സത്യത്തി​നു​വേണ്ടി ഉറച്ച നിലപാ​ടെ​ടു​ക്കാൻ ബൈബിൾവി​ദ്യാർഥി​യെ സഹായി​ക്കു​ക

1-2. (എ) ചില ബൈബിൾവി​ദ്യാർഥി​കൾ സത്യത്തി​നു​വേണ്ടി ഒരു നിലപാ​ടെ​ടു​ക്കാൻ മടിച്ചു​നിൽക്കു​ന്നത്‌ എന്തു​കൊണ്ട്‌? (ബി) ഈ ലേഖന​ത്തിൽ നമ്മൾ എന്തു പഠിക്കും?

ബൈബിൾ പഠിച്ചു​കൊ​ണ്ടി​രുന്ന സമയത്ത്‌ ഒരു യഹോ​വ​യു​ടെ സാക്ഷി​യാ​കു​ന്ന​തിൽനിന്ന്‌ നിങ്ങളെ പിന്നോ​ട്ടു​വ​ലിച്ച എന്തെങ്കി​ലു​മു​ണ്ടാ​യി​രു​ന്നോ? ചില​പ്പോൾ അത്‌, കൂടെ ജോലി ചെയ്യു​ന്ന​വ​രോ കൂട്ടു​കാ​രോ കുടും​ബാം​ഗ​ങ്ങ​ളോ ഒക്കെ എതിർക്കു​മോ എന്ന പേടി ആയിരു​ന്നി​രി​ക്കാം. അല്ലെങ്കിൽ യഹോവ പറയു​ന്ന​തെ​ല്ലാം അനുസ​രി​ക്കാൻ എനിക്ക്‌ ഒരിക്ക​ലും കഴിയില്ല എന്ന തോന്നൽ ആയിരു​ന്നി​രി​ക്കാം. അങ്ങനെ​യെ​ങ്കിൽ, ഇപ്പോൾ സത്യത്തി​നു​വേണ്ടി ഉറച്ച നിലപാ​ടെ​ടു​ക്കാൻ ബുദ്ധി​മു​ട്ടുന്ന ഒരു ബൈബിൾവി​ദ്യാർഥി​യു​ടെ അവസ്ഥ നിങ്ങൾക്കു ശരിക്കും മനസ്സി​ലാ​കു​ന്നു​ണ്ടാ​കും.

² ഇതു​പോ​ലുള്ള കാര്യങ്ങൾ ആത്മീയ​വ​ളർച്ച​യ്‌ക്ക്‌ ഒരു തടസ്സമാ​യേ​ക്കാ​മെന്ന്‌ യേശു മനസ്സി​ലാ​ക്കി. (മത്താ. 13:20-22) എന്നാൽ അങ്ങനെ മടിച്ചു​നി​ന്ന​വരെ യേശു ഉപേക്ഷി​ച്ചില്ല, പകരം സഹായി​ച്ചു. എങ്ങനെ? (1) പുരോ​ഗ​മി​ക്കു​ന്ന​തി​നു തടസ്സമാ​യി നിൽക്കുന്ന കാര്യങ്ങൾ തിരി​ച്ച​റി​യാ​നും (2) യഹോ​വ​യോ​ടുള്ള സ്‌നേഹം കൂട്ടാ​നും (3) മുൻഗ​ണ​ന​ക​ളിൽ മാറ്റം വരുത്താ​നും (4) എതിർപ്പു​കളെ നേരി​ടാ​നും യേശു അവരെ സഹായി​ച്ചു. ഇന്ന്‌ ജീവിതം ആസ്വദി​ക്കാം പുസ്‌തകം ഉപയോ​ഗി​ച്ചു​കൊണ്ട്‌ ഉറച്ച നിലപാ​ടെ​ടു​ക്കാൻ ബൈബിൾവി​ദ്യാർഥി​യെ സഹായി​ക്കു​മ്പോൾ നമുക്ക്‌ എങ്ങനെ യേശു​വി​ന്റെ മാതൃക അനുക​രി​ക്കാം?

പുരോ​ഗ​മി​ക്കാൻ തടസ്സമാ​യി നിൽക്കുന്ന കാര്യങ്ങൾ തിരി​ച്ച​റി​യാൻ സഹായി​ക്കു​ക

3. യേശു​വി​ന്റെ ഒരു ശിഷ്യ​നാ​കു​ന്ന​തിൽനിന്ന്‌ നിക്കോ​ദേ​മൊ​സി​നെ തടഞ്ഞത്‌ എന്തായി​രി​ക്കാം?

³ ജൂതന്മാ​രു​ടെ ഒരു പ്രമുഖ നേതാ​വാ​യി​രു​ന്നു നിക്കോ​ദേ​മൊസ്‌. യേശു ശുശ്രൂഷ തുടങ്ങി ഏതാണ്ട്‌ ആറു മാസം കഴിഞ്ഞ​പ്പോൾത്തന്നെ യേശു​വാ​ണു മിശി​ഹ​യെന്നു നിക്കോ​ദേ​മൊ​സി​നു മനസ്സി​ലാ​യ​താണ്‌. (യോഹ. 3:1, 2) പക്ഷേ, ‘ജൂതന്മാ​രോ​ടുള്ള പേടി’ യേശു​വി​ന്റെ ശിഷ്യ​നാ​കു​ന്ന​തിൽനിന്ന്‌ അദ്ദേഹത്തെ തടഞ്ഞു. അതു​കൊ​ണ്ടു​തന്നെ നിക്കോ​ദേ​മൊസ്‌ രഹസ്യ​മാ​യി​ട്ടാണ്‌ യേശു​വി​നെ കാണാൻപോ​യത്‌. (യോഹ. 7:13; 12:42) യേശു​വി​ന്റെ ശിഷ്യ​നാ​യി​ത്തീർന്നാൽ തനിക്കു പലതും നഷ്ടപ്പെ​ട്ടേ​ക്കാ​മെന്ന്‌ അദ്ദേഹം ചിന്തി​ച്ചു​കാ​ണും.a

4. ദൈവം എന്താണു പ്രതീ​ക്ഷി​ക്കു​ന്ന​തെന്ന്‌ മനസ്സി​ലാ​ക്കാൻ യേശു നിക്കോ​ദേ​മൊ​സി​നെ സഹായി​ച്ചത്‌ എങ്ങനെ?

⁴ നിക്കോ​ദേ​മൊ​സി​നു മോശ​യു​ടെ നിയമം നന്നായി അറിയാ​മാ​യി​രു​ന്നു. എന്നാൽ താൻ എന്തു ചെയ്യാ​നാണ്‌ യഹോവ പ്രതീ​ക്ഷി​ക്കു​ന്ന​തെന്ന്‌ അദ്ദേഹ​ത്തി​നു മനസ്സി​ലാ​ക്കാൻ കഴിഞ്ഞില്ല. അതിന്‌ യേശു സഹായി​ച്ചു. എങ്ങനെ? രാത്രി ആണെങ്കിൽപ്പോ​ലും അദ്ദേഹ​ത്തോ​ടൊ​പ്പം സമയം ചെലവ​ഴി​ക്കാ​നും സംസാ​രി​ക്കാ​നും യേശു തയ്യാറാ​യി. ഇനി, തന്റെ ശിഷ്യ​നാ​കു​ന്ന​തി​നു നിക്കോ​ദേ​മൊസ്‌ എന്താണു ചെയ്യേ​ണ്ട​തെന്ന്‌ യേശു വ്യക്തമാ​യി പറഞ്ഞു​കൊ​ടു​ത്തു: പാപങ്ങ​ളെ​ക്കു​റിച്ച്‌ പശ്ചാത്ത​പി​ക്കുക, ജലത്തിൽ സ്‌നാ​ന​മേൽക്കുക, ദൈവ​പു​ത്ര​നിൽ വിശ്വ​സി​ക്കുക.—യോഹ. 3:5, 14-21.

5. പുരോ​ഗ​മി​ക്കാൻ തടസ്സമാ​യി നിൽക്കുന്ന കാര്യങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കാൻ വിദ്യാർഥി​യെ എങ്ങനെ സഹായി​ക്കാം?

⁵ ഒരു ബൈബിൾവി​ദ്യാർഥി​ക്കു തിരു​വെ​ഴു​ത്തു​ക​ളെ​ക്കു​റിച്ച്‌ നല്ല അറിവു​ണ്ടാ​യി​രി​ക്കാം. പക്ഷേ, പുരോ​ഗ​മി​ക്കാൻ തടസ്സമാ​യി നിൽക്കുന്ന കാര്യങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കാൻ ആ വ്യക്തിക്കു സഹായം ആവശ്യ​മാ​യി​വ​ന്നേ​ക്കാം. ചില​പ്പോൾ ജോലി​യോ കുടും​ബ​ത്തിൽനി​ന്നുള്ള എതിർപ്പോ ആയിരി​ക്കാം ആ വ്യക്തി നേരി​ടുന്ന പ്രശ്‌നം. എങ്കിൽ നമുക്ക്‌ എങ്ങനെ സഹായി​ക്കാം? വിദ്യാർഥി​യോ​ടൊ​പ്പം സമയം ചെലവ​ഴി​ക്കുക. അതിനാ​യി അദ്ദേഹ​ത്തി​ന്റെ കൂടെ ഒരു ചായ കുടി​ക്കാ​നോ മറ്റോ നിങ്ങൾക്കു പോകാ​നാ​കും. അത്തരം സാഹച​ര്യ​ങ്ങ​ളിൽ ആ വ്യക്തിക്കു നിങ്ങ​ളോ​ടു മനസ്സു​തു​റ​ക്കാൻ എളുപ്പ​മാ​യി​രി​ക്കും. അദ്ദേഹ​ത്തി​ന്റെ പ്രശ്‌നങ്ങൾ നിങ്ങൾക്കു മനസ്സി​ലാ​യി​ക്ക​ഴി​യു​മ്പോൾ വേണ്ട മാറ്റങ്ങൾ വരുത്താൻ പ്രോ​ത്സാ​ഹി​പ്പി​ക്കുക. അധ്യാ​പ​കനെ അല്ല, യഹോ​വയെ സന്തോ​ഷി​പ്പി​ക്കാൻവേണ്ടി മാറ്റങ്ങൾ വരുത്താൻ വിദ്യാർഥി​യോ​ടു പറയുക.

6. പഠിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ക്കാ​നുള്ള ധൈര്യം നേടാൻ നിങ്ങൾക്കു വിദ്യാർഥി​യെ എങ്ങനെ സഹായി​ക്കാം? (1 കൊരി​ന്ത്യർ 16:13)

⁶ മാറ്റങ്ങൾ വരുത്താൻ യഹോവ സഹായി​ക്കു​മെന്ന ഉറപ്പ്‌ ബൈബിൾവി​ദ്യാർഥി​ക്കു കിട്ടി​യാൽ പഠിച്ച​ത​നു​സ​രിച്ച്‌ പ്രവർത്തി​ക്കാ​നുള്ള ധൈര്യം അവർക്കു തോന്നും. (1 കൊരി​ന്ത്യർ 16:13 വായി​ക്കുക.) നിങ്ങളെ ഒരു സ്‌കൂൾ ടീച്ച​റോ​ടു താരത​മ്യം ചെയ്യാ​നാ​കും. സ്‌കൂ​ളിൽ പഠിച്ചു​കൊ​ണ്ടി​രുന്ന സമയത്ത്‌ എങ്ങനെ​യുള്ള ഒരു ടീച്ച​റെ​യാ​യി​രു​ന്നു നിങ്ങൾക്കു കൂടുതൽ ഇഷ്ടം? നിങ്ങളെ കുറെ കാര്യങ്ങൾ പഠിപ്പി​ക്കുക മാത്രം ചെയ്‌ത ഒരാളെ ആയിരി​ക്കില്ല, പകരം പലതും ചെയ്യാ​നുള്ള കഴിവ്‌ നിങ്ങൾക്കു​ണ്ടെന്നു മനസ്സി​ലാ​ക്കി​ത്തന്ന ആളെ ആയിരി​ക്കും. ഇതു​പോ​ലെ​തന്നെ ഒരു നല്ല ബൈബിൾ അധ്യാ​പകൻ, യഹോവ ആവശ്യ​പ്പെ​ടുന്ന കാര്യങ്ങൾ എന്താ​ണെന്നു പഠിപ്പി​ച്ചാൽ മാത്രം പോരാ. പകരം യഹോ​വ​യു​ടെ സഹായ​ത്താൽ വേണ്ട മാറ്റങ്ങൾ വരുത്താ​നാ​കു​മെന്ന ഉറപ്പ്‌ വിദ്യാർഥി​ക്കു കൊടു​ക്കു​ക​യും വേണം. എന്നാൽ അത്‌ എങ്ങനെ ചെയ്യാം?

യഹോ​വ​യോ​ടുള്ള സ്‌നേഹം കൂട്ടാൻ സഹായി​ക്കു​ക

7. യഹോ​വ​യോ​ടുള്ള സ്‌നേഹം വർധി​പ്പി​ക്കാൻ തന്റെ കേൾവി​ക്കാ​രെ യേശു എങ്ങനെ​യാ​ണു സഹായി​ച്ചത്‌?

⁷ യഹോ​വ​യോ​ടുള്ള സ്‌നേഹം, പഠിച്ച കാര്യ​ങ്ങൾക്കു ചേർച്ച​യിൽ മാറ്റങ്ങൾ വരുത്താൻ ശിഷ്യ​ന്മാ​രെ സഹായി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ സ്വർഗീ​യ​പി​താ​വി​നോ​ടുള്ള സ്‌നേഹം കൂട്ടാൻ വേണ്ട കാര്യങ്ങൾ യേശു മിക്ക​പ്പോ​ഴും അവരെ പഠിപ്പി​ച്ചു. ഉദാഹ​ര​ണ​ത്തിന്‌, യേശു യഹോ​വയെ നല്ല സമ്മാനങ്ങൾ കൊടു​ക്കുന്ന സ്‌നേ​ഹ​മുള്ള ഒരു പിതാ​വി​നോ​ടാണ്‌ ഉപമി​ച്ചത്‌. (മത്താ. 7:9-11) യേശു​വി​ന്റെ കേൾവി​ക്കാ​രിൽ ചിലർക്ക്‌ അത്തരം സ്‌നേ​ഹ​മുള്ള ഒരു പിതാവ്‌ ഉണ്ടായി​ക്കാ​ണില്ല. അങ്ങനെ​യു​ള്ള​വർക്കു ധൂർത്ത​പു​ത്ര​നെ​ക്കു​റി​ച്ചുള്ള യേശു​വി​ന്റെ ദൃഷ്ടാ​ന്തകഥ ഒക്കെ കേട്ട​പ്പോൾ എന്തു തോന്നി​ക്കാ​ണും? വഴിപി​ഴ​ച്ചു​പോയ തന്റെ മകനെ അനുക​മ്പ​യോ​ടെ തിരികെ സ്വീക​രി​ക്കുന്ന അപ്പനെ​ക്കു​റിച്ച്‌ കേട്ട​പ്പോൾ, യഹോ​വ​യ്‌ക്കു മനുഷ്യ​മ​ക്ക​ളോ​ടുള്ള വലിയ സ്‌നേഹം അവർക്കു മനസ്സി​ലാ​ക്കാ​നാ​യി.—ലൂക്കോ. 15:20-24.

8. യഹോ​വ​യോ​ടുള്ള സ്‌നേഹം കൂട്ടാൻ ബൈബിൾവി​ദ്യാർഥി​യെ നിങ്ങൾക്ക്‌ എങ്ങനെ സഹായി​ക്കാം?

⁸ ഇതു​പോ​ലെ നിങ്ങൾക്കും, യഹോ​വ​യോ​ടുള്ള വിദ്യാർഥി​യു​ടെ സ്‌നേഹം കൂട്ടാ​നാ​കും. അതിന്‌, കിട്ടുന്ന അവസര​ങ്ങ​ളി​ലെ​ല്ലാം യഹോ​വ​യു​ടെ ഗുണങ്ങ​ളെ​ക്കു​റിച്ച്‌ അവരെ പഠിപ്പി​ക്കുക. ഓരോ പഠനത്തി​ന്റെ സമയത്തും പഠിക്കുന്ന കാര്യങ്ങൾ യഹോ​വ​യു​ടെ സ്‌നേ​ഹ​വു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ​യെന്നു മനസ്സി​ലാ​ക്കാൻ അവരെ സഹായി​ക്കുക. മോച​ന​വി​ല​യെ​ക്കു​റി​ച്ചൊ​ക്കെ സംസാ​രി​ക്കു​മ്പോൾ അത്‌ ആ വ്യക്തി​യോ​ടുള്ള യഹോ​വ​യു​ടെ സ്‌നേ​ഹ​ത്തി​ന്റെ തെളി​വാ​യി​രി​ക്കു​ന്നത്‌ എങ്ങനെ​യെന്ന്‌ എടുത്ത്‌ കാണി​ക്കാ​നാ​കും. (റോമ. 5:8; 1 യോഹ. 4:10) തന്നെ യഹോവ എത്ര​ത്തോ​ളം സ്‌നേ​ഹി​ക്കു​ന്നു​ണ്ടെന്നു മനസ്സി​ലാ​ക്കു​ന്നത്‌ യഹോ​വയെ കൂടുതൽ സ്‌നേ​ഹി​ക്കാൻ വിദ്യാർഥി​യെ പ്രേരി​പ്പി​ച്ചേ​ക്കാം.—ഗലാ. 2:20.

9. ജീവി​ത​ത്തിൽ മാറ്റം വരുത്താൻ മൈക്കി​ളി​നെ സഹായി​ച്ചത്‌ എന്താണ്‌?

⁹ ഇന്തൊ​നീ​ഷ്യ​യിൽനി​ന്നുള്ള മൈക്കി​ളി​ന്റെ അനുഭവം നോക്കാം. സത്യത്തി​ലാ​ണു വളർന്നു​വ​ന്ന​തെ​ങ്കി​ലും അദ്ദേഹം സ്‌നാ​ന​മേ​റ്റില്ല. 18-ാം വയസ്സിൽ ഒരു ട്രക്ക്‌ ഡ്രൈ​വ​റാ​യി ജോലി ചെയ്യു​ന്ന​തിന്‌ അദ്ദേഹം വിദേ​ശ​ത്തേക്കു പോയി. പിന്നീട്‌ നാട്ടിൽ വന്ന്‌ വിവാഹം കഴി​ച്ചെ​ങ്കി​ലും ജോലി​ക്കാ​യി അദ്ദേഹം വീണ്ടും വിദേ​ശ​ത്തേക്കു തിരി​ച്ചു​പോ​യി. ആ സമയം നാട്ടിൽ ഭാര്യ​യും മകളും ബൈബിൾ പഠിക്കാൻ തുടങ്ങി. അവർ മാറ്റങ്ങൾവ​രു​ത്തി പുരോ​ഗ​മി​ച്ചു. മൈക്കി​ളി​ന്റെ അമ്മ മരിച്ച​ശേഷം അദ്ദേഹം അപ്പനെ നോക്കാ​നാ​യി തിരിച്ച്‌ നാട്ടി​ലേക്കു വന്നു. ആ സമയത്ത്‌ ബൈബിൾ പഠിക്കാ​നും തുടങ്ങി. ജീവിതം ആസ്വദി​ക്കാം പുസ്‌ത​ക​ത്തി​ന്റെ 27-ാം പാഠത്തി​ലെ “ആഴത്തിൽ പഠിക്കാൻ” എന്ന ഭാഗം അദ്ദേഹ​ത്തി​ന്റെ ഹൃദയ​ത്തിൽ തൊട്ടു. യേശു വേദന അനുഭ​വി​ക്കു​ന്നതു കണ്ട പിതാ​വായ യഹോ​വ​യ്‌ക്ക്‌ എത്രമാ​ത്രം സങ്കടം തോന്നി​ക്കാ​ണും എന്ന്‌ ചിന്തി​ച്ച​പ്പോൾ മൈക്കി​ളി​ന്റെ കണ്ണ്‌ നിറഞ്ഞു. യഹോ​വ​യും യേശു​വും തന്നെ എത്ര​ത്തോ​ളം സ്‌നേ​ഹി​ക്കു​ന്നു​ണ്ടെന്നു മനസ്സി​ലാ​ക്കി​യ​പ്പോൾ അദ്ദേഹ​ത്തിന്‌ ഒരുപാ​ടു നന്ദി തോന്നി. ജീവി​ത​ത്തിൽ മാറ്റം വരുത്താ​നും സ്‌നാ​ന​മേൽക്കാ​നും അത്‌ അദ്ദേഹത്തെ പ്രേരി​പ്പി​ച്ചു.

മുൻഗ​ണ​ന​ക​ളിൽ മാറ്റം വരുത്താൻ സഹായി​ക്കു​ക

10. മുൻഗ​ണ​ന​ക​ളിൽ മാറ്റം വരുത്താൻ യേശു ആദ്യകാ​ല​ശി​ഷ്യ​ന്മാ​രെ എങ്ങനെ​യാ​ണു സഹായി​ച്ചത്‌? (ലൂക്കോസ്‌ 5:5-11) (ചിത്ര​വും കാണുക.)

¹⁰ ആദ്യകാല ശിഷ്യ​ന്മാർ യേശു മിശി​ഹ​യാ​ണെന്നു പെട്ടെന്നു മനസ്സി​ലാ​ക്കി​യെ​ങ്കി​ലും ശുശ്രൂ​ഷ​യ്‌ക്കു മുൻഗണന കൊടു​ക്കാൻ അവർക്കു സഹായം വേണമാ​യി​രു​ന്നു. ഉദാഹ​ര​ണ​ത്തിന്‌, പത്രോ​സി​നെ​യും അന്ത്ര​യോ​സി​നെ​യും കുറിച്ച്‌ ചിന്തി​ക്കുക. യേശു മുഴു​സ​മയം തന്നെ അനുഗ​മി​ക്കാൻ ക്ഷണിക്കുന്ന സമയത്ത്‌, അവർ യേശു​വി​ന്റെ ശിഷ്യ​ന്മാ​രാ​യിട്ട്‌ കുറെ നാളാ​യി​ട്ടു​ണ്ടാ​യി​രു​ന്നു. (മത്താ. 4:18, 19) അവർ മീൻപി​ടു​ത്ത​ക്കാ​രാ​യി​രു​ന്നു. സാധ്യ​ത​യ​നു​സ​രിച്ച്‌ യാക്കോ​ബി​നോ​ടും യോഹ​ന്നാ​നോ​ടും ഒപ്പം ചേർന്നുള്ള ഒരു ബിസി​നെ​സ്സാ​യി​രു​ന്നു അത്‌. അതിൽനിന്ന്‌ നല്ല വരുമാ​ന​വും കിട്ടി​യി​രു​ന്നു. (മർക്കോ. 1:16-20) യേശു​വി​ന്റെ ക്ഷണം സ്വീക​രിച്ച്‌ ‘വലകൾ ഉപേക്ഷിച്ച’ അവർ, തങ്ങളുടെ കുടും​ബ​ത്തി​നു​വേണ്ടി കരുതാൻ മറ്റു മാർഗങ്ങൾ കണ്ടെത്തി​യി​ട്ടു​ണ്ടാ​കും. മുൻഗ​ണ​ന​ക​ളിൽ മാറ്റം വരുത്താൻ അവരെ എന്താണു പ്രേരി​പ്പി​ച്ചത്‌? എന്തൊക്കെ സംഭവി​ച്ചാ​ലും യഹോവ അവർക്കു​വേണ്ടി കരുതു​മെന്ന അവരുടെ വിശ്വാ​സം ശക്തമാ​ക്കുന്ന ഒരു അത്ഭുതം യേശു ചെയ്‌തു.—ലൂക്കോസ്‌ 5:5-11 വായി​ക്കുക.

11. നിങ്ങളു​ടെ​തന്നെ അനുഭ​വങ്ങൾ ഉപയോ​ഗി​ച്ചു​കൊണ്ട്‌ വിദ്യാർഥി​യു​ടെ വിശ്വാ​സം എങ്ങനെ ശക്തി​പ്പെ​ടു​ത്താം?

¹¹ നമുക്ക്‌ യേശു​വി​നെ​പ്പോ​ലെ അത്ഭുത​മൊ​ന്നും ചെയ്‌ത്‌ കാണി​ക്കാൻ പറ്റി​ല്ലെ​ന്നതു ശരിയാണ്‌. പക്ഷേ, തന്നെ ജീവി​ത​ത്തിൽ ഒന്നാമതു വെക്കു​ന്ന​വരെ യഹോവ എങ്ങനെ​യാ​ണു സഹായി​ക്കു​ന്ന​തെന്നു കാണി​ക്കുന്ന അനുഭ​വങ്ങൾ അവരോ​ടു പറയാ​നാ​കും. ഉദാഹ​ര​ണ​ത്തിന്‌, നിങ്ങൾ ആദ്യമാ​യി മീറ്റി​ങ്ങി​നു പോയി​ത്തു​ട​ങ്ങി​യ​പ്പോൾ യഹോവ സഹായി​ച്ച​തി​നെ​ക്കു​റിച്ച്‌ നിങ്ങൾ ഓർക്കു​ന്നു​ണ്ടോ? ചില​പ്പോൾ അതി​നെ​ക്കു​റിച്ച്‌ തൊഴി​ലു​ട​മ​യോ​ടു സംസാ​രി​ക്കേണ്ടി വന്നിട്ടു​ണ്ടാ​കും. മീറ്റിങ്ങ്‌ മുടക്കി​ക്കൊണ്ട്‌ കൂടുതൽ സമയം ജോലി ചെയ്യാൻ കഴിയി​ല്ലെന്നു നിങ്ങൾ വിശദീ​ക​രി​ച്ചി​ട്ടു​ണ്ടാ​കാം. അങ്ങനെ ആരാധ​ന​യ്‌ക്കു മുൻഗണന കൊടു​ത്ത​പ്പോൾ യഹോവ നിങ്ങളെ എങ്ങനെ​യാ​ണു സഹായി​ച്ച​തെ​ന്നും അതു നിങ്ങളു​ടെ വിശ്വാ​സം എങ്ങനെ​യാ​ണു ശക്തി​പ്പെ​ടു​ത്തി​യ​തെ​ന്നും വിദ്യാർഥി​ക്കു പറഞ്ഞു​കൊ​ടു​ക്കുക.

12. (എ) ബൈബിൾപ​ഠ​ന​ത്തി​നു പോകു​മ്പോൾ സഹോ​ദ​ര​ങ്ങളെ മാറി​മാ​റി കൊണ്ടു​പോ​കേ​ണ്ടത്‌ എന്തു​കൊണ്ട്‌? (ബി) വിദ്യാർഥി​യെ നന്നായി പഠിപ്പി​ക്കാൻ വീഡി​യോ​കൾ എങ്ങനെ ഉപയോ​ഗി​ക്കാം? ഒരു ഉദാഹ​രണം പറയുക.

¹² ഇനി മുൻഗ​ണ​ന​ക​ളിൽ മാറ്റങ്ങൾ വരുത്തിയ മറ്റു സഹോ​ദ​ര​ങ്ങ​ളു​ടെ അനുഭ​വ​ങ്ങ​ളിൽനി​ന്നും വിദ്യാർഥി​കൾക്കു പലതും പഠിക്കാ​നാ​കും. അതു​കൊണ്ട്‌ ബൈബിൾപ​ഠ​ന​ത്തി​നു പല പശ്ചാത്ത​ല​ങ്ങ​ളിൽനി​ന്നുള്ള സഹോ​ദ​ര​ങ്ങളെ കൂടെ കൊണ്ടു​പോ​കുക. അവർ എങ്ങനെ​യാ​ണു സത്യം പഠിച്ച​തെ​ന്നും യഹോ​വയെ ജീവി​ത​ത്തിൽ ഒന്നാമതു വെക്കാൻവേണ്ടി എന്തെല്ലാം മാറ്റങ്ങ​ളാ​ണു വരുത്തി​യ​തെ​ന്നും ബൈബിൾവി​ദ്യാർഥി​യോട്‌ പറയാൻ അവരോട്‌ ആവശ്യ​പ്പെ​ടാം. കൂടാതെ ജീവിതം ആസ്വദി​ക്കാം പുസ്‌തകം ഉപയോ​ഗി​ക്കു​മ്പോൾ അതിലെ “ആഴത്തിൽ പഠിക്കാൻ” എന്ന ഭാഗത്തോ “കൂടുതൽ മനസ്സി​ലാ​ക്കാൻ” എന്ന ഭാഗത്തോ ഉള്ള വീഡി​യോ​കൾ നിങ്ങൾക്ക്‌ അവരോ​ടൊ​പ്പം കാണാ​നാ​കും. ഉദാഹ​ര​ണ​ത്തിന്‌, 37-ാം പാഠമാ​ണു പഠിക്കു​ന്ന​തെ​ങ്കിൽ അതിലുള്ള യഹോവ എല്ലായ്‌പ്പോ​ഴും നമ്മളെ കരുതും എന്ന വീഡി​യോ ഉപയോ​ഗിച്ച്‌ അവരെ പല തത്ത്വങ്ങ​ളും പഠിപ്പി​ക്കാം.

എതിർപ്പു​കളെ നേരി​ടാൻ സഹായി​ക്കു​ക

13. എതിർപ്പു​കളെ നേരി​ടാൻ തന്റെ അനുഗാ​മി​കളെ യേശു എങ്ങനെ​യാണ്‌ ഒരുക്കി​യത്‌?

¹³ തന്റെ അനുഗാ​മി​കൾക്കു മറ്റുള്ള​വ​രിൽനിന്ന്‌, സ്വന്തം കുടും​ബാം​ഗ​ങ്ങ​ളിൽനി​ന്നു​പോ​ലും എതിർപ്പു​കൾ ഉണ്ടാ​യേ​ക്കാ​മെന്ന്‌ യേശു അവർക്ക്‌ ആവർത്തിച്ച്‌ മുന്നറി​യി​പ്പു​കൊ​ടു​ത്തു. (മത്താ. 5:11; 10:22, 36) തന്റെ ശിഷ്യ​ന്മാർക്കു മരണം​പോ​ലും നേരി​ട്ടേ​ക്കാ​മെന്ന്‌ ശുശ്രൂ​ഷ​യു​ടെ അവസാന സമയത്ത്‌ യേശു അവരോ​ടു പറഞ്ഞു. (മത്താ. 24:9; യോഹ. 15:20; 16:2) ഇനി, ശുശ്രൂഷ ചെയ്യു​മ്പോൾ ജാഗ്രത കാണി​ക്ക​ണ​മെ​ന്നും യേശു ഓർമി​പ്പി​ച്ചു. ആരെങ്കി​ലും എതിർക്കാൻ വന്നാൽ അവരു​മാ​യി തർക്കി​ക്ക​രു​തെ​ന്നും, പറയു​ക​യും പ്രവർത്തി​ക്കു​ക​യും ചെയ്യുന്ന കാര്യ​ത്തിൽ വിവേകം കാണി​ക്ക​ണ​മെ​ന്നും യേശു അവരെ ഉപദേ​ശി​ച്ചു. അങ്ങനെ ചെയ്‌താൽ അവർക്കു ശുശ്രൂഷ തടസ്സമി​ല്ലാ​തെ മുന്നോ​ട്ടു കൊണ്ടു​പോ​കാൻ കഴിയു​മാ​യി​രു​ന്നു.

14. എതിർപ്പു​കൾ നേരി​ടാൻ ബൈബിൾവി​ദ്യാർഥി​യെ എങ്ങനെ ഒരുക്കാം? (2 തിമൊ​ഥെ​യൊസ്‌ 3:12)

¹⁴ എതിർപ്പു​കളെ നേരി​ടാൻ നമുക്കു വിദ്യാർഥി​യെ ഒരുക്കാ​നാ​കും. കൂടെ ജോലി ചെയ്യു​ന്ന​വ​രിൽനി​ന്നോ, കൂട്ടു​കാ​രിൽനി​ന്നോ, കുടും​ബാം​ഗ​ങ്ങ​ളിൽനി​ന്നോ എന്തൊക്കെ നേരി​ടേ​ണ്ടി​വ​ന്നേ​ക്കാം എന്ന്‌ അദ്ദേഹ​ത്തോ​ടു നേര​ത്തേ​തന്നെ പറയുക. (2 തിമൊ​ഥെ​യൊസ്‌ 3:12 വായി​ക്കുക.) പഠിക്കു​ന്ന​തി​നു ചേർച്ച​യിൽ ജീവി​ത​ത്തിൽ മാറ്റങ്ങൾ വരുത്തു​മ്പോൾ കൂടെ ജോലി ചെയ്യു​ന്നവർ അദ്ദേഹത്തെ കളിയാ​ക്കി​യേ​ക്കാം. ഇനി മറ്റുള്ളവർ, അടുത്ത കുടും​ബാം​ഗ​ങ്ങൾപോ​ലും, ബൈബിൾ അടിസ്ഥാ​ന​മാ​ക്കി​യുള്ള ആ വ്യക്തി​യു​ടെ വിശ്വാ​സ​ങ്ങളെ കുറ്റ​പ്പെ​ടു​ത്തി​യേ​ക്കാം. അതു​കൊണ്ട്‌ എതിർപ്പു​കൾക്കാ​യി എത്ര നേരത്തേ വിദ്യാർഥി​കളെ ഒരുക്കു​ന്നോ അത്ര​ത്തോ​ളം അതു നേരി​ടാൻ അവർ തയ്യാറാ​യി​രി​ക്കും.

15. കുടും​ബ​ത്തിൽനി​ന്നുള്ള എതിർപ്പി​നെ നേരി​ടാൻ വിദ്യാർഥി​യെ എന്തു സഹായി​ക്കും?

¹⁵ കുടും​ബാം​ഗ​ങ്ങ​ളിൽനിന്ന്‌ എതിർപ്പു നേരി​ടു​ന്നു​ണ്ടെ​ങ്കിൽ, അവർ ആ രീതി​യിൽ ഇടപെ​ടു​ന്നത്‌ എന്തു​കൊ​ണ്ടാ​ണെന്നു ചിന്തി​ക്കാൻ വിദ്യാർഥി​യെ പ്രോ​ത്സാ​ഹി​പ്പി​ക്കുക. അദ്ദേഹത്തെ ആരോ വഴി​തെ​റ്റി​ച്ചി​രി​ക്കു​ക​യാണ്‌ എന്ന ചിന്തയോ യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള മുൻവി​ധി​യോ ഒക്കെയാ​യി​രി​ക്കാം ചില​പ്പോൾ അവർ അങ്ങനെ പ്രതി​ക​രി​ക്കു​ന്ന​തി​ന്റെ കാരണം. യേശു​വി​ന്റെ ചില കുടും​ബാം​ഗ​ങ്ങൾപോ​ലും യേശു​വി​നോ​ടു മോശ​മാ​യി പ്രതി​ക​രി​ച്ചി​ട്ടുണ്ട്‌. (മർക്കോ. 3:21; യോഹ. 7:5) കുടും​ബാം​ഗങ്ങൾ ഉൾപ്പെടെ എല്ലാവ​രോ​ടും ക്ഷമയോ​ടെ​യും നയത്തോ​ടെ​യും ഇടപെ​ടാൻ വിദ്യാർഥി​യെ പഠിപ്പി​ക്കാ​നാ​കും.

16. തന്റെ വിശ്വാ​സ​ങ്ങ​ളെ​ക്കു​റിച്ച്‌ നയത്തോ​ടെ സംസാ​രി​ക്കാൻ വിദ്യാർഥി​യെ നമുക്ക്‌ എങ്ങനെ സഹായി​ക്കാം?

¹⁶ കുടും​ബാം​ഗ​ങ്ങ​ളിൽ ആരെങ്കി​ലും ബൈബിൾവി​ഷ​യ​ങ്ങ​ളോ​ടു താത്‌പ​ര്യം കാണി​ച്ചാ​ലും വിദ്യാർഥി എല്ലാ കാര്യ​ങ്ങ​ളും ഒരുമിച്ച്‌ പറയു​ന്നതു ബുദ്ധി​യാ​യി​രി​ക്കില്ല. കാരണം അങ്ങനെ ചെയ്‌താൽ എല്ലാം​കൂ​ടെ ഉൾക്കൊ​ള്ളാൻ അവർക്കു ബുദ്ധി​മു​ട്ടാ​യി​രി​ക്കും. പിന്നീട്‌ ഇതു​പോ​ലുള്ള വിഷയങ്ങൾ സംസാ​രി​ക്കാ​നും ആ കുടും​ബാം​ഗം മടി കാണി​ച്ചേ​ക്കാം. അതു​കൊണ്ട്‌ എല്ലാ കാര്യ​ങ്ങ​ളും​കൂ​ടെ ഒരുമിച്ച്‌ പറയാ​തി​രി​ക്കാൻ ബൈബിൾവി​ദ്യാർഥി​യെ പ്രോ​ത്സാ​ഹി​പ്പി​ക്കുക. അങ്ങനെ​യാ​കു​മ്പോൾ ആ കുടും​ബാം​ഗ​ത്തി​നു വീണ്ടും സംസാ​രി​ക്കാൻ താത്‌പ​ര്യ​മാ​യി​രി​ക്കും. (കൊലോ. 4:6) കൂടാതെ jw.org വെബ്‌​സൈറ്റ്‌ സന്ദർശി​ക്കാ​നും വിദ്യാർഥിക്ക്‌ അവരോ​ടു പറയാ​നാ​കും. അപ്പോൾ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ അറിയാൻ ഇഷ്ടമുള്ള അത്രയും വിവരങ്ങൾ അവരു​ടേ​തായ സമയത്ത്‌ അവർക്കു നോക്കാ​നാ​കും.

17. യഹോ​വ​യു​ടെ സാക്ഷി​ക​ളെ​ക്കു​റിച്ച്‌ മറ്റുള്ള​വർക്ക്‌ ഉണ്ടാ​യേ​ക്കാ​വുന്ന ചോദ്യ​ങ്ങൾക്ക്‌ ഉത്തരം കൊടു​ക്കാൻ വിദ്യാർഥി​യെ എങ്ങനെ പരിശീ​ലി​പ്പി​ക്കാം? (ചിത്ര​വും കാണുക.)

¹⁷ കുടും​ബാം​ഗ​ങ്ങ​ളോ കൂടെ ജോലി ചെയ്യു​ന്ന​വ​രോ ചോദി​ച്ചേ​ക്കാ​വുന്ന ചോദ്യ​ങ്ങൾക്കു ലളിത​മായ ഉത്തരങ്ങൾ കൊടു​ക്കാൻ വിദ്യാർഥി തയ്യാറാ​യി​രി​ക്കണം. അതിന്‌ അവരെ സഹായി​ക്കു​ന്ന​തി​നു jw.org-ലെ “സാധാരണ ചോദി​ക്കാ​റുള്ള ചോദ്യ​ങ്ങൾ” എന്ന ലേഖന​പ​രമ്പര നിങ്ങൾക്ക്‌ ഉപയോ​ഗി​ക്കാം. (2 തിമൊ. 2:24, 25) കൂടാതെ ജീവിതം ആസ്വദി​ക്കാം പുസ്‌ത​ക​ത്തി​ലെ ഓരോ പാഠത്തി​ന്റെ​യും അവസാ​ന​മുള്ള “ആരെങ്കി​ലും ഇങ്ങനെ പറഞ്ഞാൽ” എന്ന ഭാഗം നിങ്ങൾക്കു വിദ്യാർഥി​യു​മാ​യി ചർച്ച ചെയ്യാ​നാ​കും. തങ്ങളുടെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു സ്വന്തം വാക്കു​ക​ളിൽ എങ്ങനെ പറയാ​മെന്നു പരിശീ​ലി​ക്കാൻ വിദ്യാർഥി​യെ സഹായി​ക്കുക. അങ്ങനെ അവർ പറഞ്ഞു​നോ​ക്കു​മ്പോൾ, എന്തെങ്കി​ലും മാറ്റം വരുത്താ​നു​ണ്ടെ​ങ്കിൽ നിങ്ങൾക്ക്‌ അതു മടികൂ​ടാ​തെ പറഞ്ഞു​കൊ​ടു​ക്കാ​നാ​കും. ഇങ്ങനെ പരിശീ​ലി​ക്കു​ന്നത്‌ ആത്മവി​ശ്വാ​സ​ത്തോ​ടെ മറ്റുള്ള​വ​രോ​ടു സംസാ​രി​ക്കാൻ അവരെ പ്രാപ്‌ത​രാ​ക്കും.

18. സ്‌നാ​ന​മേൽക്കാത്ത ഒരു പ്രചാ​ര​ക​നാ​കാൻ വിദ്യാർഥി​യെ നിങ്ങൾക്ക്‌ എങ്ങനെ പ്രോ​ത്സാ​ഹി​പ്പി​ക്കാം? (മത്തായി 10:27)

¹⁸ ആളുകളെ സന്തോ​ഷ​വാർത്ത അറിയി​ക്കാൻ യേശു തന്റെ ശിഷ്യ​ന്മാ​രോ​ടു പറഞ്ഞി​ട്ടുണ്ട്‌. (മത്തായി 10:27 വായി​ക്കുക.) വിദ്യാർഥി എത്ര പെട്ടെന്നു പ്രസം​ഗ​പ്ര​വർത്തനം ചെയ്‌ത്‌ തുടങ്ങു​ന്നോ അത്രയും പെട്ടെന്ന്‌ അദ്ദേഹം യഹോ​വ​യിൽ ആശ്രയി​ക്കാൻ പഠിക്കും. എങ്കിൽ, ഒരു പ്രചാ​ര​ക​നാ​കുക എന്ന ലക്ഷ്യം വെക്കാൻ വിദ്യാർഥി​യെ എങ്ങനെ സഹായി​ക്കാം? ഒരു പ്രചാ​ര​ണ​പ​രി​പാ​ടി നടക്കുന്ന സമയം അതിനു പറ്റി​യൊ​രു അവസര​മാ​യി​രി​ക്കും. കാരണം ആ സമയത്ത്‌ പൊതു​വേ പ്രസം​ഗ​പ്ര​വർത്തനം ചെയ്യാൻ എളുപ്പ​മാണ്‌. അതു​കൊണ്ട്‌ അങ്ങനെ​യൊ​രു പരിപാ​ടി​യെ​ക്കു​റിച്ച്‌ സഭയിൽ അറിയി​പ്പു നടത്തു​മ്പോൾ, ഒരു പ്രചാ​ര​ക​നാ​കു​ന്ന​തി​നെ​ക്കു​റിച്ച്‌ ചിന്തി​ക്കാൻ വിദ്യാർഥി​യെ പ്രോ​ത്സാ​ഹി​പ്പി​ക്കുക. അതിന്‌ എന്തു ചെയ്യണ​മെ​ന്നും പറഞ്ഞു​കൊ​ടു​ക്കുക. ഇനി, ഇടദി​വ​സത്തെ മീറ്റി​ങ്ങിൽ പ്രസം​ഗങ്ങൾ നടത്തു​ന്ന​തും വിദ്യാർഥി​ക്കു പ്രയോ​ജനം ചെയ്യും. ആ പരിശീ​ല​ന​ത്തി​ലൂ​ടെ, ബോധ്യ​ത്തോ​ടെ മറ്റുള്ള​വ​രോ​ടു തന്റെ വിശ്വാ​സ​ത്തെ​ക്കു​റിച്ച്‌ പറയാൻ വിദ്യാർഥി പഠിക്കും.

വിദ്യാർഥി​യിൽ നിങ്ങൾക്കു വിശ്വാ​സ​മു​ണ്ടെന്നു കാണി​ക്കു​ക

19. യേശു തന്റെ ശിഷ്യ​ന്മാ​രിൽ വിശ്വാ​സ​മു​ണ്ടെന്ന്‌ എങ്ങനെ​യാ​ണു കാണി​ച്ചത്‌, നമുക്ക്‌ അത്‌ എങ്ങനെ അനുക​രി​ക്കാം?

¹⁹ താനും ശിഷ്യ​ന്മാ​രും വീണ്ടും ഒരുമി​ക്കു​മെന്നു സ്വർഗ​ത്തി​ലേക്കു പോകു​ന്ന​തി​നു മുമ്പ്‌ യേശു അവരോ​ടു പറഞ്ഞു. തങ്ങളുടെ സ്വർഗീ​യ​പ്ര​ത്യാ​ശ​യെ​ക്കു​റി​ച്ചാണ്‌ യേശു പറഞ്ഞ​തെന്നു ശിഷ്യ​ന്മാർക്കു മനസ്സി​ലാ​യില്ല. (യോഹ. 14:1-5, 8) അത്തരം കാര്യങ്ങൾ മനസ്സി​ലാ​ക്കാൻ അവർക്കു സമയം വേണ​മെന്ന്‌ യേശു തിരി​ച്ച​റി​ഞ്ഞു. (യോഹ. 16:12) എല്ലാ കാര്യ​ങ്ങ​ളും മനസ്സി​ലാ​യി​ല്ലെ​ങ്കി​ലും അവർക്ക്‌ യഹോ​വയെ സന്തോ​ഷി​പ്പി​ക്കാൻ ആഗ്രഹ​മു​ണ്ടെന്ന്‌ യേശു​വിന്‌ ഉറപ്പാ​യി​രു​ന്നു. നമ്മുടെ ബൈബിൾവി​ദ്യാർഥി​ക്കും യഹോ​വയെ സന്തോ​ഷി​പ്പി​ക്കാൻ ആഗ്രഹ​മു​ണ്ടെന്ന്‌ യേശു​വി​നെ​പ്പോ​ലെ നമുക്കും വിശ്വ​സി​ക്കാം.

20. മലാവി​യി​ലുള്ള ഒരു സഹോ​ദരി തന്റെ വിദ്യാർഥി​യിൽ വിശ്വാ​സ​മു​ണ്ടെന്നു കാണി​ച്ചത്‌ എങ്ങനെ?

²⁰ നമ്മുടെ ബൈബിൾവി​ദ്യാർഥി​ക്കു ശരിയായ കാര്യം ചെയ്യാ​നുള്ള ആഗ്രഹ​മു​ണ്ടെന്ന്‌ നമ്മൾ വിശ്വ​സി​ക്കണം. ഉദാഹ​ര​ണ​ത്തിന്‌, മലാവി​യി​ലുള്ള ചിഫു​ണ്ടോ സഹോ​ദ​രി​യു​ടെ അനുഭവം നോക്കാം. സഹോ​ദരി ഒരു ചെറു​പ്പ​ക്കാ​രി​യായ കത്തോ​ലി​ക്കാ സ്‌ത്രീ​ക്കു ബൈബിൾപ​ഠനം നടത്തു​ന്നു​ണ്ടാ​യി​രു​ന്നു. അലീനാ​ഫെ എന്നാണ്‌ അവളുടെ പേര്‌. ജീവിതം ആസ്വദി​ക്കാം പുസ്‌ത​ക​ത്തി​ന്റെ 14-ാം പാഠം പഠിച്ചു​ക​ഴി​ഞ്ഞ​പ്പോൾ സഹോ​ദരി അലീനാ​ഫെ​യോട്‌ രൂപങ്ങൾ ഉപയോ​ഗിച്ച്‌ ആരാധി​ക്കു​ന്ന​തി​നെ​ക്കു​റി​ച്ചുള്ള അഭി​പ്രാ​യം എന്താ​ണെന്നു ചോദി​ച്ചു. അപ്പോൾ അലീനാ​ഫെ ദേഷ്യ​ത്തോ​ടെ ഇങ്ങനെ പറഞ്ഞു: “അത്‌ എന്റെ തീരു​മാ​ന​മാണ്‌.” ഈ പഠനം അധികം മുന്നോ​ട്ടു​പോ​കി​ല്ലെന്നു തോന്നി​യെ​ങ്കി​ലും സഹോ​ദരി ക്ഷമയോ​ടെ ബൈബിൾപ​ഠനം തുടർന്നു. പതിയെ അവൾ കാര്യങ്ങൾ മനസ്സി​ലാ​ക്കു​മെന്ന്‌ സഹോ​ദരി വിശ്വ​സി​ച്ചു. പഠനം മുന്നോ​ട്ടു​പോ​യി. 34-ാം പാഠം എത്തിയ​പ്പോൾ അതിൽ ഇങ്ങനെ ഒരു ചോദ്യ​മു​ണ്ടാ​യി​രു​ന്നു: “ബൈബി​ളി​നെ​ക്കു​റി​ച്ചും യഹോ​വ​യെ​ക്കു​റി​ച്ചും ഇതുവരെ പഠിച്ച​തിൽനിന്ന്‌ നിങ്ങൾക്ക്‌ എന്തൊക്കെ പ്രയോ​ജ​നങ്ങൾ ലഭിച്ചു?” ആ ചോദ്യ​ത്തിന്‌ അവൾ പറഞ്ഞ ഉത്തര​ത്തെ​ക്കു​റിച്ച്‌ സഹോ​ദരി പറയു​ന്നത്‌ ഇങ്ങനെ​യാണ്‌: “ഒരുപാട്‌ കാര്യങ്ങൾ അലീനാ​ഫെ പറഞ്ഞു. അതിൽ ഒരു കാര്യം, യഹോ​വ​യു​ടെ സാക്ഷികൾ ബൈബിൾ വെറു​ക്കുന്ന ഒന്നും ചെയ്യു​ന്നില്ല എന്നതാണ്‌.” വൈകാ​തെ അലീനാ​ഫെ ആരാധ​ന​യിൽ രൂപങ്ങൾ ഉപയോ​ഗി​ക്കു​ന്നതു നിറുത്തി; പെട്ടെ​ന്നു​തന്നെ സ്‌നാ​ന​പ്പെ​ടു​ക​യും ചെയ്‌തു.

21. സത്യത്തി​നു​വേണ്ടി ഉറച്ച നിലപാ​ടെ​ടു​ക്കാ​നുള്ള വിദ്യാർഥി​യു​ടെ ആഗ്രഹം ശക്തമാ​ക്കു​ന്ന​തി​നു നമുക്ക്‌ എന്തു ചെയ്യാം?

²¹ ‘വളർത്തു​ന്നത്‌’ യഹോ​വ​യാ​ണെ​ങ്കി​ലും പുരോ​ഗതി വരുത്താൻ ബൈബിൾവി​ദ്യാർഥി​യെ സഹായി​ക്കു​ന്ന​തിൽ നമുക്കും ഒരു പങ്കുണ്ട്‌. (1 കൊരി. 3:7) ദൈവം ആവശ്യ​പ്പെ​ടുന്ന കാര്യങ്ങൾ പഠിപ്പി​ക്കുക മാത്രമല്ല നമ്മൾ ചെയ്യു​ന്നത്‌, പകരം യഹോ​വ​യോ​ടുള്ള സ്‌നേഹം കൂട്ടാ​നും അവരെ സഹായി​ക്കു​ന്നു. മുൻഗ​ണ​ന​ക​ളിൽ മാറ്റം വരുത്തി​ക്കൊണ്ട്‌ ആ സ്‌നേഹം തെളി​യി​ക്കാൻ അവരെ പ്രോ​ത്സാ​ഹി​പ്പി​ക്കു​ന്നു. അതു​പോ​ലെ എതിർപ്പു​കൾ ഉണ്ടാകു​മ്പോൾ യഹോ​വ​യിൽ എങ്ങനെ ആശ്രയി​ക്കാ​മെന്ന്‌ അവരെ പഠിപ്പി​ക്കു​ന്നു. നമ്മുടെ വിദ്യാർഥി​കളെ നമ്മൾ വിശ്വ​സി​ക്കു​ന്നെന്നു കാണി​ക്കു​മ്പോൾ യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാ​നും സത്യത്തി​നു​വേണ്ടി ഉറച്ച നിലപാ​ടെ​ടു​ക്കാ​നും തങ്ങൾക്കും കഴിയു​മെന്ന അവരുടെ ബോധ്യം ശക്തമാ​കും.