യാക്കോ​ബി​ന്റെ അവസാന വാക്കു​ക​ളിൽനി​ന്നുള്ള പാഠങ്ങൾ—ഭാഗം 2

1. ഈ ലേഖന​ത്തിൽ നമ്മൾ എന്തു ചർച്ച ചെയ്യും?

യാക്കോ​ബി​ന്റെ ആൺമക്കൾ ഇപ്പോൾ അദ്ദേഹ​ത്തി​നു ചുറ്റും കൂടി​യി​രി​ക്കു​ക​യാണ്‌. അവർ തങ്ങളുടെ പ്രായ​മായ അപ്പൻ പറയുന്ന വാക്കുകൾ ഓരോ​ന്നും ശ്രദ്ധിച്ച്‌ കേൾക്കു​ന്നു. കഴിഞ്ഞ ലേഖന​ത്തിൽ നമ്മൾ ചിന്തി​ച്ച​തു​പോ​ലെ രൂബേ​നെ​ക്കു​റി​ച്ചും ശിമെ​യോ​നെ​ക്കു​റി​ച്ചും ലേവി​യെ​ക്കു​റി​ച്ചും യഹൂദ​യെ​ക്കു​റി​ച്ചും യാക്കോബ്‌ ചില പ്രവച​നങ്ങൾ നടത്തി​യതേ ഉള്ളൂ. പ്രതീ​ക്ഷി​ക്കാത്ത കാര്യങ്ങൾ കേട്ടതി​ന്റെ അമ്പരപ്പി​ലാ​യി​രി​ക്കാം അവർ. ബാക്കി​യുള്ള എട്ട്‌ ആൺമക്ക​ളോട്‌ അപ്പൻ ഇനി എന്താണു പറയാൻ പോകു​ന്ന​തെന്ന ആകാം​ക്ഷ​യും അവർക്കുണ്ട്‌. യാക്കോ​ബി​ന്റെ മക്കളായ സെബു​ലൂൻ, യിസ്സാ​ഖാർ, ദാൻ, ഗാദ്‌, ആശേർ, നഫ്‌താ​ലി, യോ​സേഫ്‌, ബന്യാ​മീൻ എന്നിവ​രോട്‌ യാക്കോബ്‌ പറഞ്ഞ വാക്കു​ക​ളിൽനിന്ന്‌ എന്തു പഠിക്കാ​മെന്നു നമ്മൾ നോക്കും.a

സെബു​ലൂൻ

2. സെബു​ലൂ​നോ​ടു യാക്കോബ്‌ എന്താണു പറഞ്ഞത്‌, അത്‌ എങ്ങനെ​യാണ്‌ നിറ​വേ​റി​യത്‌? (ഉൽപത്തി 49:13) (ചതുര​വും കാണുക.)

² ഉൽപത്തി 49:13 വായി​ക്കുക. സെബു​ലൂ​ന്റെ പിൻത​ല​മു​റ​ക്കാർ കടലിന്‌ അടുത്ത്‌ താമസ​മാ​ക്കു​മെന്നു യാക്കോബ്‌ സൂചി​പ്പി​ച്ചു; അതായത്‌ വാഗ്‌ദ​ത്ത​ദേ​ശ​ത്തി​ന്റെ വടക്ക്‌ വശത്ത്‌. 200-ലധികം വർഷങ്ങൾക്കു ശേഷം സെബു​ലൂൻ ഗോ​ത്ര​ത്തിന്‌ ഒരു അവകാശം ലഭിച്ചു. അത്‌, ഗലീല​ക്ക​ട​ലി​നും മെഡി​റ്റ​റേ​നി​യൻ കടലി​നും ഇടയി​ലാ​യി​രു​ന്നു. മോശ ഇങ്ങനെ പ്രവചി​ച്ചു: ‘സെബു​ലൂ​നേ, നീ നിന്റെ പ്രയാ​ണ​ങ്ങ​ളിൽ ആഹ്ലാദി​ക്കുക.’ (ആവ. 33:18) മോശ ഇങ്ങനെ പറഞ്ഞത്‌, ചില​പ്പോൾ സെബു​ലൂൻ ഗോ​ത്ര​ത്തി​നു രണ്ടു കടലി​ലേ​ക്കും എളുപ്പ​ത്തിൽ യാത്ര ചെയ്‌ത്‌ വ്യാപാ​രം നടത്താൻ കഴിയു​മെ​ന്ന​തു​കൊ​ണ്ടാ​യി​രി​ക്കാം. എന്തുത​ന്നെ​യാ​യാ​ലും സെബു​ലൂ​ന്റെ പിൻത​ല​മു​റ​ക്കാർക്കു സന്തോ​ഷി​ക്കാൻ കാരണ​മു​ണ്ടാ​യി​രു​ന്നു.

3. സന്തോ​ഷ​മു​ള്ള​വ​രാ​യി​രി​ക്കാൻ നമ്മളെ എന്തു സഹായി​ക്കും?

³ നമുക്കുള്ള പാഠങ്ങൾ: നമ്മൾ താമസി​ക്കു​ന്നത്‌ എവി​ടെ​യാ​യാ​ലും നമ്മുടെ സാഹച​ര്യം എന്തുത​ന്നെ​യാ​ണെ​ങ്കി​ലും സന്തോ​ഷ​ത്തോ​ടെ​യി​രി​ക്കാൻ കാരണ​ങ്ങ​ളുണ്ട്‌. ഉള്ളതിൽ തൃപ്‌തി​പ്പെ​ടു​ക​യാ​ണെ​ങ്കിൽ നമുക്കു സന്തോഷം നിലനി​റു​ത്താൻ കഴിയും. (സങ്കീ. 16:6; 24:5) ചില​പ്പോ​ഴൊ​ക്കെ നമുക്കുള്ള നല്ല കാര്യ​ങ്ങ​ളെ​ക്കാൾ നമുക്കി​ല്ലാത്ത കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ ആയിരി​ക്കാം നമ്മുടെ ചായ്‌വ്‌. അതു​കൊണ്ട്‌ നമ്മുടെ സാഹച​ര്യ​ത്തി​ലെ നന്മകൾ കാണാൻ നമുക്കു ശ്രമി​ക്കാം.—ഗലാ. 6:4.

യിസ്സാ​ഖാർ

4. യിസ്സാ​ഖാ​രി​നോ​ടു യാക്കോബ്‌ എന്താണു പറഞ്ഞത്‌, അത്‌ എങ്ങനെ​യാണ്‌ നിറ​വേ​റി​യത്‌? (ഉൽപത്തി 49:14, 15) (ചതുര​വും കാണുക.)

⁴ ഉൽപത്തി 49:14, 15 വായി​ക്കുക. നല്ല ഭാരം ചുമക്കുന്ന അസ്ഥിബ​ല​മുള്ള കഴുത​യോ​ടു താരത​മ്യം ചെയ്‌തു​കൊണ്ട്‌ യാക്കോബ്‌ യിസ്സാ​ഖാ​രി​ന്റെ കഠിനാ​ധ്വാ​നത്തെ അഭിന​ന്ദി​ച്ചു. യിസ്സാ​ഖാ​രി​നു നല്ലൊരു ദേശം അവകാ​ശ​മാ​യി കിട്ടു​മെ​ന്നും യാക്കോബ്‌ പറഞ്ഞു. ആ വാക്കു​കൾക്കു ചേർച്ച​യിൽ യിസ്സാ​ഖാ​രി​ന്റെ പിൻത​ല​മു​റ​ക്കാർക്കു യോർദാൻ നദി​യോ​ടു ചേർന്ന, നല്ല വിളവ്‌ തരുന്ന ഒരു ദേശം അവകാ​ശ​മാ​യി കിട്ടി. (യോശു. 19:22) തങ്ങളുടെ ദേശത്ത്‌ കൃഷി ചെയ്യു​ന്ന​തി​നു മാത്രമല്ല മറ്റുള്ള​വ​രു​ടെ പ്രയോ​ജ​ന​ത്തി​നു​വേ​ണ്ടി​യും അവർ കഠിനാ​ധ്വാ​നം ചെയ്‌തു. (1 രാജാ. 4:7, 17) ഉദാഹ​ര​ണ​ത്തിന്‌, ന്യായാ​ധി​പ​നായ ബാരാ​ക്കും പ്രവാ​ച​കി​യായ ദബോ​ര​യും സീസര​യ്‌ക്ക്‌ എതിരെ യുദ്ധം ചെയ്യാൻ ഇസ്രാ​യേ​ല്യ​രോ​ടു സഹായം ചോദി​ച്ച​പ്പോൾ അവരെ സഹായി​ക്കാൻ യിസ്സാ​ഖാർ ഗോ​ത്ര​വും മുന്നോ​ട്ടു വന്നു. മറ്റു സമയങ്ങ​ളി​ലും അവർ യുദ്ധത്തി​നു സഹായി​ച്ചു.—ന്യായാ. 5:15.

5. നമ്മൾ കഠിനാ​ധ്വാ​നം ചെയ്യേ​ണ്ടത്‌ എന്തു​കൊണ്ട്‌?

⁵ നമുക്കുള്ള പാഠങ്ങൾ: യിസ്സാ​ഖാർ ഗോ​ത്ര​ത്തി​ന്റെ കഠിനാ​ധ്വാ​നത്തെ യഹോവ വിലമ​തി​ച്ച​തു​പോ​ലെ തന്റെ സേവന​ത്തി​ലെ നമ്മുടെ കഠിനാ​ധ്വാ​ന​ത്തെ​യും യഹോവ വിലമ​തി​ക്കും. (സഭാ. 2:24) ഉദാഹ​ര​ണ​ത്തിന്‌, സഭയെ പരിപാ​ലി​ക്കാൻ കഠിനാ​ധ്വാ​നം ചെയ്യുന്ന സഹോ​ദ​ര​ങ്ങ​ളു​ടെ കാര്യ​മെ​ടു​ക്കുക. (1 തിമൊ. 3:1) യിസ്സാ​ഖാർ ഗോ​ത്ര​ത്തി​ലെ ആളുക​ളെ​പ്പോ​ലെ ഇന്ന്‌ ഈ സഹോ​ദ​രങ്ങൾ യുദ്ധ​മൊ​ന്നും ചെയ്യു​ന്നി​ല്ലെ​ങ്കി​ലും സഭയെ ആത്മീയ അപകട​ങ്ങ​ളിൽനിന്ന്‌ സംരക്ഷി​ക്കാൻ അവർ കഠിനാ​ധ്വാ​നം ചെയ്യുന്നു. (1 കൊരി. 5:1, 5; യൂദ 17-23) അതു​പോ​ലെ സഭയെ പ്രോ​ത്സാ​ഹി​പ്പി​ക്കാ​നാ​യി നല്ല പ്രസം​ഗങ്ങൾ തയ്യാറാ​കാ​നും നടത്താ​നും ഈ സഹോ​ദ​രങ്ങൾ നല്ല ശ്രമം ചെയ്യുന്നു.—1 തിമൊ. 5:17.

ദാൻ

6. ദാൻ ഗോ​ത്ര​ത്തിന്‌ എന്തു നിയമ​ന​മാ​ണു കിട്ടി​യത്‌? (ഉൽപത്തി 49:17, 18) (ചതുര​വും കാണുക.)

⁶ ഉൽപത്തി 49:17, 18 വായി​ക്കുക. യാക്കോബ്‌ ദാനിനെ ഒരു പാമ്പി​നോ​ടാണ്‌ ഉപമി​ച്ചത്‌; തന്നെക്കാൾ വലിയ എതിരാ​ളി​യായ ഒരു യുദ്ധക്കു​തി​ര​യെ​യും അതിന്റെ സവാരി​ക്കാ​ര​നെ​യും നേരി​ടുന്ന ഒരു പാമ്പി​നോട്‌. ദാൻ ഗോ​ത്ര​ത്തി​ന്റെ കാര്യ​ത്തിൽ അതു സത്യമാ​യി. അവർ ഇസ്രാ​യേ​ല്യ​രു​ടെ ശത്രു​ക്കൾക്കെ​തി​രെ ധൈര്യ​ത്തോ​ടെ പോരാ​ടി. വാഗ്‌ദ​ത്ത​ദേ​ശ​ത്തേ​ക്കുള്ള യാത്ര​യിൽ ദാൻ ഗോത്രം “പിൻപ​ട​യാ​യി” നിന്നു​കൊണ്ട്‌ ഇസ്രാ​യേ​ല്യ​രെ സംരക്ഷി​ച്ചു. (സംഖ്യ 10:25) പിന്നിൽനിന്ന്‌ ഇവർ ചെയ്‌ത കാര്യ​ങ്ങ​ളെ​ല്ലാ​മൊ​ന്നും ഇസ്രാ​യേ​ല്യർ കണ്ടി​ല്ലെ​ങ്കി​ലും അതു വളരെ പ്രധാ​ന​പ്പെട്ട ഒരു നിയമ​ന​മാ​യി​രു​ന്നു.

7. യഹോ​വ​യ്‌ക്കാ​യി എന്തെങ്കി​ലും ചെയ്യു​മ്പോൾ നമുക്ക്‌ എന്തു മനസ്സിൽപ്പി​ടി​ക്കാം?

⁷ നമുക്കുള്ള പാഠങ്ങൾ: നിങ്ങൾ ചെയ്‌ത ഏതെങ്കി​ലും നിയമനം മറ്റുള്ളവർ ശ്രദ്ധി​ക്കാ​തെ​പോ​യെന്നു നിങ്ങൾക്കു തോന്നി​യി​ട്ടു​ണ്ടോ? ചില​പ്പോൾ നിങ്ങൾ രാജ്യ​ഹാൾ വൃത്തി​യാ​ക്കാ​നോ അതിന്റെ അറ്റകു​റ്റ​പ്പ​ണി​കൾക്കോ സഹായി​ച്ചി​ട്ടു​ണ്ടാ​കും, അല്ലെങ്കിൽ ഒരു സമ്മേള​ന​ത്തി​നോ കൺ​വെൻ​ഷ​നോ സഹായി​ക്കാ​നാ​യി നിങ്ങ​ളെ​ത്തന്നെ വിട്ടു​കൊ​ടു​ത്തി​ട്ടു​ണ്ടാ​കും. അതല്ലെ​ങ്കിൽ അതു​പോ​ലുള്ള മറ്റെ​ന്തെ​ങ്കി​ലും ജോലി​കൾ ചെയ്‌തി​ട്ടു​ണ്ടാ​കും. നിങ്ങൾ ചെയ്‌ത ആ സേവന​ങ്ങൾക്കു നിങ്ങളെ ആത്മാർഥ​മാ​യി അഭിന​ന്ദി​ക്കു​ന്നു. നിങ്ങൾ യഹോ​വ​യ്‌ക്കു​വേണ്ടി ചെയ്യുന്ന കാര്യങ്ങൾ യഹോവ കാണു​ന്നു​ണ്ടെ​ന്നും അതിൽ സന്തുഷ്ട​നാ​ണെ​ന്നും എപ്പോ​ഴും ഓർക്കുക. കാരണം നിങ്ങൾ ഇതെല്ലാം ചെയ്യു​ന്നതു മറ്റുള്ള​വ​രു​ടെ കൈയടി നേടാൻവേ​ണ്ടി​യല്ല പകരം യഹോ​വയെ ആത്മാർഥ​മാ​യി സ്‌നേ​ഹി​ക്കു​ന്ന​തു​കൊ​ണ്ടാ​ണെന്ന്‌ യഹോ​വ​യ്‌ക്ക്‌ അറിയാം.—മത്താ. 6:1-4.

ഗാദ്‌

8. ഗാദ്യരെ ശത്രു​ക്കൾക്ക്‌ എളുപ്പം ആക്രമി​ക്കാൻ പറ്റുമാ​യി​രു​ന്നത്‌ എന്തു​കൊണ്ട്‌? (ഉൽപത്തി 49:19) (ചതുര​വും കാണുക.)

⁸ ഉൽപത്തി 49:19 വായി​ക്കുക. ഗാദിനെ ഒരു കവർച്ചപ്പട ആക്രമി​ക്കു​മെന്നു യാക്കോബ്‌ മുൻകൂ​ട്ടി​പ്പ​റഞ്ഞു. 200-ലധികം വർഷങ്ങൾക്കു ശേഷം യോർദാൻ നദിക്കു കിഴക്കുള്ള ഒരു ദേശം അവർക്ക്‌ അവകാ​ശ​മാ​യി കിട്ടി. അതിനു തൊട്ട​ടുത്ത്‌ ശത്രു​ക്ക​ളു​ടെ ദേശമാ​യി​രു​ന്ന​തു​കൊണ്ട്‌ അവർക്കു ഗാദിനെ എളുപ്പം ആക്രമി​ക്കാ​നാ​കു​മാ​യി​രു​ന്നു. എങ്കിലും ആ ദേശത്തു​തന്നെ കഴിയാൻ ഗാദ്യർ തീരു​മാ​നി​ച്ചു. കാരണം തങ്ങളുടെ ആടുമാ​ടു​കളെ വളർത്താൻ പറ്റിയ സ്ഥലമാ​യി​രു​ന്നു അത്‌. (സംഖ്യ 32:1, 5) തെളി​വ​നു​സ​രിച്ച്‌ ഗാദ്യർ നല്ല ധൈര്യ​മുള്ള ആളുക​ളാ​യി​രു​ന്നു. അതു​പോ​ലെ ഈ ദേശം തന്ന ദൈവ​ത്തിന്‌ ഏത്‌ ആക്രമ​ണ​ങ്ങ​ളിൽനി​ന്നും തങ്ങളുടെ ദേശത്തെ സംരക്ഷി​ക്കാൻ കഴിയു​മെ​ന്നും അവർക്ക്‌ ഉറപ്പു​ണ്ടാ​യി​രു​ന്നു. ഇനി, വാഗ്‌ദ​ത്ത​ദേ​ശ​ത്തി​ന്റെ ബാക്കി ഭാഗം പിടി​ച്ച​ട​ക്കാൻ മറ്റു ഗോ​ത്ര​ക്കാ​രെ സഹായി​ക്കു​ന്ന​തി​നു തങ്ങളുടെ സൈന്യ​ത്തെ വർഷങ്ങ​ളോ​ളം വിട്ടയ​യ്‌ക്കാൻപോ​ലും ഗാദ്യർ തയ്യാറാ​യി​രു​ന്നു. (സംഖ്യ 32:16-19) സൈന്യം ദൂരെ​യാ​യി​രി​ക്കു​മ്പോൾ തങ്ങളുടെ ഭാര്യ​മാ​രെ​യും മക്കളെ​യും യഹോവ സംരക്ഷി​ക്കു​മെന്ന്‌ ഗാദ്യർ വിശ്വ​സി​ച്ചു. അവരുടെ ധൈര്യ​ത്തെ​യും ആത്മത്യാ​ഗ​മ​നോ​ഭാ​വ​ത്തെ​യും യഹോവ അനു​ഗ്ര​ഹി​ച്ചു.—യോശു. 22:1-4.

9. യഹോ​വ​യിൽ ആശ്രയി​ക്കു​ന്നെ​ങ്കിൽ നമ്മൾ എങ്ങനെ​യുള്ള തീരു​മാ​ന​ങ്ങ​ളെ​ടു​ക്കും?

⁹ നമുക്കുള്ള പാഠങ്ങൾ: യഹോ​വ​യിൽ ആശ്രയി​ക്കു​ന്നതു തുടർന്നാൽ മാത്രമേ ബുദ്ധി​മു​ട്ടു​കൾ ഉണ്ടാകു​മ്പോ​ഴും യഹോ​വയെ സേവി​ക്കാൻ നമുക്കു കഴിയൂ. (സങ്കീ. 37:3) ദിവ്യാ​ധി​പത്യ നിർമാണ പ്രവർത്ത​ന​ങ്ങളെ പിന്തു​ണ​യ്‌ക്കാ​നും ആവശ്യം അധിക​മു​ള്ളി​ടത്ത്‌ സേവി​ക്കാ​നും മറ്റു നിയമ​നങ്ങൾ ചെയ്യാ​നും ത്യാഗങ്ങൾ ചെയ്‌തു​കൊണ്ട്‌ ഇന്നു പലരും യഹോ​വ​യിൽ ആശ്രയി​ക്കു​ന്നെന്നു കാണി​ക്കു​ന്നു. യഹോവ എപ്പോ​ഴും തങ്ങളെ പരിപാ​ലി​ക്കു​മെന്ന്‌ ഉറപ്പു​ള്ള​തു​കൊ​ണ്ടാണ്‌ അവർ അങ്ങനെ ചെയ്യു​ന്നത്‌.—സങ്കീ. 23:1.

ആശേർ

10. ആശേർ എന്തു ചെയ്യു​ന്ന​തിൽ പരാജ​യ​പ്പെട്ടു? (ഉൽപത്തി 49:20) (ചതുര​വും കാണുക.)

¹⁰ ഉൽപത്തി 49:20 വായി​ക്കുക. ആശേർ ഗോ​ത്ര​ത്തി​നു സമൃദ്ധി​യു​ണ്ടാ​കു​മെന്നു യാക്കോബ്‌ മുൻകൂ​ട്ടി​പ്പ​റഞ്ഞു. അതുത​ന്നെ​യാ​ണു സംഭവി​ച്ച​തും. ആശേർ ഗോ​ത്ര​ത്തിന്‌ അവകാ​ശ​മാ​യി നൽകിയ പ്രദേ​ശ​ത്തിൽ ഇസ്രാ​യേ​ലി​ലെ ഏറ്റവും ഫലസമൃ​ദ്ധ​മായ ചില സ്ഥലങ്ങളും ഉൾപ്പെ​ട്ടി​രു​ന്നു. (ആവ. 33:24) മെഡി​റ്റ​റേ​നി​യൻ കടലി​നോ​ടു ചേർന്ന്‌ കിടക്കുന്ന ആ പ്രദേ​ശ​ത്താ​യി​രു​ന്നു സീദോ​ന്റെ സമ്പന്നമായ വാണി​ജ്യ​തു​റ​മു​ഖ​വും. എങ്കിലും ആ പ്രദേ​ശ​ത്തു​നിന്ന്‌ കനാന്യ​രെ നീക്കി​ക്ക​ള​യു​ന്ന​തിൽ ആശേർ പരാജ​യ​പ്പെട്ടു. (ന്യായാ. 1:31, 32) കനാന്യ​രു​ടെ മോശം സ്വാധീ​ന​വും തങ്ങളു​ടെ​തന്നെ സമൃദ്ധി​യും ശുദ്ധാ​രാ​ധ​ന​യോ​ടുള്ള അവരുടെ തീക്ഷ്‌ണത തണുപ്പി​ച്ചു​ക​ള​ഞ്ഞി​രി​ക്കാം. ന്യായാ​ധി​പ​നായ ബാരാക്ക്‌ കനാന്യർക്കെ​തി​രെ യുദ്ധം ചെയ്യാൻ സഹായം ചോദി​ച്ച​പ്പോൾ ആശേർ ഗോത്രം സഹായി​ക്കാൻ തയ്യാറാ​യില്ല. അതു​കൊണ്ട്‌ “മെഗി​ദ്ദോ നീരു​റ​വിന്‌ അരികിൽവെച്ച്‌” ആ യുദ്ധത്തി​നു കിട്ടിയ വിജയ​ത്തിൽ ഒരു പങ്കുണ്ടാ​യി​രി​ക്കാൻ ആശേർ ഗോ​ത്ര​ത്തി​നു കഴിയാ​തെ​പോ​യി. (ന്യായാ. 5:19-21) ബാരാ​ക്കും ദബോ​ര​യും ദൈവ​പ്ര​ചോ​ദി​ത​മാ​യി പാടിയ വിജയ​ഗീ​ത​ത്തിൽ ആശേർ ഗോ​ത്ര​ത്തെ​ക്കു​റിച്ച്‌ ഇങ്ങനെ ഒരു വരിയു​ണ്ടാ​യി​രു​ന്നു: “ആശേർ കടൽത്തീ​രത്ത്‌ അനങ്ങാ​തി​രു​ന്നു.” ഇതു കേട്ട​പ്പോൾ അവർക്ക്‌ എത്ര നാണ​ക്കേടു തോന്നി​ക്കാ​ണും.—ന്യായാ. 5:17.

11. പണത്തെ​ക്കു​റിച്ച്‌ സമനി​ല​യോ​ടെ​യുള്ള ഒരു കാഴ്‌ച​പ്പാ​ടു നമുക്കു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?

¹¹ നമുക്കുള്ള പാഠങ്ങൾ: ഏറ്റവും മികച്ചത്‌ യഹോ​വ​യ്‌ക്കു കൊടു​ക്കാ​നാ​ണു നമ്മൾ ആഗ്രഹി​ക്കു​ന്നത്‌. അതിന്‌, പണത്തെ​ക്കു​റി​ച്ചും സ്വത്തി​നെ​ക്കു​റി​ച്ചും ഉള്ള ഈ ലോക​ത്തി​ന്റെ കാഴ്‌ച​പ്പാ​ടു നമ്മൾ ഒഴിവാ​ക്കണം. (സുഭാ. 18:11) നമുക്കു പണം വേണ​മെ​ങ്കി​ലും യഹോ​വയെ സേവി​ക്കു​ന്ന​തി​നെ​ക്കാൾ പ്രാധാ​ന്യം നമ്മൾ ഒരിക്ക​ലും പണത്തിനു കൊടു​ക്കില്ല. (സഭാ. 7:12; എബ്രാ. 13:5) യഹോ​വ​യു​ടെ സേവന​ത്തിൽനിന്ന്‌ പിന്നോ​ട്ടു വലിക്കുന്ന കാര്യ​ങ്ങൾക്കു പുറകേ പോയി സമയവും ഊർജ​വും നമ്മൾ പാഴാ​ക്കില്ല. കാരണം യഹോവ പുതിയ ലോക​ത്തിൽ നമുക്ക്‌ ഏറ്റവും സന്തോഷം തരുന്ന, സുരക്ഷി​ത​മാ​യൊ​രു ജീവിതം വാഗ്‌ദാ​നം ചെയ്‌തി​ട്ടുണ്ട്‌. അതു​കൊണ്ട്‌ ഇപ്പോൾ യഹോ​വ​യ്‌ക്കു നമ്മുടെ ഏറ്റവും മികച്ചതു കൊടു​ക്കാം.—സങ്കീ. 4:8.

നഫ്‌താ​ലി

12. നഫ്‌താ​ലി​യോ​ടു യാക്കോബ്‌ പറഞ്ഞ വാക്കുകൾ എങ്ങനെ​യാ​യി​രി​ക്കാം സത്യമാ​യി​ത്തീർന്നത്‌? (ഉൽപത്തി 49:21) (ചതുര​വും കാണുക.)

¹² ഉൽപത്തി 49:21 വായി​ക്കുക. നഫ്‌താ​ലി “മധുര​മായ വാക്കുകൾ” പൊഴി​ക്കു​മെന്ന്‌ യാക്കോബ്‌ പറഞ്ഞത്‌, ശുശ്രൂ​ഷ​യിൽ യേശു സംസാ​രിച്ച വിധ​ത്തെ​യാ​യി​രി​ക്കാം സൂചി​പ്പി​ക്കു​ന്നത്‌. യേശു വിദഗ്‌ധ​നായ ഒരു അധ്യാ​പ​ക​നാ​യി​രു​ന്ന​ല്ലോ. നഫ്‌താ​ലി ഗോ​ത്ര​ത്തി​നു ലഭിച്ച കഫർന്ന​ഹൂം പട്ടണത്തിൽ യേശു ധാരാളം സമയം ചെലവ​ഴി​ച്ചു. അതു​കൊണ്ട്‌ കഫർന്ന​ഹൂ​മി​നെ യേശു​വി​ന്റെ ‘സ്വന്തം നഗരം’ എന്നു വിളി​ച്ചി​ട്ടുണ്ട്‌. (മത്താ. 4:13; 9:1; യോഹ. 7:46) യേശു​വി​നെ​ക്കു​റിച്ച്‌ യശയ്യ പ്രവചി​ച്ചത്‌, സെബു​ലൂ​നി​ലെ​യും നഫ്‌താ​ലി​യി​ലെ​യും ആളുകൾ “വലി​യൊ​രു വെളിച്ചം” കാണു​മെ​ന്നാണ്‌. (യശ. 9:1, 2) അതും യേശു​വിൽ നിറ​വേറി. തന്റെ പഠിപ്പി​ക്ക​ലി​ലൂ​ടെ “എല്ലാ തരം മനുഷ്യർക്കും വെളിച്ചം നൽകുന്ന യഥാർഥ​വെ​ളി​ച്ചം” താനാ​ണെന്നു യേശു തെളി​യി​ച്ചു.—യോഹ. 1:9.

13. നമ്മുടെ സംസാരം യഹോ​വയെ സന്തോ​ഷി​പ്പി​ക്കു​ന്ന​താ​ണെന്ന്‌ എങ്ങനെ ഉറപ്പു​വ​രു​ത്താം?

¹³ നമുക്കുള്ള പാഠങ്ങൾ: നമ്മൾ എന്തു പറയുന്നു എന്നതും എങ്ങനെ പറയുന്നു എന്നതും യഹോ​വ​യ്‌ക്കു പ്രധാ​ന​മാണ്‌. യഹോ​വയെ സന്തോ​ഷി​പ്പി​ക്കുന്ന “മധുര​മായ വാക്കുകൾ” ഉപയോ​ഗി​ക്കു​ന്നു​ണ്ടെന്നു നമുക്ക്‌ എങ്ങനെ ഉറപ്പു​വ​രു​ത്താം? അതിനുള്ള ഒരു വിധം എപ്പോ​ഴും സത്യം സംസാ​രി​ക്കു​ന്ന​താണ്‌. (സങ്കീ. 15:1, 2) അതു​പോ​ലെ മറ്റുള്ള​വരെ അഭിന​ന്ദി​ക്കുന്ന കാര്യ​ത്തിൽ നമുക്കു മുന്നിൽ നിൽക്കാം; എന്നാൽ അവരുടെ കുറവു​കൾ സംസാ​രി​ക്കുന്ന കാര്യ​ത്തിൽ പിന്നി​ലും. അങ്ങനെ മറ്റുള്ള​വരെ ബലപ്പെ​ടു​ത്താം. (എഫെ. 4:29) കൂടാതെ, മറ്റുള്ള​വ​രോ​ടു സാക്ഷീ​ക​രി​ക്കു​ന്ന​തി​നാ​യി സംഭാ​ഷണം തുടങ്ങുന്ന കാര്യ​ത്തി​ലും നമുക്കു നമ്മുടെ കഴിവ്‌ വർധി​പ്പി​ക്കാം.

യോ​സേഫ്‌

14. യോ​സേ​ഫി​നെ​ക്കു​റി​ച്ചുള്ള പ്രവചനം സത്യമാ​യത്‌ എങ്ങനെ? (ഉൽപത്തി 49:22, 26) (ചതുര​വും കാണുക.)

¹⁴ ഉൽപത്തി 49:22, 26 വായി​ക്കുക. യോ​സേ​ഫി​നെ​ക്കു​റിച്ച്‌ ഓർത്ത​പ്പോൾ യാക്കോ​ബി​നു വളരെ അഭിമാ​നം തോന്നി​ക്കാ​ണും. യഹോവ യോ​സേ​ഫി​നെ ‘തന്റെ സഹോ​ദ​ര​ന്മാ​രിൽനിന്ന്‌ തിര​ഞ്ഞെ​ടുത്ത്‌’ ഒരു പ്രത്യേ​ക​വി​ധ​ത്തിൽ ഉപയോ​ഗി​ച്ചു. യോ​സേ​ഫി​നെ “തഴച്ചു​വ​ള​രുന്ന ഫലവൃ​ക്ഷ​ത്തി​ന്റെ ഒരു ശാഖ” എന്നാണു യാക്കോബ്‌ വിളി​ച്ചത്‌. യാക്കോബ്‌ ആയിരു​ന്നു ആ വൃക്ഷം, യോ​സേഫ്‌ ശാഖയും. യാക്കോ​ബി​ന്റെ പ്രിയ ഭാര്യ​യായ റാഹേ​ലിന്‌ ആദ്യം ജനിച്ച മകനാ​യി​രു​ന്നു യോ​സേഫ്‌. യാക്കോ​ബി​നു ലേയയി​ലൂ​ടെ ഉണ്ടായ മൂത്ത മകനായ രൂബേനു കിട്ടേ​ണ്ടി​യി​രുന്ന ഇരട്ടി ഓഹരി, ഇപ്പോൾ യോ​സേ​ഫി​നു ലഭിക്കു​മെ​ന്നാ​ണു യാക്കോബ്‌ സൂചി​പ്പി​ച്ചത്‌. (ഉൽപ. 48:5, 6; 1 ദിന. 5:1, 2) ഈ പ്രവച​ന​ത്തി​ന്റെ നിവൃ​ത്തി​യാ​യി യോ​സേ​ഫി​ന്റെ രണ്ടു മക്കളായ എഫ്രയീ​മും മനശ്ശെ​യും ഇസ്രാ​യേ​ലി​ലെ രണ്ടു ഗോ​ത്ര​ങ്ങ​ളാ​യി. അവർക്കു രണ്ടു പേർക്കും അവിടെ അവകാ​ശ​വും ലഭിച്ചു.—ഉൽപ. 49:25; യോശു. 14:4.

15. അനീതി നേരി​ട്ട​പ്പോൾ യോ​സേഫ്‌ എങ്ങനെ​യാ​ണു പ്രതി​ക​രി​ച്ചത്‌?

¹⁵ യോ​സേ​ഫി​നു ‘നേരെ അമ്പ്‌ എയ്‌ത, അവനോ​ടു വിദ്വേ​ഷം വെച്ചു​കൊ​ണ്ടി​രുന്ന’ വില്ലാ​ളി​ക​ളെ​ക്കു​റി​ച്ചും യാക്കോബ്‌ പറഞ്ഞു. (ഉൽപ. 49:23) ഒരിക്കൽ അസൂയ​യോ​ടെ ഇടപെട്ട യോ​സേ​ഫി​ന്റെ സഹോ​ദ​ര​ന്മാ​രാ​യി​രു​ന്നു അവർ. യോ​സേഫ്‌ അനുഭ​വിച്ച പല അനീതി​കൾക്കും അവർ ഉത്തരവാ​ദി​ക​ളാ​യി​രു​ന്നു. എങ്കിലും യോ​സേ​ഫിന്‌ യഹോ​വ​യോ​ടോ തന്റെ സഹോ​ദ​ര​ന്മാ​രോ​ടോ ഒരു നീരസ​വും തോന്നി​യില്ല. യാക്കോബ്‌ പറഞ്ഞതു​പോ​ലെ യോ​സേ​ഫി​ന്റെ “വില്ല്‌ അചഞ്ചല​മാ​യി നിന്നു. അവന്റെ കരങ്ങൾ ശക്തിയും വേഗത​യും ഉള്ളതാ​യി​രു​ന്നു.” (ഉൽപ. 49:24) പ്രയാ​സങ്ങൾ നേരി​ടേ​ണ്ടി​വ​ന്ന​പ്പോൾ യോ​സേഫ്‌ യഹോ​വ​യിൽ ആശ്രയി​ച്ചു. തന്റെ സഹോ​ദ​ര​ന്മാ​രോ​ടു ക്ഷമിക്കു​ക​യും അവരോ​ടു ദയയോ​ടെ ഇടപെ​ടു​ക​യും ചെയ്‌തു. (ഉൽപ. 47:11, 12) ഈ മോശ​മായ അനുഭ​വങ്ങൾ ഉണ്ടായ​പ്പോൾ കൂടുതൽ മെച്ചപ്പെട്ട ഒരു വ്യക്തി​യാ​കാ​നാ​ണു യോ​സേഫ്‌ ശ്രമി​ച്ചത്‌. (സങ്കീ. 105:17-19) അതു​കൊണ്ട്‌ പിന്നീടു വളരെ പ്രധാ​ന​പ്പെട്ട കാര്യ​ങ്ങൾക്കാ​യി യഹോ​വ​യ്‌ക്ക്‌ അദ്ദേഹത്തെ ഉപയോ​ഗി​ക്കാ​നാ​യി.

16. പ്രശ്‌നങ്ങൾ ഉണ്ടാകു​മ്പോൾ നമുക്ക്‌ എങ്ങനെ യോ​സേ​ഫി​നെ അനുക​രി​ക്കാം?

¹⁶ നമുക്കുള്ള പാഠങ്ങൾ: കഷ്ടപ്പാ​ടു​കൾ വരു​മ്പോൾ യഹോ​വ​യിൽനി​ന്നോ സഹാരാ​ധ​ക​രിൽനി​ന്നോ നമ്മൾ നമ്മളെ​ത്തന്നെ ഒറ്റപ്പെ​ടു​ത്ത​രുത്‌. വിശ്വാ​സ​ത്തി​ന്റെ പരി​ശോ​ധ​നകൾ യഹോവ അനുവ​ദി​ക്കു​ന്നു​ണ്ടെ​ങ്കിൽ അതു നമ്മുടെ പരിശീ​ല​ന​ത്തി​ന്റെ ഭാഗമാ​ണെന്ന്‌ ഓർക്കാം. (എബ്രാ. 12:7, അടിക്കു​റിപ്പ്‌) ഇത്തരം പരിശീ​ലനം, ക്രിസ്‌തീ​യ​ഗു​ണ​ങ്ങ​ളായ കരുണ​യും ക്ഷമയും ഒക്കെ വളർത്താ​നും അതു മെച്ച​പ്പെ​ടു​ത്താ​നും സഹായി​ക്കും. (എബ്രാ. 12:11) കഷ്ടപ്പാ​ടു​കൾ നമ്മൾ സഹിച്ചു​നിൽക്കു​മ്പോൾ യഹോവ യോ​സേ​ഫി​നെ അനു​ഗ്ര​ഹി​ച്ച​തു​പോ​ലെ നമ്മളെ​യും അനു​ഗ്ര​ഹി​ക്കും എന്ന്‌ ഓർക്കാം.

ബന്യാ​മീൻ

17. ബന്യാ​മീ​നെ​ക്കു​റി​ച്ചുള്ള പ്രവചനം നിവൃ​ത്തി​യേ​റി​യത്‌ എങ്ങനെ? (ഉൽപത്തി 49:27) (ചതുര​വും കാണുക.)

¹⁷ ഉൽപത്തി 49:27 വായി​ക്കുക. ബന്യാ​മീൻ ഗോ​ത്ര​ത്തിന്‌ ചെന്നാ​യെ​പ്പോ​ലെ വലിയ പോരാ​ട്ട​ശേഷി ഉണ്ടായി​രി​ക്കു​മെന്നു യാക്കോബ്‌ മുൻകൂ​ട്ടി​പ്പ​റഞ്ഞു. (ന്യായാ. 20:15, 16; 1 ദിന. 12:2) തുടർന്ന്‌ ഇങ്ങനെ​യും പറഞ്ഞു: “രാവിലെ അവൻ ഇരയെ ഭക്ഷിക്കും.” രാവിലെ എന്നതിന്റെ അർഥം എന്താണ്‌? ഇസ്രാ​യേ​ലിൽ രാജാ​ക്ക​ന്മാ​രു​ടെ ഭരണം തുടങ്ങി​യ​പ്പോൾ ആദ്യത്തെ രാജാവ്‌, ബന്യാ​മീൻ ഗോ​ത്ര​ത്തിൽനി​ന്നുള്ള ശൗലാ​യി​രു​ന്നു. ഫെലി​സ്‌ത്യർക്ക്‌ എതിരെ ധൈര്യ​ത്തോ​ടെ പോരാ​ടി​ക്കൊണ്ട്‌ ശക്തനായ ഒരു പോരാ​ളി​യാണ്‌ താനെന്ന്‌ അദ്ദേഹം തെളി​യി​ച്ചു. (1 ശമു. 9:15-17, 21) യാക്കോബ്‌ ബന്യാ​മീ​നെ​ക്കു​റിച്ച്‌, “വൈകു​ന്നേരം അവൻ കൊള്ള​മു​തൽ പങ്കിടും” എന്നും പറഞ്ഞു. വൈകു​ന്നേരം എന്നു പറഞ്ഞ​പ്പോൾ എന്താണ്‌ ഉദ്ദേശി​ച്ചത്‌? രാജാ​ക്ക​ന്മാ​രു​ടെ യുഗം അവസാ​നി​ക്കു​ക​യും ഇസ്രാ​യേ​ല്യർ പേർഷ്യൻ ഭരണത്തി​നു കീഴി​ലാ​കു​ക​യും ചെയ്‌ത​പ്പോൾ ഇസ്രാ​യേ​ല്യ​രെ മുഴുവൻ ഇല്ലാതാ​ക്കാ​നുള്ള ഒരു ശ്രമമു​ണ്ടാ​യി. എന്നാൽ ബന്യാ​മീൻ ഗോ​ത്ര​ത്തിൽപ്പെട്ട എസ്ഥേർ രാജ്ഞി​യും പ്രധാ​ന​മ​ന്ത്രി​യായ മൊർദെ​ഖാ​യി​യും ഇസ്രാ​യേ​ല്യ​രെ വലി​യൊ​രു ആപത്തിൽനിന്ന്‌ രക്ഷിച്ചു.—എസ്ഥേ. 2:5-7; 8:3; 10:3.

18. യഹോ​വ​യു​ടെ ക്രമീ​ക​ര​ണ​ങ്ങ​ളോ​ടു ബന്യാ​മീ​ന്യർ വിശ്വ​സ്‌ത​രാ​യി​നി​ന്നതു നമുക്ക്‌ എങ്ങനെ അനുക​രി​ക്കാം?

¹⁸ നമുക്കുള്ള പാഠങ്ങൾ: ബന്യാ​മീൻ ഗോ​ത്ര​ക്കാ​ര​നായ ശൗലിനെ ഇസ്രാ​യേ​ലി​ന്റെ ആദ്യ രാജാ​വാ​ക്കി​യ​പ്പോൾ ആ ഗോ​ത്ര​ക്കാർക്ക്‌ അതിയായ സന്തോഷം തോന്നി​ക്കാ​ണും. പിന്നീട്‌ യഹോവ രാജത്വം യഹൂദ ഗോ​ത്ര​ത്തി​ലുള്ള ദാവീ​ദി​നു കൈമാ​റി. അപ്പോ​ഴും ബന്യാ​മീ​ന്യർ ആ മാറ്റത്തെ പിന്തു​ണച്ചു. (2 ശമു. 3:17-19) വർഷങ്ങൾക്കു ശേഷം പത്തു ഗോത്രം യഹൂദയെ എതിർത്ത​പ്പോൾ ബന്യാ​മീ​ന്യർ യഹൂദ​യോ​ടും യഹോവ തിര​ഞ്ഞെ​ടുത്ത രാജാ​വി​നോ​ടും വിശ്വ​സ്‌ത​രാ​യി​നി​ന്നു. (1 രാജാ. 11:31, 32; 12:19, 21) അവരുടെ മാതൃക നമുക്കും അനുക​രി​ക്കാം. ഇന്ന്‌ യഹോവ തന്റെ ജനത്തെ നയിക്കാ​നാ​യി ആരെയാ​ണോ ഉപയോ​ഗി​ക്കു​ന്നത്‌, അവരെ നമുക്കു പൂർണ​മാ​യും പിന്തു​ണ​യ്‌ക്കാം.—1 തെസ്സ. 5:12.

19. മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവച​ന​ത്തിൽനിന്ന്‌ നമ്മൾ എന്തു പഠിച്ചു?

¹⁹ മരണക്കി​ട​ക്ക​യിൽവെച്ച്‌ യാക്കോബ്‌ നടത്തിയ പ്രവച​ന​ത്തിൽനിന്ന്‌ നമ്മൾ ഒരുപാ​ടു കാര്യങ്ങൾ പഠിച്ചു. ആ പ്രവച​നങ്ങൾ നിവൃ​ത്തി​യേ​റി​യതു കണ്ടപ്പോൾ യഹോവ പറഞ്ഞി​രി​ക്കുന്ന മറ്റു പ്രവച​ന​ങ്ങ​ളും നിറ​വേ​റു​മെന്ന ഉറപ്പു നമുക്കു കിട്ടി. യാക്കോബ്‌ പറഞ്ഞ വാക്കു​ക​ളിൽനിന്ന്‌ യഹോ​വയെ സന്തോ​ഷി​പ്പി​ക്കാൻ നമുക്ക്‌ എന്തു ചെയ്യാ​നാ​കു​മെ​ന്നും മനസ്സി​ലാ​ക്കി.