നോട്ടീ​സു​കൾ നന്നായി പ്രയോ​ജ​ന​പ്പെ​ടു​ത്തുക

¹ രാജ്യ​ഹാ​ളി​ന്റെ മേൽവി​ലാ​സ​വും യോഗ​ങ്ങ​ളു​ടെ കൃത്യ​മായ സമയവും പ്രദേ​ശത്തെ ആളുകളെ അറിയി​ക്കാൻ സഭാ​നോ​ട്ടീ​സു​കൾ ഉപകരി​ക്കു​ന്നു. നിങ്ങൾ സമ്പർക്കം പുലർത്തുന്ന എല്ലാ ആളുകൾക്കും ഓരോ​ന്നു നൽകു​ന്നത്‌ ഉചിത​മാ​യി​രി​ക്കും. ആ ലക്ഷ്യത്തിൽ ഓരോ സഭകളും വേണ്ടത്ര നോട്ടീ​സു​കൾ സ്റ്റോക്ക്‌ ചെയ്യേ​ണ്ട​താണ്‌. സഭ അതിന്റെ യോഗ​സ്ഥ​ല​മോ സമയമോ മാറ്റാൻ പോകു​ക​യാ​ണെ​ങ്കിൽ, ആ മാറ്റങ്ങൾ നിലവിൽ വരുന്ന​തിന്‌ മൂന്ന്‌ മാസം മുമ്പ്‌ പുതിയ നോട്ടീ​സു​കൾ ഓർഡർ ചെയ്യേ​ണ്ട​താണ്‌. തന്മൂലം, നിലവി​ലുള്ള യോഗ​ങ്ങ​ളു​ടെ സമയം പ്രതി​പാ​ദി​ക്കുന്ന നോട്ടീസ്‌ ശേഖരം എല്ലായ്‌പോ​ഴും കൈവ​ശ​മു​ണ്ടാ​യി​രി​ക്കും. അവ ഓർഡർ ചെയ്യു​ന്ന​തിന്‌ നോട്ടീസ്‌ അപേക്ഷാ ഫാറം ഉപയോ​ഗി​ക്കേ​ണ്ട​താണ്‌. 1,000-ത്തിന്‌ 40.00 രൂപ എന്ന നിരക്കി​ലാണ്‌ നോട്ടീ​സു​കൾ വിതരണം ചെയ്യു​ന്നത്‌. 1,000-ത്തിന്റെ കെട്ടു​ക​ളാ​യി മാത്രമേ അവ ഓർഡർ ചെയ്യാവൂ. ലഭിച്ച നോട്ടീ​സു​കൾ ഏറ്റവും ഫലപ്ര​ദ​മായ വിധത്തിൽ നിങ്ങൾക്കെ​ങ്ങനെ പ്രയോ​ജ​ന​പ്പെ​ടു​ത്താൻ കഴിയും?

² അവയി​ലൊന്ന്‌ ഒരു വ്യക്തിക്കു നൽകു​ന്നത്‌ നമ്മെത്തന്നെ പരിച​യ​പ്പെ​ടു​ത്തു​ന്ന​തി​നും സംഭാ​ഷണം ആരംഭി​ക്കു​ന്ന​തി​നു​മുള്ള ഒരു ഫലപ്ര​ദ​മായ മാർഗ​മാ​ണെന്ന്‌ അനേകം പ്രസാ​ധകർ കണ്ടെത്തു​ന്നു. യോഗ​പ​ട്ടി​ക​യോ മറുവ​ശത്തെ സന്ദേശ​മോ ചൂണ്ടി​ക്കാ​ട്ടി​ക്കൊണ്ട്‌ നമ്മുടെ വേല​യെ​ക്കു​റി​ച്ചും അതിന്റെ ഉദ്ദേശ്യ​ത്തെ​ക്കു​റി​ച്ചു​മുള്ള ഒരു ചർച്ച തുടങ്ങാൻ കഴി​ഞ്ഞേ​ക്കും. വീടു​ക​ളിൽ കൊച്ചു​കു​ട്ടി​ക​ളെ​ക്കൊണ്ട്‌ നോട്ടീസ്‌ കൊടു​പ്പി​ച്ചു​കൊണ്ട്‌ മാതാ​പി​താ​ക്കൾക്ക്‌ അവരെ ശുശ്രൂ​ഷ​യിൽ ഉൾപ്പെ​ടു​ത്താൻ സാധി​ക്കും. കത്തുകൾ മുഖേന സാക്ഷീ​ക​രണം നടത്തുന്ന പ്രസാ​ധകർ തങ്ങളുടെ കത്തിൽ ഒരു നോട്ടീസ്‌ അടക്കം​ചെയ്‌ത്‌ വ്യക്തിയെ യോഗ​ങ്ങൾക്കു ക്ഷണിക്കണം. ആളില്ലാ​ഭ​വ​ന​ങ്ങ​ളിൽ നോട്ടീ​സു​കൾ ഇട്ടേച്ചു പോരാ​വു​ന്ന​താണ്‌. എന്നാൽ പുറത്തു​നിന്ന്‌ ഒട്ടും കാണാൻ കഴിയാ​ത്ത​വി​ധ​ത്തിൽ അവ കതകി​ന​ടി​യി​ലൂ​ടെ ഇടാൻ ശ്രദ്ധി​ക്കണം.

³ ആത്മാർഥ ഹൃദയ​രായ ആളുകളെ സത്യത്തി​ലേക്കു വഴിന​യി​ക്കു​ന്ന​തിൽ നോട്ടീ​സു​കൾ ഒരു ഉപകര​ണ​മാ​യി വർത്തി​ച്ചി​രി​ക്കു​ന്നു. ഒരു നോട്ടീസ്‌ നിമിത്തം, ബൈബിൾ പഠിക്കാ​നുള്ള ആയുഷ്‌ക്കാല മോഹം പൂവണിഞ്ഞ ഒരു സ്‌ത്രീ​യെ​ക്കു​റി​ച്ചു​ള്ള​താണ്‌ പിൻവ​രുന്ന അനുഭവം. ദൈവ​ത്തോ​ടുള്ള പ്രാർഥ​ന​യിൽ ഒരു രാത്രി അവൾ ചെലവ​ഴി​ച്ച​ശേഷം, രാവിലെ സാക്ഷി​ക​ളായ ഒരു ദമ്പതികൾ അവളുടെ വാതി​ലിൽ മുട്ടി. വാതി​ലി​ലെ ഒളിദ്വാ​ര​ത്തി​ലൂ​ടെ നോക്കി​ക്കൊണ്ട്‌ അത്‌ വാതിൽ തുറക്കാൻ പറ്റിയ സമയമ​ല്ലെന്ന്‌ അവൾ വിളി​ച്ചു​പ​റഞ്ഞു. ആ സാക്ഷികൾ വാതി​ലി​ന​ടി​യി​ലൂ​ടെ ഒരു നോട്ടീസ്‌ ഉള്ളി​ലേ​ക്കി​ട്ടു. അതിൽ ഇങ്ങനെ എഴുതി​യി​രു​ന്നു: “നിങ്ങളു​ടെ ബൈബി​ളി​നെ മനസ്സി​ലാ​ക്കുക.” അവൾ അതു കണ്ടിട്ട്‌ വാതിൽ തുറന്നു. അപ്പോൾത്തന്നെ ഒരു അധ്യയനം ആരംഭി​ക്കു​ക​യും പിന്നീട്‌ അവൾ സ്‌നാ​പ​ന​മേൽക്കു​ക​യും ചെയ്‌തു. നാം നമ്മുടെ ശുശ്രൂഷ പൂർണ​മാ​യി നിവർത്തി​ക്കവേ, ദൈവാ​ത്മാ​വി​ന്റെ ശക്തിയെ ഒരിക്ക​ലും താഴ്‌ത്തി​മ​തി​ക്കാ​തെ നമുക്ക്‌ പതിവാ​യി നോട്ടീ​സു​കൾ നന്നായി പ്രയോ​ജ​ന​പ്പെ​ടു​ത്താം.—1994 ഫെബ്രു​വ​രി​യി​ലെ നമ്മുടെ രാജ്യ ശുശ്രൂ​ഷ​യു​ടെ 1-ാം പേജും കാണുക.