ദാഹി​ക്കുന്ന ഏവനും ക്ഷണം വെച്ചു​നീ​ട്ടു​ക

¹ പ്രവാ​ച​ക​നായ ആമോസ്‌ മുൻകൂ​ട്ടി​പ്പ​റ​ഞ്ഞ​തു​പോ​ലെ, ‘വെള്ളത്തി​ന്നാ​യുള്ള ദാഹം നിമി​ത്തമല്ല, യഹോ​വ​യു​ടെ വചനങ്ങളെ കേൾക്കേ​ണ്ട​തി​ന്നുള്ള വിശപ്പു’ നിമിത്തം മാനവ​കു​ടും​ബം ഇന്ന്‌ ക്ലേശി​ക്കു​ക​യാണ്‌. (ആമോ. 8:11) ഈ ആത്മീയ ഊഷരാ​വ​സ്ഥ​യിൽ ആളുകളെ സഹായി​ക്കു​ന്ന​തി​നാ​യി, വെളി​പ്പാ​ടു പുസ്‌ത​ക​ത്തി​ന്റെ അവസാന അധ്യാ​യ​ത്തിൽ ഒരു “ജീവജ​ല​നദി”യായി ചിത്രീ​ക​രി​ച്ചി​രി​ക്കുന്ന, അനുസ​ര​ണ​മുള്ള മനുഷ്യ​രെ പാപത്തിൽനി​ന്നും മരണത്തിൽനി​ന്നും ഉദ്ധരി​ക്കാ​നുള്ള ദൈവ​ത്തി​ന്റെ കരുത​ലു​ക​ളെ​ക്കു​റിച്ച്‌ നാം അവരോ​ടു പറയുന്നു. നീതി​ക്കാ​യി ദാഹി​ക്കുന്ന ഏവനെ​യും “ജീവജലം സൌജ​ന്യ​മാ​യി വാങ്ങു”ന്നതിനു ക്ഷണിക്കാ​നുള്ള പദവി നമുക്കുണ്ട്‌. (വെളി. 22:1, 17) ഫെബ്രു​വ​രി​യിൽ നമുക്കത്‌ എങ്ങനെ ചെയ്യാ​നാ​കും? നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​മോ അർധനി​ര​ക്കി​ലോ പ്രത്യേ​ക​നി​ര​ക്കി​ലോ സമർപ്പി​ക്കാ​നാ​യി പട്ടിക​പ്പെ​ടു​ത്തി​യി​രി​ക്കുന്ന ഏതെങ്കി​ലും പഴയ പ്രസി​ദ്ധീ​ക​ര​ണ​മോ സമർപ്പി​ച്ചു​കൊണ്ട്‌ ഇത്‌ സാധി​ക്കും. പ്രാ​ദേ​ശിക ഭാഷയിൽ ഈ പുസ്‌ത​ക​ങ്ങ​ളൊ​ന്നും ലഭ്യമ​ല്ലെ​ങ്കിൽ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​മോ കുടുംബ സന്തുഷ്ടി​യു​ടെ രഹസ്യം പുസ്‌ത​ക​മോ സമർപ്പി​ക്കാ​വു​ന്ന​താണ്‌. പിൻവ​രുന്ന അവതര​ണങ്ങൾ ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം:

² അനേക​രും ആരോ​ഗ്യ​കാ​ര്യ​ത്തിൽ ആകുല​രാ​യ​തി​നാൽ ഈ സമീപനം ഫലപ്ര​ദ​മാ​ണെന്നു നിങ്ങൾ കണ്ടെത്തി​യേ​ക്കാം:

◼ “നല്ല ആരോ​ഗ്യ​പ​രി​പാ​ല​ന​ത്തി​നു വേണ്ടി​വ​രുന്ന ചെലവു വർധി​ക്കു​ന്ന​തു​നി​മി​ത്തം അനേക​രും ആകുല​രാണ്‌. അതു സംബന്ധി​ച്ചു താങ്കളും ചിന്തി​ച്ചി​ട്ടു​ണ്ടാ​യി​രി​ക്കും. [പ്രതി​ക​രി​ക്കാൻ അനുവ​ദി​ക്കുക.] ഈ പ്രശ്‌ന​ത്തിന്‌ ഒരു ശാശ്വത പരിഹാ​ര​മു​ണ്ടോ? [മറുപ​ടി​ക്കാ​യി കാക്കുക.] അത്ഭുത​ക​ര​മായ ഒരു ഭാവി​പ്ര​തീക്ഷ ഇതാ ഇവിടെ കൊടു​ത്തി​രി​ക്കു​ന്നു.” വെളി​പ്പാ​ടു 21:3-5എ വായി​ക്കുക. തുടർന്ന്‌ എന്നേക്കും ജീവി​ക്കാൻ പുസ്‌തകം തുറന്ന്‌ 162-ാം പേജിലെ ചിത്രം വിശദീ​ക​രി​ക്കാൻ 164-ാം പേജിലെ 17, 18 ഖണ്ഡികകൾ ഉപയോ​ഗി​ക്കുക. ഇപ്രകാ​രം പറഞ്ഞു​കൊണ്ട്‌ ഉപസം​ഹ​രി​ക്കുക: “ഇത്തരം അവസ്ഥകൾ എങ്ങനെ, എപ്പോൾ വരു​മെന്ന്‌ ഈ പുസ്‌തകം ചർച്ച​ചെ​യ്യു​ന്നു.” പുസ്‌തകം സമർപ്പി​ച്ചിട്ട്‌ മടങ്ങി​ച്ചെ​ല്ലാൻ ക്രമീ​ക​രണം ചെയ്യുക.

³ മടക്കസ​ന്ദർശനം നടത്തു​മ്പോൾ ഇങ്ങനെ പറഞ്ഞു​കൊണ്ട്‌ നിങ്ങളു​ടെ ചർച്ച പുനരാ​രം​ഭി​ക്കാ​വു​ന്ന​താണ്‌:

◼ “കഴിഞ്ഞ പ്രാവ​ശ്യം ഞാൻ താങ്കളെ സന്ദർശി​ച്ച​പ്പോൾ ആരോ​ഗ്യ​പ്രശ്‌ന​ങ്ങൾക്കുള്ള ശാശ്വത പരിഹാ​ര​ത്തെ​ക്കു​റി​ച്ചു നാം സംസാ​രി​ക്കു​ക​യു​ണ്ടാ​യി. രോഗി​ക​ളാ​രു​മി​ല്ലാത്ത ഒരു കാലം എന്നെങ്കി​ലും വരു​മെന്നു താങ്കൾ കരുതു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ശ്രദ്ധേ​യ​മായ ഈ പ്രസ്‌താ​വ​ന​യൊ​ന്നു നോക്കൂ.” യെശയ്യാ​വു 33:24 വായി​ക്കുക. തുടർന്ന്‌ ആവശ്യം ലഘുപ​ത്രി​ക​യു​ടെ 5-ാം പാഠം എടുക്കുക. പാഠത്തി​ന്റെ ആരംഭ​ത്തിൽ 5-ഉം 6-ഉം ഖണ്ഡിക​കൾക്കാ​യി കൊടു​ത്തി​രി​ക്കുന്ന ചോദ്യ​ങ്ങൾ ചോദി​ച്ചിട്ട്‌ പരാമർശി​ച്ചി​രി​ക്കുന്ന ഏതാനും തിരു​വെ​ഴു​ത്തു​കൾ എടുത്തു​നോ​ക്കി​ക്കൊണ്ട്‌ പ്രസ്‌തുത ഖണ്ഡികകൾ ചർച്ച​ചെ​യ്യുക. രോഗ​വും മരണവും നീക്കം​ചെ​യ്യ​പ്പെ​ടു​ന്നത്‌ ഭൂമിയെ സംബന്ധിച്ച ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​ന്റെ നിവൃ​ത്തി​യു​ടെ ഭാഗമാ​ണെന്നു സൂചി​പ്പി​ക്കുക. അതേ പാഠത്തി​ലെ 1-4, 7 ഖണ്ഡികകൾ ചർച്ച​ചെ​യ്യാ​നാ​യി മടങ്ങി​ച്ചെ​ല്ലാൻ ക്രമീ​ക​രി​ക്കുക.

⁴ അകാല മരണം ഉൾപ്പെ​ടുന്ന ഒരു ആനുകാ​ലിക വാർത്ത ആളുക​ളു​ടെ മനസ്സി​ലു​ണ്ടെ​ങ്കിൽ, നിങ്ങൾക്ക്‌ ഈ സമീപനം ഉപയോ​ഗി​ക്കാം:

◼ “താങ്കൾ ഇതി​നെ​ക്കു​റി​ച്ചു [വാർത്ത സൂചി​പ്പി​ക്കുക] കേട്ടി​രി​ക്കും. ജീവിതം അകാല​ത്തിൽ ദാരു​ണ​മാ​യി പൊലി​യു​മ്പോൾ, ഇരകളാ​യ​വ​രു​ടെ കുടും​ബ​ത്തിന്‌ എന്താശ്വാ​സം പകർന്നു​കൊ​ടു​ക്കാ​നാ​കു​മെന്ന്‌ അനേകർക്കു​മ​റി​യില്ല. അതു സംബന്ധിച്ച്‌ താങ്കളു​ടെ അഭി​പ്രാ​യ​മെ​ന്താണ്‌?” പ്രതി​ക​രി​ക്കാൻ അനുവ​ദി​ക്കുക. തുടർന്ന്‌ പരിജ്ഞാ​നം പുസ്‌ത​ക​ത്തി​ന്റെ 86-ാം പേജ്‌ എടുക്കുക. അവിടെ ചിത്രീ​ക​രി​ച്ചി​രി​ക്കുന്ന പുനരു​ത്ഥാന രംഗം കാണി​ക്കുക. ഇങ്ങനെ പറഞ്ഞു​കൊണ്ട്‌ സംഭാ​ഷണം തുടരുക: “ഭൂമി​യി​ലെ പറുദീ​സ​യിൽ ജീവി​ക്കു​ന്ന​തിന്‌ നീതി​മാ​ന്മാ​രും നീതി​കെ​ട്ട​വ​രും തിരികെ വരുത്ത​പ്പെ​ടും എന്നു മനസ്സി​ലാ​ക്കു​മ്പോൾ നിരവ​ധി​യാ​ളു​ക​ളും അമ്പരന്നു​പോ​കു​ന്നു. [87-ാം പേജിലെ 17-ാം ഖണ്ഡിക​യിൽ ഉദ്ധരി​ച്ചി​രി​ക്കുന്ന പ്രവൃ​ത്തി​കൾ 24:15 വായി​ക്കുക. അതിനു​ശേഷം പ്രസ്‌തുത ഖണ്ഡിക​യി​ലുള്ള വിശദീ​ക​രണം നൽകുക.] ഭാവി സംബന്ധിച്ച ദൈ​വോ​ദ്ദേ​ശ്യ​ത്തെ​ക്കു​റി​ച്ചുള്ള അനേകം രസകര​മായ ആശയങ്ങൾ ഈ പുസ്‌തകം ചർച്ച​ചെ​യ്യു​ന്നു. ഇതിന്റെ ഒരു പ്രതി സ്വന്തമാ​ക്കി വായി​ക്കാൻ ഞാൻ താങ്കളെ പ്രോ​ത്സാ​ഹി​പ്പി​ക്കു​ക​യാണ്‌.” വ്യക്തി​യു​ടെ അഭിരു​ചി​ക​ളും താത്‌പ​ര്യ​ങ്ങ​ളും കണക്കി​ലെ​ടുത്ത്‌ മടങ്ങി​ച്ചെ​ല്ലാൻ ക്രമീ​ക​ര​ണങ്ങൾ നടത്തുക.

⁵ മടക്കസ​ന്ദർശനം നടത്തു​മ്പോൾ നിങ്ങളു​ടെ അവതരണം വീട്ടു​കാ​രന്‌ അനു​യോ​ജ്യ​മാ​ക്കുക. ഒരുപക്ഷേ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ “കഴിഞ്ഞ പ്രാവ​ശ്യം നാം സംസാ​രി​ച്ച​പ്പോൾ, ഭൂമി​യെ​ക്കു​റി​ച്ചുള്ള ദൈ​വോ​ദ്ദേ​ശ്യം സംബന്ധിച്ച്‌ താങ്കൾ പറഞ്ഞ ഒരു കാര്യം ഞാൻ വിലമ​തി​ക്കു​ക​യു​ണ്ടാ​യി. [അദ്ദേഹം പറഞ്ഞ അഭി​പ്രാ​യം ആവർത്തി​ക്കുക.] അതു സംബന്ധിച്ച്‌ കുറച്ചു വിവരങ്ങൾ ഞാൻ കണ്ടെത്തി​യി​ട്ടുണ്ട്‌. താങ്കൾക്ക​തിൽ താത്‌പ​ര്യ​മു​ണ്ടാ​യി​രി​ക്കു​മെന്നു ഞാൻ പ്രതീ​ക്ഷി​ക്കു​ന്നു.” ആവശ്യം ലഘുപ​ത്രി​ക​യു​ടെ 5-ാം പാഠ​മെ​ടു​ക്കുക. വീട്ടു​കാ​രൻ താത്‌പ​ര്യം കാണി​ക്കു​ന്നി​ട​ത്തോ​ളം ഖണ്ഡികകൾ ആ പാഠത്തിൽനിന്ന്‌ വായിച്ചു ചർച്ച​ചെ​യ്യുക. പാഠത്തി​ന്റെ ബാക്കി​ഭാ​ഗം ചർച്ച​ചെ​യ്യാ​നാ​യി മടങ്ങി​ച്ചെ​ല്ലാ​നുള്ള സമയം തീർച്ച​പ്പെ​ടു​ത്തിയ ശേഷം സഭാ​യോ​ഗ​ങ്ങ​ളു​ടെ സമയം കാണി​ച്ചി​രി​ക്കുന്ന ഒരു നോട്ടീസ്‌ അദ്ദേഹ​ത്തി​നു നൽകുക. പരസ്യ​യോ​ഗ​ത്തെ​ക്കു​റിച്ച്‌ വിശദീ​ക​രി​ക്കു​ക​യും അദ്ദേഹത്തെ ക്ഷണിക്കു​ക​യും ചെയ്യുക.

⁶ പഴയ പുസ്‌ത​കങ്ങൾ സമർപ്പി​ക്കു​മ്പോൾ, ഒരു ലഘുലേഖ വിശേ​ഷ​വത്‌ക​രി​ച്ചു​കൊ​ണ്ടുള്ള ലളിത​മായ ഒരു അവതര​ണ​മാ​ണു നിങ്ങൾ ഇഷ്ടപ്പെ​ടു​ന്ന​തെ​ങ്കിൽ ഇങ്ങനെ പറയാ​വു​ന്ന​താണ്‌:

◼ “സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ശീർഷ​ക​ത്തി​ലുള്ള ഈ ലഘുലേഖ താങ്കൾക്കു തരുന്ന​തി​നു ഞാനാ​ഗ്ര​ഹി​ക്കു​ന്നു.” അതു വീട്ടു​കാ​രനു കൊടു​ത്തിട്ട്‌ നിങ്ങൾ ആദ്യഖ​ണ്ഡിക വായി​ക്കു​മ്പോൾ അതിൽ നോക്കി​യി​രി​ക്കാൻ അദ്ദേഹ​ത്തോട്‌ അഭ്യർഥി​ക്കുക. അവിടെ ഉന്നയി​ച്ചി​രി​ക്കുന്ന ചോദ്യ​ങ്ങൾക്ക്‌ ഉത്തരം പറയാ​മോ​യെന്നു ചോദി​ക്കുക. രണ്ടാം ഖണ്ഡിക വായി​ച്ചിട്ട്‌ നിങ്ങൾ സമർപ്പി​ക്കു​ന്നത്‌ ഏതു പുസ്‌ത​ക​മാ​യാ​ലും അതിൽനിന്ന്‌ പറുദീ​സ​യു​ടെ ഒരു ചിത്രം കാണി​ച്ചു​കൊ​ടു​ക്കുക. ഇങ്ങനെ പറഞ്ഞു​കൊണ്ട്‌ തുടരുക: “ഭാവി സംബന്ധി​ച്ചുള്ള ബൈബി​ളി​ന്റെ അത്ഭുത​ക​ര​മായ വാഗ്‌ദ​ത്ത​ങ്ങ​ളെ​ക്കു​റിച്ച്‌ ഈ പുസ്‌തകം കൂടു​ത​ലായ വിവരങ്ങൾ പ്രദാനം ചെയ്യുന്നു”. പുസ്‌തകം സമർപ്പി​ക്കുക, മടക്കസ​ന്ദർശ​ന​ത്തി​നു ക്രമീ​ക​രി​ക്കുക.

⁷ മറ്റുള്ള​വർക്കാ​യി നാം വെച്ചു​നീ​ട്ടുന്ന ഹൃദ്യ​മായ ക്ഷണം യഹോവ ഇപ്പോൾ ലഭ്യമാ​ക്കുന്ന ജീവജ​ല​ത്തി​ങ്ക​ലേക്ക്‌ അവർ വരുന്ന​തിന്‌ ഇടയാ​ക്കി​യേ​ക്കാം. അതു​കൊണ്ട്‌ ദാഹി​ക്കുന്ന ഏവനോ​ടും നമുക്ക്‌ “വരിക” എന്നു പറയാം.—വെളി. 22:17.