“നന്മ ചെയ്യു​ന്ന​തിൽ” തുടരുക

¹ യഹോവയാം ദൈവ​ത്തി​ന്റെ ഒരു ദാസൻ ആയിത്തീർന്ന​പ്പോൾ നിങ്ങൾ ഉചിത​മായ ഒരു കാര്യം അഥവാ “നന്മ” ചെയ്‌തു. എന്നിരു​ന്നാ​ലും, ഈ ദുർഘട നാളു​ക​ളിൽ “നന്മ ചെയ്യു​ന്ന​തിൽ” തുടരുക എന്നത്‌ ഒരു വെല്ലു​വി​ളി​യാണ്‌. (ഗലാ. 6:9, NW) അതിന്‌ യഥാർഥ ശ്രമം ആവശ്യ​മാണ്‌. എങ്കിലും നിങ്ങൾക്ക്‌ അതിനു സാധി​ക്കും. എങ്ങനെ?

² യേശുവിന്റെ മാനസിക ഭാവം നട്ടുവ​ളർത്തുക: നിങ്ങൾ രാജ്യ പ്രത്യാ​ശ​യിൽ ശ്രദ്ധ കേന്ദ്രീ​ക​രി​ക്കു​ന്നെ​ങ്കിൽ യേശു​വി​നെ പോലെ പരി​ശോ​ധ​ന​കളെ സഹിച്ചു​നിൽക്കാൻ കഴിയും. (എബ്രാ. 12:2, 3) യഹോവ നിങ്ങളെ സ്‌നേ​ഹി​ക്കു​ന്നെ​ന്നും നിങ്ങൾ വിജയി​ക്കാൻ അവൻ ആഗ്രഹി​ക്കു​ന്നെ​ന്നും ഉറപ്പു​ള്ള​വ​രാ​യി​രി​ക്കുക. (2 പത്രൊ. 3:9) അവൻ നിങ്ങളെ സഹായി​ക്കു​മെന്ന ഉറച്ച ബോധ്യ​ത്തോ​ടെ അവനിൽ പൂർണ​മാ​യി ആശ്രയി​ക്കുക. (1 കൊരി. 10:13) സഹിച്ചു​നിൽക്കാ​നുള്ള സഹായ​ത്തിന്‌ യഹോ​വ​യോ​ടു യാചി​ച്ചു​കൊണ്ട്‌ പ്രാർഥ​ന​യിൽ ഉറ്റിരി​ക്കുക. (റോമ. 12:13) നിങ്ങളു​ടെ സഹിഷ്‌ണുത ദൈവ​ദൃ​ഷ്ടി​യിൽ ഒരു അംഗീ​കൃത നിലയ്‌ക്ക്‌ ഇടയാ​ക്കു​മെന്ന ബോധ്യ​ത്തിൽ സന്തോ​ഷി​ക്കുക. (റോമ. 5:3-5, NW) “ക്രിസ്‌തു​യേ​ശു​വിന്‌ ഉണ്ടായി​രുന്ന അതേ മാനസിക ഭാവം” നട്ടുവ​ളർത്തു​ന്ന​തിൽ വിശ്വ​സ്‌ത​രാ​യി​രി​ക്കു​ന്നത്‌ നിങ്ങൾക്കു വ്യക്തി​പ​ര​മായ സംതൃ​പ്‌തി നൽകു​ക​യും യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യും ചെയ്യും.—റോമ. 15:5, NW; സദൃ. 27:11.

³ ദിവ്യാധിപത്യ പ്രവർത്ത​ന​ങ്ങ​ളിൽ വീഴ്‌ച വരുത്താ​തി​രി​ക്കുക: നന്മ ചെയ്യു​ന്ന​തിൽ തുടരാൻ തന്റെ ജനത്തെ സഹായി​ക്കു​ന്ന​തിന്‌ യഹോവ ചെയ്‌തി​രി​ക്കുന്ന കരുത​ലു​ക​ളിൽനി​ന്നു പൂർണ പ്രയോ​ജനം നേടുക. ദൈവ​വ​ചനം വായി​ക്കു​ന്ന​തി​നും വിശ്വ​സ്‌ത​നും വിവേ​കി​യു​മായ അടിമ വർഗം പ്രദാനം ചെയ്യുന്ന ബൈബിൾ അധിഷ്‌ഠിത പ്രസി​ദ്ധീ​ക​ര​ണങ്ങൾ പഠിക്കു​ന്ന​തി​നും ഒരു നല്ല വ്യക്തിഗത ദിനചര്യ നിലനി​റു​ത്തുക. എല്ലാ സഭാ​യോ​ഗ​ങ്ങൾക്കും തയ്യാറാ​യി ഹാജരാ​കു​ക​യും അതിൽ പങ്കുപ​റ്റു​ക​യും ചെയ്യു​ന്ന​തിൽ വിശ്വ​സ്‌ത​രാ​യി​രി​ക്കുക. ക്രിസ്‌തീയ യോഗ​ങ്ങൾക്കു മുമ്പും പിമ്പും ആത്മീയ സഹോ​ദ​ര​ങ്ങ​ളോട്‌ അടുത്തു സഹവസി​ക്കുക. വയൽസേ​വ​ന​ത്തിൽ അർഥവ​ത്തായ പങ്കുണ്ടാ​യി​രി​ക്കു​ന്ന​തി​നും സുവാർത്ത അവതരി​പ്പി​ക്കു​ന്ന​തി​ലെ നിങ്ങളു​ടെ കഴിവു​കൾ മെച്ച​പ്പെ​ടു​ത്തു​ന്ന​തി​നും ശുശ്രൂ​ഷ​യിൽ വസ്‌തു​നി​ഷ്‌ഠ​മായ ലാക്കുകൾ വെക്കുക.

⁴ അപ്രകാരം നിങ്ങൾക്കു നന്മ ചെയ്യു​ന്ന​തിൽ തുടരാ​നും അതേസ​മയം വർധിച്ച സന്തോഷം അനുഭ​വി​ക്കാ​നും കഴിയും. ഇതി​നോ​ടുള്ള ബന്ധത്തിൽ ഇറ്റലി​യി​ലുള്ള ഒരു സഹോ​ദരൻ ഇങ്ങനെ പറഞ്ഞു: “യഹോ​വ​യു​ടെ സേവന​ത്തിൽ ദിവസം മുഴുവൻ ചെലവ​ഴി​ച്ച​ശേഷം വൈകു​ന്നേരം വീട്ടി​ലേക്കു മടങ്ങു​മ്പോൾ ക്ഷീണം തോന്നു​ന്നു എന്നതു ശരിയാണ്‌. എന്നിരു​ന്നാ​ലും ഞാൻ സന്തുഷ്ട​നാണ്‌. ആർക്കും കവർന്നെ​ടു​ക്കാൻ കഴിയാത്ത സന്തോഷം നൽകി​യ​തിന്‌ ഞാൻ യഹോ​വ​യോ​ടു നന്ദി പറയു​ക​യും ചെയ്യുന്നു.” അതു​കൊണ്ട്‌, നന്മ ചെയ്യു​ന്ന​തിൽ തുടരുക, നിങ്ങൾക്കും വർധിച്ച സന്തോഷം അനുഭ​വി​ക്കാ​നാ​കും.