യുദ്ധങ്ങ​ളും പോരാ​ട്ട​ങ്ങ​ളും എങ്ങനെ അവസാ​നി​ക്കും?

ദൈവം മനുഷ്യ​ഗ​വൺമെ​ന്റു​കളെ ഇല്ലാതാ​ക്കും

അർമഗെദോൻa എന്നു ബൈബിൾ വിളി​ക്കുന്ന യുദ്ധത്തി​ലൂ​ടെ ദൈവം, മനുഷ്യ​ഗ​വൺമെ​ന്റു​ക​ളെ​യെ​ല്ലാം ഇല്ലാതാ​ക്കും. (വെളി​പാട്‌ 16:16) ആ സമയത്ത്‌ ‘ഭൂമി​യിൽ എല്ലായി​ട​ത്തു​മുള്ള രാജാ​ക്ക​ന്മാ​രെ സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധത്തി​നു കൂട്ടി​ച്ചേർക്കും.’ (വെളി​പാട്‌ 16:14) അതെ, അർമ​ഗെ​ദോൻ യുദ്ധത്തി​ലൂ​ടെ എല്ലാ യുദ്ധങ്ങ​ളും ദൈവം അവസാ​നി​പ്പി​ക്കും.

മനുഷ്യ​ഗ​വൺമെ​ന്റു​കളെ ഇല്ലാതാ​ക്കി ആ സ്ഥാനത്ത്‌ ദൈവം തന്റെ രാജ്യം അഥവാ ഗവൺമെന്റ്‌ കൊണ്ടു​വ​രും. സ്വർഗ​ത്തിൽനിന്ന്‌ ഭരിക്കുന്ന ആ ഗവൺമെന്റ്‌ ഒരിക്ക​ലും നശിപ്പി​ക്ക​പ്പെ​ടില്ല. (ദാനി​യേൽ 2:44) അതിന്റെ രാജാ​വാ​യി ദൈവം തിര​ഞ്ഞെ​ടു​ത്തി​രി​ക്കു​ന്നതു തന്റെ മകനായ യേശു​ക്രി​സ്‌തു​വി​നെ​യാണ്‌. (യശയ്യ 9:6, 7; മത്തായി 28:18) ആ രാജ്യത്തിനുവേണ്ടിb പ്രാർഥി​ക്കാ​നാ​ണു യേശു തന്റെ ശിഷ്യ​ന്മാ​രെ പഠിപ്പി​ച്ചത്‌. (മത്തായി 6:9, 10) അതെ, യേശു ഭരണാ​ധി​കാ​രി​യായ ആ ആഗോള ഗവൺമെ​ന്റി​ന്റെ കീഴിൽ എല്ലാ മനുഷ്യ​രും ഒന്നിക്കും.

മനുഷ്യ​ഭ​ര​ണാ​ധി​കാ​രി​ക​ളെ​പ്പോ​ലെ യേശു ഒരിക്ക​ലും തന്റെ അധികാ​രം സ്വന്തം നേട്ടത്തി​നു​വേണ്ടി ഉപയോ​ഗി​ക്കില്ല. യേശു നീതി​യോ​ടെ​യും പക്ഷപാ​ത​മി​ല്ലാ​തെ​യും ഭരിക്കു​ന്ന​തു​കൊണ്ട്‌ ദേശത്തി​ന്റെ​യോ വംശത്തി​ന്റെ​യോ പേരിൽ തങ്ങൾ അവഗണി​ക്ക​പ്പെ​ടു​മെന്ന്‌ ആരും പേടി​ക്കേ​ണ്ട​തില്ല. (യശയ്യ 11:3, 4) അതു​പോ​ലെ ആളുകൾക്കു അവരുടെ അവകാ​ശ​ങ്ങൾക്കു​വേണ്ടി പോരാ​ടേ​ണ്ടി​യും വരില്ല. കാരണം, യേശു ഓരോ​രു​ത്ത​രു​ടെ​യും ക്ഷേമ​ത്തെ​ക്കു​റിച്ച്‌ ചിന്തി​ക്കു​ക​യും അതിനു​വേണ്ടി പ്രവർത്തി​ക്കു​ക​യും ചെയ്യും. ബൈബിൾ പറയുന്നു: “സഹായ​ത്തി​നാ​യി കേഴുന്ന ദരി​ദ്രനെ അവൻ രക്ഷിക്കും; എളിയ​വ​നെ​യും ആരോ​രു​മി​ല്ലാ​ത്ത​വ​നെ​യും അവൻ വിടു​വി​ക്കും. . . . അടിച്ച​മർത്ത​ലി​നും അക്രമ​ത്തി​നും ഇരയാ​കു​ന്ന​വരെ അവൻ മോചി​പ്പി​ക്കും.”—സങ്കീർത്തനം 72:12-14.

ദൈവ​ത്തി​ന്റെ രാജ്യം മാരകാ​യു​ധങ്ങൾ എല്ലാം ഭൂമി​യിൽനിന്ന്‌ നീക്കം ചെയ്യും. (മീഖ 4:3) യുദ്ധം ചെയ്യാ​നോ സമാധാ​നം തകർക്കാ​നോ ശ്രമി​ക്കുന്ന എല്ലാ ദുഷ്ടന്മാ​രെ​യും ദൈവം നശിപ്പി​ക്കും. (സങ്കീർത്തനം 37:9, 10) ദൈവ​രാ​ജ്യം ഭരിക്കു​മ്പോൾ പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും എല്ലാം സുരക്ഷി​ത​രാ​യി​രി​ക്കും. ഭൂമി​യു​ടെ ഏതു കോണിൽ പോയാ​ലും അവർക്ക്‌ പേടി​ക്കേ​ണ്ടി​വ​രില്ല.—യഹസ്‌കേൽ 34:28.

ദൈവ​ത്തി​ന്റെ ഗവൺമെന്റ്‌ ഭരിക്കു​മ്പോൾ എല്ലാവർക്കും സന്തോ​ഷ​ത്തോ​ടെ ജീവി​ക്കാൻ പറ്റിയ സാഹച​ര്യ​മു​ണ്ടാ​യി​രി​ക്കും. ഇന്ന്‌ ആളുകളെ തമ്മില​ടി​പ്പി​ക്കുന്ന പ്രശ്‌നങ്ങൾ, പട്ടിണി​യും ദാരി​ദ്ര്യ​വും വീടു​ക​ളി​ല്ലാ​ത്ത​തും പോലുള്ള പ്രശ്‌നങ്ങൾ, പരിഹ​രി​ക്ക​പ്പെ​ടും. എല്ലാവർക്കും പോഷ​ക​ഗു​ണ​മുള്ള ആഹാരം ലഭിക്കു​ക​യും താമസി​ക്കാൻ നല്ല സ്ഥലങ്ങൾ കിട്ടു​ക​യും ചെയ്യും.—സങ്കീർത്തനം 72:16; യശയ്യ 65:21-23.

ദൈവ​രാ​ജ്യം ഭരിക്കു​മ്പോൾ യുദ്ധത്തി​ന്റെ മുറി​പ്പാ​ടു​ക​ളെ​ല്ലാം ഇല്ലാതാ​കും. ശാരീ​രി​ക​മായ മുറി​വു​കൾ മാത്രമല്ല യുദ്ധം കാരണം ആളുകൾ അനുഭ​വി​ക്കുന്ന മാനസി​ക​മായ വേദന​ക​ളും ഇല്ലാതാ​കും. മരിച്ച​വർപോ​ലും തിരികെ ജീവനി​ലേക്കു വരും. (യശയ്യ 25:8; 26:19; 35:5, 6) കുടും​ബ​ങ്ങ​ളെ​ല്ലാം സന്തോ​ഷ​ത്തോ​ടെ ഒന്നിക്കും. യുദ്ധത്തി​ന്റെ ഭീകര​മായ ഓർമ​ക​ളെ​ല്ലാം മാഞ്ഞു​പോ​കും. കാരണം ബൈബിൾ പറയുന്നു: “പഴയ​തെ​ല്ലാം കഴിഞ്ഞു​പോ​യി!”—വെളി​പാട്‌ 21:4.

ദൈവം പാപം ഇല്ലാതാ​ക്കും

ദൈവ​രാ​ജ്യ​ത്തിൽ എല്ലാ ആളുക​ളും സത്യ​ദൈ​വ​മായ, “സ്‌നേ​ഹ​ത്തി​ന്റെ​യും സമാധാ​ന​ത്തി​ന്റെ​യും” ദൈവ​മായ, യഹോവയെc മാത്ര​മാ​യി​രി​ക്കും ആരാധി​ക്കുക. (2 കൊരി​ന്ത്യർ 13:11) അപ്പോൾ പരസ്‌പരം സമാധാ​ന​ത്തോ​ടെ എങ്ങനെ ജീവി​ക്കാ​മെന്ന്‌ ആളുകൾ പഠിക്കും. (യശയ്യ 2:3, 4; 11:9) പഠിക്കുന്ന കാര്യങ്ങൾ അനുസ​രിച്ച്‌ ജീവി​ക്കു​ന്ന​വർക്കു പിന്നെ പാപത്തി​ന്റെ പ്രശ്‌നങ്ങൾ നേരി​ടേ​ണ്ടി​വ​രില്ല.—റോമർ 8:20, 21.

ദൈവം സാത്താ​നെ​യും അവന്റെ ഭൂതങ്ങ​ളെ​യും ഇല്ലാതാ​ക്കും

ദൈവ​രാ​ജ്യം യുദ്ധത്തി​നു കാരണ​ക്കാ​രായ സാത്താ​നെ​യും അവന്റെ ഭൂതങ്ങ​ളെ​യും നശിപ്പി​ക്കും. (വെളി​പാട്‌ 20:1-3, 10) അവർ ഇല്ലാതാ​കു​മ്പോൾ എല്ലായി​ട​ത്തും “സമാധാ​ന​സ​മൃ​ദ്ധി​യു​ണ്ടാ​കും.”—സങ്കീർത്തനം 72:7.

യുദ്ധങ്ങ​ളും പോരാ​ട്ട​ങ്ങ​ളും അവസാ​നി​പ്പി​ക്കു​മെന്ന ദൈവ​ത്തി​ന്റെ വാഗ്‌ദാ​നം ഉറപ്പാ​യും നടക്കു​മെന്നു നമുക്കു വിശ്വ​സി​ക്കാ​നാ​കും. കാരണം, യുദ്ധം അവസാ​നി​പ്പി​ക്കാ​നുള്ള കഴിവും ആഗ്രഹ​വും ദൈവ​ത്തി​നുണ്ട്‌.

• യുദ്ധവും പോരാ​ട്ട​വും അവസാ​നി​പ്പി​ക്കാ​നുള്ള ജ്ഞാനവും ശക്തിയും ദൈവ​ത്തി​നുണ്ട്‌. (ഇയ്യോബ്‌ 9:4) ദൈവ​ത്തിന്‌ അസാധ്യ​മാ​യി ഒന്നുമില്ല.—ഇയ്യോബ്‌ 42:2.

• ആരും കഷ്ടപ്പെ​ടു​ന്നതു കാണാൻ ദൈവ​ത്തിന്‌ ഇഷ്ടമല്ല. (യശയ്യ 63:9) ‘അക്രമം ഇഷ്ടപ്പെ​ടു​ന്ന​വനെ ദൈവം വെറു​ക്കു​ക​യും’ ചെയ്യുന്നു.—സങ്കീർത്തനം 11:5.

• ദൈവം എപ്പോ​ഴും തന്റെ വാക്ക്‌ പാലി​ക്കു​ന്നു. നുണ പറയാൻ ദൈവ​ത്തി​നു കഴിയില്ല. —യശയ്യ 55:10, 11; തീത്തോസ്‌ 1:2.