സങ്കീർത്തനം
യഹോവയുടെ പേരിനെ സ്‌തുതിപ്പിൻ!+
2 യഹോവയുടെ ഭവനത്തിൽ,
ദൈവഭവനത്തിന്റെ മുറ്റത്ത്‌ നിൽക്കുന്ന+
യഹോവയുടെ ദാസരേ,
ദൈവത്തെ സ്‌തുതിക്കുവിൻ.
3 യാഹിനെ സ്‌തുതിപ്പിൻ! യഹോവ നല്ലവനല്ലോ.+
തിരുനാമത്തിനു സ്‌തുതി പാടുവിൻ!* അതു ഹൃദ്യമല്ലോ.
4 യാക്കോബിനെ യാഹ്‌ തനിക്കായി തിരഞ്ഞെടുത്തിരിക്കുന്നല്ലോ;
ഇസ്രായേലിനെ തന്റെ പ്രത്യേകസ്വത്തായി* വേർതിരിച്ചിരിക്കുന്നു.+
5 യഹോവ വലിയവൻ എന്ന്‌ എനിക്കു നന്നായി അറിയാം;
നമ്മുടെ കർത്താവ്‌ മറ്റെല്ലാ ദൈവങ്ങളെക്കാളും വലിയവൻ.+
6 സ്വർഗത്തിലും ഭൂമിയിലും, സമുദ്രങ്ങളിലും അഗാധങ്ങളിലും
യഹോവ തനിക്ക്‌ ഇഷ്ടമുള്ളതെല്ലാം ചെയ്യുന്നു.+
7 ദൈവം ഭൂമിയുടെ അറുതികളിൽനിന്ന്‌ മേഘങ്ങൾ* ഉയരാൻ ഇടയാക്കുന്നു;
മഴയ്‌ക്കായി മിന്നൽപ്പിണരുകൾ അയയ്‌ക്കുന്നു;*
തന്റെ സംഭരണശാലകളിൽനിന്ന്‌ കാറ്റ്‌ അടിപ്പിക്കുന്നു.+
9 ഈജിപ്‌തേ, ഫറവോനും അയാളുടെ സകല ദാസർക്കും എതിരായി+
ദൈവം നിന്റെ ഇടയിലേക്ക്‌ അത്ഭുതങ്ങളും അടയാളങ്ങളും അയച്ചു.+
10 ദൈവം പല ജനതകളെയും സംഹരിച്ചു,+
ശക്തരായ രാജാക്കന്മാരെ നിഗ്രഹിച്ചു;+
11 അതെ, അമോര്യരാജാവായ സീഹോനെയും+
ബാശാൻരാജാവായ ഓഗിനെയും+
കനാനിലെ എല്ലാ രാജ്യങ്ങളെയും ദൈവം തകർത്തു.
13 യഹോവേ, അങ്ങയുടെ പേര്‌ എന്നും നിലനിൽക്കുന്നു.
യഹോവേ, അങ്ങയുടെ പ്രശസ്‌തി* തലമുറതലമുറയോളം നിലനിൽക്കുന്നു.+
16 അവയ്‌ക്കു വായുണ്ടെങ്കിലും സംസാരിക്കാൻ കഴിയില്ല;+
കണ്ണുണ്ടെങ്കിലും കാണാൻ കഴിയില്ല.
17 ചെവിയുണ്ടെങ്കിലും കേൾക്കാൻ കഴിയില്ല.
അവയുടെ വായിൽ ശ്വാസവുമില്ല.+
19 ഇസ്രായേൽഗൃഹമേ, യഹോവയെ സ്‌തുതിക്കുവിൻ!
അഹരോൻഗൃഹമേ, യഹോവയെ സ്‌തുതിക്കുവിൻ!
20 ലേവിഗൃഹമേ, യഹോവയെ സ്‌തുതിക്കുവിൻ!+
യഹോവയെ ഭയപ്പെടുന്നവരേ, യഹോവയെ സ്‌തുതിക്കുവിൻ!
യാഹിനെ സ്‌തുതിപ്പിൻ!+