വാക്യങ്ങൾ എങ്ങനെ ഓർത്തി​രി​ക്കാം?

നിങ്ങൾക്ക്‌ ഒരുപാട്‌ ഇഷ്ടമുള്ള, പല തവണ വായി​ച്ചി​ട്ടുള്ള ഒരു വാക്യം ബൈബി​ളിൽ എവി​ടെ​യാ​ണെന്ന്‌ ഓർത്തെ​ടു​ക്കാൻ എപ്പോ​ഴെ​ങ്കി​ലും ബുദ്ധി​മുട്ട്‌ തോന്നി​യി​ട്ടു​ണ്ടോ? അതു ചില​പ്പോൾ നിങ്ങളെ ആശ്വസി​പ്പി​ക്കു​ന്ന​തോ ശരിയാ​യി ചിന്തി​ക്കാൻ സഹായി​ക്കു​ന്ന​തോ മറ്റുള്ള​വരെ കാണി​ച്ചു​കൊ​ടു​ക്കാൻ നിങ്ങൾ ആഗ്രഹി​ക്കു​ന്ന​തോ ഒക്കെയാ​യി​രി​ക്കാം. (സങ്കീ. 119:11, 111) വാക്യങ്ങൾ ഓർത്തി​രി​ക്കാൻ നിങ്ങൾക്കു ചെയ്യാ​നാ​കുന്ന ചില കാര്യങ്ങൾ നോക്കാം.

• JW ലൈ​ബ്രറി ആപ്ലി​ക്കേ​ഷ​നി​ലെ ടാഗ്‌ സവി​ശേഷത ഉപയോ​ഗി​ക്കുക. JW ലൈ​ബ്ര​റി​യിൽ, “ഇഷ്ടപ്പെട്ട വാക്യങ്ങൾ” എന്ന പേരിൽ ഒരു ടാഗ്‌ ഉണ്ടാക്കാ​നാ​കും. ബൈബിൾ വായി​ക്കു​മ്പോൾ ഓർത്തി​രി​ക്കാൻ ആഗ്രഹി​ക്കുന്ന ഒരു വാക്യം കാണു​ക​യാ​ണെ​ങ്കിൽ അത്‌ ഈ ടാഗി​ലേക്ക്‌ ചേർക്കുക. അങ്ങനെ ചെയ്‌താൽ, പിന്നീട്‌ ആ വാക്യം കണ്ടെത്താൻ എളുപ്പ​മാ​യി​രി​ക്കും.

• കാണാ​നാ​കുന്ന ഒരിടത്ത്‌ വാക്യം എഴുതി വെക്കുക. ഒരു കഷണം പേപ്പറിൽ, ഓർത്തി​രി​ക്കാൻ ആഗ്രഹി​ക്കുന്ന വാക്യം എഴുതുക. എന്നിട്ട്‌ അത്‌ എപ്പോ​ഴും കാണുന്ന ഒരു സ്ഥലത്ത്‌ ഒട്ടിച്ച്‌ വെക്കുക. ചിലർ അത്‌ വീട്ടി​ലുള്ള കണ്ണാടി​യി​ലോ ഫ്രിഡ്‌ജി​ന്റെ വാതി​ലി​ലോ ഒക്കെ ഒട്ടിച്ച്‌ വെക്കാ​റുണ്ട്‌. മറ്റു ചിലർ ആ വാക്യ​ത്തി​ന്റെ ഫോട്ടോ എടുത്തിട്ട്‌ അത്‌ അവരുടെ കമ്പ്യൂ​ട്ട​റി​ന്റെ​യോ മൊ​ബൈ​ലി​ന്റെ​യോ വാൾപേപ്പർ ആക്കും.

• കാർഡു​കൾ ഉണ്ടാക്കുക. കാർഡി​ന്റെ ഒരു വശത്ത്‌ വാക്യ​വും മറുവ​ശത്ത്‌ അവിടെ എന്താണ്‌ പറഞ്ഞി​രി​ക്കു​ന്ന​തെ​ന്നും എഴുതുക. എന്നിട്ട്‌ ഒരു വശത്തെ വാക്യം നോക്കി അവിടെ എന്താണ്‌ പറഞ്ഞി​രി​ക്കു​ന്ന​തെന്ന്‌ ഓർത്തെ​ടു​ക്കാ​നോ അല്ലെങ്കിൽ മറുവ​ശത്ത്‌ എഴുതി​യി​രി​ക്കുന്ന തിരു​വെ​ഴു​ത്തു​ഭാ​ഗം വായി​ച്ചിട്ട്‌ വാക്യം ഏതാ​ണെന്ന്‌ ഓർത്തെ​ടു​ക്കാ​നോ ശ്രമി​ക്കുക.