യഹോ​വയെ സ്‌തു​തി​ക്കാൻ മക്കളെ പഠിപ്പി​ക്കു​ക

1. കുട്ടി​കൾക്ക്‌ യഹോ​വയെ സ്‌തു​തി​ക്കാൻ കഴിയു​മോ?

¹ സങ്കീർത്തനം 148:12, 13 “യഹോ​വ​യു​ടെ നാമത്തെ സ്‌തുതി”ക്കാൻ ബാലന്മാ​രെ​യും ബാലി​ക​മാ​രെ​യും പ്രോ​ത്സാ​ഹി​പ്പി​ക്കു​ന്നു. അങ്ങനെ ചെയ്‌ത​തി​ന്റെ അനേകം ദൃഷ്ടാ​ന്തങ്ങൾ ബൈബി​ളി​ലുണ്ട്‌. ഉദാഹ​ര​ണ​ത്തിന്‌, “ശമൂവേൽ . . . യഹോ​വ​യു​ടെ സന്നിധി​യിൽ ശുശ്രൂഷ ചെയ്‌തു​പോ​ന്നു” എന്നു നാം വായി​ക്കു​ന്നു. (1 ശമൂ. 2:18) നയമാന്റെ കുഷ്‌ഠം ഭേദമാ​ക്കാൻ ഇസ്രാ​യേ​ലി​ലെ യഹോ​വ​യു​ടെ പ്രവാ​ച​കനു കഴിയു​മെന്ന്‌ നയമാന്റെ ഭാര്യ​യോ​ടു പറഞ്ഞത്‌ “ഒരു ചെറിയ പെൺകു​ട്ടി” ആയിരു​ന്നു. (2 രാജാ. 5:1-3) യേശു ആലയത്തിൽ പ്രവേ​ശിച്ച്‌ അത്ഭുതങ്ങൾ പ്രവർത്തി​ച്ച​പ്പോൾ “ദാവീ​ദ്‌പു​ത്രന്നു ഹോശന്നാ” എന്ന്‌ ആർത്തു​വി​ളി​ച്ചത്‌ ‘ബാലന്മാർ’ ആയിരു​ന്നു. (മത്താ. 21:15) യഹോ​വയെ സ്‌തു​തി​ക്കാൻ മാതാ​പി​താ​ക്കൾക്കു മക്കളെ എങ്ങനെ പഠിപ്പി​ക്കാം?

2. മാതാ​പി​താ​ക്കൾ മക്കൾക്കു നല്ല മാതൃക വെക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

² മാതൃക: ഇസ്രാ​യേ​ലി​ലെ ഓരോ പിതാ​വും തിരു​വെ​ഴു​ത്തു​സ​ത്യം മക്കൾക്ക്‌ ഉപദേ​ശി​ച്ചു​കൊ​ടു​ക്കേ​ണ്ടി​യി​രു​ന്നു. എന്നാൽ കുടും​ബ​നാ​ഥ​ന്മാ​രെന്ന നിലയിൽ ആദ്യം അവർതന്നെ യഹോ​വയെ സ്‌നേ​ഹി​ക്ക​ണ​മെ​ന്നും അവന്റെ കൽപ്പനകൾ അവരുടെ ഹൃദയ​ത്തിൽ ഉണ്ടായി​രി​ക്ക​ണ​മെ​ന്നും യഹോവ നിർദേ​ശി​ച്ചി​രു​ന്നു. (ആവ. 6:5-9) നിങ്ങൾ ശുശ്രൂ​ഷ​യെ​ക്കു​റി​ച്ചു ക്രിയാ​ത്മ​ക​മാ​യി സംസാ​രി​ക്കു​ക​യും ശുശ്രൂ​ഷ​യി​ലേർപ്പെ​ടു​ന്നതു പ്രതി​വാര പട്ടിക​യു​ടെ ഭാഗമാ​ക്കു​ക​യും ചെയ്യു​ന്നെ​ങ്കിൽ മക്കൾ ശുശ്രൂ​ഷയെ പ്രാധാ​ന്യ​മർഹി​ക്കു​ന്ന​തും ആസ്വാ​ദ്യ​വു​മാ​യി വീക്ഷി​ക്കാൻ പ്രേരി​ത​രാ​യി​ത്തീ​രും.

3. മാതാ​പി​താ​ക്ക​ളു​ടെ മാതൃക ഒരു സഹോ​ദ​രി​യിൽ എന്തു ഫലമു​ള​വാ​ക്കി?

³ ഒരു സഹോ​ദരി സന്തോ​ഷ​പൂർവം പറയുന്നു: “എന്റെ കുട്ടി​ക്കാ​ലത്ത്‌ വാരാന്ത്യ വയൽസേ​വനം ഞങ്ങളുടെ കുടും​ബ​ത്തി​ന്റെ പ്രതി​വാര പട്ടിക​യു​ടെ ഭാഗമാ​യി​രു​ന്നു. എന്റെ മാതാ​പി​താ​ക്കൾ പ്രസം​ഗ​വേല ശരിക്ക്‌ ആസ്വദി​ച്ചി​രു​ന്ന​താ​യി എനിക്കു കാണാൻ കഴിഞ്ഞു. ശുശ്രൂ​ഷ​യി​ലേർപ്പെ​ടു​ന്നതു രസകര​മായ അനുഭ​വ​മാ​യി വീക്ഷി​ച്ചു​കൊ​ണ്ടാ​ണു ഞങ്ങൾ വളർന്നു​വ​ന്നത്‌.” ഈ സഹോ​ദരി ഏഴാം വയസ്സിൽ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധി​ക​യാ​യി, 32-ലധികം വർഷമാ​യി മുഴു​സമയ സേവന​ത്തി​ലു​മാണ്‌.

4. മക്കളെ ക്രമാ​നു​ഗ​ത​മാ​യി പരിശീ​ലി​പ്പി​ക്കു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

⁴ ക്രമാനുഗതമായ പരിശീ​ലനം: നിങ്ങൾ ശുശ്രൂ​ഷ​യി​ലേർപ്പെ​ടു​മ്പോൾ മക്കളെ​യും അതിൽ ഉൾപ്പെ​ടു​ത്തുക. ഡോർബെൽ അടിക്കുക, വീട്ടു​കാ​രനു ലഘുലേഖ നൽകുക, ഒരു തിരു​വെ​ഴു​ത്തു വായി​ക്കുക എന്നീ കാര്യങ്ങൾ ഒരുപക്ഷേ അവർക്കു ചെയ്യാ​നാ​കും. ഇത്‌ ശുശ്രൂഷ കൂടുതൽ രസകര​മാ​ക്കി​ത്തീർക്കു​ന്ന​തി​നും പ്രസം​ഗ​പ്ര​വർത്ത​ന​ത്തിൽ കൂടുതൽ ആത്മ​ധൈ​ര്യം നേടു​ന്ന​തി​നും അവരെ സഹായി​ക്കും. മുതിർന്നു​വ​രവേ ശുശ്രൂ​ഷ​യി​ലുള്ള അവരുടെ പങ്കു വർധി​ക്കണം. അതു​കൊണ്ട്‌, പുരോ​ഗതി വരുത്താ​നും ആത്മീയ ലക്ഷ്യങ്ങ​ളെ​ക്കു​റി​ച്ചു ചിന്തി​ക്കാ​നും അവരെ സഹായി​ക്കുക.

5. ഒരു കുട്ടിക്ക്‌ സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​ക​നാ​യി​ത്തീ​രാ​നുള്ള യോഗ്യത പ്രാപി​ക്കാൻ എങ്ങനെ കഴിയും?

⁵ മക്കൾ സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​ക​രാ​കാൻ യോഗ്യത പ്രാപി​ച്ചെന്നു നിങ്ങൾക്കു തോന്നു​ക​യും ഒപ്പം അവർതന്നെ അത്തര​മൊ​രു ആഗ്രഹം പ്രകടി​പ്പി​ക്കു​ക​യും ചെയ്‌താ​ലു​ടൻ മൂപ്പന്മാ​രോ​ടു സംസാ​രി​ക്കുക. ഒരു പ്രസാ​ധ​ക​നാ​യി​ത്തീ​രു​ന്നത്‌ യഹോ​വയെ സ്‌തു​തി​ക്കാ​നുള്ള വ്യക്തി​പ​ര​മായ ഉത്തരവാ​ദി​ത്വ​ത്തെ​ക്കു​റിച്ച്‌ അവരെ ബോധ​വാ​ന്മാ​രാ​ക്കും. ഒരു കുട്ടിക്ക്‌ യോഗ്യത പ്രാപി​ക്കാൻ സ്‌നാ​പ​ന​മേറ്റ മുതിർന്ന​വ​രു​ടെ അത്രയും അറിവ്‌ ആവശ്യ​മി​ല്ലെന്ന കാര്യം മനസ്സിൽപ്പി​ടി​ക്കുക. അടിസ്ഥാന ബൈബിൾ ഉപദേ​ശങ്ങൾ കുട്ടിക്ക്‌ അറിയാ​മോ? ബൈബി​ളി​ന്റെ ധാർമിക നിലവാ​ര​ങ്ങ​ളോട്‌ അവൻ പറ്റിനിൽക്കു​ന്നു​വോ? ശുശ്രൂ​ഷ​യിൽ ഏർപ്പെ​ടാ​നും യഹോ​വ​യു​ടെ സാക്ഷി​യാ​യി തിരി​ച്ച​റി​യ​പ്പെ​ടാ​നും അവൻ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ അവൻ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധ​ക​നാ​കാൻ യോഗ്യ​നാ​ണെന്നു മൂപ്പന്മാർ തീരു​മാ​നി​ച്ചേ​ക്കാം.—യഹോ​വ​യു​ടെ ഹിതം ചെയ്യാൻ സംഘടി​തർ, പേജ്‌ 79-82 കാണുക.

6. മക്കളെ പരിശീ​ലി​പ്പി​ക്കു​ന്നത്‌ മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

⁶ ഹൃദയപൂർവം യഹോ​വയെ സ്‌തു​തി​ക്കാൻ മക്കളെ പരിശീ​ലി​പ്പി​ക്കു​ന്ന​തി​നു നല്ല ശ്രമം ആവശ്യ​മാണ്‌. മക്കൾ ആത്മീയ പുരോ​ഗതി കൈവ​രി​ക്കു​ന്നതു കാണു​ന്ന​തി​നെ​ക്കാൾ സന്തോഷം നൽകുന്ന ചുരു​ക്കം​ചില കാര്യ​ങ്ങളേ മാതാ​പി​താ​ക്ക​ളു​ടെ ജീവി​ത​ത്തിൽ ഉണ്ടാകാ​റു​ള്ളൂ. അതിലു​പ​രി​യാ​യി, കുട്ടികൾ തന്റെ അത്ഭുത​പ്ര​വൃ​ത്തി​ക​ളെ​ക്കു​റി​ച്ചു ഘോഷി​ക്കു​ന്നത്‌ യഹോ​വ​യെ​യും സംപ്രീ​ത​നാ​ക്കു​ന്നു.