നമുക്ക്‌ വിലമ​തി​പ്പു കാണി​ക്കാം! സ്‌മാ​ര​കാ​ച​രണം, ഏപ്രിൽ 17

1. സ്‌മാ​ര​ക​കാ​ലത്ത്‌ സങ്കീർത്ത​ന​ക്കാ​രന്റെ ഏതു മനോ​ഭാ​വം നമുക്കു പ്രതി​ഫ​ലി​പ്പി​ക്കാം?

¹ പല കഷ്ടങ്ങളിൽനി​ന്നും തന്നെ വിടു​വി​ക്കു​ക​യും തന്നോട്‌ കരുണ കാണി​ക്കു​ക​യും ചെയ്‌ത യഹോ​വ​യോട്‌ സങ്കീർത്ത​ന​ക്കാ​രൻ കൃതജ്ഞ​ത​യോ​ടെ ചോദി​ച്ചു: “യഹോവ എനിക്കു ചെയ്‌ത സകല ഉപകാ​ര​ങ്ങൾക്കും ഞാൻ അവന്നു എന്തു പകരം കൊടു​ക്കും?” (സങ്കീ. 116:12) ഇന്നത്തെ ദൈവ​ദാ​സ​ന്മാർക്ക്‌ യഹോ​വ​യോ​ടു കൃതജ്ഞത തോന്നാൻ അതിലും വലി​യൊ​രു കാരണ​മുണ്ട്‌. സങ്കീർത്ത​ന​ക്കാ​രൻ ആ വാക്കുകൾ രേഖ​പ്പെ​ടു​ത്തി നൂറ്റാ​ണ്ടു​കൾക്കു​ശേഷം യഹോവ മനുഷ്യ​വർഗ​ത്തിന്‌ അമൂല്യ​മായ ഒരു സമ്മാനം നൽകി; തന്റെ പുത്രന്റെ ജീവൻ അവൻ നമുക്കു​വേണ്ടി മറുവി​ല​യാ​യി നൽകി. ഏപ്രിൽ 17-ാം തീയതി ക്രിസ്‌തു​വി​ന്റെ മരണത്തി​ന്റെ ഓർമ ആചരി​ക്കാ​നാ​യി തയ്യാ​റെ​ടു​ക്കവെ ആ ദാന​ത്തോ​ടുള്ള നന്ദി പ്രകടി​പ്പി​ക്കാൻ നമുക്ക്‌ അവസര​മുണ്ട്‌.—കൊലോ. 3:15.

2. മറുവി​ല​യോട്‌ വിലമ​തി​പ്പു കാണി​ക്കാൻ നമുക്ക്‌ എന്തു കാരണ​ങ്ങ​ളുണ്ട്‌?

² മറുവി​ല​യി​ലൂ​ടെ കൈവ​രുന്ന അനു​ഗ്ര​ഹങ്ങൾ: “നമ്മുടെ പാപങ്ങ​ളു​ടെ മോചനം” സാധ്യ​മാ​കു​ന്നത്‌ മറുവി​ല​യി​ലൂ​ടെ​യാണ്‌. (കൊലോ. 1:13, 14) ഒരു ശുദ്ധ മനസ്സാ​ക്ഷി​യോ​ടെ യഹോ​വ​യ്‌ക്ക്‌ ആരാധന അർപ്പി​ക്കാൻ ഇതുമൂ​ലം നമുക്കു കഴിയു​ന്നു. (എബ്രാ. 9:13, 14) പ്രാർഥ​ന​യിൽ യഹോ​വയെ സമീപി​ക്കാൻ നമുക്കു സ്വാത​ന്ത്ര്യ​മു​ള്ള​തും അതു​കൊ​ണ്ടു​തന്നെ. (എബ്രാ. 4:14-16) മറുവി​ല​യിൽ വിശ്വാ​സം അർപ്പി​ക്കു​ന്ന​വർക്ക്‌ നിത്യം ജീവി​ക്കാ​നുള്ള മഹത്തായ പ്രത്യാ​ശ​യു​മുണ്ട്‌.—യോഹ. 3:16.

3. മറുവി​ല​യോ​ടുള്ള വിലമ​തിപ്പ്‌ പ്രകടി​പ്പി​ക്കാ​നാ​കുന്ന ചില മാർഗ​ങ്ങ​ളേവ?

³ എങ്ങനെ വിലമ​തി​പ്പു കാണി​ക്കാം? സ്‌മാ​ര​ക​കാ​ല​ത്തേ​ക്കാ​യി പട്ടിക​പ്പെ​ടു​ത്തി​യി​രി​ക്കുന്ന ബൈബിൾ വായനാ​ഭാ​ഗം വായി​ക്കു​ക​യും അതി​നെ​ക്കു​റി​ച്ചു ധ്യാനി​ക്കു​ക​യും ചെയ്യു​ന്ന​താണ്‌ വിലമ​തി​പ്പു കാണി​ക്കാ​നുള്ള ഒരു മാർഗം. മറുവില നാം എത്രമാ​ത്രം വിലമ​തി​ക്കു​ന്നു​വെന്ന്‌ ഹൃദയം​ഗ​മ​മായ പ്രാർഥ​ന​യി​ലൂ​ടെ നമുക്ക്‌ യഹോ​വയെ അറിയി​ക്കാ​നാ​കും. (1 തെസ്സ. 5:17, 18) യേശു​വി​ന്റെ കൽപ്പന അനുസ​രിച്ച്‌ സ്‌മാ​ര​കാ​ച​ര​ണ​ത്തിന്‌ സന്നിഹി​ത​രാ​യി​ക്കൊണ്ട്‌ നന്ദിയും വിലമ​തി​പ്പും നമുക്കു കാണി​ക്കാം. (1 കൊരി. 11:24, 25) മാത്രമല്ല, നമ്മോ​ടൊ​പ്പം കൂടി​വ​രാൻ പരമാ​വധി ആളുകളെ ക്ഷണിച്ചു​കൊണ്ട്‌ യഹോ​വ​യു​ടെ ഉദാര​മായ സ്‌നേഹം നമുക്കു പ്രതി​ഫ​ലി​പ്പി​ക്കാം.—യെശ. 55:1-3.

4. നാം എന്തു ദൃഢനി​ശ്ചയം ചെയ്യണം?

⁴ വിലമ​തി​പ്പുള്ള ദൈവ​ദാ​സ​ന്മാർ സ്‌മാ​ര​കാ​ച​ര​ണത്തെ നമ്മുടെ പതിവു സഭാ​യോ​ഗ​ത്തെ​ക്കാൾ പ്രാധാ​ന്യ​ത്തോ​ടെ ആയിരി​ക്കും കാണുക. വർഷത്തി​ലെ ഏറ്റവും പ്രാധാ​ന്യ​മുള്ള ഒരു കൂടി​വ​ര​വാണ്‌ ഇത്‌. സങ്കീർത്ത​ന​ക്കാ​രൻ എഴുതി: “എൻമനമേ, യഹോ​വയെ വാഴ്‌ത്തുക; അവന്റെ ഉപകാ​രങ്ങൾ ഒന്നും മറക്കരുത്‌.” (സങ്കീ. 103:2) സ്‌മാ​രകം അടുത്തു​വ​രവെ ആ നിശ്ചയ​ദാർഢ്യം നമുക്കും അനുക​രി​ക്കാം.