നിങ്ങൾ അവസരം പ്രയോ​ജ​ന​പ്പെ​ടു​ത്തു​മോ? സ്‌മാ​ര​ക​കാ​ലം വിലമ​തി​പ്പും നന്ദിയും പ്രകടി​പ്പി​ക്കാ​നുള്ള അവസരം

1. സ്‌മാ​ര​ക​കാ​ലം എന്തിനുള്ള പ്രത്യേക അവസരം നൽകുന്നു?

¹ സ്‌മാ​ര​ക​ദി​ന​മായ ഏപ്രിൽ 14 യഹോവ കാണിച്ച നന്മയോ​ടു വിലമ​തി​പ്പു വളർത്താ​നും അത്‌ പ്രകട​മാ​ക്കാ​നും ലഭിക്കുന്ന ഒരു അതുല്യ അവസര​മാണ്‌. ലൂക്കോസ്‌ 17:11-18-ലെ വിവരണം വിലമ​തി​പ്പും നന്ദിയും പ്രകടി​പ്പി​ക്കു​ന്ന​തി​നെ യഹോ​വ​യും യേശു​വും എങ്ങനെ കാണു​ന്നു​വെന്ന്‌ വ്യക്തമാ​ക്കു​ന്നു. സങ്കടക​ര​മെന്നു പറയട്ടെ, സുഖപ്പെട്ട പത്തു കുഷ്‌ഠ​രോ​ഗി​ക​ളിൽ ഒരാൾ മാത്ര​മാണ്‌ വിലമ​തിപ്പ്‌ പ്രകട​മാ​ക്കാ​നുള്ള അവസരം പ്രയോ​ജ​ന​പ്പെ​ടു​ത്തി​യത്‌. മറുവി​ല​യെന്ന സമ്മാനം സകലവിധ വ്യാധി​ക​ളും ഇല്ലായ്‌മ ചെയ്യു​ക​യും, നിത്യ​ജീ​വൻ യാഥാർഥ്യ​മാ​ക്കു​ക​യും ചെയ്യും. അന്ന്‌ ദിവസേന നാം യഹോ​വ​യ്‌ക്കു നന്ദി പറയു​മെ​ന്ന​തിൽ സംശയ​മില്ല. എന്നാൽ, വരും ആഴ്‌ച​ക​ളിൽ നമു​ക്കെ​ങ്ങനെ വിലമ​തി​പ്പു പ്രകടി​പ്പി​ക്കാ​നാ​കും?

2. മറുവി​ല​യോ​ടുള്ള വിലമ​തിപ്പ്‌ നമുക്ക്‌ എങ്ങനെ വളർത്തി​യെ​ടു​ക്കാം?

² വിലമ​തി​പ്പും നന്ദിയും വളർത്തി​യെ​ടു​ക്കുക: എന്തി​നെ​ക്കു​റി​ച്ചെ​ങ്കി​ലും ചിന്തി​ക്കു​മ്പോ​ഴാണ്‌ ആ കാര്യ​ത്തെ​ക്കു​റിച്ച്‌ നമുക്ക്‌ വിലമ​തി​പ്പു തോന്നു​ന്നത്‌. മറുവി​ല​യോ​ടുള്ള വിലമ​തിപ്പ്‌ വളർത്തി​യെ​ടു​ക്കാൻ സഹായി​ക്കു​ന്ന​താണ്‌ കലണ്ടർ, തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ എന്നിവ​യിൽ കാണുന്ന പ്രത്യേക സ്‌മാ​ര​ക​ബൈ​ബിൾ വായന​പ​ട്ടിക. കുടും​ബം ഒത്തൊ​രു​മിച്ച്‌ ഈ വിവരം ചർച്ച ചെയ്‌തു​കൂ​ടേ? ഇങ്ങനെ ചെയ്യു​ന്നത്‌ മറുവി​ല​യോ​ടുള്ള നമ്മുടെ വിലമ​തി​പ്പു വർധി​പ്പി​ക്കും. ഇത്‌ നമ്മുടെ നടത്തയിൽ ഒരു ക്രിയാ​ത്മ​ക​സ്വാ​ധീ​നം ചെലു​ത്തും.—2 കൊരി. 5:14, 15; 1 യോഹ. 4:11.

3. സ്‌മാ​ര​ക​കാ​ല​യ​ള​വിൽ ഏതു വിധങ്ങ​ളിൽ നമ്മുടെ വിലമ​തിപ്പ്‌ പ്രകട​മാ​ക്കാ​നാ​കും?

³ വിലമ​തി​പ്പും നന്ദിയും പ്രകട​മാ​ക്കുക: വിലമ​തിപ്പ്‌ പ്രവൃ​ത്തി​യാൽ തെളി​യി​ക്ക​പ്പെ​ടു​ന്നു. (കൊലോ. 3:15) വിലമ​തി​പ്പു​ണ്ടാ​യി​രുന്ന കുഷ്‌ഠ​രോ​ഗി യേശു​വി​നെ കണ്ടെത്താ​നും നന്ദി നൽകാ​നും ശ്രമം ചെയ്‌തു. തനിക്കു ലഭിച്ച അത്ഭുത​ക​ര​മായ സൗഖ്യ​ത്തെ​ക്കു​റിച്ച്‌ അവൻ മറ്റുള്ള​വ​രോട്‌ അത്യു​ത്സാ​ഹ​ത്തോ​ടെ സംസാ​രി​ച്ചു എന്നതി​നും സംശയ​മില്ല. (ലൂക്കോ. 6:45) മറുവി​ല​യോ​ടുള്ള വിലമ​തിപ്പ്‌ സ്‌മാരക പ്രചാ​ര​ണ​വേ​ല​യിൽ തീക്ഷ്‌ണ​ത​യോ​ടെ പങ്കെടു​ക്കാൻ നമ്മെ പ്രേരി​പ്പി​ക്കി​ല്ലേ? സഹായ പയനി​യ​റിങ്‌ ചെയ്യു​ന്ന​തോ ശുശ്രൂ​ഷ​യി​ലുള്ള പങ്കു വർധി​പ്പി​ക്കു​ന്ന​തോ സ്‌മാ​ര​ക​കാ​ല​യ​ള​വിൽ നന്ദി പ്രകടി​പ്പി​ക്കാ​നുള്ള മറ്റൊരു നല്ല അവസര​മാണ്‌. സ്‌മാ​ര​ക​സാ​യാ​ഹ്ന​ത്തിൽ, സന്ദർശ​കരെ സ്വാഗതം ചെയ്യാ​നും അവരുടെ ചോദ്യ​ങ്ങൾക്ക്‌ ഉത്തരം നൽകാ​നും വിലമ​തി​പ്പുള്ള ഹൃദയം പ്രേരി​പ്പി​ക്കും.

4. നഷ്ടബോ​ധം ഒഴിവാ​ക്കാൻ ഈ സ്‌മാ​ര​ക​കാ​ലത്ത്‌ നമുക്ക്‌ എന്തു ചെയ്യാൻ കഴിയും?

⁴ ഇതു നമ്മുടെ അവസാന സ്‌മാ​രകം ആയിരി​ക്കു​മോ? (1 കൊരി. 11:26) നമുക്ക​റി​യില്ല. എന്നാൽ ഒന്നു നമുക്ക​റി​യാം, നന്ദി പ്രകടി​പ്പി​ക്കാ​നുള്ള അതുല്യ​മായ ഈ അവസരം ഒരിക്കൽ ഇല്ലാതാ​കും. അതു​കൊണ്ട്‌ നിങ്ങൾ ഈ അവസരം പ്രയോ​ജ​ന​പ്പെ​ടു​ത്തു​മോ? നമ്മുടെ വായിൽനി​ന്നു വരുന്ന വിലമ​തി​പ്പു​നി​റഞ്ഞ വാക്കു​ക​ളും ഹൃദയ​ത്തി​ലെ ധ്യാന​വും മറുവില നൽകിയ ഉദാര​മ​തി​യായ യഹോ​വയെ സന്തോ​ഷി​പ്പി​ക്കു​ക​തന്നെ ചെയ്യും.—സങ്കീ. 19:14.