ആശ്രയ​യോ​ഗ്യ​മായ മാർഗ​നിർദേ​ശങ്ങൾ അടങ്ങിയ ഗ്രന്ഥം

“മാനവ സംസ്‌കാ​ര​ത്തെ​യും ജീവിത അനുഭ​വ​ങ്ങ​ളെ​യും സംയോ​ജി​പ്പി​ച്ചു തയ്യാറാ​ക്കിയ ഒരു അതുല്യ ഗ്രന്ഥമാണ്‌ ബൈബിൾ” എന്ന്‌ ചൈന​യി​ലെ ഗ്വേങ്‌ജോ​യി​ലുള്ള ചോങ്‌ ഷാങ്‌ സർവക​ലാ​ശാല തയ്യാറാ​ക്കിയ ഒരു പത്രിക പറയുന്നു. 18-ാം നൂറ്റാ​ണ്ടിൽ ആളുകളെ വളരെ​യ​ധി​കം സ്വാധീ​നിച്ച ഇമ്മാനു​വേൽ കാന്റ്‌ എന്ന തത്ത്വശാ​സ്‌ത്രജ്ഞൻ ഇപ്രകാ​രം പറഞ്ഞു: “സകല മനുഷ്യർക്കും വേണ്ടി​യുള്ള ഒരു ഗ്രന്ഥമാണ്‌ ബൈബിൾ. അതു​കൊ​ണ്ടു​തന്നെ മനുഷ്യ​വർഗ​ത്തി​നു ലഭിച്ചി​രി​ക്കുന്ന ഏറ്റവും മഹത്തായ സമ്മാന​മാണ്‌ അത്‌. ബൈബി​ളി​ന്റെ മൂല്യത്തെ കുറച്ചു​കാ​ണി​ക്കാ​നുള്ള . . . ഏതൊരു ശ്രമവും മനുഷ്യ​രാ​ശി​യോ​ടു ചെയ്യുന്ന അപരാ​ധ​മാണ്‌.” ദി എൻ​സൈ​ക്ലോ​പീ​ഡിയ അമേരി​ക്കാന ഇങ്ങനെ പറയുന്നു: “ബൈബിൾ യഹൂദ​ന്മാർക്കും ക്രിസ്‌ത്യാ​നി​കൾക്കും വേണ്ടി മാത്ര​മു​ള്ളതല്ല. . . . സദാചാ​ര​പ​ര​വും മതപര​വു​മായ മൂല്യ​ങ്ങ​ളു​ടെ ഒരു അക്ഷയഖ​നി​യാ​യി​ട്ടാണ്‌ അതി​പ്പോൾ വീക്ഷി​ക്ക​പ്പെ​ടു​ന്നത്‌. ഒരു ആഗോള സംസ്‌കാ​രം നിലവിൽ വരുന്ന​തി​നെ കുറി​ച്ചുള്ള പ്രതീ​ക്ഷകൾ വർധി​ച്ചു​വ​രുന്ന ഈ സാഹച​ര്യ​ത്തിൽ അതിന്റെ പഠിപ്പി​ക്ക​ലു​കൾ ഏറെ മൂല്യ​വ​ത്താ​ണെന്നു തെളി​ഞ്ഞി​രി​ക്കു​ന്നു.”

² നിങ്ങൾ ഏതു മതത്തിൽപ്പെട്ട ആളാ​ണെ​ങ്കി​ലും ശരി, അത്തര​മൊ​രു ഗ്രന്ഥത്തെ കുറിച്ച്‌ അറിയാൻ നിങ്ങൾ താത്‌പ​ര്യ​പ്പെ​ടു​ക​യി​ല്ലേ? 20-ാം നൂറ്റാ​ണ്ടി​ന്റെ അവസാ​ന​ത്തോ​ടെ ബൈബിൾ പൂർണ​മാ​യോ ഭാഗി​ക​മാ​യോ 2,200-ലധികം ഭാഷക​ളി​ലേക്കു പരിഭാ​ഷ​പ്പെ​ടു​ത്തി​ക്ക​ഴി​ഞ്ഞി​രു​ന്നു. മിക്ക ആളുകൾക്കും സ്വന്തമാ​യി വായിച്ചു മനസ്സി​ലാ​ക്കാൻ സാധി​ക്കുന്ന ഒരു ഭാഷയിൽ അത്‌ ഇന്നു ലഭ്യമാണ്‌. മൂവബിൾ ടൈപ്പ്‌ അച്ചടി സംവി​ധാ​നം (പെറുക്കി വെക്കാ​വുന്ന തരത്തി​ലുള്ള അച്ച്‌) ഉപയോ​ഗി​ച്ചുള്ള അച്ചടി സംവി​ധാ​നം നിലവിൽ വന്നതി​നു​ശേഷം തന്നെ ബൈബി​ളി​ന്റെ ഏതാണ്ട്‌ നാനൂ​റു​കോ​ടി പ്രതികൾ ലോക​വ്യാ​പ​ക​മാ​യി വിതരണം ചെയ്യ​പ്പെ​ട്ടി​ട്ടുണ്ട്‌.

³ ഇനി, നമുക്കു ബൈബിൾ തുറന്ന്‌ അതിന്റെ വിഷയ​സൂ​ചിക ഒന്നു പരി​ശോ​ധി​ക്കാം. ഉല്‌പത്തി മുതൽ വെളി​പ്പാ​ടു വരെയുള്ള പുസ്‌ത​ക​ങ്ങ​ളു​ടെ പേരുകൾ നിങ്ങൾക്ക്‌ അതിൽ കാണാൻ കഴിയും. വാസ്‌ത​വ​ത്തിൽ ബൈബിൾ 66 പുസ്‌ത​ക​ങ്ങ​ളു​ടെ ഒരു ശേഖര​മാണ്‌. അതിന്റെ എഴുത്തിൽ 40-ഓളം വ്യക്തികൾ പങ്കെടു​ത്തി​ട്ടുണ്ട്‌. പലരും പഴയ നിയമം എന്നു വിളി​ക്കുന്ന ആദ്യത്തെ ഭാഗം 39 പുസ്‌ത​കങ്ങൾ ഉൾക്കൊ​ള്ളു​ന്ന​താണ്‌. ഈ ഭാഗം മുഖ്യ​മാ​യും എബ്രായ ഭാഷയിൽ എഴുത​പ്പെ​ട്ട​തി​നാൽ അതിനെ ഉചിത​മാ​യി എബ്രായ തിരു​വെ​ഴു​ത്തു​കൾ എന്നു വിളി​ച്ചി​രി​ക്കു​ന്നു. രണ്ടാമത്തെ ഭാഗത്തിൽ 27 പുസ്‌ത​ക​ങ്ങ​ളാ​ണു​ള്ളത്‌. പുതിയ നിയമം എന്ന്‌ പൊതു​വെ അറിയ​പ്പെ​ടുന്ന ഈ ബൈബിൾ ഭാഗത്തി​ന്റെ എഴുത്ത്‌ നിർവ​ഹി​ച്ചത്‌ ക്രിസ്‌ത്യാ​നി​ക​ളായ എഴുത്തു​കാ​രാണ്‌. ഗ്രീക്ക്‌ ഭാഷയി​ലാണ്‌ അത്‌ എഴുത​പ്പെ​ട്ടത്‌. അതു​കൊ​ണ്ടു​തന്നെ അതിനെ ഉചിത​മാ​യി ക്രിസ്‌തീയ ഗ്രീക്ക്‌ തിരു​വെ​ഴു​ത്തു​കൾ എന്നു വിളി​ച്ചി​രി​ക്കു​ന്നു. പൊ.യു.മു. 1513 മുതൽ പൊ.യു. 98 വരെയുള്ള 1,600-ലധികം വർഷങ്ങൾകൊ​ണ്ടാണ്‌ ബൈബി​ളി​ന്റെ എഴുത്ത്‌ പൂർത്തി​യാ​യത്‌. ബൈബിൾ എഴുത്തു​കാർ ഒരിക്ക​ലും കൂടി​വന്ന്‌ ആലോചന കഴിച്ചി​ട്ടില്ല. അതിലെ ചില പുസ്‌ത​കങ്ങൾ പരസ്‌പരം ആയിര​ക്ക​ണ​ക്കി​നു കിലോ​മീ​റ്റർ അകലെ​യുള്ള സ്ഥലങ്ങളിൽവെച്ച്‌ ഒരേ സമയത്താണ്‌ എഴുത​പ്പെ​ട്ടത്‌. എങ്കിൽപ്പോ​ലും ബൈബിൾ പുസ്‌ത​ക​ങ്ങ​ളെ​ല്ലാം പരസ്‌പര യോജി​പ്പു​ള്ള​വ​യാണ്‌. ബൈബി​ളിൽ ഉടനീളം ഒരേ പ്രതി​പാ​ദ്യ വിഷയ​മാണ്‌ ഉള്ളത്‌. ‘പതിനാ​റു നൂറ്റാ​ണ്ടു​ക​ളി​ലാ​യി ജീവി​ച്ചി​രുന്ന 40-ലേറെ വ്യത്യസ്‌ത മനുഷ്യർക്ക്‌ ഇത്ര പൂർവാ​പര യോജി​പ്പുള്ള ഒരു ഗ്രന്ഥം തയ്യാറാ​ക്കാൻ കഴിഞ്ഞത്‌ എങ്ങനെ?’ എന്നു നാം അതിശ​യി​ച്ചേ​ക്കാം.

⁴ ബൈബി​ളി​ന്റെ എഴുത്ത്‌ 1,900-ത്തിലധി​കം വർഷം മുമ്പാണ്‌ പൂർത്തി​യാ​ക്ക​പ്പെ​ട്ട​തെ​ങ്കി​ലും അതിന്റെ ഉള്ളടക്കം ഈ ആധുനിക യുഗത്തി​ലു​ള്ള​വരെ വിസ്‌മ​യ​ഭ​രി​ത​രാ​ക്കാൻ പോന്ന​താണ്‌. ഉദാഹ​ര​ണ​ത്തിന്‌ ബൈബിൾ തുറന്ന്‌ ഇയ്യോബ്‌ 26:7 വായി​ക്കുക. അത്‌ എഴുതി​യത്‌ പൊ.യു.മു. 15-ാം നൂറ്റാ​ണ്ടി​ലാ​ണെന്ന കാര്യം ഓർക്കണം. അവിടെ ഇപ്രകാ​രം വായി​ക്കു​ന്നു: “ഉത്തരദി​ക്കി​നെ [ദൈവം] ശൂന്യ​ത്തി​ന്മേൽ വിരി​ക്കു​ന്നു; ഭൂമിയെ നാസ്‌തി​ത്വ​ത്തി​ന്മേൽ തൂക്കുന്നു.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) അടുത്ത​താ​യി യെശയ്യാ​വു 40:22, 23 വാക്യങ്ങൾ എടുക്കുക. പൊ.യു.മു. 8-ാം നൂറ്റാ​ണ്ടി​ലാണ്‌ പ്രസ്‌തുത ബൈബിൾ പുസ്‌തകം എഴുത​പ്പെ​ട്ടത്‌. അവിടെ നാം ഇങ്ങനെ കാണുന്നു: “അവൻ ഭൂമണ്ഡ​ല​ത്തി​ന്മീ​തെ അധിവ​സി​ക്കു​ന്നു; അതിലെ നിവാ​സി​കൾ വെട്ടു​ക്കി​ളി​ക​ളെ​പ്പോ​ലെ ഇരിക്കു​ന്നു; അവൻ ആകാശത്തെ ഒരു തിരശ്ശീ​ല​പോ​ലെ നിവിർക്കു​ക​യും പാർപ്പാ​നുള്ള ഒരു കൂടാ​ര​ത്തെ​പ്പോ​ലെ വിരി​ക്ക​യും . . . ചെയ്യുന്നു.” (ചെരി​ച്ചെ​ഴു​തി​യി​രി​ക്കു​ന്നത്‌ ഞങ്ങൾ.) ഈ രണ്ടു വിവര​ണങ്ങൾ വായി​ച്ച​പ്പോൾ നിങ്ങളു​ടെ മനസ്സി​ലേക്കു വന്ന ചിത്രം എന്താണ്‌? ബഹിരാ​കാ​ശ​ത്തിൽ ‘തൂക്കി​യി​ട്ടി​രി​ക്കുന്ന’ ഗോളാ​കൃ​തി​യി​ലുള്ള ഒരു വസ്‌തു​വി​ന്റെ രൂപമല്ലേ? ഈ ആധുനിക കാലത്ത്‌ ബഹിരാ​കാ​ശ​പേ​ട​ക​ങ്ങ​ളിൽനിന്ന്‌ എടുത്തി​രി​ക്കുന്ന ചിത്ര​ങ്ങ​ളി​ലും നിങ്ങൾ അതുതന്നെ കണ്ടിട്ടു​ണ്ടാ​വാം. ‘നൂറ്റാ​ണ്ടു​കൾക്കു മുമ്പ്‌ ജീവി​ച്ചി​രുന്ന വ്യക്തികൾ ശാസ്‌ത്ര​പ​ര​മാ​യി ഇത്ര​ത്തോ​ളം കൃത്യ​ത​യുള്ള പ്രസ്‌താ​വ​നകൾ നടത്തി​യത്‌ എങ്ങനെ​യാണ്‌?’ നിങ്ങൾക്ക്‌ അതിശയം തോന്നു​ന്നു​വോ?

⁵ അടുത്ത​താ​യി, ബൈബിൾ ചരി​ത്ര​പ​ര​മാ​യി കൃത്യ​ത​യു​ള്ള​താ​ണോ എന്നു നോക്കാം. ചരി​ത്ര​പ​ര​മായ അടിസ്ഥാ​ന​മി​ല്ലാത്ത, ഐതി​ഹ്യ​ങ്ങ​ളു​ടെ ഒരു സമാഹാ​രം മാത്ര​മാണ്‌ ബൈബിൾ എന്നു ചിലർ കരുതി​യേ​ക്കാം. എന്നാൽ, ദാവീദ്‌ എന്നു പേരുള്ള പ്രശസ്‌ത​നായ ഇസ്രാ​യേല്യ രാജാ​വി​ന്റെ കാര്യ​മെ​ടു​ക്കുക. ഈ അടുത്ത കാലം​വരെ അദ്ദേഹം ജീവി​ച്ചി​രു​ന്നു എന്നതി​നുള്ള തെളിവ്‌ ബൈബിൾ മാത്ര​മാ​യി​രു​ന്നു. പ്രമു​ഖ​രായ ചരി​ത്ര​കാ​ര​ന്മാർ അദ്ദേഹം യഥാർഥ​ത്തിൽ ജീവി​ച്ചി​രു​ന്ന​താ​യി അംഗീ​ക​രി​ക്കു​ന്നു​ണ്ടെ​ങ്കി​ലും ചില സന്ദേഹ​വാ​ദി​കൾ അദ്ദേഹം യഹൂദമത പ്രചാ​ര​ക​രു​ടെ സൃഷ്ടി മാത്ര​മാ​ണെന്ന്‌ അവകാ​ശ​പ്പെ​ടു​ന്നു. എന്നാൽ വസ്‌തു​തകൾ എന്താണു വെളി​പ്പെ​ടു​ത്തു​ന്നത്‌?

⁶ ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റി​മൂ​ന്നിൽ, പുരാതന ഇസ്രാ​യേല്യ നഗരമായ ദാനിന്റെ ശൂന്യ​ശി​ഷ്ട​ങ്ങൾക്കി​ട​യിൽ കണ്ടെത്തിയ, ഒരു സ്‌മാ​ര​ക​ത്തിൽ “ദാവീദ്‌ ഗൃഹ”ത്തെ കുറിച്ചു പരാമർശി​ക്കുന്ന ഒരു ലിഖിതം ഉണ്ടായി​രു​ന്നു. ഇസ്രാ​യേ​ല്യ​രു​ടെ​മേൽ അവരുടെ ശത്രുക്കൾ നേടിയ ഒരു യുദ്ധവി​ജ​യ​ത്തി​ന്റെ സ്‌മര​ണ​യ്‌ക്കാ​യി പൊ.യു.മു. ഒമ്പതാം നൂറ്റാ​ണ്ടിൽ നിർമി​ച്ച​താ​യി​രു​ന്നു ആ സ്‌മാ​രകം. അങ്ങനെ, ദാവീ​ദി​നെ കുറി​ച്ചുള്ള പരാമർശം ബൈബി​ളി​നു പുറമേ മറ്റൊരു ഉറവിൽനി​ന്നു കൂടെ ലഭ്യമാ​യി! ഇത്‌ പ്രാധാ​ന്യ​മർഹി​ക്കുന്ന ഒരു സംഗതി​യാ​യി​രു​ന്നോ? ഈ കണ്ടെത്ത​ലി​നെ കുറിച്ച്‌ ടെൽ അവീവ്‌ സർവക​ലാ​ശാ​ല​യി​ലെ ഇസ്രി​യെൽ ഫിങ്കൽസ്റ്റൈൻ ഇങ്ങനെ അഭി​പ്രാ​യ​പ്പെ​ടു​ക​യു​ണ്ടാ​യി: “ദാവീദ്‌ ഗൃഹത്തെ കുറിച്ചു പരാമർശി​ക്കുന്ന ഈ ലിഖിതം കണ്ടെടു​ക്ക​പ്പെ​ട്ട​തോ​ടെ ബൈബിൾ കെട്ടു​ക​ഥ​യാ​ണെ​ന്നുള്ള അവകാ​ശ​വാ​ദം ഒറ്റ രാത്രി​കൊ​ണ്ടു തറപറ്റി.” പാലസ്‌തീ​നിൽ ദശകങ്ങ​ളോ​ളം പുരാ​വ​സ്‌തു ഗവേഷ​ണ​ത്തിൽ ഏർപ്പെട്ട പ്രൊ​ഫസർ വില്യം എഫ്‌. ഓൾ​ബ്രൈറ്റ്‌ എന്ന പുരാ​വ​സ്‌തു ശാസ്‌ത്രജ്ഞൻ ഒരിക്കൽ ഇങ്ങനെ പറഞ്ഞു: “ഒന്നിനു പുറകെ ഒന്നായി കണ്ടെടു​ക്ക​പ്പെ​ട്ടു​കൊ​ണ്ടി​രി​ക്കുന്ന തെളി​വു​കൾ ബൈബി​ളി​ലെ അസംഖ്യ​ങ്ങ​ളായ വിശദാം​ശ​ങ്ങ​ളു​ടെ കൃത്യ​തയെ സ്ഥിരീ​ക​രി​ക്കു​ന്നു. കൂടാതെ അവ, ചരി​ത്ര​പ​ര​മായ വിവര​ങ്ങ​ളു​ടെ ഉറവി​ട​മെന്ന നിലയി​ലുള്ള ബൈബി​ളി​ന്റെ മൂല്യത്തെ അരക്കി​ട്ടു​റ​പ്പി​ച്ചി​രി​ക്കു​ന്നു.” ‘ഇതിഹാ​സ​ങ്ങ​ളിൽനി​ന്നും ഐതി​ഹ്യ​ങ്ങ​ളിൽനി​ന്നും വ്യത്യ​സ്‌ത​മാ​യി ഈ പുരാതന ഗ്രന്ഥം ചരി​ത്ര​പ​ര​മാ​യി ഇത്ര കൃത്യ​ത​യു​ള്ളത്‌ ആയിരി​ക്കു​ന്നത്‌ എന്തു​കൊ​ണ്ടാണ്‌?’ എന്നു നാം ചോദി​ച്ചേ​ക്കാം. എന്നാൽ ബൈബി​ളി​ന്റെ ആധികാ​രി​ക​തയെ സ്ഥിരീ​ക​രി​ക്കുന്ന തെളി​വു​കൾ ഇവ മാത്രമല്ല.

⁷ പ്രവച​ന​ങ്ങ​ളു​ടെ ഒരു ഗ്രന്ഥം കൂടെ​യാണ്‌ ബൈബിൾ. (2 പത്രൊസ്‌ 1:20, 21) “പ്രവചനം” എന്ന വാക്ക്‌ ഒരുപക്ഷേ, പ്രവാ​ച​ക​രാ​യി ചമഞ്ഞ ചിലരു​ടെ നിവൃ​ത്തി​ക്ക​പ്പെ​ടാഞ്ഞ വാക്കു​ക​ളെ​യാ​യി​രി​ക്കാം നിങ്ങളു​ടെ മനസ്സി​ലേക്കു കൊണ്ടു​വ​രു​ന്നത്‌. എന്നാൽ മുൻവി​ധി​കൾ മാറ്റി​നി​റു​ത്തി​ക്കൊണ്ട്‌, നിങ്ങളു​ടെ ബൈബിൾ ദാനീ​യേൽ 8-ാം അധ്യാ​യ​ത്തി​ലേക്കു തുറക്കുക. അവിടെ ദാനീ​യേൽ, താൻ കണ്ട ഒരു ദർശനം വിവരി​ക്കു​ന്നു. രണ്ടു കൊമ്പുള്ള ഒരു ആട്ടു​കൊ​റ്റ​നും “വിശേ​ഷ​മാ​യൊ​രു കൊമ്പു”ള്ള പരുപ​രുത്ത ഒരു കോലാ​ട്ടു​കൊ​റ്റ​നും തമ്മിലുള്ള പോരാ​ട്ടത്തെ കുറി​ച്ചു​ള്ള​താണ്‌ അത്‌. പോരാ​ട്ട​ത്തിൽ കോലാ​ട്ടു​കൊ​റ്റൻ വിജയി​ക്കു​ന്നു​വെ​ങ്കി​ലും അതിന്റെ വലിയ കൊമ്പ്‌ തകർന്നു​പോ​കു​ന്നു. ആ സ്ഥാനത്ത്‌ വേറെ നാലു കൊമ്പു​കൾ മുളച്ചു​വ​രു​ന്നു. ഈ ദർശന​ത്തി​ന്റെ അർഥം എന്താണ്‌? ദാനീ​യേ​ലി​ന്റെ വിവരണം ഇപ്രകാ​രം തുടരു​ന്നു: “രണ്ടു​കൊ​മ്പു​ള്ള​താ​യി നീ കണ്ട ആട്ടു​കൊ​ററൻ പാർസ്യ​രാ​ജാ​ക്ക​ന്മാ​രെ കുറി​ക്കു​ന്നു. പരുപ​രുത്ത കോലാ​ട്ടു​കൊ​ററൻ യവനരാ​ജാ​വും അതിന്റെ കണ്ണുക​ളു​ടെ നടുവി​ലുള്ള വലിയ കൊമ്പു ഒന്നാമത്തെ രാജാ​വും ആകുന്നു. അതു തകർന്ന​ശേഷം അതിന്നു പകരം നാലു കൊമ്പു മുളെ​ച്ച​തോ: നാലു രാജ്യം ആ ജാതി​യിൽനി​ന്നു​ത്ഭ​വി​ക്കും; അതിന്റെ ശക്തി​യോ​ടെ അല്ലതാ​നും.”—ദാനീ​യേൽ 8:3-22.

⁸ ഈ പ്രവചനം നിവൃ​ത്തി​യാ​യോ? ദാനീ​യേൽ പുസ്‌ത​ക​ത്തി​ന്റെ എഴുത്ത്‌ പൂർത്തി​യാ​ക്ക​പ്പെ​ട്ടത്‌ ഏതാണ്ട്‌ പൊ.യു.മു. 536-ലാണ്‌. 180 വർഷങ്ങൾക്കു ശേഷം, അതായത്‌ പൊ.യു.മു. 356-ൽ ജനിച്ച മാസി​ഡോ​ണി​യൻ രാജാ​വാ​യി​രുന്ന മഹാനായ അലക്‌സാ​ണ്ടർ, പേർഷ്യൻ സാമ്രാ​ജ്യം പിടി​ച്ച​ടക്കി. ‘പരുപ​രുത്ത കോലാ​ട്ടു​കൊ​റ​റന്റെ’ കണ്ണുക​ളു​ടെ നടുവി​ലുള്ള ‘വലിയ കൊമ്പ്‌’ അലക്‌സാ​ണ്ടർ ആയിരു​ന്നു. യഹൂദ ചരി​ത്ര​കാ​ര​നായ ജോസീ​ഫസ്‌ പറയു​ന്ന​പ്ര​കാ​രം, പേർഷ്യൻ സാമ്രാ​ജ്യ​ത്തി​ന്മേൽ ജയം നേടു​ന്ന​തി​നു മുമ്പ്‌ യെരൂ​ശ​ലേ​മി​ലെ​ത്തിയ അലക്‌സാ​ണ്ടർ അവി​ടെ​വെച്ച്‌ ദാനീ​യേൽ പുസ്‌ത​ക​ത്തി​ലെ ഈ വിവരണം കണ്ടിരു​ന്നു. അത്‌, പേർഷ്യ​യി​ലെ തന്റെ പടനീ​ക്കത്തെ പരാമർശി​ക്കു​ന്ന​താ​യി അദ്ദേഹം അനുമാ​നി​ക്കു​ക​യും ചെയ്‌തു. പൊ.യു.മു. 323-ൽ അലക്‌സാ​ണ്ടർ മരിച്ച​ശേഷം അദ്ദേഹ​ത്തി​ന്റെ സാമ്രാ​ജ്യ​ത്തി​ലു​ണ്ടായ സംഭവ​വി​കാ​സ​ങ്ങളെ കുറിച്ച്‌ ചരിത്ര പാഠപു​സ്‌ത​ക​ങ്ങ​ളിൽ നിങ്ങൾക്കു വായി​ക്കാൻ കഴിയും. അദ്ദേഹ​ത്തി​ന്റെ നാലു ജനറൽമാർ ആ സാമ്രാ​ജ്യ​ത്തി​ന്റെ ആധിപ​ത്യം ഏറ്റെടു​ത്തു. പൊ.യു.മു. 301-ഓടെ ‘വലിയ കൊമ്പി​ന്റെ’ സ്ഥാനത്തു മുളച്ചു വന്ന ആ ‘നാലു കൊമ്പു​കൾ’ അലക്‌സാ​ണ്ടർ പടുത്തു​യർത്തിയ സാമ്രാ​ജ്യ​ത്തെ നാലു ഭാഗങ്ങ​ളാ​യി വിഭജി​ച്ചു. ‘ഏതാണ്ട്‌ 200 വർഷങ്ങൾക്കു ശേഷം സംഭവി​ക്കാ​നി​രുന്ന ഒരു കാര്യത്തെ ഇത്ര വ്യക്തത​യോ​ടും കൃത്യ​ത​യോ​ടും കൂടെ ഒരു ഗ്രന്ഥത്തി​നു മുൻകൂ​ട്ടി പറയാൻ സാധി​ച്ചത്‌ എങ്ങനെ​യാണ്‌?’ എന്നു നിങ്ങൾ ചിന്തി​ച്ചേ​ക്കാം.

⁹ മേൽപ്പറഞ്ഞ ചോദ്യ​ങ്ങൾക്ക്‌ ബൈബിൾതന്നെ ഉത്തരം നൽകുന്നു. “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ . . . പ്രയോ​ജ​ന​മു​ള്ളതു ആകുന്നു.” (2 തിമൊ​ഥെ​യൊസ്‌ 3:16, 17) ‘ദൈവ​ശ്വാ​സീ​യം’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ പദത്തിന്റെ അക്ഷരീയ അർഥം “ദൈവം നിശ്വ​സി​ച്ചത്‌” എന്നാണ്‌. ബൈബിൾ പുസ്‌ത​ക​ങ്ങ​ളിൽ നാം ഇന്ന്‌ കാണുന്ന വിവരങ്ങൾ 40-ഓളം എഴുത്തു​കാ​രു​ടെ മനസ്സി​ലേക്ക്‌ ദൈവം “നിശ്വ​സി​ച്ചു.” നാം പരിചി​ന്തി​ച്ചു കഴിഞ്ഞ ശാസ്‌ത്രീ​യ​വും ചരി​ത്ര​പ​ര​വും പ്രാവ​ച​നി​ക​വു​മായ വിവര​ണങ്ങൾ ഇതിന്റെ സത്യത​യി​ലേക്കു വിരൽ ചൂണ്ടുന്നു: ബൈബിൾ എന്ന ഈ അതുല്യ ഗ്രന്ഥം മാനു​ഷിക ജ്ഞാനത്തി​ന്റെ ഒരു ഉത്‌പ​ന്നമല്ല, പിന്നെ​യോ അത്‌ ദിവ്യ ഉറവിൽനി​ന്നു​ള്ള​താണ്‌. എന്നാൽ പലരും ഇന്ന്‌ അതിന്റെ ഗ്രന്ഥകർത്താ​വി​ന്റെ—ദൈവ​ത്തി​ന്റെ—അസ്‌തി​ത്വ​ത്തെ സംശയി​ക്കു​ന്നു. നിങ്ങളോ?