​യി​രി​ക്കും. ഒരു സമഗ്ര സാക്ഷ്യം നൽകു​ന്ന​തിന്‌ നമുക്ക്‌ ഈ പുസ്‌ത​കങ്ങൾ എങ്ങനെ ഉപയോ​ഗി​ക്കാം?

² ആളുകൾ മിക്ക​പ്പോ​ഴും ആരോ​ഗ്യ​പ്രശ്‌നങ്ങൾ സംബന്ധിച്ച്‌ ചിന്തയു​ള്ള​വ​രാ​യ​തി​നാൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ “വൈദ്യ​ശാസ്‌ത്ര രംഗത്ത്‌ ഗണ്യമായ നേട്ടങ്ങൾ കൈവ​രി​ച്ചി​ട്ടു​ണ്ടെ​ങ്കി​ലും രോഗം നിമിത്തം ആളുകൾ വളരെ​യേറെ കഷ്ടപ്പെ​ടു​ന്നുണ്ട്‌. നിങ്ങളു​ടെ അഭി​പ്രാ​യ​ത്തിൽ, എന്തു​കൊ​ണ്ടാണ്‌ ഇങ്ങനെ സംഭവി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] പകർച്ച​വ്യാ​ധി​കൾ അന്ത്യനാ​ളു​ക​ളു​ടെ ഒരു പ്രത്യേ​ക​ത​യാ​യി​രി​ക്കു​മെന്ന്‌ യേശു​ക്രിസ്‌തു പറഞ്ഞു. (ലൂക്കൊ. 21:11) എന്നിരു​ന്നാ​ലും, മേലാൽ രോഗ​മു​ണ്ടാ​യി​രി​ക്കു​ക​യി​ല്ലാത്ത ഒരു സമയ​ത്തെ​ക്കു​റി​ച്ചും ബൈബിൾ വിവരി​ക്കു​ന്നു. [യെശയ്യാ​വു 33:24 വായി​ക്കുക.] ഈ പുസ്‌തകം ആ അടിസ്ഥാന ബൈബിൾ പഠിപ്പി​ക്ക​ലിൽ പ്രത്യാശ ഉൾനടു​ന്ന​തെ​ങ്ങ​നെ​യെന്ന്‌ ശ്രദ്ധി​ക്കുക.” നിങ്ങൾ വിശേ​ഷ​വൽക്ക​രി​ക്കുന്ന പുസ്‌ത​ക​ത്തിൽനി​ന്നുള്ള ഉചിത​മായ പരാമർശങ്ങൾ എടുത്തു​കാ​ട്ടി​ക്കൊണ്ട്‌ പുസ്‌തകം സമർപ്പി​ക്കുക.

³ ഷോപ്പിങ്‌ സ്ഥലങ്ങൾക്ക​ടുത്ത്‌ അനൗപ​ചാ​രി​ക​മാ​യി സാക്ഷീ​ക​രി​ക്കു​മ്പോൾ ആളുകളെ അഭിവാ​ദ്യം ചെയ്‌തിട്ട്‌ നിങ്ങൾക്കി​ങ്ങനെ ചോദി​ക്കാ​വു​ന്ന​താണ്‌:

◼ “ഇക്കാലത്ത്‌ സാധന​ങ്ങ​ളു​ടെ വില വളരെ​യേറെ വർധി​ക്കു​ന്ന​തി​നാൽ ചെലവി​നു പണമു​ണ്ടാ​ക്കു​ന്നത്‌ കൂടുതൽ ബുദ്ധി​മു​ട്ടുള്ള കാര്യ​മാ​ണെന്ന്‌ നിങ്ങൾക്കു തോന്നു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ശരിയായ സാമ്പത്തിക സുരക്ഷി​ത​ത്വ​മുള്ള ഒരു കാലം വരു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ? പ്രതി​ക​രി​ക്കാൻ അനുവ​ദി​ക്കുക. എന്നിട്ട്‌ നിങ്ങൾ സമർപ്പി​ക്കുന്ന പുസ്‌ത​ക​ത്തിൽനിന്ന്‌ ഉചിത​മാ​യൊ​രു തിരു​വെ​ഴുത്ത്‌ ഉദ്ധരണി എടുത്തു​കാ​ട്ടുക. പിൻവ​രു​ന്ന​പ്ര​കാ​രം പറഞ്ഞു​കൊണ്ട്‌ തുടരുക: “ഇന്ന്‌ ജീവി​തത്തെ വളരെ വിഷമ​ക​ര​മാ​ക്കുന്ന പ്രശ്‌നങ്ങൾ ദൈവം എങ്ങനെ തന്റെ രാജ്യ​ത്തി​ലൂ​ടെ പരിഹ​രി​ക്കു​മെന്ന്‌ ഈ പുസ്‌തകം പ്രകട​മാ​ക്കു​ന്നു.” പുസ്‌തകം സമർപ്പി​ക്കുക. സംഭാ​ഷണം നിങ്ങൾ എത്രമാ​ത്രം ആസ്വദി​ച്ചെന്ന്‌ പറഞ്ഞിട്ട്‌ ഇങ്ങനെ ചോദി​ക്കാ​വു​ന്ന​താണ്‌: “മറ്റൊരു സമയത്ത്‌ നമുക്ക്‌ ഈ സംഭാ​ഷണം തുടരാൻ എന്തെങ്കി​ലും മാർഗ​മു​ണ്ടോ?” ഇപ്രകാ​രം നിങ്ങൾക്ക്‌ ആ വ്യക്തി​യു​ടെ ടെല​ഫോൺ നമ്പരോ ഭവന മേൽവി​ലാ​സ​മോ നേടാൻ കഴി​ഞ്ഞേ​ക്കും.

⁴ “പരിജ്ഞാ​നം” പുസ്‌തകം ഉപയോ​ഗി​ച്ചു​കൊണ്ട്‌ ലോക സമാധാ​ന​ത്തെ​ക്കു​റി​ച്ചുള്ള ഈ അവതരണം പരീക്ഷി​ച്ചു​നോ​ക്കാൻ നിങ്ങൾക്ക്‌ അവസരം കിട്ടി​യേ​ക്കാം:

◼ “നിങ്ങളു​ടെ അഭി​പ്രാ​യ​ത്തിൽ, ലോക സമാധാ​നം കൈവ​രി​ക്കു​ന്നത്‌ വളരെ ആയാസ​ക​ര​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? [പ്രതി​ക​രി​ക്കാൻ അനുവ​ദി​ച്ചിട്ട്‌ 188-9 പേജു​ക​ളി​ലെ ചിത്രം കാണി​ക്കുക.] ഈ ചിത്രം ഇതു​പോ​ലെ​യുള്ള വ്യത്യസ്‌ത ബൈബിൾ വിവര​ണ​ങ്ങ​ളിൽ അധിഷ്‌ഠി​ത​മാണ്‌. [യെശയ്യാ​വു 65:21 വായി​ക്കുക.] ലോകത്ത്‌ ഇന്ന്‌ സമാധാ​ന​മി​ല്ലാ​ത്തത്‌ ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള ശരിയായ പരിജ്ഞാ​ന​മി​ല്ലാ​ത്ത​തു​കൊ​ണ്ടാണ്‌. ആ പരിജ്ഞാ​നം പെട്ടെ​ന്നു​തന്നെ ഭൂമി​യിൽ നിറയും. [യെശയ്യാ​വു 11:9 വായി​ക്കുക.] ഇപ്പോൾത്തന്നെ ആ പരിജ്ഞാ​നം സ്വീക​രി​ച്ചു​തു​ട​ങ്ങാൻ ഈ പുസ്‌തകം നിങ്ങളെ സഹായി​ക്കും. അതു​കൊണ്ട്‌ ഇത്‌ സ്വന്തമാ​ക്കാൻ ഞാൻ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌.” പുസ്‌തകം സമർപ്പി​ക്കുക.—പരിജ്ഞാ​നം പുസ്‌ത​ക​വും കുടുംബ സന്തുഷ്ടി പുസ്‌ത​ക​വും പരിച​യ​പ്പെ​ടു​ത്താ​നുള്ള ഫലപ്ര​ദ​മായ മറ്റു മാർഗങ്ങൾ കണ്ടെത്തു​ന്ന​തിന്‌ നമ്മുടെ രാജ്യ ശുശ്രൂ​ഷ​യു​ടെ സെപ്‌റ്റം​ബർ 1997, ജൂൺ 1997, മാർച്ച്‌ 1997, നവംബർ 1996 ജൂൺ 1996 എന്നീ ലക്കങ്ങളു​ടെ പിൻപേജ്‌ കാണുക.

⁵ താത്‌പ​ര്യം കാണി​ച്ച​വർക്കു മടക്കസ​ന്ദർശനം നടത്തു​മ്പോൾ ഈ സമീപനം സ്വീക​രി​ച്ചു​കൊണ്ട്‌ ഒരു ബൈബി​ള​ധ്യ​യനം ആരംഭി​ക്കാൻ നിങ്ങൾക്കു ശ്രമി​ക്കാ​വു​ന്ന​താണ്‌:

◼ “കഴിഞ്ഞ പ്രാവ​ശ്യം നാം സംസാ​രി​ച്ച​പ്പോൾ നിങ്ങൾ രസകര​മാ​യൊ​രു അഭി​പ്രാ​യ​പ്ര​ക​ടനം നടത്തി. [വ്യക്തി നടത്തിയ ഒരു അഭി​പ്രാ​യ​പ്ര​ക​ടനം പരാമർശി​ക്കുക.] ഞാൻ അതെക്കു​റിച്ച്‌ ചിന്തി​ക്കു​ക​യാ​യി​രു​ന്നു. ആ വിഷയ​ത്തെ​ക്കു​റിച്ച്‌ ഞാൻ നടത്തിയ ചില ഗവേഷ​ണ​ങ്ങ​ളു​ടെ ഫലം നിങ്ങളു​മാ​യി പങ്കു​വെ​ക്കാൻ ഞാൻ ആഗ്രഹി​ക്കു​ന്നു. [ഉചിത​മാ​യൊ​രു തിരു​വെ​ഴുത്ത്‌ പങ്കു​വെയ്‌ക്കുക.] ചുരു​ങ്ങിയ കാലഘ​ട്ടം​കൊണ്ട്‌ ബൈബി​ളി​ലെ അടിസ്ഥാന പഠിപ്പി​ക്ക​ലു​കൾ കണ്ടെത്താൻ കോടി​ക്ക​ണ​ക്കിന്‌ ആളുകളെ സഹായിച്ച ഒരു പഠന പദ്ധതി ഞങ്ങൾ സൗജന്യ​മാ​യി വാഗ്‌ദാ​നം ചെയ്യു​ക​യാണ്‌. അത്തര​മൊ​രു പരി​ശോ​ധന ദൈവ​ത്തി​ന്റെ വാഗ്‌ദാ​ന​ങ്ങ​ളു​ടെ നിവൃ​ത്തി​യി​ലുള്ള നിങ്ങളു​ടെ ആത്മവി​ശ്വാ​സം വർധി​പ്പി​ക്കും.” ഉത്തരം നൽക​പ്പെ​ടുന്ന ചോദ്യ​ങ്ങൾ എടുത്തു കാട്ടുക. വ്യക്തി ബൈബി​ള​ധ്യ​യനം നിരസി​ക്കു​ന്നെ​ങ്കിൽ, ഒരാഴ്‌ച​യിൽ 15 മിനിറ്റ്‌ മാത്ര​മെ​ടു​ക്കുന്ന 16 ആഴ്‌ച​ത്തേ​ക്കുള്ള വേഗത​യേ​റിയ ഒരു പ്രത്യേക പാഠ്യ​പ​ദ്ധ​തി​യും നമ്മൾക്കു​ണ്ടെന്ന്‌ വിശദീ​ക​രി​ക്കുക. ആവശ്യം ലഘുപ​ത്രിക കാണി​ക്കുക. ഒന്നാമത്തെ പാഠത്തി​ലേക്കു മറിച്ചിട്ട്‌ ആ പാഠം പഠിക്കു​ന്നത്‌ പ്രകടി​പ്പി​ച്ചു​കാ​ണി​ക്ക​ട്ടെ​യെന്നു ചോദി​ക്കുക.

⁶ നോട്ടീ​സു​കൾ ഉപയോ​ഗി​ക്കാൻ ഓർമി​ക്കുക: ആത്മീയ കാര്യ​ങ്ങ​ളി​ലുള്ള താത്‌പ​ര്യം ഉണർത്തു​ന്ന​തി​നാ​യി നിങ്ങളു​ടെ മുഖവു​ര​യിൽ അവ ഫലപ്ര​ദ​മാ​യി ഉപയോ​ഗി​ക്കാ​വു​ന്ന​താണ്‌. അല്ലെങ്കിൽ സാഹി​ത്യ​മൊ​ന്നും സ്വീക​രി​ക്കാ​ത്ത​പക്ഷം അവ കൊടു​ക്കാ​വു​ന്ന​താണ്‌. താത്‌പ​ര്യം കാണി​ക്കു​ന്നി​ടത്ത്‌, ഒരു ഭവന ബൈബി​ള​ധ്യ​യനം സ്വീക​രി​ക്കാ​നും നമ്മുടെ യോഗ​ങ്ങൾക്കു ഹാജരാ​കാ​നും വ്യക്തിയെ പ്രോ​ത്സാ​ഹി​പ്പി​ക്കു​ന്ന​തിന്‌ നോട്ടീ​സി​ന്റെ പിന്നി​ലുള്ള അച്ചടിച്ച സന്ദേശം ഉപയോ​ഗി​ക്കുക.

⁷ നിങ്ങളു​ടെ വേലയിൽ വിദഗ്‌ധ​രാ​കുക, നിങ്ങൾ അതിൽ സന്തുഷ്ട​രാ​യി​രി​ക്കും. സമൂല സാക്ഷ്യം കൊടു​ക്കു​ന്ന​തിന്‌ തുടർച്ച​യായ ശ്രദ്ധ നൽകു​ക​യും ശുശ്രൂ​ഷ​യു​ടെ എല്ലാ വശങ്ങളി​ലും നന്നായി ഏർപ്പെ​ടു​ന്ന​തിൽ സന്തോഷം കണ്ടെത്തു​ക​യും ചെയ്യുക.—1 തിമൊ. 4:16.