സങ്കീർത്തനം
ബന്യാമീന്യനായ കൂശിന്റെ വാക്കുകളെക്കുറിച്ച്‌ ദാവീദ്‌ യഹോവയ്‌ക്കു പാടിയ വിലാപഗീതം.
7 എന്റെ ദൈവമായ യഹോവേ, അങ്ങയെ ഞാൻ അഭയമാക്കിയിരിക്കുന്നു.+
എന്നെ ഉപദ്രവിക്കുന്നവരിൽനിന്നെല്ലാം എന്നെ രക്ഷിക്കേണമേ, എന്നെ വിടുവിക്കേണമേ.+
2 അല്ലാത്തപക്ഷം, അവർ ഒരു സിംഹത്തെപ്പോലെ എന്നെ പിച്ചിച്ചീന്തും;+
എന്നെ വലിച്ചിഴച്ച്‌ കൊണ്ടുപോകും; രക്ഷിക്കാൻ ആരുമുണ്ടാകില്ല.
3 എന്റെ ദൈവമായ യഹോവേ, ഇക്കാര്യത്തിൽ ഞാൻ കുറ്റക്കാരനെങ്കിൽ,
ഞാൻ നീതികേടു കാണിച്ചെങ്കിൽ,
4 എനിക്കു നന്മ ചെയ്‌തയാളോടു ഞാൻ അന്യായം കാട്ടുകയും+
കാരണംകൂടാതെ ഞാൻ എന്റെ ശത്രുവിനെ കൊള്ളയടിക്കുകയും* ചെയ്‌തെങ്കിൽ,
5 ശത്രു എന്നെ പിന്തുടർന്ന്‌ പിടിക്കട്ടെ.
അയാൾ എന്റെ ജീവൻ നിലത്തിട്ട്‌ ചവിട്ടട്ടെ.
എന്റെ മഹത്ത്വം പൊടിയിൽ വീണ്‌ നശിക്കട്ടെ. (സേലാ)
6 യഹോവേ, കോപത്തോടെ എഴുന്നേൽക്കേണമേ.
എന്റെ ശത്രുക്കളുടെ ക്രോധത്തിന്‌ എതിരെ നിലകൊള്ളേണമേ.+
എനിക്കുവേണ്ടി ഉണരേണമേ. നീതി നടപ്പാക്കാൻ ആവശ്യപ്പെടേണമേ.+
7 ജനതകൾ അങ്ങയെ വളയട്ടെ.
അപ്പോൾ, ഉന്നതങ്ങളിൽനിന്ന്‌ അങ്ങ്‌ അവർക്കെതിരെ നടപടിയെടുക്കുമല്ലോ.
8 യഹോവ ജനതകളുടെ വിധി പ്രഖ്യാപിക്കും.+
9 ദയവായി ദുഷ്ടന്മാരുടെ ദുഷ്‌പ്രവൃത്തികൾ അവസാനിപ്പിക്കേണമേ.
എന്നാൽ, നീതിമാൻ ഉറച്ചുനിൽക്കാൻ ഇടയാക്കേണമേ.+
അങ്ങ്‌ ഹൃദയങ്ങളെയും ഉള്ളിന്റെ ഉള്ളിലെ വികാരങ്ങളെയും* പരിശോധിച്ചറിയുന്ന+ നീതിമാനായ ദൈവമല്ലോ.+
10 ദൈവം എന്റെ പരിച,+ ഹൃദയശുദ്ധിയുള്ളവരുടെ രക്ഷകൻ.+
12 ആരെങ്കിലും മാനസാന്തരപ്പെടാതിരുന്നാൽ+ ദൈവം വാളിനു മൂർച്ച കൂട്ടുന്നു,+
ഞാൺ കെട്ടി വില്ല്‌ ഒരുക്കുന്നു,+
14 ദുഷ്ടതയെ ഗർഭം ധരിച്ചിരിക്കുന്നയാളെ നോക്കൂ!
അയാൾ പ്രശ്‌നങ്ങളെ ഗർഭം ധരിച്ച്‌ നുണകളെ പ്രസവിക്കുന്നു.+
15 അയാൾ കുഴി കുഴിച്ചിട്ട്‌ അതിന്റെ ആഴം കൂട്ടുന്നു.
എന്നാൽ, അയാൾ കുഴിച്ച കുഴിയിൽ അയാൾത്തന്നെ വീഴുന്നു.+