സങ്കീർത്ത​നം

1 ദുഷ്ടന്മാ​രു​ടെ ഉപദേ​ശ​മ​നു​സ​രിച്ച്‌ നടക്കു​ക​യോ

പാപി​ക​ളു​ടെ വഴിയിൽ നിൽക്കുകയോ+

പരിഹാ​സി​ക​ളു​ടെ ഇരിപ്പി​ട​ത്തിൽ ഇരിക്കുകയോ+ ചെയ്യാത്ത മനുഷ്യൻ സന്തുഷ്ടൻ.

 2 യഹോവയുടെ നിയമമാണ്‌* അവന്‌ ആനന്ദം പകരു​ന്നത്‌.+

അവൻ അതു രാവും പകലും മന്ദസ്വ​ര​ത്തിൽ വായി​ക്കു​ന്നു.*+

 3 നീർച്ചാലുകൾക്കരികെ നട്ടിരി​ക്കുന്ന,

കൃത്യ​സ​മ​യ​ത്തു​തന്നെ കായ്‌ക്കുന്ന,

ഇലകൾ വാടാത്ത ഒരു മരം​പോ​ലെ​യാണ്‌ അവൻ.

 4 ദുഷ്ടന്മാരോ അങ്ങനെയല്ല.

കാറ്റു പറത്തി​ക്ക​ള​യുന്ന പതിരു​പോ​ലെ​യാണ്‌ അവർ.

 5 അതുകൊണ്ട്‌ ദുഷ്ടന്മാർക്കു ന്യായ​വി​ധി​യു​ടെ സമയത്ത്‌ പിടി​ച്ചു​നിൽക്കാ​നാ​കില്ല;+

പാപി​കൾക്കു നീതി​മാ​ന്മാ​രു​ടെ കൂട്ടത്തിൽ നിൽക്കാ​നു​മാ​കില്ല.+

 6 കാരണം നീതി​മാ​ന്മാ​രു​ടെ വഴി യഹോവ അറിയു​ന്നു;+

ദുഷ്ടന്മാ​രു​ടെ വഴിയോ നശിച്ചു​പോ​കും.+