നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—സേവന മേൽവി​ചാ​ര​കൻ

¹ സഭയുടെ നിയമിത പ്രദേ​ശത്തെ സാക്ഷീ​കരണ വേലയു​ടെ പുരോ​ഗ​തി​യു​മാ​യി ബന്ധപ്പെട്ട എല്ലാ കാര്യ​ങ്ങ​ളി​ലും സേവന മേൽവി​ചാ​രകൻ അങ്ങേയറ്റം തത്‌പ​ര​നാണ്‌. അങ്ങനെ, സുവാർത്ത പ്രസം​ഗി​ക്കാ​നുള്ള ഉത്തരവാ​ദി​ത്വം നിവർത്തി​ക്കാൻ നമ്മെ സഹായി​ക്കു​ന്ന​തിൽ അദ്ദേഹം ഒരു മർമ​പ്ര​ധാന പങ്കു വഹിക്കു​ന്നു. തീക്ഷ്‌ണ​ത​യുള്ള ഒരു സുവി​ശേ​ഷകൻ എന്ന നിലയിൽ, വയൽസേ​വ​ന​വു​മാ​യി ബന്ധപ്പെട്ട എല്ലാ കാര്യാ​ദി​ക​ളും സംഘടി​പ്പി​ക്കു​ന്ന​തിൽ അദ്ദേഹം നേതൃ​ത്വ​മെ​ടു​ക്കു​ന്നു. പ്രാപ്‌തി​യുള്ള ഒരു അധ്യാ​പകൻ എന്ന നിലയിൽ, ശുശ്രൂ​ഷ​യിൽ തങ്ങളുടെ ഫലപ്രാപ്‌തി വർധി​പ്പി​ക്കാൻ അദ്ദേഹം ഓരോ പ്രസാ​ധ​ക​നെ​യും സഹായി​ക്കു​ന്നു.—എഫെ. 4:11, 13.

² സാഹി​ത്യം, മാസിക, പ്രദേശം എന്നീ ഡിപ്പാർട്ടു​മെ​ന്റു​കൾ കൈകാ​ര്യം ചെയ്യാൻ നിയമി​ക്ക​പ്പെ​ട്ടി​രി​ക്കുന്ന ശുശ്രൂ​ഷാ​ദാ​സ​ന്മാ​രു​ടെ പ്രവർത്ത​ന​ത്തിന്‌ ഈ മൂപ്പൻ നേരിട്ടു മേൽനോ​ട്ടം വഹിക്കു​ന്നു. നമ്മുടെ ഉപയോ​ഗ​ത്തി​നാ​യി ഓരോ മാസവും വേണ്ടത്ര സാഹി​ത്യ​വും മാസി​ക​ക​ളും സേവന ഫാറങ്ങ​ളും ഉണ്ടെന്ന്‌ ഉറപ്പു​വ​രു​ത്താ​നുള്ള ഉത്തരവാ​ദി​ത്വം അദ്ദേഹ​ത്തി​നുണ്ട്‌. വർഷത്തി​ലൊ​രി​ക്കൽ അദ്ദേഹം പ്രദേശ ഫയൽ പുനര​വ​ലോ​കനം ചെയ്യു​ക​യും സന്ദർശി​ക്കേ​ണ്ട​തി​ല്ലെന്ന്‌ നമ്മെ അറിയിച്ച എല്ലാ മേൽവി​ലാ​സ​ങ്ങ​ളും കണ്ടുപി​ടിച്ച്‌ ആ ഭവനങ്ങൾ സന്ദർശി​ക്കാ​നാ​യി യോഗ്യ​രായ സഹോ​ദ​ര​ങ്ങളെ നിയമി​ക്കു​ക​യും ചെയ്യുന്നു.

³ വ്യാപാര മേഖല​ക​ളി​ലെ സാക്ഷീ​ക​രണം, തെരുവു സാക്ഷീ​ക​രണം, ടെല​ഫോൺ സാക്ഷീ​ക​രണം എന്നിവ ഉൾപ്പെടെ വ്യത്യസ്‌ത പ്രസംഗ മേഖല​ക​ളിൽ മേൽനോ​ട്ടം വഹിക്കാൻ സേവന മേൽവി​ചാ​ര​കന്‌ ഉത്തരവാ​ദി​ത്വ​മുണ്ട്‌. അവധി ദിവസങ്ങൾ ഉൾപ്പെടെ വാരത്തി​ലു​ട​നീ​ളം സേവന​ത്തിന്‌ ഒന്നിച്ചു കൂടാ​നുള്ള പ്രാ​യോ​ഗിക ക്രമീ​ക​ര​ണങ്ങൾ ചെയ്യു​ന്ന​തിൽ അദ്ദേഹം ശ്രദ്ധി​ക്കു​ന്നു. ബൈബിൾ അധ്യയന വേലയിൽ അദ്ദേഹം യഥാർഥ താത്‌പ​ര്യം പ്രകട​മാ​ക്കു​ന്നു. ശുശ്രൂ​ഷ​യിൽ ക്രമമി​ല്ലാ​ത്ത​വ​രോ നിഷ്‌ക്രി​യ​രോ ആകുന്ന​വർക്ക്‌ ആത്മീയ സഹായം പ്രദാനം ചെയ്യാ​നുള്ള വഴികൾ അദ്ദേഹം തേടുന്നു. അദ്ദേഹം പയനി​യർമാ​രു​ടെ പ്രവർത്ത​ന​ത്തിൽ നല്ല താത്‌പ​ര്യം എടുക്കു​ക​യും പയനി​യർമാർ മറ്റുള്ള​വരെ സഹായി​ക്കു​ന്നു എന്ന പരിപാ​ടി​ക്കു നേതൃ​ത്വം വഹിക്കു​ക​യും ചെയ്യുന്നു.

⁴ സഭാ സേവന കമ്മിറ്റി​യി​ലെ ഒരു അംഗമെന്ന നിലയിൽ, സഭാ പുസ്‌ത​കാ​ധ്യ​യന കൂട്ടങ്ങ​ളിൽ വരുത്തേണ്ട ഭേദഗ​തി​കൾ അദ്ദേഹം അവതരി​പ്പി​ക്കു​ന്നു. അദ്ദേഹം നിങ്ങളു​ടെ പുസ്‌ത​കാ​ധ്യ​യന കൂട്ടത്തെ സന്ദർശി​ക്കു​മ്പോൾ, സന്നിഹി​ത​നാ​യി​രി​ക്കാ​നും അദ്ദേഹ​ത്തോ​ടൊ​പ്പം വയൽ സേവന​ത്തിൽ പങ്കുപ​റ്റാ​നും തീർച്ച​പ്പെ​ടു​ത്തുക.

⁵ സേവന മേൽവി​ചാ​രകൻ നൽകുന്ന മാർഗ​നിർദേ​ശ​ങ്ങ​ളോ​ടു സഭയിലെ എല്ലാവ​രും മനസ്സൊ​രു​ക്ക​ത്തോ​ടെ സഹകരി​ക്കണം. അതു ശിഷ്യ​രാ​ക്കൽ വേലയി​ലെ ഫലപ്ര​ദ​ത്വം വർധി​പ്പി​ക്കാ​നും ശുശ്രൂ​ഷ​യിൽ വർധിച്ച സന്തോഷം കണ്ടെത്താ​നും നമ്മെ സഹായി​ക്കും.