യാതൊ​ന്നും ഒരു തടസ്സമാ​ക​രുത്‌ —തിരക്കു​പി​ടിച്ച ദിനചര്യ

1. ബൈബി​ള​ധ്യ​യനം വാഗ്‌ദാ​നം ചെയ്യാൻ ചിലർ മടിക്കു​ന്നത്‌ എന്തു​കൊണ്ട്‌?

¹ തിരക്കു​പി​ടിച്ച ഒരു ദിനചര്യ ഉള്ളതി​നാ​ലാണ്‌ ചിലർ ബൈബി​ള​ധ്യ​യനം വാഗ്‌ദാ​നം ചെയ്യാൻ മടിക്കു​ന്നത്‌. ബൈബിൾ വിദ്യാർഥി​യു​ടെ കാര്യങ്ങൾ ശ്രദ്ധി​ക്കാൻ സമയം ആവശ്യ​മാണ്‌. ബൈബി​ള​ധ്യ​യ​ന​ത്തി​നു തയ്യാറാ​കാ​നും അതു നടത്താ​നും പുരോ​ഗ​മി​ക്കു​ന്ന​തിൽനിന്ന്‌ തടയുന്ന കാര്യ​ങ്ങളെ മറിക​ട​ക്കാൻ വിദ്യാർഥി​യെ സഹായി​ക്കാ​നും സമയം വേണം. യഹോ​വയെ അറിയു​ന്ന​തിന്‌ തെസ്സ​ലോ​നി​ക്യ​യി​ലു​ള്ള​വരെ സഹായി​ക്കാൻ തന്റെ പ്രാണൻപോ​ലും വിട്ടു​കൊ​ടു​ക്കാൻ തയ്യാറാ​യി​രു​ന്നെന്ന്‌ അപ്പൊ​സ്‌ത​ല​നായ പൗലോസ്‌ പറഞ്ഞു. (1 തെസ്സ. 2:7, 8) തിരക്കു​പി​ടിച്ച ദിനചര്യ ഉള്ളവർക്കു പോലും ബൈബി​ള​ധ്യ​യനം നടത്താൻ എങ്ങനെ കഴിയും?

2. യഹോ​വ​യോട്‌ സ്‌നേ​ഹ​മുള്ള ഒരു വ്യക്തി സമയം എങ്ങനെ ഉപയോ​ഗി​ക്കും?

² ദൈവ​സേ​വ​ന​ത്തിന്‌ സമയം ആവശ്യ​മാണ്‌: ദൈവ​സേ​വ​ന​ത്തിന്‌ സമയം ആവശ്യ​മാണ്‌ എന്നത്‌ ഒരു വസ്‌തു​ത​യാണ്‌. ഉദാഹ​ര​ണ​ത്തിന്‌, യോഗ​ങ്ങൾക്ക്‌ ഹാജരാ​കാ​നും ശുശ്രൂ​ഷ​യിൽ പങ്കെടു​ക്കാ​നും ബൈബിൾ വായി​ക്കാ​നും പ്രാർഥി​ക്കാ​നും എല്ലാം നാം ക്രമമാ​യി സമയം വിനി​യോ​ഗി​ക്കു​ന്നു. എത്ര തിരക്കാ​ണെ​ങ്കി​ലും, വിവാ​ഹി​ത​നായ ഒരു വ്യക്തി തന്റെ ഇണയോ​ടൊ​പ്പം ചെലവ​ഴി​ക്കാ​നാ​യി സന്തോ​ഷ​ത്തോ​ടെ സമയം നീക്കി​വെ​ക്കും. അങ്ങനെ​യെ​ങ്കിൽ, യഹോ​വയെ സ്‌നേ​ഹി​ക്കു​ന്ന​വ​രായ നാം അവനെ ആരാധി​ക്കാ​നാ​യി അത്യന്തം സന്തോ​ഷ​ത്തോ​ടെ സമയം ‘വിലയ്‌ക്കു​വാ​ങ്ങേ​ണ്ട​തല്ലേ?’ (എഫെ. 5:15-17, അടിക്കു​റിപ്പ്‌; 1 യോഹ. 5:3) ശിഷ്യ​രാ​ക്കൽവേല ദൈവ​സേ​വ​ന​ത്തി​ന്റെ സുപ്ര​ധാ​ന​മായ ഒരു വശമാ​ണെന്ന്‌ യേശു പറഞ്ഞു. (മത്താ. 28:19, 20) അക്കാര്യം മനസ്സിൽപ്പി​ടി​ക്കു​ന്നെ​ങ്കിൽ ഒരു ബൈബി​ള​ധ്യ​യനം നടത്തുക എന്ന ചുമത​ല​യിൽനിന്ന്‌ ഒഴിഞ്ഞു​മാ​റാൻ നമുക്കാ​കില്ല.

3. സാഹച​ര്യ​ങ്ങൾ നിമിത്തം ബൈബി​ള​ധ്യ​യനം നടത്താൻ കഴിയാ​തെ വരു​മ്പോൾ നമുക്ക്‌ എന്തു ചെയ്യാ​നാ​കും?

³ എന്നാൽ തൊഴി​ലോ ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളോ ദിവ്യാ​ധി​പത്യ നിയമ​ന​ങ്ങ​ളോ ബൈബി​ള​ധ്യ​യ​ന​ത്തി​നാ​യി മാറ്റി​വെ​ച്ചി​രി​ക്കുന്ന സമയം കവർന്നെ​ടു​ക്കു​ന്നെ​ങ്കി​ലോ? താത്‌കാ​ലി​ക​മാ​യി സ്ഥലത്തി​ല്ലാ​തെ വരു​മ്പോൾ, ചില പ്രസാ​ധകർ അവരുടെ അധ്യയ​നങ്ങൾ ഫോണി​ലൂ​ടെ​യോ ഇന്റർനെ​റ്റി​ലൂ​ടെ​യോ നടത്തുന്നു. ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളു​ള്ളവർ അധ്യയ​ന​ത്തി​നാ​യി തങ്ങളുടെ വീട്ടി​ലേക്കു വരാൻ വിദ്യാർഥി​യോട്‌ ആവശ്യ​പ്പെ​ടാ​റുണ്ട്‌. ചില സഹോ​ദ​രങ്ങൾ, തങ്ങൾക്കു പോകാൻ കഴിയാ​തെ വരുന്ന സാഹച​ര്യ​ങ്ങ​ളിൽ അധ്യയനം നടത്താൻ ആശ്രയ​യോ​ഗ്യ​നായ ഒരു പ്രസാ​ധ​കനെ ക്രമീ​ക​രി​ക്കു​ന്നു.

4. ആളുകളെ ബൈബിൾ പഠിപ്പി​ക്കു​ന്ന​തിൽ പങ്കു​ചേ​രു​ന്നത്‌ എന്തെല്ലാം അനു​ഗ്ര​ഹങ്ങൾ കൈവ​രു​ത്തും?

⁴ മറ്റുള്ള​വരെ സത്യം പഠിപ്പി​ക്കാ​നാ​യി തന്റെ സമയവും ഊർജ​വും ചെലവ​ഴി​ച്ച​പ്പോൾ പൗലോ​സിന്‌ വളരെ​യ​ധി​കം സന്തോഷം ലഭിച്ചു. (പ്രവൃ. 20:35) തെസ്സ​ലോ​നി​ക്യ​യി​ലു​ള്ള​വരെ തനിക്ക്‌ സഹായി​ക്കാ​നാ​യ​തി​നെ​ക്കു​റിച്ച്‌ ചിന്തി​ച്ച​പ്പോൾ യഹോ​വ​യോ​ടു നന്ദി പറയാൻ അവൻ പ്രേരി​ത​നാ​യി. (1 തെസ്സ. 1:2) ബൈബി​ള​ധ്യ​യ​നങ്ങൾ നടത്തു​ന്ന​തിൽനിന്ന്‌ നമ്മെ തടയാൻ തിരക്കു​കളെ നാം അനുവ​ദി​ക്കാ​തി​രി​ക്കു​ന്നെ​ങ്കിൽ ശുശ്രൂ​ഷ​യി​ലുള്ള നമ്മുടെ സന്തോ​ഷ​വും സംതൃ​പ്‌തി​യും വർധി​ക്കും.