ബൈബി​ള​ധ്യ​യനം ആരംഭി​ക്കാൻ ഒരു പുതിയ ലേഖന പരമ്പര

1. വീക്ഷാ​ഗോ​പു​ര​ത്തി​ന്റെ പൊതു​ജ​ന​ങ്ങൾക്കുള്ള പതിപ്പിൽ ഏതു പുതിയ ലേഖന പരമ്പര ഉണ്ടായി​രി​ക്കും, എന്ത്‌ ലക്ഷ്യത്തി​ലാണ്‌ ഇത്‌ തയ്യാറാ​ക്കു​ന്നത്‌?

¹ ബൈബി​ള​ധ്യ​യനം ആരംഭി​ക്കാൻ സഹായ​ക​മായ ഒരു പുതിയ ലേഖന പരമ്പര അടുത്ത മാസം​മു​തൽ വീക്ഷാ​ഗോ​പു​ര​ത്തി​ന്റെ പൊതു​ജ​ന​ങ്ങൾക്കുള്ള പതിപ്പിൽ ഉണ്ടായി​രി​ക്കും. “ദൈവ​വ​ച​ന​ത്തിൽനി​ന്നു പഠിക്കുക” എന്നായി​രി​ക്കും ഇതിന്റെ ശീർഷകം. നമ്മുടെ പ്രദേ​ശ​ത്തുള്ള പലരും ഈ പരമ്പര​യി​ലെ ലേഖനങ്ങൾ വായി​ക്കു​ന്നത്‌ ആസ്വദി​ക്കും എന്നതിൽ സംശയ​മില്ല, എന്നാൽ വാസ്‌ത​വ​ത്തിൽ ഇത്‌ അവരു​മാ​യി ചർച്ച​ചെ​യ്യാൻ ഉദ്ദേശിച്ച്‌ തയ്യാറാ​ക്കു​ന്ന​താണ്‌.

2. ഈ ലേഖന​ങ്ങ​ളു​ടെ ചില സവി​ശേ​ഷ​തകൾ എന്തെല്ലാം?

² സവി​ശേ​ഷ​തകൾ: ചോദ്യ​ങ്ങൾ ചോദി​ച്ചു​കൊ​ണ്ടു ചർച്ച നടത്താൻ സഹായി​ക്കു​ന്ന​തി​നാ​യി ലേഖന​ത്തി​ലെ തലക്കെ​ട്ടും ഉപതല​ക്കെ​ട്ടു​ക​ളും ചോദ്യ​രൂ​പേ​ണ​യാ​ണു തയ്യാറാ​ക്കു​ന്നത്‌. മുഖ്യ തിരു​വെ​ഴു​ത്തു​കൾ ഉദ്ധരി​ക്കാ​തെ പരാമർശി​ക്കുക മാത്രം ചെയ്‌തി​രി​ക്കു​ന്നത്‌ വീട്ടു​കാ​രനു ദൈവ​വ​ച​ന​ത്തിൽനി​ന്നു നേരിട്ടു പഠിക്കാ​നുള്ള അവസരം പ്രദാനം ചെയ്യും. ഖണ്ഡിക​ക​ളു​ടെ ദൈർഘ്യം കുറവാ​യ​തി​നാൽ വീട്ടു​വാ​തിൽക്കൽ നിന്നു​കൊ​ണ്ടു​പോ​ലും ചർച്ച നടത്താ​നാ​കും. ഓരോ ലേഖന​ത്തി​ലും ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലേ​ക്കുള്ള പരാമർശ​മുണ്ട്‌. അതു​കൊണ്ട്‌ ഉചിത​മെന്നു തോന്നു​മ്പോൾ ആ പുസ്‌ത​ക​ത്തി​ലേക്കു ശ്രദ്ധ ക്ഷണിക്കു​ന്ന​തി​നും അത്‌ ഉപയോ​ഗി​ച്ചു അധ്യയനം തുടരു​ന്ന​തി​നും സാധി​ക്കും.

3. വീടു​തോ​റു​മുള്ള വേലയിൽ വീട്ടു​വാ​തിൽക്കൽവെച്ച്‌ അധ്യയനം നടത്താൻ ഈ ലേഖന​പ​രമ്പര എങ്ങനെ ഉപയോ​ഗി​ക്കാ​നാ​കും?

³ എങ്ങനെ ഉപയോ​ഗി​ക്കാം: ഓരോ ലക്കത്തി​ലും ഈ പരമ്പര​യി​ലെ മൂന്നു​ലേ​ഖ​നങ്ങൾ ഉണ്ടാകും. മാസിക സമർപ്പി​ക്കു​മ്പോൾ ഏതെങ്കി​ലും ഒരു ലേഖന​ത്തി​ലെ പൊതു​വായ വിഷയത്തെ അടിസ്ഥാ​ന​മാ​ക്കി താത്‌പ​ര്യ​ജ​ന​ക​മായ ഒരു ചോദ്യം ചോദി​ക്കുക. ഉദാഹ​ര​ണ​ത്തിന്‌, ജൂലൈ-സെപ്‌റ്റം​ബർ ലക്കത്തിൽ പ്രത്യ​ക്ഷ​പ്പെ​ടുന്ന ഈ പരമ്പര​യി​ലെ ആദ്യ ലേഖനം ബൈബി​ളി​ന്റെ മൂല്യ​ത്തെ​ക്കു​റിച്ച്‌ ചർച്ച​ചെ​യ്യു​ന്നു. നമുക്ക്‌ ഇങ്ങനെ ചോദി​ക്കാ​നാ​യേ​ക്കും: “നിങ്ങൾ ബൈബി​ളി​നെ ദൈവ​വ​ച​ന​മാ​യി​ട്ടാ​ണോ അതോ ഒരു നല്ല പുസ്‌തകം മാത്ര​മാ​യി​ട്ടാ​ണോ വീക്ഷി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ഈ വിഷയ​ത്തെ​ക്കു​റിച്ച്‌ ഒരു പ്രധാ​ന​പ്പെട്ട ആശയം നിങ്ങളു​മാ​യി പങ്കു​വെ​ക്കാൻ ഞാൻ ആഗ്രഹി​ക്കു​ന്നു.” ആദ്യത്തെ ചോദ്യം ചൂണ്ടി​കാ​ണി​ച്ച​ശേഷം അതിനു താഴെ കാണുന്ന ഖണ്ഡിക വായി​ക്കുക. പരാമർശി​ച്ചി​രി​ക്കുന്ന തിരു​വെ​ഴു​ത്തും ബൈബി​ളിൽനി​ന്നു വായി​ക്കുക. ചോദ്യം വീണ്ടും വായി​ച്ച​ശേഷം വീട്ടു​കാ​രന്റെ അഭി​പ്രാ​യം ആരായുക. അക്കമിട്ടു നൽകി​യി​രി​ക്കുന്ന ചോദ്യ​ങ്ങൾ ചർച്ചയ്‌ക്കുള്ള പോയി​ന്റു​ക​ളാ​യി ഉപയോ​ഗി​ച്ചു​കൊണ്ട്‌ സാധി​ക്കു​ന്നത്ര ഭാഗം വീട്ടു​കാ​ര​നു​മാ​യി ചർച്ച​ചെ​യ്യാ​നാ​കും. അതിനു​ശേഷം അക്കമിട്ടു നൽകി​യി​രി​ക്കുന്ന അടുത്ത ചോദ്യ​ത്തി​ലേക്കു വീട്ടു​കാ​രന്റെ ശ്രദ്ധ ക്ഷണിക്കു​ക​യും മടങ്ങി​ച്ചെന്ന്‌ അതേക്കു​റിച്ച്‌ ചർച്ച​ചെ​യ്യാൻ ക്രമീ​ക​രി​ക്കു​ക​യും ചെയ്യുക. ഈ ലേഖന​ത്തി​ലെ ശേഷിച്ച ഭാഗങ്ങൾ തുടർന്നുള്ള വാരങ്ങ​ളിൽ പരിചി​ന്തി​ക്കാ​നാ​കും. ബൈബിൾ പഠിപ്പി​ക്കു​ന്നു പുസ്‌തകം ഉപയോ​ഗി​ച്ചുള്ള ഒരു അധ്യയ​ന​മാ​യി ചർച്ച പരിണ​മി​ക്കു​ന്ന​തു​വരെ ഈ പരമ്പര​യി​ലെ മറ്റു ലേഖന​ങ്ങ​ളും ഈ രീതി​യിൽ ചർച്ച ചെയ്യാം. ഇനി മറ്റൊരു മാർഗം, താത്‌പ​ര്യം കാണി​ക്കുന്ന വീട്ടു​കാ​രന്‌ ഈ ലേഖനം ഉപയോ​ഗി​ച്ചു നേരിട്ടു ബൈബി​ള​ധ്യ​യനം വാഗ്‌ദാ​നം ചെയ്യുക എന്നതാണ്‌. അധ്യയനം നടത്തു​ന്നത്‌ എങ്ങനെ​യെ​ന്നും അവതരി​പ്പി​ച്ചു കാണി​ക്കുക.

4. മടക്കസ​ന്ദർശ​നങ്ങൾ നടത്തു​മ്പോൾ ഈ ലേഖനങ്ങൾ നമു​ക്കെ​ങ്ങനെ ഉപയോ​ഗി​ക്കാ​നാ​കും?

⁴ മടക്കസ​ന്ദർശ​നങ്ങൾ നടത്തു​മ്പോ​ഴും മാസി​കാ​റൂ​ട്ടി​ലു​ള്ള​വ​രോ​ടു സംസാ​രി​ക്കു​മ്പോ​ഴും ഈ ലേഖന​പ​രമ്പര നിങ്ങൾക്കു ഫലപ്ര​ദ​മാ​യി ഉപയോ​ഗി​ക്കാ​നാ​കും. ഉദാഹ​ര​ണ​ത്തിന്‌, “ഈ വീക്ഷാ​ഗോ​പു​ര​ത്തിൽ ഒരു പ്രത്യേക ലേഖനം ഉണ്ട്‌, ഞാൻ അത്‌ നിങ്ങ​ളെ​യൊ​ന്നു പരിച​യ​പ്പെ​ടു​ത്തട്ടെ” എന്നു പറഞ്ഞു​കൊണ്ട്‌ ഈ ലേഖന​ത്തി​ലേക്കു ശ്രദ്ധ ക്ഷണിക്കാ​നാ​യേ​ക്കും. ഇനിയും അനേകം ആളുകൾ ‘സത്യത്തി​ന്റെ പരിജ്ഞാ​ന​ത്തിൽ എത്താൻ’ ഈ പുതിയ ലേഖന​പ​രമ്പര ഒരു സഹായ​മാ​കട്ടെ എന്നു ഞങ്ങൾ പ്രാർഥി​ക്കു​ന്നു.—1 തിമൊ. 2:4.