യാക്കോ​ബി​ന്റെ അവസാന വാക്കു​ക​ളിൽനി​ന്നുള്ള പാഠങ്ങൾ—ഭാഗം 1

1-2. തന്റെ മരണം അടുത്തു​വ​ന്ന​പ്പോൾ യാക്കോബ്‌ എന്തു ചെയ്‌തു, എന്തു​കൊണ്ട്‌? (ചിത്ര​വും കാണുക.)

വിശ്വ​സ്‌ത​നായ യാക്കോബ്‌ തന്റെ കുടും​ബാം​ഗ​ങ്ങ​ളോ​ടൊ​പ്പം കനാനിൽനിന്ന്‌ ഈജി​പ്‌തി​ലേക്കു വന്നിട്ട്‌ ഏതാണ്ട്‌ 17 വർഷമാ​യി. (ഉൽപ. 47:28) മരിച്ചു​പോ​യെന്നു കരുതിയ തന്റെ പ്രിയ​മ​ക​നായ യോ​സേ​ഫി​നോ​ടും മറ്റു മക്കളോ​ടും ഒപ്പം ഒരുമിച്ച്‌ കഴിയാ​നാ​യ​തിൽ അദ്ദേഹം ഒരുപാ​ടു സന്തോ​ഷി​ച്ചു. എന്നാൽ ഇപ്പോൾ തന്റെ ജീവിതം അവസാ​നി​ക്കാൻ പോകു​ക​യാ​ണെന്നു യാക്കോബ്‌ തിരി​ച്ച​റി​യു​ന്നു. തന്റെ മക്കളെ​യെ​ല്ലാം വിളി​ച്ചു​കൂ​ട്ടി ഒരു പ്രധാ​ന​പ്പെട്ട കാര്യം അറിയി​ക്കാൻ അദ്ദേഹം ആഗ്രഹി​ക്കു​ന്നു.—ഉൽപ. 49:28.

² അക്കാലത്ത്‌ ഒരു കുടും​ബ​നാ​ഥൻ തന്റെ മരണം അടുത്തു​വ​രു​മ്പോൾ കുടും​ബാം​ഗ​ങ്ങ​ളെ​യെ​ല്ലാം വിളി​ച്ചു​കൂ​ട്ടു​ന്നത്‌ ഒരു പതിവാ​യി​രു​ന്നു. അവസാ​ന​മാ​യി കുടും​ബാം​ഗ​ങ്ങൾക്കു ചില നിർദേ​ശങ്ങൾ കൊടു​ക്കാൻ വേണ്ടി​യാ​യി​രു​ന്നു അത്‌. (യശ. 38:1) തന്റെ മരണ​ശേഷം കുടും​ബത്തെ നയി​ക്കേ​ണ്ടത്‌ ആരാ​ണെന്ന്‌ അദ്ദേഹം തീരു​മാ​നി​ക്കു​ന്ന​തും ആ സമയത്താ​യി​രു​ന്നി​രി​ക്കാം.

3. ഉൽപത്തി 49:1, 2 അനുസ​രിച്ച്‌ യാക്കോ​ബി​ന്റെ വാക്കുകൾ പ്രത്യേ​ക​ത​യു​ള്ള​താ​യി​രു​ന്നത്‌ എന്തു​കൊണ്ട്‌?

³ ഉൽപത്തി 49:1, 2 വായി​ക്കുക. എന്നാൽ അതൊരു സാധാരണ കൂടി​വ​ര​വാ​യി​രു​ന്നില്ല. കാരണം ആ കൂടി​വ​ര​വിൽ, ഭാവി​യിൽ നടക്കാൻപോ​കുന്ന കാര്യ​ങ്ങ​ളെ​ക്കു​റിച്ച്‌ യാക്കോബ്‌ പ്രവചി​ക്കു​ക​യാ​യി​രു​ന്നു. അതിലൂ​ടെ തന്റെ ഭാവി​ത​ല​മു​റ​കളെ ബാധി​ക്കുന്ന പ്രധാ​ന​പ്പെട്ട കാര്യങ്ങൾ യഹോവ യാക്കോ​ബി​ലൂ​ടെ വെളി​പ്പെ​ടു​ത്തി. അതു​കൊണ്ട്‌ യാക്കോ​ബി​ന്റെ വാക്കു​കളെ മരണക്കി​ട​ക്ക​യിൽവെച്ച്‌ നടത്തിയ പ്രവച​ന​മെന്നു ചില​പ്പോ​ഴൊ​ക്കെ വിളി​ക്കാ​റുണ്ട്‌.

4. യാക്കോബ്‌ എന്താണു മുൻകൂ​ട്ടി​പ്പ​റ​ഞ്ഞത്‌? അതിൽനിന്ന്‌ നമുക്ക്‌ എന്തെല്ലാം പഠിക്കാം? (“യാക്കോ​ബി​ന്റെ കുടും​ബം” എന്ന ചതുര​വും കാണുക.)

⁴ ഈ ലേഖന​ത്തിൽ, യാക്കോബ്‌ തന്റെ ആൺമക്ക​ളിൽ നാലു പേരായ രൂബേ​നോ​ടും ശിമെ​യോ​നോ​ടും ലേവി​യോ​ടും യഹൂദ​യോ​ടും എന്താണു പറഞ്ഞ​തെന്നു നമ്മൾ കാണും. അടുത്ത ലേഖന​ത്തിൽ ബാക്കി​യുള്ള എട്ട്‌ ആൺമക്ക​ളോട്‌ എന്താണ്‌ പറഞ്ഞ​തെ​ന്നും ചിന്തി​ക്കും. നമ്മൾ കാണാൻപോ​കു​ന്ന​തു​പോ​ലെ യാക്കോബ്‌ തന്റെ ആൺമക്ക​ളെ​ക്കു​റിച്ച്‌ മാത്രമല്ല അവരുടെ പിൻത​ല​മു​റ​ക്കാർക്കു സംഭവി​ക്കാൻപോ​കുന്ന കാര്യ​ങ്ങ​ളെ​ക്കു​റി​ച്ചും മുൻകൂ​ട്ടി​പ്പ​റഞ്ഞു. അവരാണു പിന്നീട്‌ ഇസ്രാ​യേൽ ജനതയാ​യി​ത്തീർന്നത്‌. യാക്കോ​ബി​ന്റെ പ്രവചനം എങ്ങനെ​യാ​ണു നിറ​വേ​റി​യ​തെന്ന്‌ ഇസ്രാ​യേൽ ജനതയു​ടെ ചരിത്രം നോക്കി​യാൽ നമുക്കു മനസ്സി​ലാ​കും. യാക്കോ​ബി​ന്റെ ആ വാക്കുകൾ പഠിക്കു​ന്ന​തി​ലൂ​ടെ, യഹോ​വയെ സന്തോ​ഷി​പ്പി​ക്കാൻ സഹായി​ക്കുന്ന ചില വിലപ്പെട്ട പാഠങ്ങ​ളും നമ്മൾ പഠിക്കും.

രൂബേൻ

5. രൂബേൻ തന്റെ അപ്പനിൽനിന്ന്‌ എന്തെല്ലാം അവകാ​ശങ്ങൾ പ്രതീ​ക്ഷി​ച്ചി​രി​ക്കാം?

⁵ യാക്കോബ്‌ ആദ്യം സംസാ​രി​ക്കു​ന്നതു രൂബേ​നോ​ടാണ്‌. ഇങ്ങനെ പറയുന്നു: “നീ എന്റെ മൂത്ത മകൻ.” (ഉൽപ. 49:3) മൂത്ത മകൻ എന്ന നിലയിൽ രൂബേൻ അപ്പന്റെ സ്വത്തിന്റെ ഇരട്ടി ഓഹരി പ്രതീ​ക്ഷി​ച്ചു​കാ​ണും. അതു​പോ​ലെ​തന്നെ യാക്കോ​ബി​ന്റെ മരണ​ശേഷം ആ കുടും​ബത്തെ നയിക്കാ​നുള്ള ഉത്തരവാ​ദി​ത്വം തനിക്കും പിന്നീടു തന്റെ മക്കൾക്കും ലഭിക്കു​മെ​ന്നും രൂബേൻ പ്രതീ​ക്ഷി​ച്ചി​രി​ക്കാം.

6. മൂത്ത മകനുള്ള അവകാശം രൂബേനു നഷ്ടമാ​യത്‌ എന്തു​കൊ​ണ്ടാണ്‌? (ഉൽപത്തി 49:3, 4)

⁶ എന്നാൽ രൂബേന്റെ പ്രതീ​ക്ഷ​ക​ളെ​ല്ലാം തെറ്റി. മൂത്ത മകനുള്ള അവകാശം അദ്ദേഹ​ത്തി​നു ലഭിക്കാ​തെ​പോ​യി. (1 ദിന. 5:1) എന്തു​കൊണ്ട്‌? കുറച്ച്‌ വർഷങ്ങൾക്കു മുമ്പ്‌ രൂബേൻ യാക്കോ​ബി​ന്റെ ഉപപത്നിയായ ബിൽഹ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​രു​ന്നു. യാക്കോ​ബി​ന്റെ മരിച്ചു​പോയ പ്രിയ​ഭാ​ര്യ​യായ റാഹേ​ലി​ന്റെ ദാസി​യാ​യി​രു​ന്നു ബിൽഹ. (ഉൽപ. 35:19, 22) രൂബേ​നാ​കട്ടെ യാക്കോ​ബി​ന്റെ മറ്റൊരു ഭാര്യ​യായ ലേയയു​ടെ മകനും. എന്തു​കൊ​ണ്ടാ​യി​രി​ക്കാം രൂബേൻ ഇങ്ങനെ​യൊ​രു പാപം ചെയ്‌തത്‌? ചില​പ്പോൾ ലൈം​ഗി​ക​വി​കാ​രങ്ങൾ അദ്ദേഹ​ത്തി​നു നിയ​ന്ത്രി​ക്കാൻ പറ്റാതെ പോയ​താ​യി​രി​ക്കാം. അല്ലെങ്കിൽ യാക്കോബ്‌ ബിൽഹയെ വെറു​ത്തിട്ട്‌ തന്റെ അമ്മയായ ലേയയെ കൂടുതൽ സ്‌നേ​ഹി​ക്കണം എന്ന ചിന്തയാ​യി​രി​ക്കാം ഈ മോശ​മായ പ്രവൃ​ത്തി​ക്കു പിന്നിൽ. കാരണം എന്താ​ണെ​ങ്കി​ലും രൂബേൻ ചെയ്‌ത ആ കാര്യം യഹോ​വ​യോ​ടും തന്റെ അപ്പനോ​ടും ഉള്ള കടുത്ത അനാദ​ര​വാ​യി​രു​ന്നു.—ഉൽപത്തി 49:3, 4 വായി​ക്കുക.

7. രൂബേ​നും പിൻത​ല​മു​റ​ക്കാർക്കും എന്തു സംഭവി​ച്ചു? (“മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവചനം” എന്ന ചതുര​വും കാണുക.)

⁷ യാക്കോബ്‌ രൂബേ​നോട്‌ ഇങ്ങനെ​യും പറഞ്ഞു: “നീ ശ്രേഷ്‌ഠ​നാ​കില്ല.” ആ വാക്കുകൾ സത്യമാ​യി​ത്തീർന്നു. കാരണം രൂബേന്റെ പിൻത​ല​മു​റ​ക്കാ​രിൽ ആരും ഒരു രാജാ​വോ പുരോ​ഹി​ത​നോ പ്രവാ​ച​ക​നോ ആയതായി ബൈബി​ളിൽ രേഖയില്ല. എന്നാലും യാക്കോബ്‌ തന്റെ മകനെ തള്ളിക്ക​ള​ഞ്ഞില്ല. രൂബേന്റെ പിൻത​ല​മു​റ​ക്കാർക്ക്‌ ഇസ്രാ​യേ​ലിൽ ഒരു ഗോ​ത്രം​തന്നെ ലഭിച്ചു. (യോശു. 12:6) രൂബേൻ നല്ല ഗുണങ്ങൾ കാണിച്ച സന്ദർഭ​ങ്ങ​ളെ​ക്കു​റി​ച്ചും ബൈബി​ളിൽ പറയു​ന്നുണ്ട്‌. അതു​പോ​ലെ പിന്നീട്‌ ഒരിക്ക​ലും അദ്ദേഹം ഒരു അധാർമി​ക​പ്ര​വൃ​ത്തി​യി​ലേക്കു പോയ​തി​ന്റെ രേഖയു​മില്ല.—ഉൽപ. 37:20-22; 42:37.

8. രൂബേന്റെ അനുഭ​വ​ത്തിൽനിന്ന്‌ നമുക്ക്‌ എന്തെല്ലാം പാഠങ്ങൾ പഠിക്കാം?

⁸ നമുക്കുള്ള പാഠങ്ങൾ. നമ്മൾ ആത്മനി​യ​ന്ത്രണം വളർത്തി​യെ​ടു​ക്കാ​നും ലൈം​ഗിക അധാർമി​ക​ത​യിൽ ഏർപ്പെ​ടാ​തി​രി​ക്കാ​നും കഠിന​ശ്രമം ചെയ്യണം. തെറ്റു ചെയ്യാ​നുള്ള ഒരു പ്രലോ​ഭനം ഉണ്ടാകു​മ്പോൾ പെട്ടെ​ന്നു​തന്നെ ഇങ്ങനെ ചിന്തി​ക്കുക: ‘ഞാൻ ചെയ്യുന്ന ഈ കാര്യം യഹോ​വ​യെ​യും എന്റെ കുടും​ബ​ത്തെ​യും മറ്റുള്ള​വ​രെ​യും എങ്ങനെ ബാധി​ക്കും?’ “ഒരാൾ വിതയ്‌ക്കു​ന്ന​തു​തന്നെ കൊയ്യും” എന്ന കാര്യ​വും നമ്മൾ ഒരിക്ക​ലും മറക്കരുത്‌. (ഗലാ. 6:7) ഇനി, രൂബേന്റെ അനുഭവം യഹോ​വ​യു​ടെ കരുണ​യെ​ക്കു​റി​ച്ചും നമ്മളെ ഓർമി​പ്പി​ക്കു​ന്നു. തെറ്റു ചെയ്‌ത​തു​കൊണ്ട്‌ ഉണ്ടാകുന്ന കുഴപ്പ​ങ്ങ​ളിൽനിന്ന്‌ യഹോവ നമ്മളെ സംരക്ഷി​ക്കു​ന്നി​ല്ലെ​ങ്കി​ലും നമ്മൾ പശ്ചാത്ത​പിച്ച്‌ ശരി ചെയ്യാൻ ശ്രമി​ക്കു​മ്പോൾ യഹോവ നമ്മളെ അനു​ഗ്ര​ഹി​ക്കും.

ശിമെ​യോ​നും ലേവി​യും

9. ശിമെ​യോ​നോ​ടും ലേവി​യോ​ടും യാക്കോബ്‌ അനിഷ്ട​ത്തോ​ടെ സംസാ​രി​ച്ച​തി​ന്റെ കാരണം എന്താണ്‌? (ഉൽപത്തി 49:5-7)

⁹ ഉൽപത്തി 49:5-7 വായി​ക്കുക. അടുത്ത​താ​യി യാക്കോബ്‌ ശിമെ​യോ​നോ​ടും ലേവി​യോ​ടും ആണ്‌ സംസാ​രി​ക്കു​ന്നത്‌. യാക്കോ​ബി​ന്റെ അനിഷ്ടം വ്യക്തമാ​ക്കു​ന്ന​താ​യി​രു​ന്നു അവരോ​ടുള്ള ശക്തമായ ആ വാക്കുകൾ. വർഷങ്ങൾക്കു മുമ്പ്‌ യാക്കോ​ബി​ന്റെ മകളായ ദീനയെ കനാനി​ലുള്ള ശേഖേം എന്നൊ​രാൾ ബലാത്സം​ഗം ചെയ്‌തു. യാക്കോ​ബി​ന്റെ മക്കൾക്കെ​ല്ലാം അതിൽ ദേഷ്യം തോന്നി​യെ​ങ്കി​ലും ശിമെ​യോ​നും ലേവി​ക്കും ദേഷ്യ​വും അമർഷ​വും അടക്കാ​നാ​യില്ല. പരി​ച്ഛേ​ദ​ന​യേൽക്കു​ക​യാ​ണെ​ങ്കിൽ അവരു​മാ​യി സമാധാ​ന​ത്തി​ലാ​കാ​മെന്നു ശേഖേ​മി​നോ​ടും പുരു​ഷ​ന്മാ​രോ​ടും അവർ നുണ പറഞ്ഞു. ആ പുരു​ഷ​ന്മാർ അതിനു സമ്മതി​ക്കു​ക​യും ചെയ്‌തു. എന്നാൽ പരി​ച്ഛേ​ദ​ന​യേ​റ്റ​തി​ന്റെ വേദന​യോ​ടി​രി​ക്കു​മ്പോൾ, ശിമെ​യോ​നും ലേവി​യും “വാൾ എടുത്ത്‌ ആ നഗരത്തി​ലേക്കു ചെന്ന്‌ അവി​ടെ​യുള്ള ആണുങ്ങ​ളെ​യെ​ല്ലാം കൊന്നു.”—ഉൽപ. 34:25-29.

10. ശിമെ​യോ​നെ​യും ലേവി​യെ​യും കുറി​ച്ചുള്ള യാക്കോ​ബി​ന്റെ പ്രവചനം എങ്ങനെ​യാ​ണു നിവൃ​ത്തി​യേ​റി​യത്‌? (“മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവചനം” എന്ന ചതുര​വും കാണുക.)

¹⁰ ശിമെ​യോ​ന്റെ​യും ലേവി​യു​ടെ​യും അക്രമാ​സ​ക്ത​മായ പ്രവൃത്തി കാരണം യാക്കോ​ബിന്‌ അങ്ങേയറ്റം ബുദ്ധി​മു​ട്ടു തോന്നി. അവർ ഇസ്രാ​യേ​ലി​ലെ​ങ്ങും വിഭജി​ക്ക​പ്പെ​ടു​മെ​ന്നും ചിതറി​പ്പാർക്കു​മെ​ന്നും അദ്ദേഹം മുൻകൂ​ട്ടി​പ്പ​റഞ്ഞു. 200 വർഷങ്ങൾ കഴിഞ്ഞ്‌ ഇസ്രാ​യേൽ ജനം വാഗ്‌ദ​ത്ത​ദേ​ശത്ത്‌ പ്രവേ​ശി​ച്ച​പ്പോൾ ആ പ്രവചനം സത്യമാ​യി​ത്തീർന്നു. യഹൂദ​യു​ടെ അവകാ​ശ​ത്തി​നി​ട​യി​ലെ ഒറ്റപ്പെട്ട പ്രദേ​ശ​ങ്ങ​ളാ​യി​രു​ന്നു ശിമെ​യോന്‌ അവകാ​ശ​മാ​യി കിട്ടി​യത്‌. (യോശു. 19:1) ഇനി ലേവിക്ക്‌ അവകാ​ശ​മാ​യി കിട്ടി​യത്‌, ഇസ്രാ​യേ​ലി​ന്റെ പല ഭാഗങ്ങ​ളി​ലാ​യി ചിതറി​ക്കി​ട​ക്കുന്ന 48 നഗരങ്ങ​ളാണ്‌.—യോശു. 21:41.

11. ശിമെ​യോ​ന്റെ​യും ലേവി​യു​ടെ​യും ഗോ​ത്രങ്ങൾ എന്തെല്ലാം നല്ല കാര്യങ്ങൾ ചെയ്‌തു?

¹¹ ശിമെ​യോ​ന്റെ​യും ലേവി​യു​ടെ​യും പിൻത​ല​മു​റ​ക്കാർ തങ്ങളുടെ പിതാ​ക്ക​ന്മാ​രു​ടെ തെറ്റുകൾ ആവർത്തി​ച്ചില്ല. ലേവി​ഗോ​ത്രം ശുദ്ധാ​രാ​ധ​ന​യോ​ടു വലിയ വിശ്വ​സ്‌തത കാണിച്ചു. യഹോ​വ​യു​ടെ നിയമം സ്വീക​രി​ക്കാ​നാ​യി മോശ സീനായ്‌ പർവത​ത്തി​ലേക്കു പോയ​പ്പോൾ പല ഇസ്രാ​യേ​ല്യ​രും കാളക്കു​ട്ടി​യെ ആരാധിച്ച്‌ വിഗ്ര​ഹാ​രാ​ധ​ന​യിൽ ഏർപ്പെട്ടു. എന്നാൽ ലേവ്യർ അങ്ങനെ ചെയ്‌തില്ല. അവർ മോശ​യു​ടെ പക്ഷത്ത്‌ നിൽക്കു​ക​യും പിന്നീട്‌ വിഗ്ര​ഹാ​രാ​ധ​ന​യിൽ ഏർപ്പെട്ട ആ ഇസ്രാ​യേ​ല്യ​രെ നശിപ്പി​ക്കാൻ മോശയെ സഹായി​ക്കു​ക​യും ചെയ്‌തു. (പുറ. 32:26-29) അതു​പോ​ലെ ഇസ്രാ​യേ​ലി​ന്റെ പുരോ​ഹി​ത​ന്മാ​രാ​യി സേവി​ക്കാൻ യഹോവ തിര​ഞ്ഞെ​ടു​ത്തതു ലേവി​ഗോ​ത്ര​ത്തെ​യാ​യി​രു​ന്നു. (പുറ. 40:12-15; സംഖ്യ 3:11, 12) ഇനി, വാഗ്‌ദ​ത്ത​ദേശം പിടി​ച്ച​ട​ക്കുന്ന സമയത്ത്‌ കനാന്യർക്കെ​തി​രെ പോരാ​ടാൻ യഹൂദാ​ഗോ​ത്രത്തെ സഹായി​ച്ചതു ശിമെ​യോൻഗോ​ത്ര​മാണ്‌.—ന്യായാ. 1:3, 17

12. ശിമെ​യോ​ന്റെ​യും ലേവി​യു​ടെ​യും അനുഭ​വ​ത്തിൽനിന്ന്‌ നമുക്ക്‌ എന്തെല്ലാം പാഠങ്ങൾ പഠിക്കാം?

¹² നമുക്കുള്ള പാഠങ്ങൾ. നമ്മുടെ ദേഷ്യ​വും അരിശ​വും നമ്മൾ നിയ​ന്ത്രി​ക്കണം. ആരെങ്കി​ലും നമ്മളെ​യോ നമ്മുടെ പ്രിയ​പ്പെ​ട്ട​വ​രെ​യോ വേദനി​പ്പി​ച്ചാൽ സ്വാഭാ​വി​ക​മാ​യും നമുക്കു വിഷമം തോന്നും. (സങ്കീ. 4:4) എന്നാൽ ദേഷ്യ​ത്തോ​ടെ തിരിച്ച്‌ എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്‌താൽ യഹോവ അത്‌ അംഗീ​ക​രി​ക്കില്ല എന്ന കാര്യം നമ്മൾ ഓർക്കണം. (യാക്കോ. 1:20) ചില​പ്പോൾ അത്തരം അനീതി നേരി​ടു​ന്നതു സഭയ്‌ക്കു​ള്ളിൽനി​ന്നു​പോ​ലും ആകാം. അപ്പോ​ഴും ബൈബിൾത​ത്ത്വ​ങ്ങൾ അനുസ​രി​ച്ചു​കൊണ്ട്‌, അനിയ​ന്ത്രി​ത​മായ കോപ​ത്തോ​ടെ പ്രതി​ക​രി​ക്കു​ന്നതു നമ്മൾ ഒഴിവാ​ക്കും. (റോമ. 12:17, 19; 1 പത്രോ. 3:9) ഇനി, നിങ്ങളു​ടെ മാതാ​പി​താ​ക്കൾ യഹോ​വ​യ്‌ക്ക്‌ ഇഷ്ടമി​ല്ലാത്ത കാര്യങ്ങൾ ചെയ്യു​ന്നു​ണ്ടെ​ങ്കി​ലും നിങ്ങൾ അവരുടെ മാതൃക അനുക​രി​ക്ക​രുത്‌. പകരം ശരിയാ​യതു ചെയ്യുക. നിങ്ങൾ എന്തു ചെയ്‌താ​ലും യഹോ​വയെ സന്തോ​ഷി​പ്പി​ക്കാ​നാ​കി​ല്ലെ​ന്നും ഒരിക്ക​ലും ചിന്തി​ക്ക​രുത്‌. യഹോ​വ​യു​ടെ കണ്ണിൽ ശരിയാ​യതു ചെയ്യു​മ്പോൾ യഹോവ നിങ്ങളെ അനു​ഗ്ര​ഹി​ക്കു​മെന്ന ഉറപ്പു​ണ്ടാ​യി​രി​ക്കാം.

യഹൂദ

13. യാക്കോബ്‌ തന്നോടു സംസാ​രി​ക്കുന്ന സമയമാ​യ​പ്പോൾ യഹൂദ​യ്‌ക്കു പേടി​യും ഉത്‌ക​ണ്‌ഠ​യും തോന്നി​യി​രി​ക്കാ​നുള്ള കാരണം എന്താണ്‌?

¹³ യാക്കോബ്‌ അടുത്ത​താ​യി സംസാ​രി​ക്കു​ന്നതു യഹൂദ​യോ​ടാണ്‌. തന്റെ മൂത്ത സഹോ​ദ​ര​ന്മാ​രോട്‌ അപ്പൻ പറഞ്ഞ വാക്കു​ക​ളെ​ല്ലാം കേട്ട​പ്പോൾ യഹൂദ​യ്‌ക്കു പേടി​യും ഉത്‌ക​ണ്‌ഠ​യും തോന്നി​യി​രി​ക്കാം. കാരണം യഹൂദ​യും ഗുരു​ത​ര​മായ പല തെറ്റുകൾ ചെയ്‌തി​ട്ടുണ്ട്‌. ശിമെ​യോ​നും ലേവി​യും ശേഖേ​മി​നെ​യും അവി​ടെ​യുള്ള ആളുക​ളെ​യും കൊന്ന​ശേഷം യാക്കോ​ബി​ന്റെ മറ്റ്‌ ആൺമക്കൾ ആ നഗരം കൊള്ള​യ​ടി​ച്ചു. അക്കൂട്ട​ത്തിൽ യഹൂദ​യും ഉണ്ടായി​രു​ന്നു. (ഉൽപ. 34:27) തന്റെ അനിയ​നായ യോ​സേ​ഫി​നെ വിൽക്കാ​നും യോ​സേഫ്‌ മരി​ച്ചെന്നു പറഞ്ഞ്‌ അപ്പനെ വഞ്ചിക്കാ​നും യഹൂദ കൂട്ടു​നി​ന്നു. (ഉൽപ. 37:31-33) പിന്നീട്‌ തന്റെ മരുമ​ക​ളായ താമാ​റു​മാ​യി യഹൂദ ലൈം​ഗി​ക​ബ​ന്ധ​ത്തിൽ ഏർപ്പെ​ടു​ക​യും ചെയ്‌തു. ഒരു വേശ്യ​യാ​ണെന്നു കരുതി​യാണ്‌ അങ്ങനെ ചെയ്‌തത്‌.—ഉൽപ. 38:15-18.

14. എന്തെല്ലാം നല്ല കാര്യ​ങ്ങ​ളാണ്‌ യഹൂദ ചെയ്‌തത്‌? (ഉൽപത്തി 49:8, 9)

¹⁴ എന്നാൽ യഹൂദ​യു​ടെ കുറവു​ക​ളെ​ക്കു​റി​ച്ചൊ​ന്നും പറയാതെ ദൈവ​പ്ര​ചോ​ദി​ത​മാ​യി യാക്കോബ്‌ യഹൂദയെ അനു​ഗ്ര​ഹി​ക്കു​ക​യും അഭിന​ന്ദി​ക്കു​ക​യും ആണ്‌ ചെയ്‌തത്‌. (ഉൽപത്തി 49:8, 9 വായി​ക്കുക.) പ്രായ​മായ അപ്പനെ​ക്കു​റിച്ച്‌ ശരിക്കും ചിന്തയു​ണ്ടെന്ന്‌ യഹൂദ തെളി​യി​ച്ചി​രു​ന്നു. അതു​പോ​ലെ ഏറ്റവും ഇളയ അനിയ​നായ ബന്യാ​മീ​നോ​ടും യഹൂദ സ്‌നേ​ഹ​വും അനുക​മ്പ​യും പ്രകട​മാ​ക്കി.—ഉൽപ. 44:18, 30-34.

15. യഹൂദ​യ്‌ക്ക്‌ കിട്ടിയ അനു​ഗ്രഹം നിവൃ​ത്തി​യേ​റി​യത്‌ എങ്ങനെ​യെ​ല്ലാ​മാണ്‌?

¹⁵ മക്കൾക്കി​ട​യിൽ നേതൃ​ത്വ​മെ​ടു​ക്കു​ന്നതു യഹൂദ ആയിരി​ക്കു​മെന്നു യാക്കോബ്‌ മുൻകൂ​ട്ടി​പ്പ​റഞ്ഞു. എന്നാൽ ആ പ്രവചനം നിവൃ​ത്തി​യേ​റാൻ വളരെ​ക്കാ​ലം എടുക്കു​മാ​യി​രു​ന്നു. ഏതാണ്ട്‌ 200 വർഷം കഴിഞ്ഞ്‌ ഇസ്രാ​യേ​ല്യർ ഈജി​പ്‌തിൽനിന്ന്‌ വിടു​വി​ക്ക​പ്പെ​ട്ട​ശേഷം വിജന​ഭൂ​മി​യി​ലൂ​ടെ വാഗ്‌ദ​ത്ത​ദേ​ശ​ത്തേക്കു പോയ​പ്പോൾ ആദ്യം പുറ​പ്പെ​ട്ടത്‌ യഹൂദാ​ഗോ​ത്ര​മാ​യി​രു​ന്നു. മറ്റു ഗോ​ത്രങ്ങൾ അവരെ പിന്തു​ടർന്നു. (സംഖ്യ 10:14) വർഷങ്ങൾക്കു ശേഷം വാഗ്‌ദ​ത്ത​ദേശം പിടി​ച്ച​ട​ക്കാൻ ആദ്യമാ​യി പോയ​തും യഹൂദാ​ഗോ​ത്ര​മാ​യി​രു​ന്നു. (ന്യായാ. 1:1, 2) അതു​പോ​ലെ, യഹൂദാ​ഗോ​ത്ര​ത്തിൽനിന്ന്‌ ഒരുപാട്‌ രാജാ​ക്ക​ന്മാർ വന്നു. അതിൽ ഏറ്റവും ആദ്യത്തെ രാജാവ്‌ യഹൂദ​യു​ടെ പിൻത​ല​മു​റ​ക്കാ​ര​നായ ദാവീ​ദാ​യി​രു​ന്നു. എന്നാൽ യഹൂദ​യെ​ക്കു​റി​ച്ചുള്ള പ്രവച​ന​ത്തിന്‌ ഇനിയും നിവൃ​ത്തി​യുണ്ട്‌.

16. ഉൽപത്തി 49:10-ലെ പ്രവചനം എങ്ങനെ​യാ​ണു നിറ​വേ​റി​യത്‌? (“മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവചനം” എന്ന ചതുര​വും കാണുക.)

¹⁶ മനുഷ്യ​രെ എന്നേക്കു​മാ​യി ഭരിക്കുന്ന ഒരു ഭരണാ​ധി​കാ​രി യഹൂദ​യു​ടെ പിൻത​ല​മു​റ​ക്കാ​രിൽനിന്ന്‌ വരു​മെ​ന്നും യാക്കോബ്‌ മുൻകൂ​ട്ടി​പ്പ​റഞ്ഞു. (ഉൽപത്തി 49:10-ഉം അടിക്കു​റി​പ്പും വായി​ക്കുക.) ആ ഭരണാ​ധി​കാ​രി​യെ ശീലോ എന്നാണ്‌ യാക്കോബ്‌ വിളി​ച്ചത്‌. അതു യേശു​ക്രി​സ്‌തു​വാ​യി​രു​ന്നു. യേശു​വി​നെ​ക്കു​റിച്ച്‌ ഒരു ദൂതൻ പറഞ്ഞത്‌ ഇങ്ങനെ​യാണ്‌: ‘ദൈവ​മായ യഹോവ അവന്‌, പിതാ​വായ ദാവീ​ദി​ന്റെ സിംഹാ​സനം കൊടു​ക്കും.’ (ലൂക്കോ. 1:32, 33) ഇനി, യേശു​വി​നെ ‘യഹൂദാ​ഗോ​ത്ര​ത്തി​ലെ സിംഹം’ എന്നും വിളി​ച്ചി​ട്ടുണ്ട്‌.—വെളി. 5:5.

17. മറ്റുള്ള​വരെ നമ്മൾ എങ്ങനെ കാണണം, ഇക്കാര്യ​ത്തിൽ നമുക്ക്‌ എങ്ങനെ യഹോ​വയെ അനുക​രി​ക്കാം?

¹⁷ നമുക്കുള്ള പാഠങ്ങൾ. യഹൂദ ഗുരു​ത​ര​മായ തെറ്റുകൾ ചെയ്‌തെ​ങ്കി​ലും യഹോവ അദ്ദേഹത്തെ അനു​ഗ്ര​ഹി​ച്ചു. യഹൂദ​യിൽ എന്തു നന്മയാണ്‌ യഹോവ കണ്ടതെന്ന്‌ അദ്ദേഹ​ത്തി​ന്റെ സഹോ​ദ​ര​ന്മാർ ചിന്തി​ച്ചു​കാ​ണു​മോ? കാര്യം എന്താ​ണെ​ങ്കി​ലും യഹൂദ​യു​ടെ നല്ല ഗുണങ്ങൾ യഹോവ കണ്ടു, അദ്ദേഹത്തെ അനു​ഗ്ര​ഹി​ച്ചു. നമുക്ക്‌ യഹോ​വ​യു​ടെ ഈ മാതൃക എങ്ങനെ അനുക​രി​ക്കാം? ഒരു സഹോ​ദ​ര​നോ സഹോ​ദ​രി​ക്കോ പ്രത്യേക നിയമ​ന​മോ പദവി​ക​ളോ ലഭിക്കു​മ്പോൾ നമ്മൾ അവരുടെ കുറവു​ക​ളി​ലേ​ക്കാ​ണോ ആദ്യം ശ്രദ്ധി​ക്കു​ന്നത്‌? നമുക്ക്‌ ഒന്നോർക്കാം: യഹോവ ഉറപ്പാ​യും അവരുടെ നല്ല ഗുണങ്ങ​ളിൽ സന്തുഷ്ട​നാണ്‌. യഹോവ തന്റെ ആരാധ​ക​രു​ടെ നന്മയി​ലേ​ക്കാ​ണു നോക്കു​ന്നത്‌. നമുക്കും അങ്ങനെ​തന്നെ ചെയ്യാം.

18. നമ്മൾ ക്ഷമയോ​ടെ കാത്തി​രി​ക്കേ​ണ്ടത്‌ എന്തു​കൊണ്ട്‌?

¹⁸ യഹൂദ​യിൽനിന്ന്‌ പഠിക്കാൻ കഴിയുന്ന മറ്റൊരു പാഠം, ക്ഷമയോ​ടെ കാത്തി​രി​ക്കണം എന്നതാണ്‌. യഹോവ എല്ലായ്‌പോ​ഴും തന്റെ വാക്കു പാലി​ക്കു​ന്നു. എന്നാൽ അതു നമ്മൾ ഉദ്ദേശിച്ച വിധത്തി​ലോ സമയത്തോ ആയിരി​ക്ക​ണ​മെ​ന്നില്ല. യഹൂദ​യു​ടെ പിൻത​ല​മു​റ​ക്കാ​രു​ടെ കാര്യ​മെ​ടു​ത്താൽ അവരാ​രും പെട്ടെന്നു ദൈവ​ജ​ന​ത്തി​നി​ട​യിൽ നേതൃ​ത്വ​മെ​ടു​ക്കാൻ തുടങ്ങി​യില്ല. എന്നാൽ നേതൃ​ത്വ​മെ​ടു​ക്കാൻ യഹോവ നിയമിച്ച ലേവ്യ​നായ മോശ​യെ​യും എഫ്രയീ​മ്യ​നായ യോശു​വ​യെ​യും ബന്യാ​മീ​ന്യ​നായ ശൗൽ രാജാ​വി​നെ​യും ഒക്കെ അവർ വിശ്വ​സ്‌ത​മാ​യി പിന്തു​ണച്ചു. അതു​പോ​ലെ നേതൃ​ത്വ​മെ​ടു​ക്കാൻ യഹോവ ഇന്നു തിര​ഞ്ഞെ​ടു​ക്കു​ന്ന​വരെ നമുക്കു പൂർണ​മാ​യി പിന്തു​ണ​യ്‌ക്കാം.—എബ്രാ. 6:12.

19. മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവച​ന​ത്തിൽനിന്ന്‌ യഹോ​വ​യെ​ക്കു​റിച്ച്‌ എന്തു പഠിക്കാം?

¹⁹ മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവച​ന​ത്തിൽനിന്ന്‌ നമ്മൾ ഇതുവരെ എന്താണു പഠിച്ചത്‌? “മനുഷ്യൻ കാണു​ന്ന​തു​പോ​ലെയല്ല ദൈവം കാണു​ന്നത്‌” എന്ന കാര്യം വ്യക്തമാണ്‌. (1 ശമു. 16:7) യഹോവ ക്ഷമയോ​ടെ കാത്തി​രി​ക്കു​ക​യും ക്ഷമിക്കു​ക​യും ചെയ്യുന്നു. മോശ​മായ പ്രവൃ​ത്തി​കൾ യഹോവ വെച്ചു​പൊ​റു​പ്പി​ക്കില്ല എന്നതു ശരിയാണ്‌. അതേസ​മയം തന്റെ ആരാധ​ക​രിൽനിന്ന്‌ യഹോവ പൂർണത പ്രതീ​ക്ഷി​ക്കു​ന്നു​മില്ല. മുമ്പ്‌ ഗുരു​ത​ര​മായ തെറ്റുകൾ ചെയ്‌തവർ പശ്ചാത്ത​പി​ക്കു​ക​യും ശരിയായ കാര്യങ്ങൾ ചെയ്യാൻ ശ്രമി​ക്കു​ക​യും ചെയ്‌താൽ യഹോവ അവരെ അനു​ഗ്ര​ഹി​ക്കു​ക​പോ​ലും ചെയ്യും. അടുത്ത ലേഖന​ത്തിൽ യാക്കോബ്‌ തന്റെ ബാക്കി​യുള്ള എട്ട്‌ ആൺമക്ക​ളോട്‌ എന്താണ്‌ പറഞ്ഞ​തെന്നു നമ്മൾ കാണും.