ചോദ്യ​പ്പെ​ട്ടി

◼ ക്രിസ്‌തീയ യോഗ​ങ്ങ​ളിൽ പഠനത്തി​നു സഹായ​ക​മായ ഒരു അന്തരീക്ഷം ഉണ്ടായി​രി​ക്കാൻ എല്ലാവർക്കും എങ്ങനെ സഹായി​ക്കാ​നാ​കും? (ആവ. 31:12, 13)

യോഗ​ങ്ങൾക്കു നേരത്തേ എത്തി​ച്ചേ​രു​ന്ന​തി​നും അങ്ങനെ യഹോ​വ​യാൽ പഠിപ്പി​ക്ക​പ്പെ​ടാൻ ഒരുങ്ങി​യി​രി​ക്കു​ന്ന​തി​നും ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ക്കു​ക​യാണ്‌. അങ്ങനെ ചെയ്യു​ന്നത്‌ യഹോ​വ​യോ​ടും ക്രിസ്‌തീയ യോഗ​ങ്ങ​ളോ​ടു​മുള്ള ആഴമായ ആദരവി​ന്റെ തെളി​വാ​യി​രി​ക്കും. ആദ്യമാ​ദ്യം എത്തുന്നവർ ഹാളിന്റെ മുൻഭാ​ഗത്തെ ഇരിപ്പി​ട​ങ്ങ​ളിൽ ഇരിക്കു​ക​യാ​ണെ​ങ്കിൽ, കൊച്ചു​കു​ട്ടി​കൾ ഉള്ളവർക്കും വല്ലപ്പോ​ഴു​മൊ​ക്കെ വൈകി എത്തുന്ന​വർക്കും പിന്നിൽ ഇരിപ്പി​ടങ്ങൾ ലഭ്യമാ​യി​രി​ക്കും. യോഗം ആരംഭി​ക്കു​ന്ന​തി​നു മുമ്പു​തന്നെ മൊ​ബൈൽ ഫോൺ, പേജർ എന്നിവ മറ്റുള്ള​വർക്കു ശല്യമാ​കാ​ത്ത​വി​ധം സെറ്റു​ചെ​യ്‌തു​വെ​ക്കുക. യോഗ​സ​മ​യ​ത്തു​ട​നീ​ളം നമുക്കു ഭക്തിനിർഭ​ര​മായ ഒരു മനോ​ഭാ​വം ഉണ്ടെങ്കിൽ മറ്റുള്ള​വർക്കു ശല്യമാ​യേ​ക്കാ​വുന്ന സാഹച​ര്യ​ങ്ങൾ നാം പരമാ​വധി ഒഴിവാ​ക്കും.—സഭാ. 5:1, NW; ഫിലി. 2:4

പുതു​താ​യി ആളുകൾ യോഗ​ങ്ങൾക്കു വരു​മ്പോൾ അവർക്കു പരിച​യ​മുള്ള ആരെങ്കി​ലും അവരോ​ടൊ​പ്പം ഇരിക്കു​ന്നത്‌ നല്ലതാണ്‌. അവരോ​ടൊ​പ്പം കൊച്ചു​കു​ട്ടി​കൾ ഉണ്ടെങ്കിൽ അവർക്കു പരിശീ​ലനം നൽകാൻ ഇതു സഹായ​ക​മാ​കും. ഒരുപക്ഷേ, അത്തരം കുടും​ബങ്ങൾ ആദ്യമാ​യി​ട്ടാ​യി​രി​ക്കാം യോഗ​ങ്ങൾക്കു ഹാജരാ​കു​ന്നത്‌. ഹാളിന്റെ പിൻഭാ​ഗത്തെ ഇരിപ്പി​ട​ങ്ങ​ളിൽ ഇരിക്കാ​നാ​യി​രി​ക്കും അവർ താത്‌പ​ര്യ​പ്പെ​ടുക, കാരണം കുഞ്ഞു​ങ്ങ​ളു​ടെ ആവശ്യ​ത്തി​നാ​യി ഇടയ്‌ക്കൊ​ക്കെ പുറത്തു​പോ​കേ​ണ്ടി​വ​രു​ന്നെ​ങ്കിൽ മറ്റുള്ള​വർക്ക്‌ അതു ശല്യമാ​കി​ല്ല​ല്ലോ. (സദൃ. 22:6, 15) കൊച്ചു​കു​ട്ടി​ക​ളുള്ള കുടും​ബ​ങ്ങ​ളും പ്രധാ​ന​ഹാ​ളിൽത്തന്നെ ഇരിക്കു​ന്ന​താണ്‌ ഏറെ നല്ലത്‌. അല്ലാത്ത​പക്ഷം, കുട്ടികൾ ഓടി​ക്ക​ളി​ക്കാ​നും ഒച്ചവെ​ക്കാ​നു​മൊ​ക്കെ കൂടുതൽ ചായ്‌വു​കാ​ണി​ച്ചേ​ക്കാം. എന്നാൽ, ശിക്ഷണം നൽകു​ന്ന​തി​നും കുട്ടി​ക​ളു​ടെ മറ്റാവ​ശ്യ​ങ്ങൾക്കു​മാ​യി അവരെ പ്രധാ​ന​ഹാ​ളിന്‌ വെളി​യിൽ കൊണ്ടു​പോ​കു​ന്നത്‌ നന്നായി​രി​ക്കും. അതിനു​ശേഷം അവരെ പ്രധാ​ന​ഹാ​ളി​ലേ​ക്കു​തന്നെ തിരി​കെ​ക്കൊ​ണ്ടു​വ​രിക.

ആരാധനാ സ്ഥലത്തിനു യോജിച്ച ഒരു അന്തരീക്ഷം നിലനിർത്തു​ന്ന​തിൽ സേവക​ന്മാർ ഗണ്യമായ പങ്കു വഹിക്കു​ന്നു. ഇരിപ്പി​ടങ്ങൾ കണ്ടെത്താൻ കുടും​ബ​ങ്ങ​ളെ​യും ഇടയ്‌ക്കൊ​ക്കെ വൈകി​യെ​ത്തു​ന്ന​വ​രെ​യും അവർക്കു സഹായി​ക്കാ​നാ​കും. മറ്റുള്ള​വർക്കു ശല്യമാ​കാ​ത്ത​വി​ധം ഇരിപ്പി​ട​ങ്ങ​ളിൽ ചെന്നി​രി​ക്കാൻ അവരെ സഹായി​ക്കു​മ്പോൾ സേവക​ന്മാർ നയവും വിവേ​ച​ന​യും പ്രകട​മാ​ക്കു​ന്നു. യോഗ​സ​മ​യത്ത്‌ ശ്രദ്ധപ​ത​റി​ച്ചേ​ക്കാ​വുന്ന എന്തെങ്കി​ലും അപ്രതീ​ക്ഷി​ത​മാ​യി സംഭവി​ച്ചാൽ, നല്ല വിവേ​ച​ന​യോ​ടെ​യാണ്‌ അവർ അതു കൈകാ​ര്യം​ചെ​യ്യുക. കുഞ്ഞു​ങ്ങ​ളു​ടെ പെരു​മാ​റ്റ​രീ​തി​കൾ മറ്റുള്ള​വർക്കു ശല്യമാ​കു​ന്നെ​ങ്കിൽ സേവക​ന്മാർ സദയം സഹായം നൽകും.

യഹോ​വ​യെ​ക്കു​റി​ച്ചും നീതി​യും സമാധാ​ന​വും കളിയാ​ടുന്ന പുതിയ ഭൂമി​യെ​ക്കു​റി​ച്ചും ചർച്ച​ചെ​യ്യുന്ന ക്രിസ്‌തീയ യോഗ​ങ്ങ​ളിൽ, പഠനത്തി​നു സഹായ​ക​മായ ഒരു അന്തരീക്ഷം നിലനിർത്താൻ ഹാജരാ​കുന്ന എല്ലാവർക്കും സഹായി​ക്കാ​നാ​കും.—എബ്രാ. 10:24, 25.