മറ്റുള്ള​വർക്കാ​യി പ്രാർഥി​ക്കാൻ മറക്കരുത്‌

1. നമ്മുടെ പ്രാർഥ​നകൾ യഹോവ വില​പ്പെ​ട്ട​താ​യി കാണുന്നു എന്ന്‌ എങ്ങനെ അറിയാം?

പ്രാർഥന അത്ഭുത​ക​ര​മായ ഒരു സമ്മാന​മാണ്‌. ഇതെക്കു​റി​ച്ചൊന്ന്‌ ചിന്തിക്കൂ: യഹോവ ദൂതന്മാർക്ക്‌ പല ചുമത​ല​ക​ളും കൊടു​ത്തി​ട്ടുണ്ട്‌. (സങ്കീ. 91:11) ഗൗരവ​മുള്ള പല ഉത്തരവാ​ദി​ത്വ​ങ്ങൾ തന്റെ മകനെ​യും ഏൽപ്പി​ച്ചി​ട്ടുണ്ട്‌. (മത്താ. 28:18) എന്നാൽ പ്രാർഥ​ന​യു​ടെ കാര്യ​മോ? അത്‌ കേൾക്കാൻ യഹോവ ആരെ​യെ​ങ്കി​ലും നിയമി​ച്ചി​ട്ടു​ണ്ടോ? ഇല്ല. അത്‌ യഹോവ തനിക്കാ​യി മാത്രം മാറ്റി​വെ​ച്ചി​രി​ക്കുന്ന ഒരു കാര്യ​മാണ്‌. നമ്മുടെ ഓരോ​രു​ത്ത​രു​ടെ​യും അപേക്ഷകൾ, ‘പ്രാർഥന കേൾക്കു​ന്ന​വ​നായ’ യഹോ​വ​ത​ന്നെ​യാണ്‌ ശ്രദ്ധി​ക്കു​ന്നത്‌.—സങ്കീ. 65:2.

2. മറ്റുള്ള​വർക്കു​വേണ്ടി പ്രാർഥി​ക്കുന്ന കാര്യ​ത്തിൽ അപ്പോ​സ്‌ത​ല​നായ പൗലോസ്‌ എന്ത്‌ മാതൃ​ക​യാണ്‌ വെച്ചത്‌?

² നമ്മുടെ സ്വന്തം പ്രശ്‌ന​ങ്ങ​ളെ​ക്കു​റിച്ച്‌ യഹോ​വ​യോട്‌ പറയു​ന്ന​തോ​ടൊ​പ്പം മറ്റുള്ള​വർക്കു​വേ​ണ്ടി​യും നമ്മൾ പ്രാർഥി​ക്കണം. അപ്പോ​സ്‌ത​ല​നായ പൗലോസ്‌ അങ്ങനെ ചെയ്‌തു. ഉദാഹ​ര​ണ​ത്തിന്‌, എഫെ​സൊ​സി​ലെ സഭയ്‌ക്ക്‌ അദ്ദേഹം ഇങ്ങനെ എഴുതി: ‘നിങ്ങൾക്കു​വേണ്ടി ഞാൻ പ്രാർഥി​ക്കു​ന്നു.’ (എഫെ. 1:17) പൗലോസ്‌ വ്യക്തി​കൾക്കു​വേ​ണ്ടി​യും പ്രാർഥി​ച്ചു. ഉദാഹ​ര​ണ​ത്തിന്‌, അദ്ദേഹം തിമൊ​ഥെ​യൊ​സി​നോ​ടു പറഞ്ഞു: “രാവും പകലും ഞാൻ ഉള്ളുരു​കി പ്രാർഥി​ക്കു​മ്പോൾ ഇടവി​ടാ​തെ നിന്നെ ഓർക്കാ​റുണ്ട്‌.” (2 തിമൊ. 1:3) പൗലോ​സിന്‌ പ്രാർഥി​ക്കാൻ തന്റേതായ ഉത്‌ക​ണ്‌ഠകൾ ഉണ്ടായി​രു​ന്നു. (2 കൊരി. 11:23; 12:7, 8) എങ്കിലും മറ്റുള്ള​വർക്കു​വേണ്ടി പ്രാർഥി​ക്കാൻ അദ്ദേഹം സമയം കണ്ടെത്തി.

3. മറ്റുള്ള​വർക്കു​വേണ്ടി പ്രാർഥി​ക്കാൻ നമ്മൾ മറന്നു​പോ​യേ​ക്കാ​വു​ന്നത്‌ എന്തു​കൊണ്ട്‌?

³ മറ്റുള്ള​വർക്കു​വേണ്ടി പ്രാർഥി​ക്കാൻ നമ്മൾ ചില​പ്പോൾ മറന്നു​പോ​യേ​ക്കാം. എന്തു​കൊണ്ട്‌? അതിന്റെ ഒരു കാരണ​ത്തെ​ക്കു​റിച്ച്‌ സബ്രീനa സഹോ​ദരി ഇങ്ങനെ പറയുന്നു: “ഇന്നത്തെ ജീവിതം വളരെ തിരക്കു​ള്ള​താണ്‌. നമ്മുടെ സ്വന്തം പ്രശ്‌ന​ങ്ങ​ളെ​ക്കു​റിച്ച്‌ മാത്രം ചിന്തി​ച്ചു​പോ​കു​ന്ന​തു​കൊണ്ട്‌ നമ്മുടെ പ്രാർഥന അതെക്കു​റിച്ച്‌ മാത്ര​മാ​യി പോ​യേ​ക്കാം.” നിങ്ങൾക്ക്‌ അങ്ങനെ സംഭവി​ക്കാ​റു​ണ്ടോ? ഉണ്ടെങ്കിൽ ഈ ലേഖനം നിങ്ങളെ സഹായി​ക്കും. (1) മറ്റുള്ള​വർക്കു​വേണ്ടി പ്രാർഥി​ക്കേ​ണ്ടത്‌ എന്തു​കൊ​ണ്ടാ​ണെ​ന്നും (2) അത്‌ എങ്ങനെ ചെയ്യാ​മെ​ന്നും ഈ ലേഖന​ത്തിൽ നമ്മൾ പഠിക്കും.

മറ്റുള്ള​വർക്കു​വേണ്ടി പ്രാർഥി​ക്കേ​ണ്ടത്‌ എന്തു​കൊണ്ട്‌?

4-5. മറ്റുള്ള​വർക്കു​വേ​ണ്ടി​യുള്ള “പ്രാർഥ​ന​യ്‌ക്കു വലിയ ശക്തിയുണ്ട്‌” എന്ന്‌ പറയു​ന്നത്‌ എന്തു​കൊണ്ട്‌? (യാക്കോബ്‌ 5:16)

⁴ മറ്റുള്ള​വർക്കു​വേ​ണ്ടി​യുള്ള “പ്രാർഥ​ന​യ്‌ക്കു വലിയ ശക്തിയുണ്ട്‌.” (യാക്കോബ്‌ 5:16 വായി​ക്കുക.) നമ്മൾ മറ്റുള്ള​വർക്കു​വേണ്ടി പ്രാർഥി​ച്ച​തു​കൊണ്ട്‌ അവരുടെ സാഹച​ര്യ​ത്തിൽ എന്തെങ്കി​ലും മാറ്റമു​ണ്ടാ​കാൻ സാധ്യ​ത​യു​ണ്ടോ? തീർച്ച​യാ​യും. പത്രോസ്‌ തന്നെ തള്ളിപ്പ​റ​യും എന്ന്‌ അറിയാ​മാ​യി​രുന്ന യേശു അദ്ദേഹ​ത്തോട്‌ പറഞ്ഞു: “നിന്റെ വിശ്വാ​സം നഷ്ടപ്പെ​ടാ​തി​രി​ക്കാൻ ഞാൻ നിനക്കു​വേണ്ടി പ്രാർഥി​ച്ചി​ട്ടുണ്ട്‌.” (ലൂക്കോ. 22:32) പ്രാർഥ​ന​യ്‌ക്കു മാറ്റങ്ങൾ കൊണ്ടു​വ​രാൻ പറ്റു​മെന്ന്‌ പൗലോ​സി​നും അറിയാ​മാ​യി​രു​ന്നു. അദ്ദേഹം അന്യാ​യ​മാ​യി റോമിൽ തടവി​ലാ​യി​രു​ന്ന​പ്പോൾ ഫിലേ​മോന്‌ ഇങ്ങനെ എഴുതി: “നിങ്ങളു​ടെ പ്രാർഥ​ന​ക​ളു​ടെ ഫലമായി എന്നെ നിങ്ങൾക്കു തിരികെ കിട്ടു​മെ​ന്നാണ്‌ എന്റെ പ്രതീക്ഷ.” (ഫിലേ. 22) അങ്ങനെ​തന്നെ സംഭവി​ച്ചു. പൗലോസ്‌ പെട്ടെ​ന്നു​തന്നെ ജയിലിൽനിന്ന്‌ മോചി​ത​നാ​കു​ക​യും വീണ്ടും പ്രസം​ഗ​പ്ര​വർത്തനം തുടങ്ങു​ക​യും ചെയ്‌തു.

⁵ നമുക്ക്‌ പ്രാർഥി​ച്ചു​കൊണ്ട്‌ യഹോ​വ​യു​ടെ​മേൽ സമ്മർദം ചെലു​ത്താ​നൊ​ന്നും പറ്റില്ല എന്നതു ശരിയാണ്‌. പക്ഷേ തന്റെ ദാസരു​ടെ പ്രാർഥ​നകൾ യഹോവ ശ്രദ്ധി​ച്ചു​കേൾക്കു​ക​യും ചില​പ്പോൾ അതിനു ചേർച്ച​യിൽ പ്രവർത്തി​ക്കു​ക​യും ചെയ്യാ​റുണ്ട്‌. ഇത്‌ അറിയു​ന്നത്‌ ഒരു സാഹച​ര്യ​ത്തെ​ക്കു​റിച്ച്‌ ആത്മാർഥ​മാ​യി പ്രാർഥി​ക്കാ​നും അത്‌ യഹോവ ഏറ്റവും നല്ല വിധത്തിൽ കൈകാ​ര്യം ചെയ്യു​മെന്ന്‌ വിശ്വ​സി​ക്കാ​നും നമ്മളെ സഹായി​ക്കും.—സങ്കീ. 37:5; 2 കൊരി. 1:11.

6. മറ്റുള്ള​വർക്കു​വേണ്ടി പ്രാർഥി​ക്കു​ന്ന​തി​ന്റെ ചില പ്രയോ​ജ​നങ്ങൾ എന്തൊ​ക്കെ​യാണ്‌? (1 പത്രോസ്‌ 3:8)

⁶ മറ്റുള്ള​വർക്കു​വേണ്ടി പ്രാർഥി​ക്കു​ന്നത്‌ ‘മനസ്സലിവ്‌’ വളർത്തി​യെ​ടു​ക്കാൻ നമ്മളെ സഹായി​ക്കും. (1 പത്രോസ്‌ 3:8 വായി​ക്കുക.) മനസ്സലി​വുള്ള ഒരു വ്യക്തി മറ്റുള്ള​വ​രു​ടെ പ്രശ്‌നങ്ങൾ മനസ്സി​ലാ​ക്കു​ക​യും അവരെ സഹായി​ക്കാൻ ആഗ്രഹി​ക്കു​ക​യും ചെയ്യും. (മർക്കോ. 1:40, 41) ഒരു മൂപ്പനായ മൈക്കിൾ പറയുന്നു: “മറ്റുള്ള​വ​രു​ടെ ആവശ്യ​ങ്ങൾക്കു​വേണ്ടി പ്രാർഥി​ക്കു​മ്പോൾ അവരുടെ ബുദ്ധി​മു​ട്ടു​ക​ളെ​പ്പറ്റി കൂടുതൽ ചിന്തി​ക്കാൻ എനിക്കാ​കു​ന്നു. അങ്ങനെ അവരോ​ടുള്ള എന്റെ സ്‌നേ​ഹ​വും അടുപ്പ​വും കൂടുന്നു; ഒരുപക്ഷേ അവർ അത്‌ അറിയു​ന്നി​ല്ലെ​ങ്കിൽപ്പോ​ലും.” മറ്റൊരു പ്രയോ​ജ​ന​ത്തെ​ക്കു​റിച്ച്‌ മൂപ്പനായ റിച്ചാർഡ്‌ ഇങ്ങനെ പറയുന്നു: “മറ്റ്‌ ആളുകൾക്കു​വേണ്ടി നമ്മൾ പ്രാർഥി​ക്കു​മ്പോൾ അവർക്ക്‌ എന്തെങ്കി​ലും സഹായം ചെയ്‌തു​കൊ​ടു​ക്കാൻ നമുക്ക്‌ കൂടുതൽ ആഗ്രഹം തോന്നും. അങ്ങനെ അവർക്കു​വേണ്ടി എന്തെങ്കി​ലും ചെയ്യു​മ്പോൾ നമ്മുടെ പ്രാർഥ​ന​യ്‌ക്ക്‌ ഉത്തരം കൊടു​ക്കാൻ നമ്മൾ ഒരർഥ​ത്തിൽ യഹോ​വയെ സഹായി​ക്കു​ക​യാണ്‌.”

7. മറ്റുള്ള​വർക്കു​വേണ്ടി പ്രാർഥി​ക്കു​ന്നത്‌ നമ്മുടെ പ്രശ്‌ന​ങ്ങ​ളെ​ക്കു​റിച്ച്‌ ശരിയായ ഒരു വീക്ഷണം ഉണ്ടായി​രി​ക്കാൻ സഹായി​ക്കു​ന്നത്‌ എങ്ങനെ? (ഫിലി​പ്പി​യർ 2:3, 4) (ചിത്ര​ങ്ങ​ളും കാണുക.)

⁷ മറ്റുള്ള​വർക്കു​വേണ്ടി പ്രാർഥി​ക്കു​ന്നത്‌ നമ്മു​ടെ​തന്നെ പ്രശ്‌ന​ങ്ങ​ളെ​ക്കു​റിച്ച്‌ ശരിയായ ഒരു വീക്ഷണം ഉണ്ടായി​രി​ക്കാൻ സഹായി​ക്കും. (ഫിലി​പ്പി​യർ 2:3, 4 വായി​ക്കുക.) സാത്താന്റെ നിയ​ന്ത്ര​ണ​ത്തി​ലുള്ള ഈ ലോകത്ത്‌ ജീവി​ക്കു​മ്പോൾ നമു​ക്കെ​ല്ലാം പ്രശ്‌നങ്ങൾ നേരി​ടേ​ണ്ടി​വ​രും. (1 യോഹ. 5:19; വെളി. 12:12) പക്ഷേ, മറ്റുള്ള​വർക്കു​വേണ്ടി പ്രാർഥി​ക്കുന്ന ഒരു ശീലമു​ണ്ടെ​ങ്കിൽ “ലോകം മുഴു​വ​നുള്ള (നമ്മുടെ) സഹോ​ദ​ര​സ​മൂ​ഹ​വും ഇതു​പോ​ലുള്ള കഷ്ടതകൾ അനുഭ​വി​ക്കു​ന്നു​ണ്ടെന്ന്‌” നമ്മൾ ഓർക്കും. (1 പത്രോ. 5:9) മുൻനി​ര​സേ​വി​ക​യായ കാതറിൻ പറയുന്നു: “മറ്റുള്ള​വർക്കു​വേണ്ടി പ്രാർഥി​ക്കു​മ്പോൾ അവർക്കും പല പ്രശ്‌ന​ങ്ങ​ളുണ്ട്‌ എന്ന്‌ ഓർക്കാൻ എനിക്കാ​കു​ന്നു. അത്‌ എന്റെ പ്രശ്‌ന​ങ്ങ​ളെ​ക്കു​റി​ച്ചു​തന്നെ ഒത്തിരി ചിന്തി​ക്കാ​തി​രി​ക്കാൻ എന്നെ സഹായി​ക്കു​ന്നു.”

അവർക്കു നമ്മുടെ പ്രാർഥ​നകൾ വേണം

8. നമുക്ക്‌ ആർക്കൊ​ക്കെ​വേണ്ടി പ്രാർഥി​ക്കാം എന്നതിന്‌ ഉദാഹ​ര​ണങ്ങൾ പറയുക.

⁸ ആർക്കൊ​ക്കെ​വേണ്ടി പ്രാർഥി​ക്കാം? നമുക്ക്‌ ഒരു കൂട്ടം ആളുകളെ മനസ്സിൽക്കണ്ട്‌ പ്രാർഥി​ക്കാ​നാ​കും. ഉദാഹ​ര​ണ​ത്തിന്‌ ആരോ​ഗ്യ​പ്ര​ശ്‌ന​മു​ള്ള​വർക്കും, കൂടെ പഠിക്കു​ന്ന​വ​രിൽനിന്ന്‌ സമ്മർദ​വും കളിയാ​ക്ക​ലും നേരി​ടേ​ണ്ടി​വ​രുന്ന ചെറു​പ്പ​ക്കാർക്കും, പ്രായാ​ധി​ക്യ​ത്തി​ന്റെ ബുദ്ധി​മു​ട്ടു​കൾ അനുഭ​വി​ക്കു​ന്ന​വർക്കും വേണ്ടി നമുക്കു പ്രാർഥി​ക്കാം. അതു​പോ​ലെ പല സഹോ​ദ​ര​ങ്ങ​ളും കുടും​ബ​ത്തിൽനി​ന്നോ ഗവൺമെ​ന്റിൽനി​ന്നോ എതിർപ്പു​കൾ നേരി​ടു​ന്നു. (മത്താ. 10:18, 36; പ്രവൃ. 12:5) രാഷ്‌ട്രീ​യ​ക​ലാ​പങ്ങൾ കാരണം ചില സഹോ​ദ​ര​ങ്ങൾക്ക്‌ അവരുടെ വീടുകൾ വിട്ടു​പോ​കേണ്ടി വരുന്നുണ്ട്‌. ഇനി മറ്റു ചിലർക്കു പ്രകൃ​തി​വി​പ​ത്തു​ക​ളു​ടെ ബുദ്ധി​മു​ട്ടു​കൾ അനുഭ​വി​ക്കേ​ണ്ടി​വ​രു​ന്നു. ഈ സഹോ​ദ​ര​ങ്ങ​ളെ​യെ​ല്ലാം നമുക്ക്‌ നേരിട്ട്‌ അറിയി​ല്ലാ​യി​രി​ക്കാം. എങ്കിലും ഇവർക്കു​വേണ്ടി പ്രാർഥി​ക്കു​മ്പോൾ “തമ്മിൽത്ത​മ്മിൽ സ്‌നേ​ഹി​ക്കണം” എന്ന യേശു​വി​ന്റെ കല്പന നമ്മൾ അനുസ​രി​ക്കു​ക​യാണ്‌.—യോഹ. 13:34.

9. യഹോ​വ​യു​ടെ സംഘട​ന​യിൽ നേതൃ​ത്വ​മെ​ടു​ക്കു​ന്ന​വർക്കും അവരുടെ ഭാര്യ​മാർക്കും വേണ്ടി നമ്മൾ പ്രാർഥി​ക്കേ​ണ്ടത്‌ എന്തു​കൊണ്ട്‌?

⁹ യഹോ​വ​യു​ടെ സംഘട​ന​യിൽ നേതൃ​ത്വ​മെ​ടു​ക്കു​ന്ന​വർക്കു വേണ്ടി​യും നമുക്കു പ്രാർഥി​ക്കാ​നാ​കും. അവരിൽ ഭരണസം​ഘ​വും അവരുടെ സഹായി​ക​ളും ബ്രാഞ്ച്‌ കമ്മിറ്റി അംഗങ്ങ​ളും ബ്രാ​ഞ്ചോ​ഫീ​സു​ക​ളി​ലെ ഉത്തരവാ​ദി​ത്വ​പ്പെട്ട സഹോ​ദ​ര​ങ്ങ​ളും സർക്കിട്ട്‌ മേൽവി​ചാ​ര​ക​ന്മാ​രും സഭയിലെ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ഒക്കെ ഉൾപ്പെ​ടു​ന്നു. സ്വന്തമാ​യി പല പ്രശ്‌ന​ങ്ങ​ളും ഉള്ളപ്പോൾത്ത​ന്നെ​യാണ്‌ ഇവരിൽ പലരും നമ്മളെ സഹായി​ക്കാ​നാ​യി കഠിനാ​ധ്വാ​നം ചെയ്യു​ന്നത്‌. (2 കൊരി. 12:15) ഉദാഹ​ര​ണ​ത്തിന്‌, സർക്കിട്ട്‌ മേൽവി​ചാ​ര​ക​നായ മാർക്‌ പറയുന്നു: “എന്റെ പ്രായ​മായ മാതാ​പി​താ​ക്ക​ളിൽനിന്ന്‌ ദൂരെ ആയിരി​ക്കു​ന്നത്‌ എന്നെ വല്ലാതെ വിഷമി​പ്പി​ക്കു​ന്നു. അവർക്ക്‌ രണ്ടു പേർക്കും പല ആരോ​ഗ്യ​പ്ര​ശ്‌ന​ങ്ങ​ളും ഉണ്ട്‌. അവരുടെ കാര്യ​ങ്ങ​ളൊ​ക്കെ എന്റെ ചേച്ചി​യും ഭർത്താ​വും നന്നായി നോക്കു​ന്നു​ണ്ടെ​ങ്കി​ലും എനിക്ക്‌ അധിക​മൊ​ന്നും ചെയ്യാൻ പറ്റുന്നി​ല്ല​ല്ലോ എന്ന ചിന്ത എന്നെ വേദനി​പ്പി​ക്കു​ന്നു.” ഇത്തരത്തിൽ കഠിനാ​ധ്വാ​നം ചെയ്യുന്ന സഹോ​ദ​ര​ന്മാർ നേരി​ടുന്ന ടെൻഷ​നു​കൾ നമുക്ക്‌ അറിയാ​മെ​ങ്കി​ലും ഇല്ലെങ്കി​ലും അവർക്കു​വേണ്ടി നമുക്കു പ്രാർഥി​ക്കാ​നാ​കും. (1 തെസ്സ. 5:12, 13) ഇനി, അവരുടെ ഭാര്യ​മാ​രെ​യും നമ്മുടെ പ്രാർഥ​ന​യിൽ ഉൾപ്പെ​ടു​ത്താം. കാരണം ഭാര്യ​മാ​രു​ടെ പിന്തുണ ഉള്ളതു​കൊ​ണ്ടു​കൂ​ടി​യാണ്‌ ഈ സഹോ​ദ​ര​ന്മാർക്ക്‌ അവരുടെ ഉത്തരവാ​ദി​ത്വ​ങ്ങൾ നന്നായി ചെയ്യാ​നാ​കു​ന്നത്‌.

10-11. ഒരു കൂട്ടം സഹോ​ദ​ര​ങ്ങൾക്കു​വേണ്ടി പൊതു​വാ​യി പ്രാർഥി​ക്കു​ന്നത്‌ യഹോ​വയെ സന്തോ​ഷി​പ്പി​ക്കു​മോ? വിശദീ​ക​രി​ക്കുക.

¹⁰ നമ്മൾ മുമ്പ്‌ കണ്ടതു​പോ​ലെ, ഒരു വലിയ കൂട്ടം സഹോ​ദ​ര​ങ്ങൾക്കാ​യി നമ്മൾ പ്രാർഥി​ച്ചേ​ക്കാം. ഉദാഹ​ര​ണ​ത്തിന്‌, പ്രത്യേ​കിച്ച്‌ ഒരു വ്യക്തിയെ മനസ്സിൽക്കാ​ണാ​തെ, ജയിലി​ലുള്ള സഹോ​ദ​ര​ങ്ങളെ സഹായി​ക്കണേ എന്നോ പ്രിയ​പ്പെ​ട്ട​വ​രു​ടെ മരണത്തിൽ ദുഃഖി​ക്കു​ന്ന​വരെ ആശ്വസി​പ്പി​ക്കണേ എന്നോ നമ്മൾ പ്രാർഥി​ച്ചേ​ക്കാം. ഡൊണാൾഡ്‌ എന്ന മൂപ്പൻ പറയുന്നു: “പ്രശ്‌ന​ങ്ങ​ളി​ലൂ​ടെ കടന്നു​പോ​കുന്ന അനേകം സഹോ​ദ​രങ്ങൾ നമുക്കുണ്ട്‌. അവരെ​യെ​ല്ലാം പ്രാർഥ​ന​യിൽ ഉൾപ്പെ​ടു​ത്താൻ ആഗ്രഹി​ക്കു​ന്ന​തു​കൊണ്ട്‌ നമ്മൾ അവർക്കെ​ല്ലാം​വേണ്ടി പൊതു​വാ​യി പ്രാർഥി​ച്ചേ​ക്കാം.”

¹¹ അത്തരം പ്രാർഥ​നകൾ യഹോ​വയെ സന്തോ​ഷി​പ്പി​ക്കു​മോ? ഉറപ്പാ​യും. പ്രശ്‌നങ്ങൾ അനുഭ​വി​ക്കുന്ന എല്ലാ സഹോ​ദ​ര​ങ്ങ​ളു​ടെ​യും ആവശ്യങ്ങൾ നമ്മൾ കൃത്യ​മാ​യി അറിയ​ണ​മെ​ന്നില്ല. അതു​കൊണ്ട്‌ സഹോ​ദ​ര​ങ്ങളെ ഒരു കൂട്ടമാ​യി മനസ്സിൽക്കണ്ട്‌ അവർക്കു​വേണ്ടി പ്രാർഥി​ക്കു​ന്നത്‌ ഉചിത​മാണ്‌. (യോഹ. 17:20; എഫെ. 6:18) നമ്മൾ ‘സഹോ​ദ​ര​സ​മൂ​ഹത്തെ മുഴുവൻ സ്‌നേ​ഹി​ക്കു​ന്നു’ എന്നതിന്റെ തെളി​വാണ്‌ അത്‌.—1 പത്രോ. 2:17.

വ്യക്തി​കൾക്കു​വേണ്ടി പ്രാർഥി​ക്കു​മ്പോൾ

12. നന്നായി നിരീ​ക്ഷി​ക്കു​ന്നത്‌ വ്യക്തി​കൾക്കു​വേണ്ടി പ്രാർഥി​ക്കാൻ സഹായി​ക്കു​ന്നത്‌ എങ്ങനെ?

¹² നിരീ​ക്ഷി​ക്കുക. ഒരുകൂ​ട്ടം സഹോ​ദ​ര​ങ്ങളെ മനസ്സിൽക്കണ്ട്‌ പ്രാർഥി​ക്കു​ന്ന​തോ​ടൊ​പ്പം വ്യക്തി​ക​ളു​ടെ പേരെ​ടുത്ത്‌ പറഞ്ഞ്‌ പ്രാർഥി​ക്കു​ക​യും വേണം. നിങ്ങളു​ടെ സഭയിൽ ഗുരു​ത​ര​മായ രോഗ​ത്താൽ പ്രയാ​സ​പ്പെ​ടുന്ന ആരെങ്കി​ലും ഉണ്ടോ? സ്‌കൂ​ളി​ലെ സമ്മർദം കാരണം വിഷമി​ക്കുന്ന ചെറു​പ്പ​ക്കാ​ര​നോ ചെറു​പ്പ​ക്കാ​രി​യോ ഉണ്ടോ? തന്റെ കുട്ടിയെ ‘യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും വളർത്തി​ക്കൊ​ണ്ടു​വ​രാൻ’ ബുദ്ധി​മു​ട്ടുന്ന ഒറ്റയ്‌ക്കുള്ള ഒരു മാതാ​വോ പിതാ​വോ ഉണ്ടോ? (എഫെ. 6:4) നന്നായി നിരീ​ക്ഷി​ക്കു​ന്നെ​ങ്കിൽ മറ്റുള്ള​വ​രോ​ടുള്ള നിങ്ങളു​ടെ സഹാനു​ഭൂ​തി കൂടും. അത്‌ അവർക്കു​വേണ്ടി പ്രാർഥി​ക്കാ​നുള്ള നിങ്ങളു​ടെ ആഗ്രഹം ശക്തമാ​ക്കും.b—റോമ. 12:15.

13. നമുക്ക്‌ നേരിട്ട്‌ അറിയി​ല്ലാ​ത്ത​വർക്കു​വേ​ണ്ടി​യും എങ്ങനെ പ്രാർഥി​ക്കാം?

¹³ മറ്റുള്ള​വ​രു​ടെ പേരെ​ടുത്ത്‌ പറഞ്ഞ്‌ പ്രാർഥി​ക്കുക. നമ്മൾ ഒരിക്ക​ലും നേരിട്ട്‌ കണ്ടിട്ടി​ല്ലാ​ത്ത​വ​രു​ടെ കാര്യ​ത്തിൽപ്പോ​ലും അത്‌ ചെയ്യാ​നാ​കും. ഉദാഹ​ര​ണ​ത്തിന്‌ ക്രിമിയ, എറി​ട്രിയ, റഷ്യ, സിംഗ​പ്പൂർ എന്നിങ്ങ​നെ​യുള്ള സ്ഥലങ്ങളിൽ ജയിലിൽ കഴിയുന്ന നമ്മുടെ സഹോ​ദ​ര​ങ്ങ​ളു​ടെ പേരുകൾ jw.org-ൽ കാണാൻ കഴിയും.c ബ്രയാൻ എന്ന സർക്കിട്ട്‌ മേൽവി​ചാ​രകൻ പറയുന്നു: “ജയിലിൽ ആയിരി​ക്കുന്ന ഏതെങ്കി​ലും ഒരു സഹോ​ദ​രന്റെ പേര്‌ ഞാൻ ആദ്യം എഴുതും. എന്നിട്ട്‌ അത്‌ ഉച്ചത്തിൽ പറയും. എന്റെ വ്യക്തി​പ​ര​മായ പ്രാർഥ​ന​യു​ടെ സമയത്ത്‌ ആ പേര്‌ ഓർത്തെ​ടു​ക്കാൻ അത്‌ എന്നെ സഹായി​ക്കു​ന്നു.”

14-15. ചില കാര്യങ്ങൾ എടുത്തു​പ​റഞ്ഞ്‌ പ്രാർഥി​ക്കാൻ നമ്മളെ എന്തു സഹായി​ക്കും?

¹⁴ ചില കാര്യങ്ങൾ എടുത്തു​പ​റഞ്ഞ്‌ അപേക്ഷി​ക്കുക. മുമ്പ്‌ കണ്ട മൈക്കിൾ പറയുന്നു: “ജയിലി​ലുള്ള സഹോ​ദ​ര​ന്മാ​രെ​ക്കു​റിച്ച്‌ jw.org-ൽ വായി​ക്കു​മ്പോൾ ഞാൻ എന്നെത്തന്നെ അവരുടെ സ്ഥാനത്ത്‌ കാണാൻ ശ്രമി​ക്കും. ഞാനാ​യി​രു​ന്നെ​ങ്കിൽ എന്റെ ഭാര്യ​യെ​ക്കു​റിച്ച്‌ ഓർത്ത്‌ ടെൻഷ​ന​ടി​ക്കു​ക​യും അവളുടെ കാര്യങ്ങൾ എല്ലാം നന്നായി നടക്കു​ന്നു​ണ്ടെന്ന്‌ ഉറപ്പു​വ​രു​ത്താൻ ആഗ്രഹി​ക്കു​ക​യും ചെയ്യും. ഇങ്ങനെ ചെയ്യു​ന്ന​തു​കൊണ്ട്‌ ജയിലി​ലുള്ള വിവാ​ഹി​ത​രായ സഹോ​ദ​ര​ന്മാർക്കു​വേണ്ടി ചില കാര്യങ്ങൾ പ്രത്യേ​കം എടുത്തു​പ​റഞ്ഞ്‌ പ്രാർഥി​ക്കാൻ എനിക്ക്‌ പറ്റുന്നുണ്ട്‌.”—എബ്രാ. 13:3, അടിക്കു​റിപ്പ്‌.

¹⁵ ജയിലി​ലാ​യി​രി​ക്കുന്ന സഹോ​ദ​ര​ങ്ങ​ളു​ടെ ഓരോ ദിവസ​ത്തെ​യും ജീവിതം എങ്ങനെ​യാ​യി​രി​ക്കും എന്ന്‌ ചിന്തി​ക്കു​ന്ന​തും ചില കാര്യങ്ങൾ പ്രത്യേ​കം എടുത്തു​പ​റഞ്ഞ്‌ പ്രാർഥി​ക്കാൻ നമ്മളെ സഹായി​ക്കും. ഉദാഹ​ര​ണ​ത്തിന്‌, ജയിലി​ലെ ഉദ്യോ​ഗസ്ഥർ നമ്മുടെ സഹോ​ദ​ര​ങ്ങ​ളോട്‌ ദയയോ​ടെ ഇടപെ​ടാ​നാ​യും അധികാ​രി​കൾ അവർക്ക്‌ ആരാധന നടത്താ​നുള്ള സ്വാത​ന്ത്ര്യം നൽകാ​നാ​യും നമുക്കു പ്രാർഥി​ക്കാ​നാ​കും. (1 തിമൊ. 2:1, 2) അതു​പോ​ലെ ജയിലി​ലുള്ള വിശ്വ​സ്‌ത​നായ ഒരു സഹോ​ദ​രന്റെ മാതൃക കണ്ട്‌ അദ്ദേഹ​ത്തി​ന്റെ സഭയിലെ സഹോ​ദ​ര​ങ്ങൾക്ക്‌ പ്രോ​ത്സാ​ഹനം കിട്ടാ​നും, സാക്ഷി​ക​ള​ല്ലാ​ത്തവർ ജയിലി​ലാ​യി​രി​ക്കുന്ന ആ സഹോ​ദ​രന്റെ നല്ല പെരു​മാ​റ്റം ശ്രദ്ധി​ക്കാ​നും അങ്ങനെ നമ്മുടെ സന്ദേശം കേൾക്കാ​നും ഇടയാ​ക​ണ​മേ​യെന്ന്‌ നമുക്കു പ്രാർഥി​ക്കാൻ കഴി​ഞ്ഞേ​ക്കും. (1 പത്രോ. 2:12) ജയിലി​ലാ​യി​രി​ക്കു​ന്ന​വ​രു​ടെ കാര്യ​ത്തിൽ മാത്രമല്ല മറ്റു പ്രശ്‌ന​ങ്ങ​ളി​ലൂ​ടെ കടന്നു​പോ​കുന്ന സഹോ​ദ​ര​ങ്ങ​ളു​ടെ കാര്യ​ത്തി​ലും നമുക്ക്‌ ഇതേ രീതി​യിൽ ചിന്തി​ക്കാ​നാ​കും. നന്നായി നിരീ​ക്ഷി​ക്കു​ക​യും മറ്റുള്ള​വ​രു​ടെ പേര്‌ എടുത്തു​പ​റഞ്ഞ്‌ പ്രാർഥി​ക്കു​ക​യും ചില കാര്യങ്ങൾ എടുത്തു​പ​റഞ്ഞ്‌ അപേക്ഷി​ക്കു​ക​യും ചെയ്യു​ന്നെ​ങ്കിൽ ‘തമ്മിൽത്ത​മ്മി​ലുള്ള സ്‌നേഹം നിറഞ്ഞു​ക​വി​യു​ന്നു’ എന്നു നമ്മൾ കാണി​ക്കു​ക​യാ​യി​രി​ക്കും.—1 തെസ്സ. 3:12.

പ്രാർഥി​ക്കു​മ്പോൾ സമനി​ല​യുള്ള ഒരു വീക്ഷണ​മു​ണ്ടാ​യി​രി​ക്കുക

16. നമ്മുടെ പ്രാർഥ​ന​ക​ളെ​ക്കു​റിച്ച്‌ സമനി​ല​യുള്ള ഒരു വീക്ഷണം ഉണ്ടായി​രി​ക്കാൻ നമുക്ക്‌ എങ്ങനെ കഴിയും? (മത്തായി 6:8)

¹⁶ നമ്മൾ കണ്ടതു​പോ​ലെ നമ്മുടെ പ്രാർഥ​നകൾ ആളുക​ളു​ടെ സാഹച​ര്യ​ത്തിൽ ചില​പ്പോൾ മാറ്റങ്ങൾ കൊണ്ടു​വ​ന്നേ​ക്കാം. എന്നാൽ ഒരു സമനി​ല​യുള്ള വീക്ഷണം നമുക്ക്‌ ഉണ്ടായി​രി​ക്കണം. പ്രാർഥി​ക്കു​മ്പോൾ യഹോ​വ​യ്‌ക്ക്‌ ഇതുവരെ അറിയാത്ത ഒരു കാര്യം നമ്മൾ യഹോ​വയെ അറിയി​ക്കു​കയല്ല. അതു​പോ​ലെ ഒരു സാഹച​ര്യം എങ്ങനെ നന്നായി കൈകാ​ര്യം ചെയ്യണ​മെന്ന്‌ നമ്മൾ യഹോ​വ​യ്‌ക്ക്‌ പറഞ്ഞു​കൊ​ടു​ക്കേണ്ട ആവശ്യ​വു​മില്ല. തന്റെ ദാസർക്ക്‌ എന്താണ്‌ വേണ്ട​തെന്ന്‌ അവരോ നമ്മളോ അറിയു​ന്ന​തി​നു മുമ്പു​തന്നെ യഹോവ അറിയു​ന്നുണ്ട്‌. (മത്തായി 6:8 വായി​ക്കുക.) പിന്നെ എന്തിനാണ്‌ നമ്മൾ മറ്റുള്ള​വർക്കു​വേണ്ടി പ്രാർഥി​ക്കു​ന്നത്‌? ഈ ലേഖന​ത്തിൽ കണ്ട കാരണ​ങ്ങൾക്കു പുറമേ മറ്റൊരു കാരണം, പരസ്‌പരം കരുത​ലുള്ള ആളുകൾ അങ്ങനെ ചെയ്യും എന്നതാണ്‌. മറ്റുള്ള​വർക്കു​വേണ്ടി പ്രാർഥി​ക്കാൻ നമ്മളെ പ്രേരി​പ്പി​ക്കു​ന്നത്‌ അവരോ​ടുള്ള സ്‌നേ​ഹ​മാണ്‌. തന്റെ ദാസന്മാർ ഈ രീതി​യിൽ തന്റെ സ്‌നേഹം അനുക​രി​ക്കു​ന്നത്‌ കാണു​മ്പോൾ അത്‌ യഹോ​വയെ സന്തോ​ഷി​പ്പി​ക്കു​ക​യും ചെയ്യും.

17-18. സഹാരാ​ധ​കർക്കു വേണ്ടി​യുള്ള നമ്മുടെ പ്രാർഥ​ന​കളെ ഒരു ദൃഷ്ടാന്തം ഉപയോ​ഗിച്ച്‌ വിശദീ​ക​രി​ക്കുക.

¹⁷ നമ്മൾ സഹോ​ദ​ര​ങ്ങൾക്കു​വേണ്ടി പ്രാർഥി​ച്ചി​ട്ടും അവരുടെ സാഹച​ര്യ​ത്തിൽ മാറ്റ​മൊ​ന്നും വരുന്നില്ല എന്നു തോന്നി​യാ​ലും നമുക്ക്‌ ഒരു കാര്യം ഓർക്കാം: നമ്മുടെ പ്രാർഥന അവരോ​ടുള്ള സ്‌നേ​ഹ​മാണ്‌ തെളി​യി​ക്കു​ന്നത്‌. യഹോവ അതു ശ്രദ്ധി​ക്കു​ക​യും ചെയ്യും. അതു മനസ്സി​ലാ​ക്കാൻ ഇങ്ങനെ ഒരു ദൃഷ്ടാന്തം ചിന്തി​ക്കുക. ഒരു കുടും​ബ​ത്തിൽ രണ്ട്‌ ചെറിയ കുട്ടി​ക​ളുണ്ട്‌; ഒരു ആൺകു​ട്ടി​യും പെൺകു​ട്ടി​യും. ആൺകു​ട്ടിക്ക്‌ ഒരു അസുഖം വന്ന്‌ വയ്യാ​തെ​യാ​യി. അപ്പോൾ പെൺകു​ട്ടി അപ്പനോട്‌ ചോദി​ക്കു​ക​യാണ്‌: “ചേട്ടന്‌ തീരെ വയ്യ. പപ്പ എന്തെങ്കി​ലും ചെയ്യാ​മോ?” അപ്പന്‌ ആ കാര്യം അപ്പോൾത്തന്നെ അറിയാം. അദ്ദേഹം മകനെ സ്‌നേ​ഹി​ക്കു​ന്നുണ്ട്‌; അതു​കൊ​ണ്ടു​തന്നെ അവന്‌ വേണ്ട​തെ​ല്ലാം ചെയ്‌തു​കൊ​ടു​ക്കു​ന്നു​മുണ്ട്‌. എന്നാൽ തന്റെ കുഞ്ഞ്‌ മകൾക്ക്‌ അവളുടെ ആങ്ങള​യോട്‌ എത്രമാ​ത്രം സ്‌നേ​ഹ​മു​ണ്ടെന്ന്‌ ആ വാക്കുകൾ കേട്ട​പ്പോൾ പിതാ​വിന്‌ മനസ്സി​ലാ​യി​ക്കാ​ണും. അത്‌ അദ്ദേഹത്തെ എത്രയ​ധി​കം സന്തോ​ഷി​പ്പി​ച്ചി​രി​ക്കും!

¹⁸ ഇതു​പോ​ലെ നമ്മളും പരസ്‌പരം കരുതാ​നും മറ്റുള്ള​വർക്കു​വേണ്ടി പ്രാർഥി​ക്കാ​നും ആണ്‌ യഹോവ ആഗ്രഹി​ക്കു​ന്നത്‌. അങ്ങനെ ചെയ്യു​മ്പോൾ നമ്മൾ നമ്മളെ​ക്കു​റിച്ച്‌ മാത്രമല്ല മറ്റുള്ള​വ​രെ​ക്കു​റി​ച്ചും ചിന്തി​ക്കു​ന്നു​ണ്ടെ​ന്നും അവരെ സ്‌നേ​ഹി​ക്കു​ന്നു​ണ്ടെ​ന്നും കാണി​ക്കു​ക​യാണ്‌. യഹോവ അതു ശ്രദ്ധി​ക്കു​ക​യും ചെയ്യും. (2 തെസ്സ. 1:3; എബ്രാ. 6:10) ഇനി നമ്മൾ കണ്ടതു​പോ​ലെ, ചില​പ്പോൾ നമ്മുടെ പ്രാർഥ​നകൾ മറ്റുള്ള​വ​രു​ടെ സാഹച​ര്യ​ത്തിൽ മാറ്റങ്ങൾ കൊണ്ടു​വ​രു​ക​പോ​ലും ചെയ്‌തേ​ക്കാം. അതു​കൊണ്ട്‌ മറ്റുള്ള​വർക്കു​വേണ്ടി പ്രാർഥി​ക്കാൻ നമുക്ക്‌ ഒരിക്ക​ലും മറക്കാ​തി​രി​ക്കാം.