സങ്കീർത്തനം
യഹോവയോടു നന്ദി പറയുവിൻ; ദൈവം നല്ലവനല്ലോ;+
ദൈവത്തിന്റെ അചഞ്ചലസ്‌നേഹം എന്നും നിലനിൽക്കുന്നത്‌.+
2 യഹോവയുടെ അത്ഭുതങ്ങളെല്ലാം വിവരിക്കാൻ ആർക്കാകും?
ദൈവത്തിന്റെ സ്‌തുത്യർഹമായ പ്രവൃത്തികളെല്ലാം വർണിക്കാൻ ആർക്കു കഴിയും?+
4 യഹോവേ, അങ്ങയുടെ ജനത്തോടു പ്രീതി കാണിക്കുമ്പോൾ എന്നെയും ഓർക്കേണമേ.+
അങ്ങയുടെ രക്ഷാപ്രവൃത്തികൾകൊണ്ട്‌ എന്നെ പരിപാലിക്കേണമേ.
5 അങ്ങനെ, അങ്ങ്‌ തിരഞ്ഞെടുത്തവരോട്‌ അങ്ങ്‌ കാണിക്കുന്ന നന്മ ഞാനും ആസ്വദിക്കട്ടെ;+
അങ്ങയുടെ ജനതയോടൊപ്പം ഞാനും സന്തോഷിക്കട്ടെ;
അങ്ങയുടെ അവകാശജനത്തോടൊപ്പം അഭിമാനത്തോടെ ഞാനും അങ്ങയെ പുകഴ്‌ത്തട്ടെ.
7 ഈജിപ്‌തിലായിരുന്ന ഞങ്ങളുടെ പൂർവികർ അങ്ങയുടെ അത്ഭുതപ്രവൃത്തികൾ വിലമതിച്ചില്ല;*
അങ്ങയുടെ സമൃദ്ധമായ അചഞ്ചലസ്‌നേഹം ഓർത്തുമില്ല;
പകരം കടൽത്തീരത്തുവെച്ച്‌, ചെങ്കടൽത്തീരത്തുവെച്ച്‌, മത്സരിച്ചു.+
8 എന്നിട്ടും ദൈവം തന്റെ പേരിനെ ഓർത്ത്‌ അവരെ രക്ഷിച്ചു;+
തന്റെ മഹാശക്തി പ്രസിദ്ധമാക്കേണ്ടതിന്‌ അവരെ സംരക്ഷിച്ചു.+
9 ദൈവം ചെങ്കടലിനെ ശകാരിച്ചു, അത്‌ ഉണങ്ങിപ്പോയി;
മരുഭൂമിയിലൂടെ എന്നപോലെ അതിന്റെ ആഴങ്ങളിലൂടെ ദൈവം അവരെ നടത്തി;+
10 വൈരിയുടെ കരങ്ങളിൽനിന്ന്‌ ദൈവം അവരെ രക്ഷിച്ചു,+
ശത്രുവിന്റെ കൈകളിൽനിന്ന്‌ അവരെ വീണ്ടെടുത്തു.+
13 എങ്കിലും ദൈവം ചെയ്‌തതെല്ലാം അവർ പെട്ടെന്നുതന്നെ മറന്നുകളഞ്ഞു;+
ദിവ്യോപദേശത്തിനായി കാത്തിരുന്നുമില്ല.
14 വിജനഭൂമിയിൽവെച്ച്‌ അവർ സ്വാർഥാഭിലാഷങ്ങൾക്കു വഴിപ്പെട്ടു;+
മരുഭൂമിയിൽവെച്ച്‌ ദൈവത്തെ പരീക്ഷിച്ചു.+
15 ചോദിച്ചതെല്ലാം ദൈവം അവർക്കു കൊടുത്തു;
പക്ഷേ അവരെ ക്ഷയിപ്പിച്ചുകളഞ്ഞ രോഗത്താൽ പിന്നെ അവരെ പ്രഹരിച്ചു.+
19 അവർ ഹോരേബിൽ ഒരു കാളക്കുട്ടിയെ ഉണ്ടാക്കി,
ലോഹപ്രതിമയ്‌ക്കു* മുന്നിൽ കുമ്പിട്ടു;+
20 അവർ എന്റെ മഹത്ത്വം
പുല്ലു തിന്നുന്ന കാളയുടെ രൂപവുമായി വെച്ചുമാറി.+
21 തങ്ങളുടെ രക്ഷകനായ ദൈവത്തെ അവർ വിസ്‌മരിച്ചു;+
ഈജിപ്‌തിൽ വൻകാര്യങ്ങൾ ചെയ്‌ത,+
22 ഹാമിന്റെ ദേശത്ത്‌ അത്ഭുതങ്ങൾ കാണിച്ച,+
ചെങ്കടലിൽ ഭയാദരവ്‌ ഉണർത്തുന്ന കാര്യങ്ങൾ ചെയ്‌ത,+
ദൈവത്തെ അവർ മറന്നു.
23 ദൈവം അവരെ കൂട്ടത്തോടെ നശിപ്പിക്കാൻ ഒരുങ്ങിയപ്പോൾ,
ദൈവത്തിന്റെ തിരഞ്ഞെടുക്കപ്പെട്ടവനായ മോശ അവർക്കുവേണ്ടി മധ്യസ്ഥത വഹിച്ചു,*
സംഹാരം വിതയ്‌ക്കുമായിരുന്ന ആ ഉഗ്രകോപത്തെ തണുപ്പിച്ചു.+
24 പിന്നെ, അവർ ആ മനോഹരദേശം പുച്ഛിച്ചുതള്ളി;+
ദൈവത്തിന്റെ വാഗ്‌ദാനത്തിൽ അവർക്കു വിശ്വാസമില്ലായിരുന്നു.+
26 അതിനാൽ, ദൈവം കൈ ഉയർത്തി അവരെക്കുറിച്ച്‌ ആണയിട്ടു;
അവരെ വിജനഭൂമിയിൽ വീഴ്‌ത്തുമെന്നും+
27 അവരുടെ പിൻതലമുറക്കാർ ജനതകൾക്കിടയിൽ മരിച്ചുവീഴുമെന്നും
അവരെ പല ദേശങ്ങളിലേക്കു ചിതറിക്കുമെന്നും ദൈവം പറഞ്ഞു.+
29 തങ്ങളുടെ പ്രവൃത്തികളാൽ അവർ ദൈവത്തെ പ്രകോപിപ്പിച്ചു;+
അങ്ങനെ, അവർക്കിടയിൽ ഒരു ബാധ പൊട്ടിപ്പുറപ്പെട്ടു.+
30 പക്ഷേ, ഫിനെഹാസ്‌ ഇടപെട്ടപ്പോൾ
32 മെരീബയിലെ* നീരുറവിന്‌ അടുത്തുവെച്ച്‌ അവർ ദൈവത്തെ പ്രകോപിപ്പിച്ചു;
അവർ കാരണം മോശയും കുഴപ്പത്തിൽ അകപ്പെട്ടു.+
38 സ്വന്തം മക്കളെ കനാനിലെ വിഗ്രഹങ്ങൾക്കു ബലി അർപ്പിച്ചു;+
അവർ നിരപരാധികളുടെ രക്തം,+
സ്വന്തം മക്കളുടെ രക്തം, ചൊരിഞ്ഞു;
രക്തച്ചൊരിച്ചിലിനാൽ ദേശം മലിനമായി.
39 സ്വന്തം പ്രവൃത്തികളാൽ അവർ അശുദ്ധരായി;
അവരുടെ ചെയ്‌തികളാൽ ആത്മീയ വേശ്യാവൃത്തിയിൽ ഏർപ്പെട്ടു.+
40 അങ്ങനെ യഹോവയുടെ കോപം തന്റെ ജനത്തിനു നേരെ ആളിക്കത്തി;
തന്റെ അവകാശത്തെ ദൈവം വെറുത്തുതുടങ്ങി.
41 ദൈവം വീണ്ടുംവീണ്ടും അവരെ ജനതകളുടെ കൈയിൽ ഏൽപ്പിച്ചു;+
അങ്ങനെ, അവരെ വെറുത്തവർ അവരുടെ മേൽ ഭരണം നടത്തി.+
42 ശത്രുക്കൾ അവരെ അടിച്ചമർത്തി,
അവർ അവരുടെ അധികാരത്തിൻകീഴിലായി.
43 ദൈവം പല തവണ അവരെ രക്ഷിച്ചു;+
പക്ഷേ അവർ വീണ്ടുംവീണ്ടും അനുസരണക്കേടു കാണിച്ച്‌ മത്സരിച്ചു;+
അപ്പോഴെല്ലാം, അവരുടെ തെറ്റു നിമിത്തം ദൈവം അവരെ താഴ്‌ത്തി.+
45 അവർക്കുവേണ്ടി ദൈവം തന്റെ ഉടമ്പടി ഓർത്തു;
തന്റെ വലിയ അചഞ്ചലസ്‌നേഹം നിമിത്തം ദൈവത്തിന്‌ അവരോട്‌ അലിവ്‌ തോന്നി.*+
47 ഞങ്ങളുടെ ദൈവമായ യഹോവേ, ഞങ്ങളെ രക്ഷിക്കേണമേ,+
തിരുനാമത്തിനു നന്ദി അർപ്പിച്ച്‌
അത്യാനന്ദത്തോടെ അങ്ങയെ സ്‌തുതിക്കാൻ+
ജനതകളിൽനിന്ന്‌ ഞങ്ങളെ കൂട്ടിച്ചേർക്കേണമേ.+
ജനം മുഴുവൻ “ആമേൻ!”* എന്നു പറയട്ടെ.
യാഹിനെ സ്‌തുതിപ്പിൻ!*