“എതിരാ​ളി​ക​ളാൽ ഒന്നിലും കുലു​ങ്ങി​പ്പോ​കാ​തെ”

¹ ഫിലി​പ്പി​യർ 1:27-ലെ മേൽപ്പറഞ്ഞ വാക്കുകൾ രേഖ​പ്പെ​ടു​ത്തി​യ​പ്പോൾ പൗലൊ​സി​ന്റെ മനസ്സി​ലു​ണ്ടാ​യി​രു​ന്നത്‌ ഫിലി​പ്പി​യിൽവെച്ച്‌ നേരി​ടേ​ണ്ടി​വന്ന എതിർപ്പാ​യി​രി​ക്കാം. (പ്രവൃ. 16:19-24) എങ്കിലും സുവാർത്ത പ്രസം​ഗി​ക്കു​ന്ന​തിൽനിന്ന്‌ അവൻ ഭയന്നു പിന്മാ​റി​യില്ല. ആ അനുഭ​വ​ത്തിൽനിന്ന്‌ നമുക്കു പലതും പഠിക്കാ​നുണ്ട്‌.

² ശുശ്രൂ​ഷ​യി​ലാ​യി​രി​ക്കു​മ്പോൾ ആളുകൾ കൂട്ടമാ​യി നമ്മെ നേരി​ടാൻ വന്നാൽ എന്തു ചെയ്യണം? അവർ നമ്മെ പോലീസ്‌ സ്റ്റേഷനി​ലേക്ക്‌ കൊണ്ടു​പോ​കു​ന്നെ​ങ്കി​ലോ? രണ്ടു സാഹച​ര്യ​ങ്ങ​ളും വ്യത്യ​സ്‌ത​മാ​ണെ​ങ്കി​ലും, സഹായ​ക​മായ ചില തത്ത്വങ്ങൾ നോക്കാം.

³ ആൾക്കൂട്ടം വളഞ്ഞാൽ: സാധ്യ​മെ​ങ്കിൽ ആളുകൾ തടിച്ചു​കൂ​ടു​ന്ന​തി​നു മുമ്പു​തന്നെ അവിടം​വി​ട്ടു പോകുക. (പ്രവൃ. 14:6, 7) നിങ്ങളെ തടഞ്ഞു​വെ​ച്ചാൽ മൊ​ബൈൽ ഫോണി​ലൂ​ടെ പോലീ​സി​നെ വിളി​ക്കുക. നെഹെ​മ്യാ​വി​നെ​പ്പോ​ലെ പെട്ടെ​ന്നു​തന്നെ യഹോ​വ​യോ​ടു പ്രാർഥി​ക്കുക. (നെഹെ. 2:4) ജനക്കൂ​ട്ട​ത്തോ​ടോ അവരുടെ നേതാ​വി​നോ​ടോ, ദൈവ​ത്തോ​ടുള്ള അവരുടെ ആദരവി​നെ എടുത്തു​കാ​ട്ടി വളരെ നയപര​മാ​യി സംസാ​രി​ച്ചു​കൊണ്ട്‌ രംഗം ശാന്തമാ​ക്കി നിറു​ത്താൻ ശ്രമി​ക്കുക. അക്രമാ​സ​ക്ത​മായ ഒരു ജനക്കൂട്ടം എതിരി​ടാൻ വന്നപ്പോൾ പൗലൊ​സും ഇതുത​ന്നെ​യാണ്‌ ചെയ്‌തത്‌.—പ്രവൃ.

21:27-22:30.

⁴ നിങ്ങളെ ഭീഷണി​പ്പെ​ടു​ത്തു​ക​യോ ദേഹോ​പ​ദ്ര​വ​മേൽപ്പി​ക്കു​ക​യോ ചെയ്യു​ന്നെ​ങ്കി​ലോ? ആത്മരക്ഷാർഥം എന്തെങ്കി​ലും ചെയ്യു​ന്നത്‌ ഉചിത​മാ​ണോ? ഇത്‌ ഓരോ വ്യക്തി​യും തീരു​മാ​നി​ക്കേണ്ട കാര്യ​മാണ്‌. ഇതുമാ​യി ബന്ധപ്പെട്ട സഹായ​ക​മായ തത്ത്വങ്ങൾ, “അക്രമ​ത്തി​നി​ര​യാ​കു​മ്പോൾ” (വീക്ഷാ​ഗോ​പു​രം, (ഇംഗ്ലീഷ്‌) 1991 മേയ്‌ 1, പേജ്‌ 4-7), “ഞാൻ ആത്മരക്ഷാ​മാർഗങ്ങൾ അഭ്യസി​ക്കേ​ണ്ട​തു​ണ്ടോ?” (ഉണരുക!, 1995 സെപ്‌റ്റം​ബർ 22, പേജ്‌ 12-14) തുടങ്ങിയ ലേഖന​ങ്ങ​ളിൽ കാണാ​വു​ന്ന​താണ്‌. ഇപ്പോൾത്തന്നെ അവ വായി​ച്ചു​വെ​ക്കു​ന്നത്‌ നന്നായി​രി​ക്കും.

⁵ പോലീസ്‌ സ്റ്റേഷനി​ലേക്ക്‌ കൊണ്ടു​പോ​യാൽ: മറ്റുള്ള​വ​രോട്‌ സമാധാ​ന​പ​ര​മാ​യി നിങ്ങളു​ടെ വിശ്വാ​സം പങ്കു​വെ​ക്കു​ന്നത്‌ നിയമ​ലം​ഘ​നമല്ല. ഓരോ വ്യക്തി​യു​ടെ​യും നിയമ​പ​ര​മായ അവകാ​ശ​മാണ്‌ അത്‌. പോലീസ്‌ ചോദ്യം ചെയ്‌താൽ, നിങ്ങൾ എന്താണ്‌ ചെയ്യു​ന്ന​തെന്ന്‌ ആദര​വോ​ടെ അവരോ​ടു പറയുക. ശമ്പളം പറ്റി​ക്കൊ​ണ്ടല്ല ബൈബിൾസ​ന്ദേശം അറിയി​ക്കു​ന്ന​തെ​ന്നും മതംമാ​റാൻ ആരെയും സ്വാധീ​നി​ക്കു​ന്നി​ല്ലെ​ന്നും വ്യക്തമാ​ക്കുക.

⁶ പോലീസ്‌ അപമര്യാ​ദ​യാ​യി പെരു​മാ​റി​യാൽ, സംരക്ഷണം നൽകാ​നുള്ള അവരുടെ കടമ​യെ​ക്കു​റിച്ച്‌ നയപര​മാ​യി ഓർമി​പ്പി​ക്കുക. ആവശ്യ​മെ​ങ്കിൽ അവരുടെ മേലധി​കാ​രി​ക​ളോ​ടു പരാതി​പ്പെ​ടുക. (റോമ. 13:3, 4; സഭാ. 5:8) യഹോവ കൂടെ​യു​ണ്ടാ​യി​രി​ക്കു​മെന്ന ഉറപ്പു​ണ്ടാ​യി​രി​ക്കുക, ശാന്തത കൈ​വെ​ടി​യാ​തി​രി​ക്കുക.—ലൂക്കൊ. 12:11, 12.

⁷ എവി​ടെ​യെ​ങ്കി​ലും ഒപ്പിടാൻ പോലീസ്‌ ആവശ്യ​പ്പെ​ടു​ന്ന​പക്ഷം വിവരങ്ങൾ ശ്രദ്ധാ​പൂർവം വായിച്ച്‌ അതിൽ പറഞ്ഞി​രി​ക്കു​ന്ന​തെ​ല്ലാം കൃത്യ​മാ​ണെന്ന്‌ ഉറപ്പു​വ​രു​ത്തുക. നിങ്ങളു​ടെ മതവി​ശ്വാ​സങ്ങൾ മറ്റുള്ള​വ​രു​മാ​യി ഇനി​യൊ​രി​ക്ക​ലും പങ്കു​വെ​ക്കു​ക​യി​ല്ലെന്നു പറയുന്ന ഒരു രേഖയി​ലും ഒപ്പിട​രുത്‌. കേസെ​ടു​ക്കു​ന്ന​പക്ഷം, നിങ്ങളു​ടെ പേരി​ലുള്ള ആരോ​പണം എന്താ​ണെ​ന്നും കേസ്‌ ഏതു വകുപ്പിൽപ്പെ​ടു​ന്ന​താ​ണെ​ന്നും ചോദി​ച്ച​റി​യുക. എതിരാ​ളി​കൾ അപമര്യാ​ദ​യാ​യി പെരു​മാ​റി​യി​ട്ടു​ണ്ടെ​ങ്കിൽ അവർക്കെ​തി​രെ കേസ്‌ ഫയൽചെ​യ്യാൻ ആവശ്യ​പ്പെ​ടുക. അതു നിങ്ങളു​ടെ അവകാ​ശ​മാ​യ​തു​കൊണ്ട്‌ അതിൽ ഉറച്ചു​നിൽക്കുക. പരി​ക്കേ​റ്റി​ട്ടു​ണ്ടെ​ങ്കിൽ പോലീ​സി​നോട്‌ നിങ്ങളെ ഡോക്ട​റു​ടെ​യ​ടു​ത്തോ ആശുപ​ത്രി​യി​ലേ​ക്കോ കൊണ്ടു​പോ​കാൻ നിർബ​ന്ധ​മാ​യും പറയുക.

⁸ യഹോ​വ​യിൽ ആശ്രയി​ക്കുക: അധികാ​രി​ക​ളു​ടെ​യോ കോട​തി​ക​ളു​ടെ​യോ മുമ്പാകെ നമ്മെ ഹാജരാ​ക്കി​യേ​ക്കാം എന്ന്‌ യേശു പറഞ്ഞി​ട്ടു​ണ്ടെന്ന്‌ ഓർക്കുക. (മത്താ. 10:17, 18) ഉപദ്രവം നേരി​ട്ടാൽ ഒരിക്ക​ലും ഭയന്നു​പി​ന്മാ​റ​രുത്‌. പകരം യഹോവ നിങ്ങളു​ടെ പ്രാർഥന കേൾക്കു​മെന്ന ഉറപ്പോ​ടെ ശക്തിക്കാ​യി അവനോ​ടു യാചി​ക്കുക. “സർവ്വഭ​ക്തി​യോ​ടും ഘനത്തോ​ടും​കൂ​ടെ സാവധാ​ന​ത​യും സ്വസ്ഥത​യു​മുള്ള ജീവനം” നയിക്കാൻ അധികാ​രി​കൾ നമ്മെ ഇടയാ​ക്ക​ണമേ എന്നു പ്രാർഥി​ക്കാ​നും നമുക്കു കഴിയും. (1 തിമൊ. 2:1, 2) ശുശ്രൂ​ഷ​യിൽ യഹോ​വ​യെ​ക്കു​റിച്ച്‌ തുടർന്നും സംസാ​രി​ക്കവേ, എതിർപ്പു​ണ്ടാ​കു​ന്ന​പക്ഷം അവൻ നമ്മെ ശക്തീക​രി​ക്കു​മെന്ന്‌ ഉറപ്പു​ണ്ടാ​യി​രി​ക്കുക.