ദൈവം നൽകിയ അതി​ശ്രേഷ്‌ഠ സമ്മാന​ത്തി​നാ​യി നന്ദിയു​ള്ള​വ​രാ​യി​രി​ക്കുക

1. നാം യഹോ​വ​യോട്‌ വിശേ​ഷാൽ നന്ദിയു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌?

¹ യഹോവ നമുക്ക്‌ അനേകം ‘നല്ല ദാനങ്ങൾ’ നൽകി​യി​ട്ടുണ്ട്‌. എന്നാൽ അവയിൽ ഏറ്റവും ശ്രേഷ്‌ഠം, തന്റെ പ്രിയ പുത്രനെ മറുവി​ല​യാ​യി നൽകി​യ​താണ്‌. (യാക്കോ. 1:17) പാപങ്ങ​ളു​ടെ ക്ഷമ ഉൾപ്പെടെ നിരവധി അനു​ഗ്ര​ഹങ്ങൾ അതിലൂ​ടെ സാധ്യ​മാ​കു​ന്നു. (എഫെ. 1:7) അതിനാ​യി നാം എപ്പോ​ഴും നന്ദിയു​ള്ള​വ​രാണ്‌. അമൂല്യ​മായ ഈ സമ്മാന​ത്തെ​ക്കു​റി​ച്ചു ധ്യാനി​ക്കു​ന്ന​തിന്‌ സ്‌മാ​ര​ക​കാ​ലത്ത്‌ പ്രത്യേ​കി​ച്ചും നാം സമയം ചെലവ​ഴി​ക്കും.

2. മറുവി​ല​യോ​ടുള്ള നമ്മു​ടെ​യും കുടും​ബ​ത്തി​ന്റെ​യും വിലമ​തിപ്പ്‌ എങ്ങനെ വർധി​പ്പി​ക്കാം?

² വിലമ​തിപ്പ്‌ വർധി​പ്പി​ക്കുക: ദൈവം തന്ന സമ്മാന​ത്തോ​ടുള്ള നിങ്ങളു​ടെ കുടും​ബ​ത്തി​ന്റെ വിലമ​തി​പ്പു വളർത്തി​യെ​ടു​ക്കാൻ എന്തു ചെയ്യാ​നാ​കും? സ്‌മാ​ര​കാ​ച​രണം നടത്തുന്ന മാർച്ച്‌ 30-നു മുമ്പുള്ള ആഴ്‌ച​ക​ളി​ലെ കുടും​ബാ​രാ​ധ​ന​യു​ടെ സമയം, മറുവി​ല​യെ​ക്കു​റി​ച്ചു ചർച്ച​ചെ​യ്യു​ന്ന​തിന്‌ ഉപയോ​ഗി​ക്ക​രു​തോ? കൂടാതെ സ്‌മാരക വാരത്തി​ലേക്കു പട്ടിക​പ്പെ​ടു​ത്തി​യി​രി​ക്കുന്ന തിരു​വെ​ഴു​ത്തു​കൾ കുടും​ബം ഒത്തൊ​രു​മിച്ച്‌ വായി​ക്കുക. മറുവില വ്യക്തി​പ​ര​മാ​യി നിങ്ങൾക്ക്‌ എങ്ങനെ പ്രയോ​ജനം ചെയ്‌തി​രി​ക്കു​ന്നു​വെ​ന്നും യഹോ​വ​യെ​യും നിങ്ങ​ളെ​ത്ത​ന്നെ​യും മറ്റുള്ള​വ​രെ​യും ഭാവി​യെ​യും കുറി​ച്ചുള്ള നിങ്ങളു​ടെ വീക്ഷണത്തെ എങ്ങനെ സ്വാധീ​നി​ച്ചി​രി​ക്കു​ന്നു​വെ​ന്നും ധ്യാനി​ക്കുക.—സങ്കീ. 77:12.

3. ഏതെല്ലാം വിധങ്ങ​ളിൽ നമുക്ക്‌ നന്ദി കാണി​ക്കാ​നാ​കും?

³ നന്ദി പ്രവൃ​ത്തി​യി​ലൂ​ടെ: മറുവി​ല​യോ​ടുള്ള വിലമ​തിപ്പ്‌ യഹോ​വ​യെ​ക്കു​റി​ച്ചും തന്റെ പുത്രനെ നൽകി​യ​തി​ലൂ​ടെ അവൻ കാണിച്ച സ്‌നേ​ഹ​ത്തെ​ക്കു​റി​ച്ചും മറ്റുള്ള​വ​രോ​ടു പറയാൻ നമ്മെ പ്രേരി​പ്പി​ക്കു​ന്നു. (സങ്കീ. 145:2-7) മാർച്ച്‌, ഏപ്രിൽ, മേയ്‌ മാസങ്ങ​ളിൽ കുടും​ബ​ത്തി​ലെ ഒരംഗ​ത്തി​നെ​ങ്കി​ലും സഹായ പയനി​യ​റാ​യി സേവി​ക്കാ​നുള്ള അവസരം ഒരുക്കി​ക്കൊണ്ട്‌ ചില കുടും​ബങ്ങൾ തങ്ങളുടെ വിലമ​തി​പ്പു പ്രകട​മാ​ക്കു​ന്നു. ഇനി, അതിനു കഴിയു​ന്നി​ല്ലെ​ങ്കിൽ, ‘സമയം വിലയ്‌ക്കു​വാ​ങ്ങി​ക്കൊണ്ട്‌’ ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കാൻ നിങ്ങൾക്കു കഴിയു​മോ? (എഫെ. 5:16, അടിക്കു.) സ്‌മാ​ര​ക​ത്തി​നു ഹാജരാ​കാൻ മറ്റുള്ള​വരെ സഹായി​ക്കാ​നും വിലമ​തി​പ്പു നമ്മെ പ്രേരി​പ്പി​ക്കും. (വെളി. 22:17) താത്‌പ​ര്യ​ക്കാർ, ബൈബിൾ വിദ്യാർഥി​കൾ, ബന്ധുക്കൾ, സഹപ്ര​വർത്തകർ, അയൽക്കാർ എന്നിങ്ങനെ സ്‌മാ​ര​ക​ത്തി​നു ക്ഷണിക്കാ​നു​ള്ള​വ​രു​ടെ ഒരു ലിസ്റ്റ്‌ തയ്യാറാ​ക്കുക. ഒപ്പം, സ്‌മാ​ര​ക​ക്ഷ​ണ​ക്കത്ത്‌ വിതരണം ചെയ്യു​ന്ന​തിൽ സജീവ​മാ​യി പങ്കുപ​റ്റുക.

4. ഈ സ്‌മാ​ര​ക​കാ​ലം നമുക്ക്‌ എങ്ങനെ ജ്ഞാനപൂർവം ഉപയോ​ഗി​ക്കാം?

⁴ മനുഷ്യ​വർഗ​ത്തിന്‌ യഹോവ നൽകിയ ആ മഹത്തായ സമ്മാനം നാം എത്രമാ​ത്രം വിലമ​തി​ക്കു​ന്നു​വെന്നു കാണി​ക്കാ​നുള്ള അനേക അവസര​ങ്ങ​ളാണ്‌ സ്‌മാ​ര​ക​കാ​ലത്ത്‌ നമുക്കു ലഭ്യമാ​യി​രി​ക്കു​ന്നത്‌. മറുവി​ല​യോ​ടും “ക്രിസ്‌തു​വി​ങ്കലെ അളവറ്റ ധന”ത്തോടും ഉള്ള വിലമ​തിപ്പ്‌ വളർത്തി​യെ​ടു​ക്കാ​നും അതു പ്രകടി​പ്പി​ക്കാ​നും നമുക്ക്‌ ഈ അവസരം ഉപയോ​ഗി​ക്കാം.—എഫെ. 3:8.