ലഘു​ലേ​ഖകൾ ഉപയോ​ഗിച്ച്‌ സംഭാഷണം എങ്ങനെ തുടങ്ങാം?

ജീവിത-സേവന യോഗ​ത്തി​നുള്ള പഠനസ​ഹാ​യി​യു​ടെ ആദ്യത്തെ പേജിൽ 2018 ജനുവരി മുതൽ സംഭാ​ഷ​ണ​ത്തി​നുള്ള മാതൃ​കകൾ കൊടു​ക്കു​ന്നുണ്ട്‌. ആളുകൾക്കു വെറുതേ പ്രസി​ദ്ധീ​ക​ര​ണങ്ങൾ കൊടു​ത്തിട്ട്‌ പോരുന്നതിനു പകരം അവരോ​ടു സംസാ​രി​ക്കാൻ പ്രചാ​ര​കരെ പ്രോ​ത്സാ​ഹി​പ്പി​ക്കു​ന്ന​തി​നാ​യി​രു​ന്നു ഇത്‌. ഇതിനു പ്രചാ​ര​കരെ സഹായി​ക്കു​ന്ന​തിന്‌, ബൈബിൾ മാത്രം ഉപയോഗിച്ച്‌ സംഭാ​ഷ​ണങ്ങൾ എങ്ങനെ തുടങ്ങാ​മെന്നു കാണി​ക്കുന്ന അവതര​ണ​ങ്ങ​ളു​ടെ വീഡി​യോ​ക​ളും പുറത്തി​റക്കി. വീടു​തോ​റു​മുള്ള പ്രവർത്ത​ന​ത്തിൽ പ്രസി​ദ്ധീ​ക​ര​ണങ്ങൾ ഉപയോ​ഗി​ക്കാൻ പാടില്ല എന്നാണോ ഇതിന്‌ അർഥം? അല്ല. ഉദാഹ​ര​ണ​ത്തിന്‌, സംഭാ​ഷ​ണങ്ങൾ ആരംഭി​ക്കാ​നുള്ള നല്ല ഉപകരണമാണു ലഘു​ലേ​ഖകൾ. ഏതു ലഘു​ലേ​ഖ​യു​ടെ കാര്യത്തിലും താഴെ പറയുന്ന രീതി നമുക്ക്‌ ഉപയോ​ഗി​ക്കാം:

1. ആദ്യത്തെ പേജിലെ ചോദ്യ​വും അതിനു കൊടു​ത്തി​രി​ക്കുന്ന ഉത്തരങ്ങ​ളും കാണി​ക്കുക.

2. രണ്ടാമത്തെ പേജിന്റെ മുകളിൽ കൊടു​ത്തി​രി​ക്കുന്ന ബൈബി​ളി​ന്റെ ഉത്തരം കാണി​ക്കുക. സമയമു​ണ്ടെ​ങ്കിൽ, ലഘു​ലേ​ഖ​യി​ലെ ഏതാനും ചില വിവര​ങ്ങൾകൂ​ടി വായി​ക്കു​ക​യും ചർച്ച ചെയ്യു​ക​യും ചെയ്യുക.

3. വീട്ടുകാരനു ലഘുലേഖ കൊടു​ക്കുക, സമയം കിട്ടുമ്പോൾ ബാക്കി ഭാഗം വായി​ക്കാൻ അദ്ദേഹത്തെ പ്രോ​ത്സാ​ഹി​പ്പി​ക്കുക.

4. പോരുന്നതിനു മുമ്പ്‌, “നിങ്ങൾക്ക്‌ എന്തു തോന്നു​ന്നു?” എന്ന ഭാഗത്ത്‌ കൊടു​ത്തി​രി​ക്കുന്ന ചോദ്യം കാണിക്കുക. മടക്കസ​ന്ദർശ​ന​ത്തിൽ, അതിനു ബൈബിൾ നൽകുന്ന ഉത്തരം ചർച്ച ചെയ്യാൻ ക്രമീകരണം ചെയ്യുക.

മടങ്ങിച്ചെല്ലുമ്പോൾ, ആ ചോദ്യ​ത്തി​ന്റെ ഉത്തരം ചർച്ച ചെയ്യുക. എന്നിട്ട്‌ അടുത്ത പ്രാവ​ശ്യം ചർച്ച ചെയ്യാനായി മറ്റൊരു ചോദ്യം ചോദി​ക്കുക. വെബ്‌​സൈ​റ്റി​ലെ ഒരു ചോദ്യ​മോ ലഘു​ലേ​ഖ​യു​ടെ പുറകിൽ കൊടുത്തിരിക്കുന്ന പ്രസി​ദ്ധീ​ക​ര​ണ​ത്തിൽനിന്ന്‌ ഒരു ചോദ്യ​മോ നിങ്ങൾക്കു തിര​ഞ്ഞെ​ടു​ക്കാം. ഉചിതമെന്നു തോന്നുന്ന സമയത്ത്‌, ദൈവ​ത്തിൽനി​ന്നുള്ള സന്തോ​ഷ​വാർത്ത! എന്ന ലഘുപത്രികയോ ‘പഠിപ്പി​ക്കാ​നുള്ള ഉപകര​ണങ്ങൾ’ എന്ന ഭാഗത്തെ മറ്റൊരു പ്രസി​ദ്ധീ​ക​ര​ണ​മോ കൊടു​ക്കാം.