യഹോവ നമ്മുടെ ‘പരമമായ ആനന്ദം’

1-2. (എ) ഇന്നു പലരു​ടെ​യും അവസ്ഥ എന്താണ്‌?(ബി) ഈ ലേഖന​ത്തിൽ നമ്മൾ എന്തു ചർച്ച ചെയ്യും?

ഈ ലോക​ത്തി​ലെ ആളുകൾ സന്തോ​ഷ​ത്തി​നാ​യുള്ള പരക്കം​പാ​ച്ചി​ലി​ലാണ്‌. എന്നാൽ അവർക്കു നിലനിൽക്കുന്ന സന്തോഷം കണ്ടെത്താ​നാ​കു​ന്നില്ല. ശൂന്യ​ത​യും നിരാ​ശ​യും ആണ്‌ പലരു​ടെ​യും മനസ്സിൽ ബാക്കി​യാ​കു​ന്നത്‌. ദൈവ​ജ​ന​ത്തിൽപ്പെ​ട്ട​വർക്കും ഇങ്ങനെ​യൊ​ക്കെ തോന്നി​യേ​ക്കാം. കാരണം നമ്മൾ ജീവി​ക്കു​ന്നത്‌ ‘അവസാ​ന​കാ​ല​ത്താണ്‌.’ ഉത്‌ക​ണ്‌ഠ​യോ സങ്കടമോ ഉണ്ടാക്കുന്ന “ബുദ്ധി​മു​ട്ടു നിറഞ്ഞ” സാഹച​ര്യ​ങ്ങൾ നമ്മൾ പ്രതീ​ക്ഷി​ക്കു​ന്നു.—2 തിമൊ. 3:1.

² ഈ ലേഖന​ത്തിൽ നമ്മുടെ സന്തോഷം കവർന്നെ​ടു​ക്കു​ന്നത്‌ എന്തൊ​ക്കെ​യാ​ണെ​ന്നും നഷ്ടപ്പെ​ട്ടു​പോയ സന്തോഷം വീണ്ടെ​ടു​ക്കാൻ എന്തൊക്കെ ചെയ്യാ​മെ​ന്നും നമ്മൾ ചർച്ച ചെയ്യും. എന്നാൽ അതിനു മുമ്പ്‌ യഥാർഥ​സ​ന്തോ​ഷ​ത്തി​ന്റെ ഉറവിടം ആരാ​ണെന്നു നോക്കാം.

യഥാർഥ​സ​ന്തോ​ഷ​ത്തി​ന്റെ ഉറവിടം

3. സൃഷ്ടികൾ യഹോ​വ​യെ​ക്കു​റിച്ച്‌ എന്തു പഠിപ്പി​ക്കു​ന്നു? (ചിത്ര​ങ്ങ​ളും കാണുക.)

³ യഹോ​വ​യ്‌ക്ക്‌ എപ്പോ​ഴും സന്തോ​ഷ​മുണ്ട്‌. നമ്മളും സന്തോ​ഷി​ക്കാൻ ദൈവം ആഗ്രഹി​ക്കു​ന്നു. ദൈവ​ത്തി​ന്റെ സൃഷ്ടി​ക​ളിൽനി​ന്നും നമുക്ക്‌ അതു മനസ്സി​ലാ​ക്കാ​നാ​കും. മനോ​ഹ​ര​മായ ഭൂമി​യും നമുക്കു ചുറ്റു​മുള്ള എണ്ണമറ്റ നിറങ്ങ​ളും മൃഗങ്ങ​ളു​ടെ കുട്ടി​ക്ക​ളി​ക​ളും വൈവി​ധ്യ​മാർന്ന രുചി​ക​ര​മായ ഭക്ഷണവും ഒക്കെ അതിന്‌ ഉദാഹ​ര​ണ​ങ്ങ​ളാണ്‌. യഹോവ ശരിക്കും നമ്മളെ സ്‌നേ​ഹി​ക്കു​ന്നു, നമ്മൾ ജീവിതം ആസ്വദി​ക്കാൻ ആഗ്രഹി​ക്കു​ന്നു!

Baby elephant: Image © Romi Gamit/Shutterstock; penguin chicks: Vladimir Seliverstov/500px via Getty Images; baby goats: Rita Kochmarjova/stock.adobe.com; two dolphins: georgeclerk/E+ via Getty Images

4. (എ) ഈ ലോക​ത്തി​ലെ കഷ്ടപ്പാ​ടു​കൾ കാണേ​ണ്ടി​വ​രു​ന്നു​ണ്ടെ​ങ്കി​ലും യഹോ​വ​യ്‌ക്കു സന്തോഷം നിലനി​റു​ത്താ​നാ​കു​ന്നത്‌ എങ്ങനെ? (ബി) യഹോവ നമുക്കു തരുന്ന സമ്മാനം എന്താണ്‌? (സങ്കീർത്തനം 16:11)

⁴ യഹോവ ‘സന്തോ​ഷ​മുള്ള ദൈവ​മാ​ണെ​ങ്കി​ലും’ മനുഷ്യർ ഇന്ന്‌ അനുഭ​വി​ക്കുന്ന ഹൃദയ​വേ​ദ​ന​ക​ളും കഷ്ടപ്പാ​ടു​ക​ളും യഹോവ നന്നായി മനസ്സി​ലാ​ക്കു​ന്നുണ്ട്‌. (1 തിമൊ. 1:11) പക്ഷേ, അതൊ​ന്നും തന്റെ സന്തോഷം ഇല്ലാതാ​ക്കാൻ യഹോവ അനുവ​ദി​ച്ചി​ട്ടില്ല. കാരണം, ഈ കഷ്ടപ്പാ​ടു​കൾ ഒക്കെ താത്‌കാ​ലി​ക​മാ​ണെന്ന്‌ യഹോ​വ​യ്‌ക്ക്‌ അറിയാം. ദൈവം​തന്നെ അതി​നെ​ല്ലാം ഒരു സമയപ​രി​ധി നിശ്ചയി​ച്ചി​ട്ടുണ്ട്‌. ഈ സങ്കടങ്ങ​ളും ദുരി​ത​ങ്ങ​ളും എല്ലാം എന്നേക്കും ഇല്ലാതാ​ക്കുന്ന ആ ദിവസ​ത്തി​നാ​യി യഹോവ ക്ഷമയോ​ടെ കാത്തി​രി​ക്കു​ക​യാണ്‌. അതുവരെ നമ്മൾ അനുഭ​വി​ക്കു​ന്ന​തെ​ല്ലാം യഹോവ അറിയു​ന്നുണ്ട്‌, നമ്മളെ സഹായി​ക്കാൻ ആഗ്രഹി​ക്കു​ന്നുണ്ട്‌. എങ്ങനെ​യാണ്‌ യഹോവ സഹായി​ക്കു​ന്നത്‌? ഒരുവി​ധം, സന്തോഷം എന്ന സമ്മാനം നമുക്കു തന്നു​കൊ​ണ്ടാണ്‌. (സങ്കീർത്തനം 16:11 വായി​ക്കുക.) തന്റെ മകനായ യേശു​വിന്‌ യഹോവ എങ്ങനെ​യാണ്‌ ആ സമ്മാനം കൊടു​ത്ത​തെന്നു നോക്കാം.

5-6. യേശു​വി​നു സന്തോ​ഷ​മു​ള്ളത്‌ എന്തു​കൊണ്ട്‌?

⁵ യഹോ​വ​യു​ടെ എല്ലാ സൃഷ്ടി​ക​ളി​ലും​വെച്ച്‌ ഏറ്റവും സന്തോ​ഷ​മു​ള്ളത്‌ യേശു​വി​നാണ്‌. എന്തു​കൊണ്ട്‌? യേശു​വിന്‌ മാത്ര​മാ​യുള്ള രണ്ടു കാരണങ്ങൾ നോക്കാം: (1) ‘അദൃശ്യ​നായ ദൈവ​ത്തി​ന്റെ പ്രതി​രൂ​പ​മാ​യ​തു​കൊണ്ട്‌’ യേശു​വി​നു പിതാ​വി​ന്റെ അതേ വ്യക്തി​ത്വ​മാ​ണു​ള്ളത്‌. (കൊലോ. 1:15; 1 തിമൊ. 6:15) (2) യേശു തന്റെ ജീവി​ത​ത്തിൽ കൂടുതൽ സമയവും ചെലവ​ഴി​ച്ചി​രി​ക്കു​ന്നതു സന്തോ​ഷ​ത്തി​ന്റെ ഉറവി​ട​മായ യഹോ​വ​യോട്‌ ഒപ്പമാണ്‌.

⁶ ഇനി അതോ​ടൊ​പ്പം പിതാവ്‌ ആവശ്യ​പ്പെ​ടുന്ന കാര്യ​ങ്ങ​ളെ​ല്ലാം ചെയ്യു​ന്ന​തു​കൊ​ണ്ടും യേശു​വിന്‌ എപ്പോ​ഴും സന്തോ​ഷ​മുണ്ട്‌. (സുഭാ. 8:30, 31; യോഹ. 8:29) തന്റെ വിശ്വ​സ്‌ത​ജീ​വി​തം യേശു​വിന്‌ യഹോ​വ​യു​ടെ പ്രീതി​യും അംഗീ​കാ​ര​വും നേടി​ക്കൊ​ടു​ക്കു​ന്നു. അതും യേശു​വി​ന്റെ സന്തോ​ഷ​ത്തി​നുള്ള ഒരു കാരണ​മാണ്‌.—മത്താ. 3:17.

7. നമുക്ക്‌ യഥാർഥ​സ​ന്തോ​ഷം എങ്ങനെ കണ്ടെത്താം?

⁷ സന്തോ​ഷ​ത്തി​ന്റെ ഉറവി​ട​മായ യഹോ​വ​യോ​ടു നമ്മൾ കൂടുതൽ അടുക്കു​ന്നെ​ങ്കിൽ നമുക്കും യഥാർഥ​സ​ന്തോ​ഷം കിട്ടും. യഹോ​വ​യെ​ക്കു​റിച്ച്‌ പഠിക്കാ​നും യഹോ​വയെ അനുക​രി​ക്കാ​നും നമ്മൾ എത്രയ​ധി​കം ശ്രമി​ക്കു​ന്നോ അത്രയും സന്തോഷം നമുക്കു​ണ്ടാ​കും. അതു​പോ​ലെ ദൈവ​ത്തി​ന്റെ ഇഷ്ടം ചെയ്യു​ന്ന​തും നമുക്കു ദൈവ​ത്തി​ന്റെ അംഗീ​കാ​ര​മു​ണ്ടെന്ന്‌ അറിയു​ന്ന​തും നമ്മളെ സന്തോ​ഷി​പ്പി​ക്കും.a (സങ്കീ. 33:12) എന്നാൽ ചില​പ്പോ​ഴൊ​ക്കെ നിങ്ങൾക്കു സന്തോഷം നഷ്ടപ്പെ​ടു​ന്ന​താ​യി തോന്നു​ന്നെ​ങ്കി​ലോ? യഹോ​വ​യു​ടെ അംഗീ​കാ​രം ഇല്ലെന്നാ​ണോ അതിന്റെ അർഥം? അല്ല. നമ്മൾ അപൂർണ​രാ​യ​തു​കൊണ്ട്‌ ഇടയ്‌ക്കൊ​ക്കെ സങ്കടവും വേദന​യും വിഷാ​ദ​വും ഒക്കെ തോന്നും. അത്‌ യഹോ​വ​യ്‌ക്കും അറിയാം. (സങ്കീ. 103:14) നമ്മുടെ സന്തോഷം കവർന്നെ​ടു​ത്തേ​ക്കാ​വുന്ന കാര്യങ്ങൾ എന്തൊ​ക്കെ​യാ​ണെ​ന്നും സന്തോഷം എങ്ങനെ തിരി​ച്ചു​പി​ടി​ക്കാ​മെ​ന്നും ഇപ്പോൾ നോക്കാം.

നിങ്ങളു​ടെ സന്തോഷം കവർന്നെ​ടു​ക്കാൻ ഒന്നി​നെ​യും അനുവ​ദി​ക്ക​രുത്‌

8. ജീവി​ത​ത്തി​ലെ പ്രശ്‌നങ്ങൾ നമ്മളെ എങ്ങനെ ബാധി​ച്ചേ​ക്കാം?

⁸ കവർച്ച​ക്കാ​രൻ 1: ജീവി​ത​ത്തി​ലെ പ്രശ്‌നങ്ങൾ. ഉപദ്ര​വ​മോ പ്രകൃ​തി​ദു​ര​ന്ത​മോ സാമ്പത്തി​ക​ബു​ദ്ധി​മു​ട്ടോ രോഗ​മോ വാർധ​ക്യ​മോ പോലുള്ള എന്തെങ്കി​ലും പ്രശ്‌നങ്ങൾ നിങ്ങൾ ജീവി​ത​ത്തിൽ അനുഭ​വി​ക്കു​ന്നു​ണ്ടോ? ഇത്തരം പ്രശ്‌നങ്ങൾ, പ്രത്യേ​കി​ച്ചും നമുക്ക്‌ യാതൊ​രു നിയ​ന്ത്ര​ണ​വു​മി​ല്ലാത്ത കാര്യങ്ങൾ ജീവി​ത​ത്തിൽ സംഭവി​ക്കു​മ്പോൾ നമ്മുടെ സന്തോഷം പെട്ടെന്നു നഷ്ടപ്പെ​ട്ടേ​ക്കാം. “ഹൃദയ​വേദന ആത്മാവി​നെ തകർത്തു​ക​ള​യു​ന്നു” എന്ന്‌ ബൈബി​ളും സമ്മതി​ക്കു​ന്നു. (സുഭാ. 15:13) ബാബിസ്‌ എന്ന മൂപ്പന്‌ നാലു വർഷത്തി​നു​ള്ളിൽ തന്റെ അപ്പനെ​യും അമ്മയെ​യും ആകെയുള്ള ഒരു ചേട്ട​നെ​യും മരണത്തിൽ നഷ്ടമായി. സഹോ​ദരൻ പറയുന്നു: “എനിക്ക്‌ ഒറ്റപ്പെ​ട​ലും നിസ്സഹാ​യ​ത​യും തോന്നി. ചില​പ്പോ​ഴൊ​ക്കെ എന്റെ നെഞ്ച്‌ പൊട്ടു​ന്ന​തു​പോ​ലെ എനിക്കു തോന്നു​മാ​യി​രു​ന്നു. കാരണം എന്റെ മാതാ​പി​താ​ക്ക​ളോ​ടും ചേട്ട​നോ​ടും ഒപ്പം കൂടുതൽ സമയം ചെലവ​ഴി​ക്കാൻ എനിക്ക്‌ ആഗ്രഹ​മു​ണ്ടാ​യി​രു​ന്നെ​ങ്കി​ലും അതിനു പറ്റിയി​രു​ന്നില്ല.” ജീവി​ത​ത്തി​ലെ പ്രശ്‌നങ്ങൾ നമ്മളെ മാനസി​ക​മാ​യും ശാരീ​രി​ക​മാ​യും തകർത്തു​ക​ള​യും.

9. സന്തോഷം തിരി​ച്ചു​പി​ടി​ക്കാൻ നമ്മളെ എന്തു സഹായി​ക്കും? (യിരെമ്യ 29:4-7, 10)

⁹ സന്തോഷം തിരി​ച്ചു​പി​ടി​ക്കാൻ നമ്മളെ എന്തു സഹായി​ക്കും? യാഥാർഥ്യ​ബോ​ധ​മു​ള്ള​വ​രും നന്ദിയു​ള്ള​വ​രും ആയിരു​ന്നു​കൊണ്ട്‌ നമുക്കു സന്തോഷം വീണ്ടെ​ടു​ക്കാ​നാ​കും. നമ്മൾ പ്രതീ​ക്ഷി​ക്കു​ന്ന​തു​പോ​ലെ കാര്യങ്ങൾ പോയാൽ മാത്രമേ സന്തോ​ഷ​ത്തോ​ടെ​യി​രി​ക്കാൻ പറ്റൂ എന്നാണു ലോകം പഠിപ്പി​ക്കു​ന്നത്‌. പക്ഷേ ശരിക്കും അങ്ങനെയല്ല. ഉദാഹ​ര​ണ​ത്തിന്‌, ബാബി​ലോ​ണി​ലേക്കു ബന്ദിക​ളാ​യി പോയ ജൂതന്മാ​രോട്‌ ബുദ്ധി​മു​ട്ടു​ക​ളൊ​ക്കെ ഉണ്ടെങ്കി​ലും അവരുടെ ആ പുതിയ സാഹച​ര്യം അംഗീ​ക​രി​ക്കാ​നും അവിടെ എന്താണോ ചെയ്യാൻ പറ്റുന്നത്‌ അതു പരമാ​വധി ചെയ്യാ​നും ആണ്‌ യഹോവ പറഞ്ഞത്‌. (യിരെമ്യ 29:4-7, 10 വായി​ക്കുക.) എന്താണു പാഠം? നിങ്ങളു​ടെ ഇപ്പോ​ഴുള്ള സാഹച​ര്യ​ങ്ങൾ മനസ്സി​ലാ​ക്കി അത്‌ അംഗീ​ക​രി​ക്കു​ക​യും ജീവി​ത​ത്തി​ലുള്ള നല്ല കാര്യ​ങ്ങൾക്കു നന്ദിയു​ള്ള​വ​രാ​യി​രി​ക്കു​ക​യും ചെയ്യുക. അങ്ങനെ മുന്നോ​ട്ടു​പോ​കു​മ്പോൾ നിങ്ങളെ സഹായി​ക്കാൻ യഹോവ കൂടെ​യു​ണ്ടാ​കു​മെന്ന്‌ ഓർക്കുക. (സങ്കീ. 63:7; 146:5) ഒരു അപകട​ത്തിൽ ശരീരം തളർന്നു​പോയ എഫി സഹോ​ദ​രി​യു​ടെ അനുഭവം നോക്കാം. സഹോ​ദരി പറയുന്നു: “യഹോ​വ​യും എന്റെ കുടും​ബാം​ഗ​ങ്ങ​ളും സഭയിലെ സഹോ​ദ​ര​ങ്ങ​ളും എന്നെ ഒരുപാട്‌ സഹായി​ക്കു​ക​യും പിന്തു​ണ​യ്‌ക്കു​ക​യും ചെയ്‌തു. ഞാൻ മടുത്ത്‌ നിരാ​ശ​യി​ലാ​യി പോയാൽ അവരോ​ടു നന്ദി​കേട്‌ കാണി​ക്കു​ന്നതു പോ​ലെ​യാ​യി​രി​ക്കും. അതു​കൊണ്ട്‌ സന്തോ​ഷ​ത്തോ​ടെ​യി​രി​ക്കാൻ പരമാ​വധി ശ്രമി​ച്ചു​കൊണ്ട്‌ അവരോ​ടു നന്ദി കാണി​ക്കാൻ ഞാൻ ആഗ്രഹി​ക്കു​ന്നു.”

10. പ്രശ്‌ന​ങ്ങ​ളു​ള്ള​പ്പോ​ഴും നമുക്കു സന്തോ​ഷ​ത്തോ​ടെ​യി​രി​ക്കാ​നാ​കു​ന്നത്‌ എന്തു​കൊണ്ട്‌?

¹⁰ ജീവിതം നമ്മൾ പ്രതീ​ക്ഷി​ക്കു​ന്ന​തു​പോ​ലെ മുന്നോ​ട്ടു പോയി​ല്ലെ​ങ്കി​ലും നമുക്കോ കുടും​ബാം​ഗ​ങ്ങൾക്കോ വലിയ പ്രശ്‌നങ്ങൾ നേരി​ടേ​ണ്ടി​വ​ന്നാ​ലും നമുക്കു സന്തോ​ഷ​മു​ള്ള​വ​രാ​യി​രി​ക്കാൻ കഴിയും.b (സങ്കീ. 126:5) കാരണം, സന്തോഷം ആശ്രയി​ച്ചി​രി​ക്കു​ന്നതു നമ്മുടെ സാഹച​ര്യ​ങ്ങ​ളിൽ അല്ല. മരിയ എന്നൊരു മുൻനി​ര​സേ​വിക പറയുന്നു: “പ്രശ്‌നങ്ങൾ ഉള്ളപ്പോ​ഴും സന്തോ​ഷ​ത്തോ​ടെ​യി​രി​ക്കു​ന്നു എന്നു പറയു​ന്ന​തി​ന്റെ അർഥം, നമ്മൾ വികാ​രങ്ങൾ ഉള്ളി​ലൊ​തു​ക്കു​ന്നു എന്നല്ല മറിച്ച്‌ യഹോവ തന്നിരി​ക്കുന്ന വാഗ്‌ദാ​നങ്ങൾ മറക്കു​ന്നില്ല എന്നാണ്‌. നമ്മുടെ പിതാവ്‌ സന്തോഷം നിലനി​റു​ത്താൻ നമ്മളെ സഹായി​ക്കും.” എത്ര ബുദ്ധി​മു​ട്ടു​ക​ളി​ലൂ​ടെ കടന്നു​പോ​യാ​ലും അതെല്ലാം താത്‌കാ​ലി​ക​മാ​ണെന്ന്‌ ഓർക്കാം—കടൽത്തീ​രത്ത്‌ പതിയുന്ന കാൽപ്പാ​ടു​കൾപ്പോ​ലെ. ഒരു അടയാ​ളം​പോ​ലും ബാക്കി​യാ​കാ​തെ പെട്ടെ​ന്നു​തന്നെ അതെല്ലാം മാഞ്ഞു​പോ​കും.

11. അപ്പോ​സ്‌ത​ല​നായ പൗലോ​സി​ന്റെ മാതൃക നിങ്ങളെ പ്രോ​ത്സാ​ഹി​പ്പി​ക്കു​ന്നത്‌ എങ്ങനെ?

¹¹ ജീവി​ത​ത്തിൽ പ്രശ്‌ന​ങ്ങ​ളു​ണ്ടാ​കു​മ്പോൾ നമുക്ക്‌ യഹോ​വ​യു​ടെ അംഗീ​കാ​രം നഷ്ടപ്പെട്ടു എന്നു തോന്നു​ന്നെ​ങ്കി​ലോ? അപ്പോൾ പ്രയാ​സ​ങ്ങ​ളി​ലൂ​ടെ കടന്നു​പോയ വിശ്വ​സ്‌ത​രായ ദൈവ​ദാ​സ​ന്മാ​രെ​ക്കു​റിച്ച്‌ നമുക്ക്‌ ഓർക്കാ​നാ​കും. അങ്ങനെ ഒരാളാ​യി​രു​ന്നു പൗലോസ്‌ അപ്പോ​സ്‌തലൻ. “ജനതക​ളു​ടെ​യും രാജാ​ക്ക​ന്മാ​രു​ടെ​യും ഇസ്രാ​യേൽമ​ക്ക​ളു​ടെ​യും മുമ്പാകെ” സത്യം അറിയി​ക്കാൻ യേശു​ത​ന്നെ​യാ​ണു പൗലോ​സി​നെ തിര​ഞ്ഞെ​ടു​ത്തത്‌. (പ്രവൃ. 9:15) അത്‌ എത്ര വലി​യൊ​രു പദവി​യാ​ണെന്നു ചിന്തിച്ച്‌ നോക്കൂ! പക്ഷേ, പൗലോ​സി​ന്റെ ജീവിതം ഒരിക്ക​ലും പ്രശ്‌നങ്ങൾ ഇല്ലാത്ത​താ​യി​രു​ന്നില്ല. (2 കൊരി. 11:23-27) പൗലോ​സിന്‌ ഇത്രയ​ധി​കം പ്രശ്‌നങ്ങൾ നേരി​ട്ടത്‌, അദ്ദേഹ​ത്തിന്‌ യഹോ​വ​യു​ടെ അംഗീ​കാ​രം ഇല്ലാത്ത​തു​കൊ​ണ്ടാ​യി​രു​ന്നോ? ഒരിക്ക​ലു​മല്ല! ശരിക്കും പറഞ്ഞാൽ ഈ പ്രശ്‌നങ്ങൾ എല്ലാം സഹിച്ചു​നിൽക്കാൻ പൗലോ​സിന്‌ കഴിഞ്ഞു എന്നത്‌, അദ്ദേഹ​ത്തിന്‌ യഹോ​വ​യു​ടെ അനു​ഗ്ര​ഹ​മു​ണ്ടാ​യി​രു​ന്നു എന്നതിന്റെ തെളി​വാണ്‌. (റോമ. 5:3-5) ഇനി നിങ്ങളു​ടെ സാഹച​ര്യ​ത്തെ​ക്കു​റിച്ച്‌ ഒന്നു ചിന്തി​ക്കുക. ഇത്ര​യൊ​ക്കെ പ്രശ്‌നങ്ങൾ നേരി​ടു​മ്പോ​ഴും നിങ്ങൾക്കു വിശ്വ​സ്‌ത​മാ​യി സഹിച്ച്‌ നിൽക്കാ​നാ​കു​ന്നു. നിങ്ങൾക്ക്‌ യഹോ​വ​യു​ടെ അംഗീ​കാ​രം ഉണ്ടെന്നു​ള്ള​തി​ന്റെ തെളി​വല്ലേ അത്‌?

12. നിറ​വേ​റാത്ത പ്രതീ​ക്ഷകൾ നമ്മുടെ സന്തോഷം കവർന്നെ​ടു​ത്തേ​ക്കാ​വു​ന്നത്‌ എങ്ങനെ?

¹² കവർച്ച​ക്കാ​രൻ 2: നിറ​വേ​റാത്ത പ്രതീ​ക്ഷകൾ. (സുഭാ. 13:12) യഹോ​വ​യോ​ടുള്ള സ്‌നേ​ഹ​വും നന്ദിയും ദൈവ​സേ​വ​ന​ത്തിൽ ലക്ഷ്യങ്ങൾവെ​ക്കാൻ നമ്മളെ പ്രേരി​പ്പി​ക്കും. എന്നാൽ നമ്മുടെ സാഹച​ര്യ​ത്തി​നു പറ്റാത്ത ലക്ഷ്യങ്ങ​ളാ​ണു വെക്കു​ന്ന​തെ​ങ്കിൽ നമ്മുടെ മനസ്സി​ടിഞ്ഞ്‌ പോകാ​നുള്ള സാധ്യ​ത​യുണ്ട്‌. (സുഭാ. 17:22) ഹോളി എന്നൊരു മുൻനി​ര​സേ​വിക പറയുന്നു: “രാജ്യ​സു​വി​ശേ​ഷ​കർക്കുള്ള സ്‌കൂ​ളിൽ പങ്കെടുത്ത്‌ മറ്റൊരു രാജ്യത്തു പോയി സേവി​ക്കാ​നോ റമാപോ നിർമാണ പ്രോ​ജ​ക്ടിൽ പ്രവർത്തി​ക്കാ​നോ ഒക്കെ എനിക്ക്‌ ആഗ്രഹ​മു​ണ്ടാ​യി​രു​ന്നു. എന്നാൽ പിന്നീട്‌ എന്റെ സാഹച​ര്യം മാറി​യ​തു​കൊണ്ട്‌ ഈ ലക്ഷ്യങ്ങ​ളിൽ ഒന്നും എത്തി​ച്ചേ​രാൻ എനിക്കു കഴിയു​മാ​യി​രു​ന്നില്ല. എന്റെ സന്തോ​ഷ​മെ​ല്ലാം പോയി. പല കാര്യങ്ങൾ ചെയ്യാൻ ആഗ്രഹി​ച്ചി​ട്ടും അതി​നൊ​ന്നും പറ്റാതെ വരു​മ്പോൾ നമുക്കു നിരാശ തോന്നും.” സഹോ​ദ​രി​യു​ടെ ഈ വാക്കുകൾ പലരു​ടെ​യും കാര്യ​ത്തിൽ സത്യമാണ്‌.

13. നമ്മുടെ സാഹച​ര്യം എന്തുത​ന്നെ​യാ​ണെ​ങ്കി​ലും നമുക്കു ചെയ്യാ​നാ​കുന്ന ചില കാര്യങ്ങൾ എന്തൊ​ക്കെ​യാണ്‌?

¹³ സന്തോഷം തിരി​ച്ചു​പി​ടി​ക്കാൻ നമ്മളെ എന്തു സഹായി​ക്കും? നമ്മളെ​ക്കൊണ്ട്‌ പറ്റാത്ത കാര്യങ്ങൾ യഹോവ ഒരിക്ക​ലും നമ്മളിൽനിന്ന്‌ പ്രതീ​ക്ഷി​ക്കു​ന്നി​ല്ലെന്ന്‌ ഓർക്കുക. അതു​പോ​ലെ യഹോവ നമ്മുടെ മൂല്യം നിശ്ചയി​ക്കു​ന്നത്‌, നമ്മൾ ദൈവ​സേ​വ​ന​ത്തിൽ എത്ര​ത്തോ​ളം കാര്യങ്ങൾ ചെയ്യുന്നു എന്നതിന്റെ അടിസ്ഥാ​ന​ത്തി​ലു​മല്ല. നമ്മൾ എളിമ​യു​ള്ള​വ​രും വിശ്വ​സ്‌ത​രും ആയിരി​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌. (മീഖ 6:8; 1 കൊരി. 4:2) നമ്മൾ എന്തു ചെയ്യുന്നു എന്നതി​നെ​ക്കാൾ, ഉള്ളി​ന്റെ​യു​ള്ളിൽ എങ്ങനെ​യുള്ള ഒരാളാണ്‌ എന്നതാണ്‌ യഹോവ നോക്കു​ന്നത്‌.c അങ്ങനെ​യെ​ങ്കിൽ യഹോവ പ്രതീ​ക്ഷി​ക്കു​ന്ന​തി​ലും കൂടുതൽ നമ്മൾ നമ്മളിൽനിന്ന്‌ പ്രതീ​ക്ഷി​ക്കു​ന്നതു ശരിയാ​ണോ? ഒരിക്ക​ലു​മല്ല. അതു​കൊണ്ട്‌ ഇപ്പോ​ഴത്തെ സാഹച​ര്യ​ത്തിൽ നിങ്ങൾക്ക്‌ അധികം ഒന്നും ചെയ്യാൻ പറ്റുന്നി​ല്ലെ​ങ്കിൽ ചെയ്യാൻ കഴിയുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ഉദാഹ​ര​ണ​ത്തിന്‌, ചെറു​പ്പ​ക്കാ​രെ പരിശീ​ലി​പ്പി​ക്കാ​നോ പ്രായ​മുള്ള ഒരാളെ ബലപ്പെ​ടു​ത്താ​നോ നിങ്ങൾക്കു കഴിയു​മോ? ആരെ​യെ​ങ്കി​ലും ഒരാളെ, നേരി​ട്ടോ ഫോണി​ലൂ​ടെ​യോ അല്ലെങ്കിൽ ഒരു മെസ്സേജ്‌ അയച്ചു​കൊ​ണ്ടോ പ്രോ​ത്സാ​ഹി​പ്പി​ക്കാൻ നിങ്ങൾക്കു ലക്ഷ്യം വെക്കാ​നാ​കു​മോ? ഇത്തരത്തിൽ നിങ്ങൾക്കു ചെയ്യാ​നാ​കുന്ന, അർഥവ​ത്തായ ലക്ഷ്യങ്ങൾവെച്ച്‌ പ്രവർത്തി​ക്കു​മ്പോൾ യഹോവ സന്തോഷം തന്ന്‌ നിങ്ങളെ അനു​ഗ്ര​ഹി​ക്കും. ഇനി മറ്റൊരു കാര്യ​വും നമുക്കു മനസ്സിൽപ്പി​ടി​ക്കാം. ദൈവ​ത്തി​ന്റെ പുതിയ ലോക​ത്തിൽ, നമുക്ക്‌ ഒരിക്ക​ലും ഭാവന​യിൽപ്പോ​ലും കാണാൻ പറ്റാത്തത്ര അവസര​ങ്ങ​ളാ​ണു ദൈവ​സേ​വ​ന​ത്തിൽ നമ്മളെ കാത്തി​രി​ക്കു​ന്നത്‌! മുമ്പ്‌ കണ്ട ഹോളി ഇങ്ങനെ പറയുന്നു: “ഞാൻ ഇങ്ങനെ ചിന്തി​ക്കാ​റുണ്ട്‌, ‘എനിക്കു നിത്യ​ത​യു​ണ്ട​ല്ലോ.’ യഹോ​വ​യു​ടെ സഹായ​ത്താൽ അന്നു ഞാൻ എന്റെ പല ലക്ഷ്യങ്ങ​ളി​ലും എത്തി​ച്ചേ​രും.”

14. നമ്മുടെ സന്തോഷം കവർന്നെ​ടു​ക്കുന്ന മറ്റൊരു കാര്യം എന്താണ്‌?

¹⁴ കവർച്ച​ക്കാ​രൻ 3: സ്വയം സന്തോ​ഷി​പ്പി​ക്കു​ന്ന​തിൽ മുഴു​കി​യുള്ള ജീവിതം. എപ്പോ​ഴും അടിച്ചു​പൊ​ളിച്ച്‌ ജീവി​ക്കു​ന്ന​താണ്‌ യഥാർഥ സന്തോ​ഷ​വും സംതൃ​പ്‌തി​യും തരുന്ന​തെന്ന്‌ സോഷ്യൽ മീഡി​യ​യി​ലൂ​ടെ പലരും പ്രചരി​പ്പി​ക്കു​ന്നു. ഇഷ്ടമുള്ള കാര്യങ്ങൾ ചെയ്യു​ന്ന​തും ആഗ്രഹി​ക്കു​ന്നത്‌ എന്തും വാങ്ങു​ന്ന​തും ധാരാളം യാത്രകൾ നടത്തു​ന്ന​തും ഒക്കെയാണ്‌ ശരിക്കുള്ള സന്തോഷം തരുന്ന​തെ​ന്നാണ്‌ ഇന്ന്‌ ആളുകൾ ചിന്തി​ക്കു​ന്നത്‌. സന്തോഷം തരുന്ന കാര്യങ്ങൾ ആസ്വദി​ക്കു​ന്ന​തിൽ തെറ്റൊ​ന്നു​മില്ല. കാരണം ആ രീതി​യി​ലാണ്‌ യഹോവ നമ്മളെ സൃഷ്ടി​ച്ചി​രി​ക്കു​ന്നത്‌. എന്നാൽ ഇന്നു പലരു​ടെ​യും കാര്യ​ത്തിൽ സന്തോഷം തരു​മെന്നു വിശ്വ​സിച്ച്‌ അവർ ചെയ്‌ത കാര്യങ്ങൾ ശരിക്കും അവരുടെ സന്തോഷം നഷ്ടപ്പെ​ടു​ത്തു​ക​യാണ്‌ ചെയ്‌തി​ട്ടു​ള്ളത്‌. ഇവ്വ എന്ന മുൻനി​ര​സേ​വിക പറയുന്നു: “നിങ്ങൾക്കു സന്തോഷം തരുന്ന കാര്യ​ങ്ങ​ളെ​ക്കു​റി​ച്ചാണ്‌ നിങ്ങൾ എപ്പോ​ഴും ചിന്തി​ക്കു​ന്ന​തെ​ങ്കിൽ ഒരിക്ക​ലും തൃപ്‌തി വരില്ല.” സ്വയം സന്തോ​ഷി​പ്പി​ക്കു​ന്ന​തിൽ മുഴുകി ജീവി​ക്കുന്ന ഒരാൾക്കു ശൂന്യ​ത​യും നിരാ​ശ​യും ആയിരി​ക്കും ജീവി​ത​ത്തിൽ ബാക്കി​യാ​കു​ന്നത്‌.

15. ശലോ​മോൻ രാജാ​വി​ന്റെ ജീവിതം നമ്മളെ എന്താണു പഠിപ്പി​ക്കു​ന്നത്‌?

¹⁵ സ്വയം സന്തോ​ഷി​പ്പി​ക്കു​ന്ന​തിൽ മുഴുകി ജീവി​ക്കു​ന്നത്‌ എത്ര വ്യർഥ​മാ​ണെന്നു ശലോ​മോൻ രാജാ​വി​ന്റെ ജീവിതം നമ്മളെ പഠിപ്പി​ക്കു​ന്നു. തനിക്ക്‌ ആഗ്രഹ​മുള്ള കാര്യ​ങ്ങ​ളെ​ല്ലാം ശലോ​മോൻ ചെയ്‌തു​നോ​ക്കി. ഉദാഹ​ര​ണ​ത്തിന്‌, നല്ല ഭക്ഷണം കഴിക്കു​ക​യും മനോ​ഹ​ര​മായ സംഗീതം ആസ്വദി​ക്കു​ക​യും പണം​കൊണ്ട്‌ നേടാ​നാ​കു​ന്നത്‌ എല്ലാം നേടു​ക​യും ഒക്കെ ചെയ്‌തു. പക്ഷേ അതൊ​ന്നും അദ്ദേഹ​ത്തിന്‌ യഥാർഥ​സം​തൃ​പ്‌തി കൊടു​ത്തില്ല. ശലോ​മോൻ പറയുന്നു: “കണ്ടിട്ടും കണ്ണിനു തൃപ്‌തി​വ​രു​ന്നില്ല, കേട്ടി​ട്ടും ചെവിക്കു മതിവ​രു​ന്നില്ല.” (സഭാ. 1:8; 2:1-11) ശരിക്കും സന്തോഷം തരു​മെന്ന്‌ ഈ ലോകം പറയുന്ന കാര്യങ്ങൾ കള്ളനോ​ട്ടു​കൾ പോ​ലെ​യാണ്‌. അതിനു വിലയു​ണ്ടെന്നു നമുക്കു തോന്നാം. പക്ഷേ നമ്മൾ വിചാ​രി​ക്കുന്ന മൂല്യം അതിന്‌ ഇല്ല.

16. മറ്റുള്ള​വർക്കു കൊടു​ക്കു​ന്നതു സന്തോഷം വീണ്ടെ​ടു​ക്കാൻ നമ്മളെ എങ്ങനെ സഹായി​ക്കും? (ചിത്ര​ങ്ങ​ളും കാണുക.)

¹⁶ സന്തോഷം തിരി​ച്ചു​പി​ടി​ക്കാൻ നമ്മളെ എന്തു സഹായി​ക്കും? “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌” എന്ന്‌ യേശു നമ്മളെ പഠിപ്പി​ച്ചു. (പ്രവൃ. 20:35) അലെ​ക്കോസ്‌ എന്ന മൂപ്പൻ പറയുന്നു: “മറ്റുള്ള​വർക്കു​വേണ്ടി ചെറിയ കാര്യങ്ങൾ ആണെങ്കിൽപ്പോ​ലും ഞാൻ ചെയ്യാൻ ശ്രമി​ക്കാ​റുണ്ട്‌. എത്രയ​ധി​കം ഞാൻ മറ്റുള്ള​വർക്കു കൊടു​ക്കു​ന്നോ അത്രയ​ധി​കം എന്നെക്കു​റി​ച്ചു​തന്നെ ചിന്തി​ക്കു​ന്നത്‌ എനിക്കു കുറയ്‌ക്കാ​നാ​കു​ന്നു. അതു​കൊ​ണ്ടു​തന്നെ എനിക്കു സന്തോ​ഷ​മുണ്ട്‌.” അങ്ങനെ​യെ​ങ്കിൽ മറ്റുള്ള​വർക്കു​വേണ്ടി നിങ്ങൾക്ക്‌ എന്തു ചെയ്യാ​നാ​കും? ആരെങ്കി​ലും വിഷമി​ച്ചി​രി​ക്കു​ന്നതു കണ്ടാൽ അവരെ പ്രോ​ത്സാ​ഹി​പ്പി​ക്കാൻ ശ്രമി​ക്കുക. അവരുടെ പ്രശ്‌നങ്ങൾ പരിഹ​രി​ക്കാൻ പറ്റിയി​ല്ലെ​ങ്കി​ലും നിങ്ങൾക്ക്‌ അവരെ ആശ്വസി​പ്പി​ക്കാ​നാ​കും. അവർ പറയു​ന്നതു സഹാനു​ഭൂ​തി​യോ​ടെ കേട്ടു​കൊ​ണ്ടും അവരുടെ വികാ​രങ്ങൾ മനസ്സി​ലാ​ക്കി ഇടപെ​ട്ടു​കൊ​ണ്ടും ഭാരം യഹോ​വ​യു​ടെ​മേൽ ഇടാൻ ഓർമി​പ്പി​ച്ചു​കൊ​ണ്ടും നിങ്ങൾക്ക്‌ അതു ചെയ്യാ​നാ​കും. (സങ്കീ. 55:22; 68:19) യഹോവ അവരെ ഉപേക്ഷി​ച്ചി​ട്ടില്ല എന്ന കാര്യം മനസ്സി​ലാ​ക്കാൻ അവരെ സഹായി​ക്കുക. (സങ്കീ. 37:28; യശ. 59:1) കൂടാതെ, പ്രാ​യോ​ഗി​ക​മായ ചില കാര്യങ്ങൾ ചെയ്യാ​നും നിങ്ങൾക്കു കഴി​ഞ്ഞേ​ക്കും. ഒരു നേരത്തെ ഭക്ഷണം ഉണ്ടാക്കി​ക്കൊ​ടു​ക്കു​ക​യോ അവർക്ക്‌ ആവശ്യ​മുള്ള എന്തെങ്കി​ലും ചെയ്‌തു​കൊ​ടു​ക്കു​ക​യോ ചെയ്യാം. ശുശ്രൂ​ഷ​യ്‌ക്ക്‌ കൂടെ കൊണ്ടു​പോ​കു​ന്ന​തും അവർക്ക്‌ ഊർജം പകരും. മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നു നിങ്ങളെ ഉപയോ​ഗി​ക്കാൻ യഹോ​വയെ അനുവ​ദി​ക്കുക. നിങ്ങ​ളെ​ക്കു​റി​ച്ചു​തന്നെ ചിന്തി​ക്കു​ന്ന​തി​നു പകരം മറ്റുള്ള​വ​രെ​ക്കു​റിച്ച്‌ ചിന്തി​ക്കു​ന്നത്‌ യഥാർഥ​സ​ന്തോ​ഷം തരും.—സുഭാ. 11:25.

17. നമ്മുടെ സന്തോഷം യഹോ​വ​യു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ? (സങ്കീർത്തനം 43:4)

¹⁷ നമ്മുടെ സ്വർഗീ​യ​പി​താ​വി​ലേക്കു കൂടുതൽ അടുക്കു​ന്നെ​ങ്കിൽ നമുക്കു തുടർന്നും സന്തോ​ഷ​മു​ള്ള​വ​രാ​യി​രി​ക്കാ​നാ​കും. കാരണം യഹോവ നമ്മുടെ ‘പരമാ​ന​ന്ദ​മാണ്‌‘ എന്നു ബൈബിൾ ഉറപ്പു​ത​രു​ന്നു. (സങ്കീർത്തനം 43:4 വായി​ക്കുക.) അതു​കൊണ്ട്‌ ജീവി​ത​ത്തിൽ എന്തൊക്കെ സാഹച​ര്യ​ങ്ങ​ളി​ലൂ​ടെ കടന്നു​പോ​യാ​ലും നമ്മൾ പേടി​ക്കേ​ണ്ട​തില്ല. നിലയ്‌ക്കാത്ത സന്തോ​ഷ​ത്തി​ന്റെ ഉറവായ യഹോ​വ​യി​ലേ​ക്കു​തന്നെ നമുക്ക്‌ എപ്പോ​ഴും നോക്കാം.—സങ്കീ. 144:15.