സായാഹ്ന സാക്ഷീ​ക​ര​ണ​ത്തിൽ പങ്കുപ​റ്റാൻ നിങ്ങൾക്കാ​കു​മോ?

1. പൗലോസ്‌ അപ്പൊ​സ്‌തലൻ വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ട്ടി​രുന്ന സമയ​ത്തെ​ക്കു​റിച്ച്‌ ഒരു പണ്ഡിതൻ എന്തു പറയുന്നു?

¹ പൗലോസ്‌ അപ്പൊ​സ്‌തലൻ “വൈകിട്ട്‌ നാലു​മണി മുതൽ രാത്രി വൈകു​വോ​ളം” വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ട്ടി​രു​ന്ന​താ​യി ബൈബിൾക്കാ​ല​ങ്ങ​ളി​ലെ ജീവിതം (ഇംഗ്ലീഷ്‌) എന്ന പുസ്‌തകം പറയുന്നു. വീടു​തോ​റു​മുള്ള ശുശ്രൂ​ഷ​യ്‌ക്കാ​യി പൗലോസ്‌ വാസ്‌ത​വ​ത്തിൽ നീക്കി​വെ​ച്ചി​രുന്ന സമയം ഏതാ​ണെന്ന്‌ നമുക്ക​റി​യി​ല്ലെ​ങ്കി​ലും ‘സകലവും സുവി​ശേ​ഷ​ത്തി​നാ​യി ചെയ്യാൻ’ അവൻ സന്നദ്ധനാ​യി​രു​ന്നു എന്ന്‌ ഉറപ്പാണ്‌. (1 കൊരി. 9:19-23) ആളുകളെ കണ്ടുമു​ട്ടാൻ ഏറ്റവും സാധ്യ​ത​യുള്ള സമയത്ത്‌ വീടു​തോ​റും പോകാൻ അവൻ ശ്രമി​ച്ചി​ട്ടു​ണ്ടാ​ക​ണ​മെന്ന്‌ അതു സൂചി​പ്പി​ക്കു​ന്നു.

2. സായാഹ്ന സാക്ഷീ​ക​രണം ഫലകര​മായ ഒരു മാർഗ​മാ​യി​രി​ക്കു​ന്നത്‌ എന്തു​കൊണ്ട്‌?

² പലയി​ട​ങ്ങ​ളി​ലും പൊതു​വെ രാവി​ലെ​യാണ്‌ പ്രസാ​ധകർ വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ടു​ന്നത്‌. നിങ്ങളു​ടെ പ്രദേ​ശ​ത്തും ശുശ്രൂ​ഷ​യ്‌ക്കുള്ള അനു​യോ​ജ്യ​മായ സമയം ഇതാണോ? തന്റെ പ്രദേ​ശ​ത്തെ​ക്കു​റിച്ച്‌ ഒരു പയനിയർ പറയു​ന്നത്‌ ഇതാണ്‌: “പകൽസ​മ​യത്ത്‌ ആരും വീട്ടി​ലു​ണ്ടാ​കാ​റില്ല. പക്ഷേ വൈകു​ന്നേ​ര​ങ്ങ​ളിൽ മിക്കവാ​റും ആളുകൾ വീട്ടി​ലു​ണ്ടാ​കും.” പുരു​ഷ​ന്മാ​രു​ടെ പക്കൽ സുവാർത്ത എത്തിക്കാ​നുള്ള നല്ലൊരു മാർഗ​മാണ്‌ സായാഹ്ന സാക്ഷീ​ക​രണം അല്ലെങ്കിൽ ഉച്ചകഴി​ഞ്ഞുള്ള സാക്ഷീ​ക​രണം. വൈകു​ന്നേ​ര​ങ്ങ​ളിൽ ആളുകൾ തിര​ക്കൊ​ഴിഞ്ഞ്‌ സംസാ​രി​ക്കാൻ പറ്റിയ മാനസി​കാ​വ​സ്ഥ​യിൽ ആയിരി​ക്കും. ഫലപ്ര​ദ​മെന്നു തോന്നു​ന്നെ​ങ്കിൽ വൈകു​ന്നേ​ര​ങ്ങ​ളിൽ വയൽസേവന യോഗങ്ങൾ നടത്താൻ മൂപ്പന്മാർ വേണ്ട ക്രമീ​ക​രണം ചെയ്യണം.

3. സായാഹ്ന സാക്ഷീ​ക​ര​ണ​ത്തിൽ ഏർപ്പെ​ടവെ എങ്ങനെ വിവേ​ക​മു​ള്ള​വ​രാ​യി​രി​ക്കാം?

³ വിവേ​ക​മു​ള്ള​വ​രാ​യി​രി​ക്കുക: സായാഹ്ന സാക്ഷീ​ക​ര​ണ​ത്തിൽ ഏർപ്പെ​ടു​മ്പോൾ വിവേ​ക​മു​ള്ള​വ​രാ​യി​രി​ക്കേ​ണ്ടത്‌ പ്രധാ​ന​മാണ്‌. ഉദാഹ​ര​ണ​ത്തിന്‌, നിങ്ങൾ ചെല്ലു​മ്പോൾ വീട്ടു​കാ​രൻ ആഹാരം കഴിക്കു​ക​യോ മറ്റോ ആണെങ്കിൽ മറ്റൊരു സമയത്ത്‌ വരാ​മെന്നു പറഞ്ഞ്‌ മടങ്ങുക. ഇരുട്ടി​ത്തു​ട​ങ്ങി​യാൽ വീട്ടു​കാ​രന്‌ ശരിക്കു കാണാൻ കഴിയു​ന്ന​വി​ധ​ത്തിൽ നിന്നു​കൊണ്ട്‌ പെട്ടെ​ന്നു​തന്നെ നിങ്ങളെ പരിച​യ​പ്പെ​ടു​ത്തി​യിട്ട്‌ സന്ദർശ​ന​ത്തി​ന്റെ ഉദ്ദേശ്യം വ്യക്തമാ​ക്കുക. ഈരണ്ടു പേരാ​യോ കൂട്ടമാ​യോ പ്രവർത്തി​ക്കു​ന്ന​താ​ണു നല്ലത്‌; അതു​പോ​ലെ, ഒറ്റപ്പെ​ടാ​തെ, തെരു​വിൽ നല്ല വെളി​ച്ച​മു​ള്ളി​ട​ങ്ങ​ളിൽ മാത്രം പ്രവർത്തി​ക്കുക. വീട്ടു​കാർ കിടക്കാൻ തയ്യാ​റെ​ടു​ക്കുന്ന സമയത്ത്‌ കയറി​ച്ചെ​ല്ല​രുത്‌. (2 കൊരി. 6:3) ഇരുട്ടു​വീ​ണാൽ പ്രവർത്തി​ക്കു​ന്നത്‌ സുരക്ഷി​ത​മ​ല്ലെന്ന്‌ തോന്നുന്ന ഇടങ്ങളിൽ അൽപ്പം​നേ​രത്തേ പ്രവർത്തി​ക്കാൻ ശ്രദ്ധി​ക്കണം.—സദൃ. 22:3.

4. സായാഹ്ന സാക്ഷീ​ക​ര​ണ​ത്തിൽ ഏർപ്പെ​ടു​ന്ന​തി​ന്റെ അനു​ഗ്ര​ഹങ്ങൾ എന്ത്‌?

⁴ അനു​ഗ്ര​ഹങ്ങൾ: സാക്ഷീ​ക​രി​ക്കാൻ അവസരം ലഭിക്കു​മ്പോ​ഴാണ്‌ നമ്മുടെ ശുശ്രൂഷ ഏറെ ആസ്വാ​ദ്യ​മാ​യി​രി​ക്കുക. സാക്ഷീ​ക​രി​ക്കാൻ എത്രയ​ധി​കം അവസരം ലഭിക്കു​ന്നു​വോ, ‘രക്ഷ പ്രാപി​ക്കാ​നും സത്യത്തി​ന്റെ പരിജ്ഞാ​ന​ത്തിൽ എത്താനും’ അത്രയ​ധി​കം ആളുകളെ സഹായി​ക്കാൻ നമുക്കാ​കും. (1 തിമൊ. 2:3, 4) സായാഹ്ന സാക്ഷീ​ക​ര​ണ​ത്തിൽ ഏർപ്പെ​ടാൻ സാധി​ക്ക​ത്ത​ക്ക​വി​ധം കാര്യാ​ദി​കൾ ക്രമീ​ക​രി​ക്കാൻ നിങ്ങൾക്കാ​കു​മോ?