നമ്മുടെ ഔദ്യോ​ഗിക വെബ്‌​സൈറ്റ്‌—ശുശ്രൂ​ഷ​യിൽ ഉപയോ​ഗി​ക്കു​ന്ന​തിന്‌

വെബ്‌​സൈറ്റ്‌ ഉപയോ​ഗി​ക്കാൻ പ്രോ​ത്സാ​ഹി​പ്പി​ക്കുക: യഹോ​വ​യു​ടെ സാക്ഷി​ക​ളോട്‌ നേരിട്ടു സംസാ​രി​ക്കാ​നോ നമ്മുടെ പ്രസി​ദ്ധീ​ക​രണം സ്വീക​രി​ക്കാ​നോ മടിക്കുന്ന ചിലർ തങ്ങളുടെ വീടിന്റെ സ്വകാ​ര്യ​ത​യിൽ നമ്മെക്കു​റിച്ച്‌ jw.org-ൽ പരതി​യേ​ക്കാം. അതു​കൊണ്ട്‌ ഉചിത​മായ എല്ലാ അവസര​ങ്ങ​ളി​ലും നമ്മുടെ വെബ്‌​സൈ​റ്റി​നെ​ക്കു​റിച്ച്‌ മറ്റുള്ള​വ​രോട്‌ പറയുക.

ഉത്തരങ്ങൾ നൽകാൻ: ഒരു വീട്ടു​കാ​ര​നോ താത്‌പ​ര്യ​ക്കാ​ര​നോ പരിച​യ​ക്കാ​ര​നോ ചില​പ്പോൾ യഹോ​വ​യു​ടെ സാക്ഷി​ക​ളെ​യോ നമ്മുടെ വിശ്വാ​സ​ങ്ങ​ളെ​യോ കുറിച്ച്‌ ചോദി​ച്ചേ​ക്കാം. മൊ​ബൈൽ ഫോണോ കമ്പ്യൂ​ട്ട​റോ ഉപയോ​ഗിച്ച്‌ അപ്പോൾത്തന്നെ ആ വ്യക്തിക്ക്‌ ഉത്തരം കൊടു​ക്കാ​നാ​കും. പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ ബൈബി​ളിൽനിന്ന്‌ നേരിട്ടു വായി​ക്കു​ന്ന​താണ്‌ ഉചിതം. ഇന്റർനെ​റ്റുള്ള ഒരു ഉപകരണം നിങ്ങളു​ടെ പക്കൽ ഇല്ലെങ്കിൽ jw.org-ൽനിന്ന്‌ അദ്ദേഹ​ത്തി​നു​തന്നെ ഉത്തരം കണ്ടെത്താൻ എങ്ങനെ കഴിയു​മെന്ന്‌ വിശദീ​ക​രി​ച്ചു കൊടു​ക്കുക.—“ബൈബിൾ പഠിപ്പി​ക്ക​ലു​കൾ/ബൈബിൾ ചോദ്യ​ങ്ങ​ളും ഉത്തരങ്ങ​ളും” (“Bible Teachings/Bible Questions Answered”) അല്ലെങ്കിൽ “ഞങ്ങളെ​ക്കു​റിച്ച്‌/പലപ്പോ​ഴും ചോദി​ക്കാ​റുള്ള ചോദ്യ​ങ്ങൾ” (“About Us/Frequently Asked Questions”) എന്നതിൽ നോക്കുക. (മലയാ​ള​ത്തിൽ ലഭ്യമല്ല.)

നിങ്ങൾക്ക്‌ അറിയാ​വുന്ന ആർക്കെ​ങ്കി​ലും ഒരു ലേഖന​മോ പ്രസി​ദ്ധീ​ക​ര​ണ​മോ അയയ്‌ക്കാം: ഇ-മെയി​ലി​നോ​ടൊ​പ്പം, ഡൗൺലോ​ഡു ചെയ്‌ത പിഡി​എഫ്‌ അല്ലെങ്കിൽ ഇ-പബ്‌ ഫയൽ അനുബ​ന്ധ​മാ​യി അയയ്‌ക്കാ​വു​ന്ന​താണ്‌. പ്രസി​ദ്ധീ​ക​ര​ണ​ത്തി​ന്റെ ഓഡി​യോ പതിപ്പ്‌ സിഡി-യിലേക്ക്‌ ഡൗൺലോ​ഡു ചെയ്യു​ക​യു​മാ​കാം. സ്‌നാ​ന​മേ​റ്റി​ട്ടി​ല്ലാത്ത ഒരു വ്യക്തിക്ക്‌, ഇലക്‌​ട്രോ​ണിക്‌ രൂപത്തി​ലുള്ള ഒരു പുസ്‌ത​ക​മോ ലഘുപ​ത്രി​ക​യോ മാസി​ക​യോ മുഴു​വ​നാ​യി നൽകി​യാൽ അത്‌ സമർപ്പ​ണ​മാ​യി റിപ്പോർട്ടു ചെയ്യാ​വു​ന്ന​താണ്‌. നിങ്ങളു​ടെ പേര്‌ വെളി​പ്പെ​ടു​ത്താ​തെ ഒന്നും അയയ്‌ക്ക​രുത്‌; ഒരുപാട്‌ പ്രസി​ദ്ധീ​ക​ര​ണങ്ങൾ ഒരുമിച്ച്‌ അയയ്‌ക്കു​ക​യും അരുത്‌. നമ്മുടെ ഫയലുകൾ മറ്റ്‌ ഇന്റർനെറ്റ്‌ വെബ്‌​സൈ​റ്റു​ക​ളിൽ അപ്‌ലോ​ഡു ചെയ്യാ​നും പാടില്ല.—“പ്രസി​ദ്ധീ​ക​ര​ണങ്ങൾ” എന്നതിൽ നോക്കുക.

യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള പുതിയ വാർത്ത​കൾക്ക്‌: ലോക​വ്യാ​പക വേലയു​ടെ വ്യാപ്‌തി​യെ​യും നമ്മുടെ ക്രിസ്‌തീ​യൈ​ക്യ​ത്തെ​യും കുറിച്ച്‌ മനസ്സി​ലാ​ക്കാൻ ഈ വെബ്‌​സൈറ്റ്‌ ബൈബിൾവി​ദ്യാർഥി​ക​ളെ​യും നാം ശുശ്രൂ​ഷ​യിൽ കണ്ടുമു​ട്ടു​ന്ന​വ​രെ​യും സഹായി​ക്കും. (സങ്കീ. 133:1)—“വാർത്തകൾ” (“News”) എന്നതിൽ നോക്കുക. (മലയാ​ള​ത്തിൽ ലഭ്യമല്ല.)

[5-ാം പേജിലെ രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഉപയോഗിച്ചുനോക്കൂ

1 “പ്രസി​ദ്ധീ​ക​ര​ണങ്ങൾ” എന്നതിനു കീഴിൽ, ഡൗൺലോ​ഡു ചെയ്യാൻ കഴിയുന്ന വിവരങ്ങൾ പട്ടിക​പ്പെ​ടു​ത്തി​യി​ട്ടുണ്ട്‌. ഓഡി​യോ രൂപത്തി​ലും അച്ചടിച്ച രൂപത്തി​ലും നിങ്ങൾക്ക്‌ അവ ഡൗൺലോ​ഡു ചെയ്യാൻ കഴിയും.

2 MP3 എന്ന ബട്ടൺ അമർത്തി​യാൽ ലേഖന​ങ്ങ​ളു​ടെ ഒരു പട്ടിക കാണാം. ലേഖന​ത്തി​ന്റെ ശീർഷ​ക​ത്തിൽ അമർത്തി​യാൽ അത്‌ ഡൗൺലോ​ഡു ചെയ്യാൻ സാധി​ക്കും; ▸ എന്ന ബട്ടൺ അമർത്തി​യാൽ ഡൗൺലോ​ഡു ചെയ്യാ​തെ​തന്നെ കേൾക്കാം.

3 മറ്റൊരു ഭാഷയി​ലുള്ള പ്രസി​ദ്ധീ​ക​രണം ഡൗൺലോ​ഡു ചെയ്യാൻ കഴിയ​ണ​മെ​ങ്കിൽ ഈ പട്ടിക​യിൽനിന്ന്‌ പ്രസ്‌തുത ഭാഷ തിര​ഞ്ഞെ​ടു​ക്കുക.