നിങ്ങളു​ടെ പ്രാർഥ​നകൾ എങ്ങനെ മെച്ച​പ്പെ​ടു​ത്താം?

1-2. (എ) യഹോ​വ​യോ​ടു മനസ്സ്‌ തുറക്കു​ന്ന​തി​നു നമുക്കു തടസ്സമാ​യേ​ക്കാ​വു​ന്നത്‌ എന്തൊ​ക്കെ​യാണ്‌? (ബി) യഹോവ നമ്മുടെ പ്രാർഥ​നകൾ ശ്രദ്ധിച്ച്‌ കേൾക്കും എന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

നിങ്ങളു​ടെ പ്രാർഥ​ന​ക​ളെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌? ഒരു പതിവ്‌ ചടങ്ങു​പോ​ലെ എന്നും ഒരേ കാര്യ​ങ്ങൾത​ന്നെ​യാ​ണോ നിങ്ങൾ പറയാ​റു​ള്ളത്‌? ഇതു നമു​ക്കെ​ല്ലാം സംഭവി​ച്ചേ​ക്കാം. കാരണം ഇന്നത്തെ ജീവിതം വളരെ തിരക്കു​ള്ള​താ​യ​തു​കൊണ്ട്‌ ഉള്ളുതു​റന്ന്‌, നീണ്ട പ്രാർഥ​നകൾ നടത്താൻ നമുക്കു സമയം കിട്ടാതെ പോ​യേ​ക്കാം. അല്ലെങ്കിൽ യഹോ​വ​യോ​ടു സംസാ​രി​ക്കാൻ യോഗ്യ​ത​യില്ല എന്നു ചിന്തി​ക്കു​ന്ന​തു​കൊണ്ട്‌ നമുക്കു ഹൃദയം തുറന്ന്‌ പ്രാർഥി​ക്കാൻ പറ്റുന്നി​ല്ലാ​യി​രി​ക്കാം.

² ബൈബിൾ പറയു​ന്ന​ത​നു​സ​രിച്ച്‌ നമ്മുടെ പ്രാർഥ​നകൾ എത്ര നീളമു​ള്ള​താണ്‌ എന്നതല്ല, അതു താഴ്‌മ​യുള്ള ഹൃദയ​ത്തിൽനി​ന്നാ​ണോ വരുന്നത്‌ എന്നതാണു യഹോ​വ​യ്‌ക്കു പ്രധാനം. ‘യഹോവ സൗമ്യ​രു​ടെ അപേക്ഷ കേൾക്കു​ന്നു.’ (സങ്കീ. 10:17) നമ്മുടെ കാര്യ​ത്തിൽ ശരിക്കും താത്‌പ​ര്യ​മു​ള്ള​തു​കൊണ്ട്‌ യഹോവ നമ്മൾ പറയുന്ന ഓരോ വാക്കും ചെവി ചായിച്ച്‌ കേൾക്കും.—സങ്കീ. 139:1-3.

3. ഈ ലേഖന​ത്തിൽ നമ്മൾ ഏതെല്ലാം ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കും?

³ നമ്മൾ ഇങ്ങനെ ചോദി​ച്ചേ​ക്കാം: യഹോ​വ​യോ​ടു പ്രാർഥി​ക്കാൻ നമ്മൾ മടി​ക്കേ​ണ്ട​തി​ല്ലാ​ത്തത്‌ എന്തു​കൊണ്ട്‌? ഉള്ളുതു​റന്ന്‌ പ്രാർഥി​ക്കാൻ നമ്മളെ എന്തു സഹായി​ക്കും? ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഹൃദയ​സ്‌പർശി​യായ പ്രാർഥ​ന​ക​ളെ​ക്കു​റിച്ച്‌ ചിന്തി​ക്കു​ന്നതു നമ്മുടെ പ്രാർഥ​നകൾ മെച്ച​പ്പെ​ടു​ത്താൻ സഹായി​ക്കു​ന്നത്‌ എങ്ങനെ​യാണ്‌? ഉള്ളിലെ വേദനകൾ കാരണം വികാ​രങ്ങൾ വാക്കു​ക​ളാ​ക്കാൻ ബുദ്ധി​മുട്ട്‌ തോന്നു​ന്നെ​ങ്കിൽ എന്തു ചെയ്യാ​നാ​കും? നമുക്ക്‌ ഈ ചോദ്യ​ങ്ങൾക്കുള്ള ഉത്തരങ്ങൾ കണ്ടെത്താം.

യഹോ​വ​യോ​ടു പ്രാർഥി​ക്കാൻ മടി​ക്കേ​ണ്ട​തി​ല്ല

4. യഹോ​വ​യോ​ടു മടികൂ​ടാ​തെ പ്രാർഥി​ക്കാൻ നമ്മളെ എന്തു സഹായി​ക്കും? (സങ്കീർത്തനം 119:145)

⁴ നമ്മൾ വിജയി​ച്ചു​കാ​ണാൻ ആഗ്രഹി​ക്കുന്ന ഒരു വിശ്വ​സ്‌ത​സു​ഹൃ​ത്താണ്‌ യഹോ​വ​യെന്നു നമ്മൾ മനസ്സി​ലാ​ക്കു​മ്പോൾ യഹോ​വ​യോ​ടു മടികൂ​ടാ​തെ പ്രാർഥി​ക്കാൻ നമുക്കു തോന്നും. 119-ാം സങ്കീർത്ത​ന​ത്തി​ന്റെ എഴുത്തു​കാ​ര​നും യഹോ​വയെ ഒരു വിശ്വ​സ്‌ത​സു​ഹൃ​ത്താ​യി കാണാ​നാ​ണു ശ്രമി​ച്ചത്‌. പ്രശ്‌ന​ങ്ങ​ളി​ല്ലാത്ത ഒരു ജീവി​ത​മാ​യി​രു​ന്നില്ല അദ്ദേഹ​ത്തി​ന്റേത്‌. വഞ്ചകർ അദ്ദേഹ​ത്തെ​പ്പറ്റി നുണകൾ പറഞ്ഞു. (സങ്കീ. 119:23, 69, 78) അതു​പോ​ലെ സ്വന്തം കുറവു​കൾ കാരണം അദ്ദേഹ​ത്തി​നു നിരു​ത്സാ​ഹ​വും തോന്നി. (സങ്കീ. 119:5) അങ്ങനെ​യൊ​ക്കെ ആയിരു​ന്നെ​ങ്കി​ലും യഹോ​വ​യോട്‌ ഹൃദയം തുറന്ന്‌ പ്രാർഥി​ക്കാൻ സങ്കീർത്ത​ന​ക്കാ​രൻ ഒരു മടിയും കാണി​ച്ചില്ല.—സങ്കീർത്തനം 119:145 വായി​ക്കുക.

5. വില​കെ​ട്ട​വ​രാ​ണെന്ന തോന്നൽ കാരണം നമ്മൾ പ്രാർഥി​ക്കാൻ മടിക്ക​രു​താ​ത്തത്‌ എന്തു​കൊണ്ട്‌? ഒരു ദൃഷ്ടാന്തം പറയുക.

⁵ തന്നോടു പ്രാർഥി​ക്കാൻ ഗുരു​ത​ര​മായ തെറ്റു ചെയ്‌ത​വ​രെ​പ്പോ​ലും യഹോവ ക്ഷണിക്കു​ന്നു. (യശ. 55:6, 7) അതു​കൊണ്ട്‌ വില​കെ​ട്ട​വ​രാ​ണെന്ന തോന്നൽ കാരണം നമ്മൾ ഒരിക്ക​ലും യഹോ​വ​യോ​ടു പ്രാർഥി​ക്കാൻ മടി​ക്കേ​ണ്ട​തില്ല. അതു മനസ്സി​ലാ​ക്കാൻ ഒരു വിമാ​ന​ത്തി​ലെ പൈല​റ്റി​നെ​ക്കു​റിച്ച്‌ ചിന്തി​ക്കാം. സഹായം വേണ്ടി​വ​രു​മ്പോൾ വിമാ​ന​ത്താ​വ​ള​ത്തി​ലെ ട്രാഫിക്‌ കൺ​ട്രോൾ റൂമി​ലു​ള്ള​വ​രു​മാ​യി സംസാ​രി​ക്കാൻ കഴിയു​മെന്ന്‌ അദ്ദേഹ​ത്തിന്‌ അറിയാം. തനിക്ക്‌ എന്തെങ്കി​ലും തെറ്റു​പ​റ്റു​ക​യോ എന്താണു ചെയ്യേ​ണ്ട​തെന്ന്‌ അറിയാത്ത ഒരു സാഹച​ര്യം വരുക​യോ ചെയ്യു​മ്പോൾ, നാണ​ക്കേടു കാരണം അദ്ദേഹം അവരുടെ സഹായം ചോദി​ക്കാ​തി​രി​ക്കു​മോ? ഒരിക്ക​ലു​മില്ല. അതു​പോ​ലെ നമുക്കും എന്തെങ്കി​ലും തെറ്റു​പ​റ്റു​ക​യോ എന്താണു ചെയ്യേ​ണ്ട​തെന്ന്‌ അറിയാ​തെ വരുക​യോ ചെയ്യു​മ്പോൾ യഹോ​വ​യോ​ടു പ്രാർഥി​ക്കാൻ ഒരു മടിയും വിചാ​രി​ക്കേ​ണ്ട​തില്ല.—സങ്കീ. 119:25, 176.

ഉള്ളുതു​റന്ന്‌ പ്രാർഥി​ക്കാൻ നമ്മളെ എന്തു സഹായി​ക്കും

6-7. യഹോ​വ​യു​ടെ ഗുണങ്ങ​ളെ​ക്കു​റിച്ച്‌ ചിന്തി​ക്കു​ന്നത്‌ ഉള്ളുതു​റന്ന്‌ പ്രാർഥി​ക്കാൻ നമ്മളെ സഹായി​ക്കു​ന്നത്‌ എങ്ങനെ? ഒരു ഉദാഹ​രണം പറയുക. (അടിക്കു​റി​പ്പും കാണുക.)

⁶ നമ്മൾ യഹോ​വ​യോ​ടു തുറന്ന്‌ സംസാ​രി​ക്കു​മ്പോൾ, മനസ്സിലെ ചിന്തക​ളും വികാ​ര​ങ്ങ​ളും തുറന്ന്‌ പ്രകടി​പ്പി​ക്കു​മ്പോൾ, യഹോ​വ​യോ​ടു നമ്മൾ കൂടുതൽ അടുക്കും. അങ്ങനെ​യെ​ങ്കിൽ ഉള്ളി​ന്റെ​യു​ള്ളിൽനിന്ന്‌ പ്രാർഥി​ക്കാൻ നമ്മളെ എന്തു സഹായി​ക്കും?

⁷ യഹോ​വ​യു​ടെ ഗുണങ്ങ​ളെ​ക്കു​റിച്ച്‌ ചിന്തി​ക്കുക.a യഹോ​വ​യു​ടെ ഗുണങ്ങ​ളെ​ക്കു​റിച്ച്‌ എത്രയ​ധി​കം ചിന്തി​ക്കു​ന്നോ അത്രയ​ധി​കം നമ്മുടെ ഉള്ളിലെ ചിന്തകൾ യഹോ​വ​യോ​ടു തുറന്നു​പ​റ​യാൻ എളുപ്പ​മാ​യി​രി​ക്കും. (സങ്കീ. 145:8, 9, 18) ക്രിസ്റ്റീൻ സഹോ​ദ​രി​യു​ടെ അനുഭവം നോക്കാം. സഹോ​ദ​രി​യു​ടെ അപ്പൻ ക്രൂര​നായ ഒരാളാ​യി​രു​ന്നു. സഹോ​ദരി പറയുന്നു: “അതു​കൊ​ണ്ടു​തന്നെ ഒരു അപ്പനെ​പ്പോ​ലെ കണ്ട്‌ യഹോ​വ​യോ​ടു തുറന്ന്‌ സംസാ​രി​ക്കാൻ എനിക്ക്‌ ബുദ്ധി​മു​ട്ടാ​യി​രു​ന്നു. എന്റെ അപൂർണ​തകൾ കാരണം യഹോവ എന്നെ ഉപേക്ഷി​ക്കു​മെന്ന്‌ എനിക്കു തോന്നി.” യഹോ​വ​യു​ടെ ഏതു ഗുണ​ത്തെ​ക്കു​റിച്ച്‌ ചിന്തി​ച്ച​താണ്‌ സഹോ​ദ​രി​യെ സഹായി​ച്ചത്‌? ക്രിസ്റ്റീൻ തുടരു​ന്നു: “യഹോ​വ​യു​ടെ അചഞ്ചല​സ്‌നേ​ഹ​ത്തെ​ക്കു​റിച്ച്‌ ചിന്തി​ച്ചത്‌ എന്നെ യഹോവ സ്‌നേ​ഹി​ക്കു​ന്നു​ണ്ടെന്ന്‌ എനിക്ക്‌ ഉറപ്പു​തന്നു. യഹോവ എന്റെ കൈയിൽ മുറുകെ പിടി​ച്ചി​ട്ടുണ്ട്‌. ഞാൻ വീണാ​ലും എന്നെ പിടിച്ച്‌ എഴു​ന്നേൽപ്പി​ക്കും. ഈ ഉറപ്പ്‌ എന്റെ എല്ലാ സന്തോ​ഷ​ങ്ങ​ളും സങ്കടങ്ങ​ളും യഹോ​വ​യോ​ടു തുറന്നു​പ​റ​യാൻ എന്നെ പ്രേരി​പ്പി​ക്കു​ന്നു.”

8-9. പ്രാർഥി​ക്കു​ന്ന​തി​നു മുമ്പു​തന്നെ എന്തൊക്കെ പറയണം എന്നു ചിന്തി​ക്കു​ന്ന​തി​ന്റെ പ്രയോ​ജ​നങ്ങൾ എന്തെല്ലാ​മാണ്‌? ഒരു ഉദാഹ​രണം പറയുക.

⁸ എന്തു പറയണം എന്നു ചിന്തി​ക്കുക. പ്രാർഥി​ക്കു​ന്ന​തി​നു മുമ്പ്‌ നിങ്ങൾക്കു ചില ചോദ്യ​ങ്ങൾ സ്വയം ചോദി​ക്കാ​നാ​കും. ഉദാഹ​ര​ണ​ത്തിന്‌: ‘ഇപ്പോൾ ഞാൻ നേരി​ടുന്ന ചില പ്രശ്‌നങ്ങൾ എന്തൊ​ക്കെ​യാണ്‌? ഞാൻ ക്ഷമിക്കേണ്ട ആരെങ്കി​ലു​മു​ണ്ടോ? യഹോ​വ​യു​ടെ സഹായം ആവശ്യ​മായ എന്തെങ്കി​ലും പുതിയ മാറ്റം എന്റെ ജീവി​ത​ത്തിൽ ഉണ്ടായി​ട്ടു​ണ്ടോ?’ (2 രാജാ. 19:15-19) ഇനി, യേശു പ്രാർഥി​ക്കാൻ പഠിപ്പിച്ച കാര്യ​ങ്ങ​ളെ​ക്കു​റി​ച്ചും ഓർക്കണം. യഹോ​വ​യു​ടെ പേര്‌, ദൈവ​രാ​ജ്യം, ദൈവ​ത്തി​ന്റെ ഇഷ്ടം എന്നിവ​യെ​ക്കു​റിച്ച്‌ എന്തു പ്രാർഥി​ക്കാ​മെന്നു മുന്നമേ ചിന്തി​ക്കുക.—മത്താ. 6:9, 10.

⁹ അലിസ്‌ക സഹോ​ദ​രി​യു​ടെ ഭർത്താ​വി​നു തലച്ചോ​റിൽ ക്യാൻസർ ആണെന്നു കണ്ടെത്തി. അദ്ദേഹം അധികം നാൾ ജീവി​ച്ചി​രി​ക്കി​ല്ലെന്നു ഡോക്ടർമാർ പറഞ്ഞു. ആ സമയത്ത്‌ സഹോ​ദ​രി​ക്കു പ്രാർഥി​ക്കാൻ വളരെ ബുദ്ധി​മുട്ട്‌ തോന്നി. സഹോ​ദരി ഓർക്കു​ന്നു: “പ്രാർഥി​ക്കാൻ തുടങ്ങി​ക്ക​ഴി​യു​മ്പോൾ എന്തു പറയണ​മെന്നു ചിന്തി​ക്കാൻപോ​ലും എനിക്കു പറ്റുന്നി​ല്ലാ​യി​രു​ന്നു.” തന്നെ എന്താണു സഹായി​ച്ച​തെന്നു അലിസ്‌ക തുടർന്ന്‌ പറയുന്നു: “പ്രാർഥി​ക്കു​ന്ന​തി​നു മുമ്പ്‌, എന്തൊ​ക്കെ​യാ​ണു പറയേ​ണ്ട​തെന്നു ഞാൻ കുറച്ച്‌ സമയ​മെ​ടുത്ത്‌ ചിന്തി​ക്കും. അങ്ങനെ ചെയ്യു​ന്നതു പ്രാർഥ​ന​യിൽ എന്നെക്കു​റി​ച്ചും ഭർത്താ​വി​ന്റെ അസുഖ​ത്തെ​ക്കു​റി​ച്ചും മാത്രം പറയു​ന്നത്‌ ഒഴിവാ​ക്കാൻ എന്നെ സഹായി​ക്കു​ന്നു. അതു​പോ​ലെ എന്റെ മനസ്സ്‌ ശാന്തമാ​ക്കാ​നും യഹോ​വ​യോ​ടു വ്യത്യസ്‌ത കാര്യ​ങ്ങ​ളെ​ക്കു​റിച്ച്‌ തുറന്ന്‌ സംസാ​രി​ക്കാ​നും എനിക്ക്‌ ഇപ്പോൾ കഴിയു​ന്നു.”

10. സമയ​മെ​ടുത്ത്‌ പ്രാർഥി​ക്കാൻ ശ്രമി​ക്കേ​ണ്ടത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹⁰ സമയ​മെ​ടുത്ത്‌ പ്രാർഥി​ക്കുക. ചെറിയ പ്രാർഥ​ന​ക​ളും നമ്മളെ യഹോ​വ​യോട്‌ അടുപ്പി​ക്കു​മെ​ങ്കി​ലും സമയ​മെ​ടുത്ത്‌ പ്രാർഥിക്കുമ്പോൾb ഉള്ളിലെ ചിന്തക​ളും വികാ​ര​ങ്ങ​ളും നമ്മൾ തുറന്നു​പ​റ​യാ​നുള്ള സാധ്യത കൂടു​ത​ലാണ്‌. അലിസ്‌ക​യു​ടെ ഭർത്താ​വായ എലൈജ പറയുന്നു: “ഒരു ദിവസ​ത്തിൽ പല തവണ പ്രാർഥി​ക്കാൻ ഞാൻ ശ്രമി​ക്കും. സമയ​മെ​ടുത്ത്‌ പ്രാർഥി​ക്കു​ന്നത്‌ എന്നെ യഹോ​വ​യോ​ടു കൂടുതൽ അടുപ്പി​ക്കു​ന്നു. നമ്മുടെ പ്രാർഥന എങ്ങനെ​യെ​ങ്കി​ലും ഒന്നു തീർന്നു​കി​ട്ടാൻ യഹോവ നോക്കി​യി​രി​ക്കു​കയല്ല. അതു​കൊ​ണ്ടു​തന്നെ എനിക്ക്‌ എത്ര സമയം വേണ​മെ​ങ്കി​ലും എടുക്കാം.” ഇതൊന്നു പരീക്ഷി​ച്ചു​നോ​ക്കൂ: പ്രാർഥി​ക്കു​ന്ന​തി​നാ​യി, നിങ്ങളു​ടെ ശ്രദ്ധ കളയുന്ന ഒന്നുമി​ല്ലാത്ത ഒരു സ്ഥലവും സമയവും കണ്ടെത്തുക. ചില​പ്പോൾ നിങ്ങൾക്ക്‌ ഉച്ചത്തിൽ പ്രാർഥി​ക്കാ​നാ​യേ​ക്കും. സമയ​മെ​ടു​ത്തു പ്രാർഥി​ക്കു​ന്നത്‌ ഒരു ശീലമാ​ക്കുക.

ബൈബി​ളി​ലെ ഹൃദയ​സ്‌പർശി​യായ പ്രാർഥ​ന​ക​ളെ​ക്കു​റിച്ച്‌ ചിന്തി​ക്കു​ക

11. ബൈബി​ളി​ലുള്ള പ്രാർഥ​ന​ക​ളെ​ക്കു​റിച്ച്‌ ചിന്തി​ക്കു​ന്നതു നമുക്ക്‌ എങ്ങനെ പ്രയോ​ജനം ചെയ്യും? (“നിങ്ങൾക്കും അവരെ​പ്പോ​ലെ തോന്നു​ന്നു​ണ്ടോ?” എന്ന ചതുര​വും കാണുക.)

¹¹ ബൈബി​ളി​ലെ ഹൃദയ​സ്‌പർശി​യായ പ്രാർഥ​ന​ക​ളെ​ക്കു​റി​ച്ചും യഹോ​വയെ സ്‌തു​തി​ക്കുന്ന ഗീതങ്ങ​ളെ​ക്കു​റി​ച്ചും ചിന്തി​ക്കു​ന്നതു പ്രയോ​ജനം ചെയ്‌തേ​ക്കാം. ദൈവ​ദാ​സ​ന്മാർ അവരുടെ ഉള്ളിലെ ചിന്തകൾ യഹോ​വ​യോ​ടു തുറന്ന്‌ പറഞ്ഞതി​നെ​ക്കു​റിച്ച്‌ ആലോ​ചി​ക്കു​മ്പോൾ പ്രാർഥ​ന​യിൽ ഹൃദയം തുറക്കാൻ അതു നിങ്ങ​ളെ​യും പ്രേരി​പ്പി​ക്കും. അതു​പോ​ലെ പ്രാർഥ​ന​യിൽ ഉപയോ​ഗി​ക്കാൻ കഴിയുന്ന നല്ല പദപ്ര​യോ​ഗങ്ങൾ നിങ്ങൾക്ക്‌ അതിൽ കാണാ​നാ​യേ​ക്കും. ഇനി നിങ്ങളു​ടെ അതേ സാഹച​ര്യ​ങ്ങ​ളി​ലൂ​ടെ കടന്നു​പോ​യ​വ​രു​ടെ പ്രാർഥ​ന​ക​ളും ബൈബി​ളിൽ ചില​പ്പോൾ കണ്ടെത്താ​നാ​കും.

12. ബൈബി​ളി​ലെ ഒരു പ്രാർഥ​ന​യെ​ക്കു​റിച്ച്‌ ചിന്തി​ക്കുന്ന സമയത്ത്‌ ഏതൊക്കെ ചോദ്യ​ങ്ങൾ നമുക്കു സ്വയം ചോദി​ക്കാം?

¹² ബൈബി​ളിൽ എഴുതി​യി​രി​ക്കുന്ന പ്രാർഥ​ന​ക​ളെ​ക്കു​റിച്ച്‌ ചിന്തി​ക്കു​മ്പോൾ സ്വയം ചോദി​ക്കുക: ‘ആരാണ്‌ ഈ വാക്കുകൾ പറഞ്ഞത്‌? എന്തായി​രു​ന്നു സാഹച​ര്യം? ഈ പ്രാർഥ​ന​യിൽ കാണുന്ന അതേ ചിന്തകൾ എനിക്കും തോന്നി​യി​ട്ടു​ണ്ടോ? ഇതിൽനിന്ന്‌ എന്തൊക്കെ പാഠങ്ങൾ എനിക്കു പഠിക്കാം?’ ഈ ചോദ്യ​ങ്ങൾക്ക്‌ ഉത്തരം കണ്ടെത്താൻ നിങ്ങൾക്കു കൂടു​ത​ലാ​യി ഗവേഷണം ചെയ്യേ​ണ്ടി​വ​ന്നേ​ക്കാം. എന്നാൽ അതൊ​രി​ക്ക​ലും ഒരു നഷ്ടമല്ല. എങ്കിൽ, ബൈബി​ളി​ലെ നാലു പ്രാർഥ​ന​ക​ളെ​ക്കു​റിച്ച്‌ ഇപ്പോൾ നോക്കാം.

13. ഹന്നയിൽനിന്ന്‌ പ്രാർഥ​ന​യെ​ക്കു​റിച്ച്‌ നമുക്കു പഠിക്കാ​നാ​കുന്ന ഒരു പാഠം എന്താണ്‌? (1 ശമുവേൽ 1:10, 11) (ചിത്ര​വും കാണുക.)

¹³ 1 ശമുവേൽ 1:10, 11 വായി​ക്കുക. ഹന്ന ഇങ്ങനെ പ്രാർഥിച്ച സമയത്ത്‌ അവൾക്കു രണ്ടു വലിയ പ്രശ്‌ന​ങ്ങ​ളു​ണ്ടാ​യി​രു​ന്നു. ഒന്ന്‌, ഹന്നയ്‌ക്കു കുട്ടികൾ ഉണ്ടായി​രു​ന്നില്ല. അതോ​ടൊ​പ്പം ഭർത്താ​വി​ന്റെ മറ്റേ ഭാര്യ ഹന്നയെ മാനസി​ക​മാ​യി വല്ലാതെ വിഷമി​പ്പി​ക്കു​ക​യും ചെയ്‌തി​രു​ന്നു. (1 ശമു. 1:4-7) നിങ്ങൾക്കും ഇതു​പോ​ലെ നീണ്ടു​നിൽക്കുന്ന ഒരു പ്രശ്‌ന​മു​ണ്ടെ​ങ്കിൽ ഹന്നയുടെ പ്രാർഥ​ന​യിൽനിന്ന്‌ എന്തു പഠിക്കാ​നാ​കും? ഹന്ന സമയ​മെ​ടുത്ത്‌, തന്റെ ഹൃദയ​ത്തി​ലു​ള്ള​തെ​ല്ലാം യഹോ​വ​യോ​ടു തുറന്നു​പ​റ​ഞ്ഞു​കൊണ്ട്‌ ആശ്വാസം കണ്ടെത്തി. (1 ശമു. 1:12, 18) അതു​പോ​ലെ നമുക്കും ഓരോ ബുദ്ധി​മു​ട്ടു​ക​ളും നമ്മളെ എങ്ങനെ​യാ​ണു ബാധി​ക്കു​ന്ന​തെന്ന്‌ എടുത്തു​പ​റ​ഞ്ഞു​കൊണ്ട്‌ യഹോ​വ​യോ​ടു പ്രാർഥി​ക്കാം. അങ്ങനെ ‘നമ്മുടെ ഭാരം യഹോ​വ​യു​ടെ മേൽ ഇടു​മ്പോൾ’ നമുക്കും ആശ്വാസം കണ്ടെത്താ​നാ​കും.—സങ്കീ. 55:22.

14. (എ) ഹന്നയുടെ മാതൃ​ക​യിൽനിന്ന്‌ നമുക്കു വേറെ എന്താണു പഠിക്കാ​നാ​കു​ന്നത്‌? (ബി) തിരു​വെ​ഴു​ത്തു​ക​ളെ​ക്കു​റിച്ച്‌ ആഴത്തിൽ ചിന്തി​ക്കു​ന്നതു നമ്മുടെ പ്രാർഥന മെച്ച​പ്പെ​ടു​ത്താൻ സഹായി​ക്കു​ന്നത്‌ എങ്ങനെ? (അടിക്കു​റിപ്പ്‌ കാണുക.)

¹⁴ ശമുവേൽ എന്ന മകൻ ജനിച്ച്‌ ഏതാനും വർഷങ്ങൾ കഴിഞ്ഞ്‌ ഹന്ന അവനെ മഹാപു​രോ​ഹി​ത​നായ ഏലിയു​ടെ അടുത്ത്‌ കൊണ്ടു​ചെന്നു. (1 ശമു. 1:24-28) അവി​ടെ​വെച്ച്‌ ഹന്ന ഹൃദയ​സ്‌പർശി​യായ ഒരു പ്രാർഥന നടത്തി. തന്റെ വിശ്വ​സ്‌ത​ദാ​സരെ യഹോവ സംരക്ഷി​ക്കു​മെ​ന്നും അവർക്കാ​യി കരുതു​മെ​ന്നും ഉള്ള ഹന്നയുടെ ബോധ്യം ആ വാക്കു​ക​ളിൽ വ്യക്തമാണ്‌.c (1 ശമു. 2:1, 8, 9) അവൾക്ക്‌ അപ്പോ​ഴും വീട്ടിൽ പ്രശ്‌നങ്ങൾ ഉണ്ടായി​രു​ന്നി​രി​ക്കാം. എങ്കിലും യഹോവ എങ്ങനെ​യാണ്‌ തന്നെ അനു​ഗ്ര​ഹി​ച്ചി​രി​ക്കു​ന്നത്‌ എന്നതി​ലാണ്‌ ഹന്ന ശ്രദ്ധ​വെ​ച്ചത്‌. ഇതിൽനിന്ന്‌ നമുക്ക്‌ എന്തു പഠിക്കാം? നമ്മൾ ഇപ്പോൾ ഒരു പ്രശ്‌ന​ത്തി​ലൂ​ടെ​യാണ്‌ കടന്നു​പോ​കു​ന്ന​തെ​ങ്കിൽ ഇതുവരെ യഹോവ എങ്ങനെ​യാണ്‌ നമ്മളെ സഹായി​ച്ചി​രി​ക്കു​ന്നത്‌ എന്നതിൽ ശ്രദ്ധി​ക്കുക. അതു തുടർന്നും സഹിച്ചു​നിൽക്കാൻ സഹായി​ക്കും.

15. അനീതി നേരി​ടു​മ്പോൾ യിരെമ്യ പ്രവാ​ച​കന്റെ പ്രാർഥ​ന​യിൽനിന്ന്‌ എന്തു പഠിക്കാം? (യിരെമ്യ 12:1)

¹⁵ യിരെമ്യ 12:1 വായി​ക്കുക. ഒരു സമയത്ത്‌ പ്രവാ​ച​ക​നായ യിരെ​മ്യക്ക്‌, ദുഷ്ടന്മാർ വിജയി​ക്കു​ന്നതു കണ്ടപ്പോൾ വല്ലാത്ത ബുദ്ധി​മുട്ട്‌ തോന്നി. സഹ ഇസ്രാ​യേ​ല്യർ തന്നോടു മോശ​മാ​യി പെരു​മാ​റി​യ​തും അദ്ദേഹത്തെ വിഷമി​പ്പി​ച്ചു. (യിരെ. 20:7, 8) സത്യസ​ന്ധ​ര​ല്ലാ​ത്തവർ സുഖമാ​യി ജീവി​ക്കു​ന്നതു കാണു​മ്പോ​ഴോ മറ്റുള്ള​വ​രു​ടെ കളിയാ​ക്ക​ലു​കൾ നേരി​ടേണ്ടി വരു​മ്പോ​ഴോ നമുക്കും യിരെ​മ്യ​യെ​പ്പോ​ലെ ബുദ്ധി​മുട്ട്‌ തോന്നി​യേ​ക്കാം. യിരെമ്യ തന്റെ വിഷമ​ങ്ങ​ളെ​ല്ലാം യഹോ​വ​യോ​ടു പറഞ്ഞെ​ങ്കി​ലും ദൈവ​ത്തി​ന്റെ നീതിയെ ഒരിക്ക​ലും ചോദ്യം ചെയ്‌തില്ല. യഹോവ മത്സരി​ക​ളായ തന്റെ ജനത്തെ ശിക്ഷി​ക്കു​ന്നതു കണ്ടപ്പോൾ യഹോ​വ​യു​ടെ നീതി​യി​ലുള്ള യിരെ​മ്യ​യു​ടെ വിശ്വാ​സം ഉറപ്പാ​യും കൂടി​ക്കാ​ണും. (യിരെ. 32:19) നമുക്കും അനീതി കാണു​മ്പോ​ഴു​ണ്ടാ​കുന്ന വിഷമ​ങ്ങ​ളും അസ്വസ്ഥ​ത​ക​ളും യഹോ​വ​യോ​ടു തുറന്ന്‌ പറയാ​നാ​കും. അതേസ​മയം നമ്മൾ നേരി​ടുന്ന അനീതി​യെ​ല്ലാം യഹോവ തന്റെ സമയത്ത്‌ നീക്കും എന്ന ബോധ്യ​വും നമുക്കു​ണ്ടാ​യി​രി​ക്കാം.

16. സാഹച​ര്യ​ങ്ങൾ കാരണം അധിക​മൊ​ന്നും ചെയ്യാൻ പറ്റുന്നി​ല്ലെ​ങ്കിൽ പ്രവാ​സി​യായ ഒരു ലേവ്യന്റെ പ്രാർഥ​ന​യിൽനിന്ന്‌ നമുക്ക്‌ എന്തു പഠിക്കാം? (സങ്കീർത്തനം 42:1-4) (ചിത്ര​ങ്ങ​ളും കാണുക.)

¹⁶ സങ്കീർത്തനം 42:1-4 വായി​ക്കുക. പ്രവാ​സി​യായ ഒരു ലേവ്യൻ എഴുതിയ പാട്ടാണ്‌ ഇത്‌. സഹ ഇസ്രാ​യേ​ല്യ​രോ​ടൊ​പ്പം ആലയത്തിൽ പോയി യഹോ​വയെ ആരാധി​ക്കാൻ കഴിയാ​ത്ത​തിൽ അദ്ദേഹ​ത്തി​നുള്ള വിഷമം ഈ സങ്കീർത്ത​ന​ത്തിൽ വളരെ വ്യക്തമാണ്‌. നമ്മൾ വീട്ടിൽനിന്ന്‌ പുറത്തി​റ​ങ്ങാൻ കഴിയാത്ത അവസ്ഥയി​ലോ വിശ്വാ​സ​ത്തി​ന്റെ പേരിൽ ജയിലി​ലോ ആണെങ്കിൽ നമുക്കും ആ ലേവ്യന്റെ സാഹച​ര്യം നന്നായി മനസ്സി​ലാ​കും. ആ സമയത്ത്‌ നമ്മുടെ ഉള്ളിൽ പല വികാ​രങ്ങൾ മാറി​മാ​റി വന്നേക്കാം. എങ്കിലും നമുക്കു പ്രാർഥ​ന​യിൽ അതെല്ലാം യഹോ​വ​യോ​ടു പറയാ​നാ​കും. അങ്ങനെ ചെയ്യു​ന്നതു നമ്മുടെ വികാ​രങ്ങൾ നമുക്കു​തന്നെ മനസ്സി​ലാ​ക്കാ​നും നമ്മുടെ സാഹച​ര്യ​ത്തെ വേറൊ​രു രീതി​യിൽ കാണാ​നും സഹായി​ക്കും. ഉദാഹ​ര​ണ​ത്തിന്‌, മാറിയ സാഹച​ര്യ​ത്തി​ലും യഹോ​വയെ സ്‌തു​തി​ക്കാ​നുള്ള അവസരങ്ങൾ തനിക്കു​ണ്ടെന്നു തിരി​ച്ച​റി​യാൻ പ്രാർഥന ആ ലേവ്യനെ സഹായി​ച്ചു. (സങ്കീ. 42:5) അതു​പോ​ലെ യഹോവ തനിക്കു​വേണ്ടി കരുതുന്ന വിധങ്ങ​ളെ​ക്കു​റിച്ച്‌ ചിന്തി​ക്കാ​നും അദ്ദേഹ​ത്തി​നാ​യി. (സങ്കീ. 42:8) ആത്മാർഥ​മായ പ്രാർഥന നമ്മളെ​യും സഹായി​ക്കും. നമ്മുടെ ചിന്തക​ളും വികാ​ര​ങ്ങ​ളും മനസ്സി​ലാ​ക്കാ​നും ശാന്തത വീണ്ടെ​ടു​ക്കാ​നും സഹിച്ചു​നിൽക്കാ​നുള്ള ശക്തി നേടാ​നും അതിലൂ​ടെ നമുക്കു കഴിയും.

17. (എ) യോന പ്രവാ​ച​കന്റെ പ്രാർഥ​ന​യിൽനിന്ന്‌ നമുക്ക്‌ എന്തു പഠിക്കാം? (യോന 2:1, 2) (ബി) ബുദ്ധി​മു​ട്ടു​കൾ നേരി​ടു​മ്പോൾ സങ്കീർത്ത​ന​ങ്ങ​ളി​ലെ ചില പദപ്ര​യോ​ഗങ്ങൾ നമ്മളെ എങ്ങനെ സഹായി​ച്ചേ​ക്കാം? (അടിക്കു​റിപ്പ്‌ കാണുക.)

¹⁷ യോന 2:1, 2 വായി​ക്കുക. വലി​യൊ​രു മീനിന്റെ വയറ്റി​ലാ​യി​രു​ന്ന​പ്പോൾ പ്രവാ​ച​ക​നായ യോന നടത്തിയ പ്രാർഥ​ന​യാണ്‌ ഇത്‌. യഹോ​വ​യോട്‌ അനുസ​ര​ണ​ക്കേടു കാണി​ച്ചെ​ങ്കി​ലും ദൈവം തന്റെ ശബ്ദം കേൾക്കു​മെന്നു യോന​യ്‌ക്ക്‌ ഉറപ്പാ​യി​രു​ന്നു. സങ്കീർത്ത​ന​ങ്ങ​ളിൽ കാണുന്ന പല പദപ്ര​യോ​ഗ​ങ്ങ​ളും യോന തന്റെ പ്രാർഥ​ന​യിൽ ഉപയോ​ഗി​ച്ചു.d ആ ഭാഗങ്ങൾ അദ്ദേഹ​ത്തി​നു നന്നായി അറിയാ​മാ​യി​രു​ന്നി​രി​ക്കണം. ആ സങ്കീർത്ത​ന​ങ്ങ​ളെ​ക്കു​റിച്ച്‌ ചിന്തി​ച്ച​പ്പോൾ യഹോവ തന്നെ സഹായി​ക്കു​മെന്ന ഉറപ്പ്‌ യോന​യ്‌ക്കു കിട്ടി. ഇതു​പോ​ലെ നമുക്കും ചില ബൈബിൾവാ​ക്യ​ങ്ങൾ മനഃപാ​ഠ​മാ​ക്കാൻ ശ്രമി​ക്കാം. അങ്ങനെ ചെയ്യു​ന്നെ​ങ്കിൽ ബുദ്ധി​മു​ട്ടുള്ള സമയങ്ങ​ളിൽ യഹോ​വ​യോ​ടു പ്രാർഥി​ക്കു​മ്പോൾ ഈ വാക്യങ്ങൾ മനസ്സി​ലേക്കു വരുക​യും അതു നമ്മളെ ആശ്വസി​പ്പി​ക്കു​ക​യും ചെയ്‌തേ​ക്കാം.

പ്രാർഥ​ന​യി​ലൂ​ടെ യഹോ​വ​യോ​ടു തുടർന്നും അടുക്കാം

18-19. പ്രാർഥി​ക്കുന്ന സമയത്ത്‌ വികാ​രങ്ങൾ വാക്കു​ക​ളാ​ക്കാൻ ബുദ്ധി​മു​ട്ടു​മ്പോൾ റോമർ 8:26, 27 നമ്മളെ ആശ്വസി​പ്പി​ക്കു​ന്നത്‌ എങ്ങനെ? ഒരു ഉദാഹ​രണം പറയുക.

¹⁸ റോമർ 8:26, 27 വായി​ക്കുക. ഉത്‌കണ്‌ഠ കാരണം, നമ്മുടെ വികാ​രങ്ങൾ വാക്കു​ക​ളാ​ക്കി മാറ്റാൻ നമുക്കു ബുദ്ധി​മുട്ട്‌ തോന്നി​യേ​ക്കാം. പക്ഷേ നമുക്കു സഹായ​മുണ്ട്‌. അത്തരം സമയങ്ങ​ളിൽ ദൈവാ​ത്മാവ്‌ നമുക്കു​വേണ്ടി ‘അപേക്ഷി​ക്കും.’ എങ്ങനെ? ബൈബി​ളിൽ ധാരാളം പ്രാർഥ​നകൾ രേഖ​പ്പെ​ടു​ത്താൻ യഹോവ തന്റെ ആത്മാവി​ലൂ​ടെ ബൈബി​ളെ​ഴു​ത്തു​കാ​രെ പ്രചോ​ദി​പ്പി​ച്ചു. നമ്മുടെ ചിന്തകൾ യഹോ​വ​യോ​ടു വ്യക്തമാ​യി പറയാൻ പറ്റാതെ വരു​മ്പോൾ ഈ പ്രാർഥ​ന​ക​ളി​ലെ പദപ്ര​യോ​ഗങ്ങൾ നമ്മുടെ അപേക്ഷ​ക​ളാ​യി യഹോവ കണക്കാ​ക്കു​ക​യും അതിന്‌ ഉത്തരം തരുക​യും ചെയ്‌തേ​ക്കാം.

¹⁹ ഈ ആശയം റഷ്യയി​ലെ ഒരു സഹോ​ദ​രി​യായ യെലേ​നയെ സഹായി​ച്ചു. ബൈബിൾ വായി​ക്കു​ക​യും പ്രാർഥി​ക്കു​ക​യും ചെയ്‌ത​തി​നു സഹോ​ദ​രി​യെ അറസ്റ്റ്‌ ചെയ്‌തു. ആ സമയത്ത്‌, വല്ലാത്ത ടെൻഷൻ കാരണം സഹോ​ദ​രി​ക്കു പ്രാർഥി​ക്കാൻപോ​ലും പറ്റുന്നി​ല്ലാ​യി​രു​ന്നു. സഹോ​ദരി പറയുന്നു: “ഉത്‌കണ്‌ഠ കാരണം എന്തു പ്രാർഥി​ക്ക​ണ​മെന്ന്‌ അറിയാ​തി​രു​ന്ന​പ്പോൾ, ബൈബി​ളി​ലെ മുൻകാല ദൈവ​ദാ​സ​രു​ടെ പ്രാർഥ​നകൾ യഹോവ . . . എന്റെ അപേക്ഷ​ക​ളാ​യി കണക്കാ​ക്കു​മ​ല്ലോ എന്നു ഞാൻ ഓർത്തു. . . . ഇതു പ്രയാസം നിറഞ്ഞ ആ സമയത്ത്‌ എനിക്കു വലിയ ആശ്വാസം തന്നു.”

20. ഉത്‌ക​ണ്‌ഠ​യു​ള്ള​പ്പോൾ പ്രാർഥി​ക്കാ​നാ​യി മനസ്സിനെ ഒരുക്കാൻ നമുക്ക്‌ എന്തു ചെയ്യാ​നാ​കും?

²⁰ ടെൻഷൻ ഉണ്ടെങ്കിൽ പ്രാർഥ​ന​യു​ടെ സമയത്ത്‌ ശ്രദ്ധ കിട്ടാൻ ബുദ്ധി​മു​ട്ടാ​യി​രു​ന്നേ​ക്കാം. അതു​കൊണ്ട്‌, നിങ്ങളു​ടെ ഹൃദയത്തെ ഒരുക്കാൻ സങ്കീർത്ത​ന​ങ്ങ​ളു​ടെ ഓഡി​യോ റെക്കോർഡി​ങ്ങു​കൾ കേൾക്കു​ന്നതു നല്ലതാണ്‌. ഇനി ദാവീദ്‌ രാജാവ്‌ ചെയ്‌ത​തു​പോ​ലെ നിങ്ങളു​ടെ വികാ​രങ്ങൾ ഒന്ന്‌ എഴുതി നോക്കാ​നാ​കും. (സങ്കീ. 18, 34, 142; മേലെ​ഴു​ത്തു​കൾ.) പ്രാർഥ​ന​യു​ടെ സമയത്ത്‌ ഹൃദയത്തെ ഒരുക്കാൻ ഇതൊ​ക്കെ​ത്തന്നെ ചെയ്യണ​മെന്നു നിയമ​മൊ​ന്നു​മില്ല. (സങ്കീ. 141:2) നിങ്ങളു​ടെ കാര്യ​ത്തിൽ ഏതാണോ ഏറ്റവും നല്ലത്‌ അതു ചെയ്‌തു​നോ​ക്കുക.

21. മുഴു​ഹൃ​ദ​യ​ത്തോ​ടെ നമുക്കു പ്രാർഥി​ക്കാ​നാ​കു​ന്നത്‌ എന്തു​കൊണ്ട്‌?

²¹ നമ്മൾ എന്തെങ്കി​ലും പറയു​ന്ന​തി​നു മുമ്പു​തന്നെ യഹോവ നമ്മുടെ വികാ​രങ്ങൾ മനസ്സി​ലാ​ക്കു​ന്നു എന്ന്‌ അറിയു​ന്നതു നമ്മളെ ആശ്വസി​പ്പി​ക്കു​ന്നു. (സങ്കീ. 139:4) എങ്കിലും നമ്മുടെ വിശ്വാ​സം വാക്കു​ക​ളി​ലൂ​ടെ പ്രകട​മാ​ക്കു​ന്നതു കേൾക്കാൻ യഹോവ ആഗ്രഹി​ക്കു​ന്നുണ്ട്‌. അതു​കൊണ്ട്‌ സ്വർഗീയ പിതാ​വി​നോ​ടു പ്രാർഥി​ക്കാൻ ഒട്ടും മടിക്ക​രുത്‌. ദൈവ​വ​ച​ന​ത്തിൽ രേഖ​പ്പെ​ടു​ത്തി​യി​രി​ക്കുന്ന പ്രാർഥ​ന​ക​ളിൽനിന്ന്‌ പഠിക്കുക. മുഴു​ഹൃ​ദ​യ​ത്തോ​ടെ പ്രാർഥി​ക്കുക. നിങ്ങളു​ടെ എല്ലാ സന്തോ​ഷ​വും സങ്കടവും യഹോ​വ​യോ​ടു പറയുക. ഒരു വിശ്വ​സ്‌ത​സു​ഹൃ​ത്താ​യി യഹോവ എപ്പോ​ഴും നിങ്ങളു​ടെ കൂടെ​യു​ണ്ടാ​കും!