മാതാ​പി​താ​ക്കളേ—നിങ്ങളു​ടെ കുട്ടി​കൾക്കു നല്ല ഒരു മാതൃക വെക്കുക

¹ ദൈവ​വ​ചനം നമ്മോട്‌ ഇങ്ങനെ പറയുന്നു: “നീതി​മാ​ന്റെ അപ്പൻ [അമ്മയും] ഏറ്റവും ആനന്ദി​ക്കും.” (സദൃ. 23:24, 25) തങ്ങളുടെ മക്കൾക്ക്‌ നല്ല മാതൃക ആയിരി​ക്കുന്ന മാതാ​പി​താ​ക്കൾക്ക്‌ എന്തൊ​ര​നു​ഗ്രഹം! ഒരു ബ്രാഞ്ച്‌ കമ്മിറ്റി​യം​ഗം തന്റെ മാതാ​പി​താ​ക്കളെ കുറിച്ച്‌ ഇങ്ങനെ പറഞ്ഞു: “അവരുടെ മുഴു​ജീ​വി​ത​വും സത്യത്തെ കേന്ദ്രീ​ക​രി​ച്ചി​രു​ന്നു, എന്റെ മുഴു ജീവി​ത​വും സത്യത്തെ കേന്ദ്രീ​ക​രി​ച്ചാ​യി​രി​ക്കാ​നാണ്‌ ഞാനും ആഗ്രഹി​ച്ചത്‌.” തങ്ങളുടെ മാതാ​പി​താ​ക്ക​ളിൽ കുട്ടികൾ കാണേ​ണ്ടത്‌ എന്താണ്‌?

² നല്ല പെരു​മാ​റ്റ​രീ​തി​ക​ളും ആഴമായ ആദരവും: ആരോ​ഗ്യാ​വ​ഹ​മായ സ്വഭാവ സവി​ശേ​ഷ​തകൾ കുട്ടി​ക​ളിൽ ഉൾനടേണ്ട ഉത്തരവാ​ദി​ത്വം മാതാ​പി​താ​ക്ക​ളു​ടേ​താണ്‌. നല്ല പെരു​മാ​റ്റ​രീ​തി​കൾ പഠിക്കു​ന്നത്‌ കേവലം പറഞ്ഞു​കൊ​ടു​ക്കു​ന്ന​തി​ലൂ​ടെയല്ല, മറിച്ച്‌ നിരീ​ക്ഷി​ക്കു​ന്ന​തി​ലൂ​ടെ​യും അനുക​രി​ക്കു​ന്ന​തി​ലൂ​ടെ​യു​മാണ്‌. അതു​കൊണ്ട്‌, എങ്ങനെ​യുള്ള പെരു​മാ​റ്റ​രീ​തി​ക​ളാണ്‌ നിങ്ങളു​ടേത്‌? “ക്ഷമിക്കണം”, “ദയവായി”, “നന്ദി” എന്നിങ്ങ​നെ​യുള്ള വാക്കുകൾ നിങ്ങളിൽ നിന്നു കുട്ടികൾ കേൾക്കു​ന്നു​ണ്ടോ? കുടും​ബ​ത്തി​നു​ള്ളിൽ, ആഴമായ ആദര​വോ​ടെ​യാ​ണോ നിങ്ങൾ പരസ്‌പരം പെരു​മാ​റു​ന്നത്‌? മറ്റുള്ളവർ സംസാ​രി​ക്കു​മ്പോൾ നിങ്ങൾ ശ്രദ്ധി​ക്കാ​റു​ണ്ടോ? കുട്ടികൾ നിങ്ങ​ളോ​ടു സംസാ​രി​ക്കു​മ്പോൾ നിങ്ങൾ ശ്രദ്ധി​ക്കാ​റു​ണ്ടോ? രാജ്യ​ഹാ​ളി​ലും വീട്ടിലെ സ്വകാ​ര്യ​ത​യി​ലും ഒരു​പോ​ലെ ഇത്തരം സദ്‌ഗു​ണങ്ങൾ പ്രകട​മാ​കു​ന്നു​വോ?

³ ശക്തമായ ആത്മീയ​ത​യും തീക്ഷ്‌ണ​മായ പ്രവർത്ത​ന​വും: മുഴു​സമയ ശുശ്രൂ​ഷ​യിൽ 50-ലധികം വർഷം ചെലവ​ഴിച്ച ഒരു സഹോ​ദരൻ ഇങ്ങനെ അനുസ്‌മ​രി​ക്കു​ന്നു: “യോഗ​ങ്ങ​ളോ​ടു വിലമ​തി​പ്പും ശുശ്രൂ​ഷ​യോ​ടു തീക്ഷ്‌ണ​ത​യും കാട്ടു​ന്ന​തിൽ എന്റെ മാതാ​പി​താ​ക്കൾ അത്യുത്തമ മാതൃ​ക​ക​ളാ​യി​രു​ന്നു.” കുടും​ബാം​ഗങ്ങൾ ആത്മീയത നിലനിർത്തുന്ന കാര്യ​ത്തിൽ നിങ്ങൾ തത്‌പ​ര​രാ​ണെന്ന്‌ എങ്ങനെ​യാ​ണു കുട്ടി​കളെ ബോധ്യ​പ്പെ​ടു​ത്തുക? നിങ്ങൾ ഒരുമി​ച്ചി​രുന്ന്‌ ദിനവാ​ക്യം പരിചി​ന്തി​ക്കാ​റു​ണ്ടോ? ക്രമമായ ഒരു കുടും​ബാ​ധ്യ​യനം നിങ്ങൾക്കു​ണ്ടോ? ബൈബി​ളും സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളും നിങ്ങൾ വായി​ക്കു​ന്ന​താ​യി കുട്ടികൾ കാണു​ന്നു​ണ്ടോ? കുടും​ബ​ത്തി​നു​വേണ്ടി നിങ്ങൾ പ്രാർഥി​ക്കു​മ്പോൾ അവർ കേൾക്കു​ന്നത്‌ എന്താണ്‌? സത്യ​ത്തെ​യും സഭയെ​യും കുറിച്ച്‌ ക്രിയാ​ത്മ​ക​മായ സംഗതി​കൾ ചർച്ച ചെയ്‌തു​കൊണ്ട്‌, കുട്ടി​ക​ളു​മാ​യി കെട്ടു​പ​ണി​ചെ​യ്യുന്ന ആത്മീയ സംഭാ​ഷ​ണ​ങ്ങ​ളിൽ നിങ്ങൾ ഏർപ്പെ​ടാ​റു​ണ്ടോ? ഒരു കുടും​ബം എന്ന നിലയിൽ എല്ലാ യോഗ​ങ്ങ​ളി​ലും ഹാജരാ​കു​ന്ന​തി​ലും വയൽ ശുശ്രൂ​ഷ​യിൽ പങ്കു പറ്റുന്ന​തി​ലും നിങ്ങൾ ഉത്സാഹ​മു​ള്ള​വ​രാ​ണോ?

⁴ മാതാ​പി​താ​ക്കളേ, കുട്ടി​കൾക്കാ​യി നിങ്ങൾ വെക്കുന്ന മാതൃ​കയെ കുറിച്ച്‌ ചിന്തി​ക്കുക. ഏറ്റവും നല്ല ഒരു മാതൃക വെക്കുക, ജീവി​ത​ത്തി​ലു​ട​നീ​ളം അവർ അത്‌ അമൂല്യ​മാ​യി കരുതും. ഒരു സഞ്ചാര മേൽവി​ചാ​ര​കന്റെ ഭാര്യ—ഇപ്പോൾ 70-ലധികം വയസ്സുണ്ട്‌—പിൻവ​രുന്ന പ്രകാരം പറഞ്ഞു: “സ്‌നേ​ഹ​നി​ധി​ക​ളായ എന്റെ ക്രിസ്‌തീയ മാതാ​പി​താ​ക്ക​ളു​ടെ നല്ല മാതൃ​ക​യിൽ നിന്നു ഞാൻ ഇപ്പോ​ഴും പ്രയോ​ജനം അനുഭ​വി​ക്കു​ന്നു. ഭാവി​യി​ലും ഈ പൈതൃ​കത്തെ ഉചിത​മാ​യി ഉപയോ​ഗി​ച്ചു​കൊണ്ട്‌ അതി​നോ​ടുള്ള എന്റെ പൂർണ​മായ വിലമ​തി​പ്പു തെളി​യി​ക്കാൻ ഇടയാ​ക്ക​ണമേ എന്നാണ്‌ എന്റെ ആത്മാർഥ​മായ പ്രാർഥന.”