പ്രാർഥന

നമ്മുടെ പ്രാർഥ​ന​കൾ ആരെങ്കി​ലും കേൾക്കു​ന്നു​ണ്ടോ?

“പ്രാർത്ഥന കേൾക്കു​ന്ന​വ​നാ​യു​ള്ളോ​വേ, സകലജ​ഡ​വും നിന്റെ അടുക്ക​ലേ​ക്കു വരുന്നു.”—സങ്കീർത്ത​നം 65:2.

ആളുകൾ പറയു​ന്നത്‌: “പ്രാർഥ​ന​കൾ മേൽക്കൂ​ര​യ്‌ക്കു മീതെ ഉയരു​ന്നി​ല്ല” എന്ന്‌ ആളുകൾ പൊതു​വേ പറയാ​റുണ്ട്‌.

പ്രത്യേ​കിച്ച്‌, കഷ്ടപ്പാ​ടു​ക​ളി​ലൂ​ടെ കടന്നു​പോ​കു​ന്ന ആളുകൾ തങ്ങളുടെ പ്രാർഥ​ന​കൾ ആരെങ്കി​ലും കേൾക്കു​ന്നു​ണ്ടോ​യെ​ന്നു സംശയി​ച്ചേ​ക്കാം.

ബൈബിൾ പറയു​ന്നത്‌:

“യഹോ​വ​യു​ടെ കണ്ണ്‌ നീതി​മാ​ന്മാ​രു​ടെ​മേൽ ഉണ്ട്‌; അവന്റെ ചെവി അവരുടെ യാചന​യ്‌ക്കു തുറന്നി​രി​ക്കു​ന്നു. എന്നാൽ യഹോ​വ​യു​ടെ മുഖം ദുഷ്‌കർമി​കൾക്കു പ്രതി​കൂ​ല​മാ​യി​രി​ക്കു​ന്നു” എന്നു ബൈബിൾ പറയുന്നു. (1 പത്രോസ്‌ 3:12) അതെ, ദൈവം നമ്മുടെ പ്രാർഥ​ന​കൾ കേൾക്കു​ന്നുണ്ട്‌. തന്റെ നിയമങ്ങൾ പിൻപ​റ്റു​ന്ന​വ​രു​ടെ പ്രാർഥ​ന​കൾ കേൾക്കാൻ അവൻ പ്രത്യേ​കാൽ താത്‌പ​ര്യം കാണി​ക്കു​ന്നു. നമ്മുടെ പ്രാർഥ​ന​കൾ കേൾക്കാ​നു​ള്ള ദൈവ​ത്തി​ന്റെ മനസ്സൊ​രു​ക്ക​ത്തെ​ക്കു​റി​ച്ചു മറ്റൊരു ബൈബിൾവാ​ക്യം ഇങ്ങനെ പറയുന്നു: “തിരു​ഹി​ത​പ്ര​കാ​രം നാം എന്ത്‌ അപേക്ഷി​ച്ചാ​ലും അവൻ നമ്മുടെ അപേക്ഷ കേൾക്കു​ന്നു എന്നതത്രേ നമുക്ക്‌ അവനി​ലു​ള്ള ഉറപ്പ്‌.” (1 യോഹ​ന്നാൻ 5:14) അതു​കൊണ്ട്‌, അവനെ ആത്മാർഥ​മാ​യി വിളി​ച്ച​പേ​ക്ഷി​ക്കു​ന്ന ആളുകൾ തങ്ങൾ ദൈ​വേ​ഷ്ട​ത്തി​നു ചേർച്ച​യി​ലാ​ണോ പ്രാർഥി​ക്കു​ന്ന​തെന്ന്‌ ഉറപ്പു​വ​രു​ത്തേ​ണ്ടത്‌ ആവശ്യ​മാണ്‌.

നാം പ്രാർഥി​ക്കേ​ണ്ടത്‌ എങ്ങനെ?

“പ്രാർഥി​ക്കു​മ്പോൾ, . . . ഒരേ കാര്യ​ങ്ങൾത​ന്നെ ഉരുവി​ട​രുത്‌.”—മത്തായി 6:7.

ആളുകൾ പറയു​ന്നത്‌:

ബുദ്ധമതം, കത്തോ​ലി​ക്കാ​മ​തം, ഹിന്ദു​മ​തം, ഇസ്ലാം​മ​തം പോലുള്ള അനേകം മതങ്ങൾ ജപമണി​കൾ ഉപയോ​ഗിച്ച്‌ പ്രാർഥ​ന​കൾ ഉരുവി​ടാ​നും അവ എണ്ണാനും തങ്ങളുടെ വിശ്വാ​സി​ക​ളെ പഠിപ്പി​ച്ചി​രി​ക്കു​ന്നു.

ബൈബിൾ പറയു​ന്നത്‌:

പ്രാർഥ​ന​കൾ ഹൃദയ​ത്തിൽനി​ന്നു​ള്ള​തും ആത്മാർഥ​ത​യു​ള്ള​തും ആയിരി​ക്കേ​ണ്ട​തുണ്ട്‌; അവ മനഃപാ​ഠ​മാ​ക്കി ഒരു ചടങ്ങെ​ന്ന​പോ​ലെ ആവർത്തി​ക്കേണ്ട ഒന്നല്ല. ബൈബിൾ നമ്മോട്‌ ഇങ്ങനെ പറയുന്നു: “പ്രാർഥി​ക്കു​മ്പോൾ, വിജാ​തീ​യർ ചെയ്യു​ന്ന​തു​പോ​ലെ ഒരേ കാര്യ​ങ്ങൾത​ന്നെ ഉരുവി​ട​രുത്‌. അതിഭാ​ഷ​ണ​ത്താൽ തങ്ങളുടെ പ്രാർഥന കേൾക്ക​പ്പെ​ടു​മെ​ന്ന​ല്ലോ അവർ കരുതു​ന്നത്‌. നിങ്ങൾ അവരെ​പ്പോ​ലെ ആകരുത്‌; നിങ്ങൾക്കു വേണ്ടത്‌ എന്താ​ണെന്ന്‌ നിങ്ങൾ ചോദി​ക്കു​ന്ന​തി​നു മുമ്പു​ത​ന്നെ നിങ്ങളു​ടെ പിതാവ്‌ അറിയു​ന്നു​വ​ല്ലോ.”—മത്തായി 6:7, 8.

അതിന്റെ പ്രാധാ​ന്യം:

ദൈവ​ത്തിന്‌ സ്വീകാ​ര്യ​മ​ല്ലാ​ത്ത വിധത്തിൽ പ്രാർഥി​ക്കു​മ്പോൾ ഒരു വ്യക്തി തന്റെ സമയം പാഴാ​ക്കു​ക​യോ ദൈവത്തെ അപ്രീ​തി​പ്പെ​ടു​ത്തു​ക​യോ ആയിരി​ക്കും ചെയ്യു​ന്നത്‌. ദൈ​വേ​ഷ്ട​ത്തി​നു ചേർച്ച​യിൽ പ്രവർത്തി​ക്കാൻ വിസമ്മ​തി​ക്കു​ന്ന ഒരാളു​ടെ പ്രാർഥന ദൈവ​ത്തിന്‌ “വെറു​പ്പാ​കു​ന്നു” എന്നു ബൈബിൾ മുന്നറി​യി​പ്പു നൽകുന്നു.—സദൃശ​വാ​ക്യ​ങ്ങൾ 28:9.

നാം ആരോ​ടാണ്‌ പ്രാർഥി​ക്കേ​ണ്ടത്‌?

“യഹോ​വ​യെ (ദൈവത്തെ) കണ്ടെത്താ​കു​ന്ന സമയത്തു അവനെ അന്വേ​ഷി​പ്പിൻ; അവൻ അടുത്തി​രി​ക്കു​മ്പോൾ അവനെ വിളി​ച്ച​പേ​ക്ഷി​പ്പിൻ.”—യെശയ്യാ​വു 55:6.

ആളുകൾ പറയു​ന്നത്‌:

ചില വിശ്വാ​സി​കൾ മറിയ​യോ​ടോ ആരാധ​നാ​മൂർത്തി​ക​ളായ ദൂതന്മാ​രോ​ടോ അല്ലെങ്കിൽ ‘വിശു​ദ്ധ​ന്മാ​രാ​യി’ വാഴ്‌ത്ത​പ്പെട്ട വ്യക്തി​ക​ളോ​ടോ പ്രാർഥി​ക്കു​ന്നു. ‘ആത്മീയ​വും ഭൗതി​ക​വും ആയ ആവശ്യങ്ങൾ’ നിവർത്തി​ക്കു​മെ​ന്നു പറയ​പ്പെ​ടു​ന്ന ‘വിശുദ്ധ’ അന്തോ​ണി​യോ​സും, ‘ആശയറ്റ സാഹച​ര്യ​ങ്ങ​ളിൽ’ സഹായി​ക്കു​മെ​ന്നു കരുത​പ്പെ​ടു​ന്ന ‘വിശുദ്ധ’ യൂദാ​യും ഇവരിൽ ചിലരാണ്‌. ഇങ്ങനെ​യു​ള്ള വിശു​ദ്ധ​ന്മാ​രും ദൂതന്മാ​രും, തങ്ങൾക്കും ദൈവ​ത്തി​നും ഇടയിൽ മധ്യസ്ഥത വഹിക്കും എന്ന്‌ പ്രതീ​ക്ഷി​ച്ചു​കൊണ്ട്‌ ആളുകൾ അവരോട്‌ പ്രാർഥി​ക്കു​ന്നു.

ബൈബിൾ പറയു​ന്നത്‌:

സത്യാ​രാ​ധ​കർ ‘സ്വർഗ​സ്ഥ​നാ​യ പിതാവി’നോടാണ്‌ പ്രാർഥി​ക്കേ​ണ്ടത്‌. (മത്തായി 6:9) ബൈബിൾ നമ്മെ ഇങ്ങനെ ഉദ്‌ബോ​ധി​പ്പി​ക്കു​ന്നു: “ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ട; ഏതു കാര്യ​ത്തി​ലും പ്രാർഥ​ന​യാ​ലും യാചന​യാ​ലും നിങ്ങളു​ടെ അപേക്ഷകൾ കൃതജ്ഞ​താ​സ്‌തോ​ത്ര​ങ്ങ​ളോ​ടെ ദൈവത്തെ അറിയി​ക്കു​ക.”—ഫിലി​പ്പി​യർ 4:6.