താത്‌പ​ര്യം വളർത്തുന്ന വിധം

¹ വളർത്തുക എന്നതിന്റെ ഇംഗ്ലീഷ്‌ പദമായ “കൾട്ടി​വേ​ററി”ന്റെ അർത്ഥം വളർച്ച​ക്കു​വേണ്ടി തയ്യാറാ​ക്കുക അല്ലെങ്കിൽ വളർച്ചയെ പരിര​ക്ഷി​ക്കുക എന്നാ​ണെന്ന്‌ ഒരു നിഘണ്ടു​വിൽനി​ന്നു നാം മനസ്സി​ലാ​ക്കു​ന്നു. എന്നാൽ അദ്ധ്വാ​ന​ത്താ​ലോ ശ്രദ്ധയാ​ലോ പഠനത്താ​ലോ മെച്ച​പ്പെ​ടു​ത്തുക എന്നും അതിന്‌ അർത്ഥമാ​ക്കാൻ കഴിയും. ശിഷ്യരെ ഉളവാ​ക്കുക എന്നതു നമ്മുടെ ശുശ്രൂ​ഷ​യു​ടെ ഒരു പ്രധാന ഉദ്ദേശ്യ​മാണ്‌. (മത്താ. 28:19, 20) അതു​കൊണ്ട്‌, വയൽ ശുശ്രൂ​ഷ​യിൽ നാം കണ്ടെത്തുന്ന താത്‌പ​ര്യ​ത്തെ വളർത്തി​യെ​ടു​ക്കാൻ ശ്രമം ചെലു​ത്തേ​ണ്ട​യാ​വ​ശ്യ​മുണ്ട്‌.

² പരമാർത്ഥ​ഹൃ​ദ​യി​ക​ളായ വ്യക്തി​ക​ളു​ടെ ആത്മീയ​വ​ളർച്ചയെ പരിര​ക്ഷി​ക്കു​ന്ന​തി​നു സാധാ​ര​ണ​യാ​യി തുടർച്ച​യായ സന്ദർശ​നങ്ങൾ ആവശ്യ​മാണ്‌. ഫലപ്ര​ദ​മായ മടക്കസ​ന്ദർശ​നങ്ങൾ ക്രമമായ ഒരു ബൈബി​ള​ദ്ധ്യ​യ​ന​ത്തി​ലേക്കു നയി​ക്കേ​ണ്ട​താണ്‌.

³ വലിയ താത്‌പ​ര്യം കാണി​ക്കു​ന്ന​വരെ മാത്രമേ നിങ്ങൾ വീണ്ടും സന്ദർശി​ക്കാ​റു​ളേളാ? മടങ്ങി​ച്ചെ​ല്ലു​ന്ന​തി​നു നിങ്ങൾ സാഹി​ത്യം സമർപ്പി​ച്ചി​രി​ക്ക​ണ​മെ​ന്നില്ല. ആദ്യ സന്ദർശ​ന​ത്തിൽ കാര്യ​മാ​യി സാഹി​ത്യം സമർപ്പി​ക്കാത്ത ഒരു പയനിയർ സൗഹൃദം കാട്ടുന്ന എല്ലാവ​രെ​യും വീണ്ടും സന്ദർശി​ക്കു​ന്നു. ഒരു തിരു​വെ​ഴു​ത്താ​ശയം പങ്കുവ​ച്ചു​കൊ​ണ്ടു​ളള നിങ്ങളു​ടെ ഒരു നല്ല ചർച്ച ഒരു മടക്കസ​ന്ദർശ​ന​ത്തി​നു​ളള നല്ല അടിസ്ഥാ​ന​മാ​യി​രി​ക്കും.

⁴ മടക്കസ​ന്ദർശനം നടത്തു​മ്പോൾ ബൈബി​ള​ദ്ധ്യ​യനം ആരംഭി​ക്കാൻ ലഘു​ലേ​ഖകൾ ഉപയോ​ഗി​ക്കുക: ലഘു​ലേ​ഖ​ക​ളി​ലെ വിവിധ വിഷയങ്ങൾ നമ്മുടെ നാളിൽ പ്രസക്ത​മാണ്‌. ബൈബിൾജ്ഞാ​നം ഉൾക്കൊ​ളേ​ള​ണ്ട​തി​ന്റെ​യും അതു ബാധക​മാ​ക്കേ​ണ്ട​തി​ന്റെ​യും ആവശ്യ​ക​തക്ക്‌ അവ ഊന്നൽ നൽകുന്നു.

നിങ്ങൾക്കിങ്ങനെ പറയാൻ കഴിയും:

▪“ബൈബിൾ വിശ്വ​സി​ക്കു​ന്ന​തി​നു​ളള ചില കാരണ​ങ്ങ​ളെ​പ്പ​ററി കഴിഞ്ഞ പ്രാവ​ശ്യം നാം സംസാ​രി​ച്ചു. ഏതുതരം ഭാവി​യേ​ക്കു​റി​ച്ചാണ്‌ ബൈബിൾ പറയു​ന്നത്‌?” ഒരു സമാധാ​ന​പൂർണ്ണ​മായ പുതിയ ലോക​ത്തി​ലെ ജീവിതം എന്ന ലഘു​ലേ​ഖ​യു​ടെ 3-ാം പേജിലെ രണ്ടാമത്തെ ഖണ്ഡിക​യിൽനി​ന്നു വായി​ച്ചു​തു​ട​ങ്ങുക. തിരു​വെ​ഴു​ത്തു​കൾ എടുത്തു നോക്കുക വായി​ക്കു​ന്ന​തി​നോ​ടു​ളള വീട്ടു​കാ​രന്റെ പ്രതി​ക​ര​ണ​മെ​ന്തെന്നു അയാ​ളോ​ടു ചോദി​ക്കുക. 5-ാം പേജിലെ “നിങ്ങൾക്ക്‌ അത്‌ എപ്രകാ​രം സാദ്ധ്യ​മാണ്‌” എന്ന ഉപതല​ക്കെ​ട്ടി​ന​ടി​യിൽ നൽകി​യി​രി​ക്കുന്ന വിവരങ്ങൾ പരിഗ​ണി​ച്ചു​കൊണ്ട്‌ ഉപസം​ഹ​രി​ക്കുക.

⁵ മരിച്ചു​പോയ പ്രിയ​പ്പെ​ട്ട​വർക്ക്‌ എന്തു പ്രത്യാശ? എന്ന ലഘുലേഖ സമാന​മായ രീതി​യിൽ നിങ്ങൾക്ക്‌ ഉപയോ​ഗി​ക്കാൻ കഴിയും.

നിങ്ങൾക്കിങ്ങനെ പറയാൻ കഴിയും:

▪“മുമ്പേ നാം പരിഗ​ണി​ച്ച​തു​പോ​ലെ അനേകർക്കു ദൈവ​ത്തിൽ വിശ്വാ​സ​ക്കു​റ​വാണ്‌. ഉദാഹ​ര​ണ​ത്തിന്‌, ‘ദൈവം ഇത്ര ശക്തനാ​ണെ​ങ്കിൽ ആളുകൾ മരിക്കാൻ അവൻ അനുവ​ദി​ക്കു​ന്നത്‌ എന്തു​കൊണ്ട്‌?’ എന്ന്‌ ആളുകൾ ചോദി​ക്കു​ന്നു. ആ ചോദ്യ​ത്തി​നു​ത്തരം നൽകാൻ ഈ ലഘു​ലേ​ഖക്കു സഹായി​ക്കാൻ കഴിയും.” രണ്ടാം പേജിലെ നാലാം ഖണ്ഡിക​യിൽ തുടങ്ങുന്ന ഭാഗ​ത്തേക്കു ശ്രദ്ധ ക്ഷണിക്കുക. ഓരോ ഖണ്ഡിക​ക്കും ശേഷം പ്രസക്ത​മായ ഒരു ചോദ്യം ചോദി​ക്കുക, ഉദ്ധരി​ക്കാ​തെ സൂചി​പ്പി​ച്ചി​രി​ക്കുന്ന തിരു​വെ​ഴു​ത്തു​കൾ ചിന്തി​ക്കുക. നിങ്ങളു​ടെ സഭയിൽ പ്രശ്‌നങ്ങൾ അല്ലെങ്കിൽ നോക്കൂ! ലഘുപ​ത്രി​കകൾ ഉണ്ടെങ്കിൽ അവ സമാന​മായ രീതി​യിൽ ഉപയോ​ഗി​ക്കാൻ കഴിയും.

⁶ അദ്ധ്യയനം തുടരൽ: ഇവിടെ നിർദ്ദേ​ശി​ച്ചി​രി​ക്കുന്ന രീതികൾ പിൻപ​റ​റു​ന്ന​തി​നാൽ നിങ്ങൾ ഒരു ഭവന ബൈബി​ള​ദ്ധ്യ​യനം തുടങ്ങു​ക​യാണ്‌. ക്രമമായ അടിസ്ഥാ​ന​ത്തിൽ ചർച്ച പുരോ​ഗ​മി​പ്പി​ക്കു​ന്ന​തി​നു നിങ്ങളു​ടെ സന്ദർശനം ഉപസം​ഹ​രി​ക്കു​മ്പോൾ വീട്ടു​കാ​ര​നോട്‌ ഇങ്ങനെ ചോദി​ക്കുക: “പ്രധാ​ന​പ്പെട്ട ചോദ്യ​ങ്ങൾക്ക്‌ ഏതാനും മിനി​ട്ടു​കൾകൊ​ണ്ടു ഞങ്ങൾ ഉത്തരം നൽകി​യെ​ന്നതു നിങ്ങൾ ശ്രദ്ധി​ച്ചോ? അടുത്ത വാരത്തിൽ പുനരു​ത്ഥാ​ന​പ്ര​ത്യാ​ശ​യെ​പ്പ​റ​റി​യോ നിങ്ങൾക്കു രസകര​മായ മറെറാ​രു വിഷയ​ത്തെ​പ്പ​റ​റി​യോ സംസാ​രി​ച്ചു​കൊ​ണ്ടു നമുക്കു കുറച്ചു​കൂ​ടെ സമയം ചെലവ​ഴി​ക്കാൻ കഴിയും.” നിങ്ങൾ സന്ദർശി​ക്കുന്ന ഓരോ പ്രാവ​ശ്യ​വും ഈ ലേഖന​ങ്ങ​ളിൽ സൂചി​പ്പി​ച്ചി​രി​ക്കുന്ന ചോദ്യ​ങ്ങ​ളിൽ ഒന്നുമാ​ത്രം ഉപയോ​ഗി​ക്കാൻ കഴിയും. ഉചിത​മായ ഒരു സമയത്തു നിങ്ങൾക്ക്‌ ഒരു ലഘുപ​ത്രി​ക​യി​ലേക്കു കടക്കു​ന്ന​തി​നോ എന്നേക്കും ജീവി​ക്കാൻ പുസ്‌ത​ക​ത്തിൽനിന്ന്‌ ഒരദ്ധ്യ​യനം ആരംഭി​ക്കു​ന്ന​തി​നോ കഴിയും.

⁷ ഒരു യഥാർത്ഥ സത്യാ​ന്വേ​ഷി​യു​മാ​യി ഒരു ബൈബി​ള​ദ്ധ്യ​യനം നടത്തു​ന്നത്‌ എത്ര സംതൃ​പ്‌തി​ദാ​യ​ക​മാണ്‌! നാം കണ്ടെത്തുന്ന താത്‌പ​ര്യ​ത്തെ വളർത്തുന്ന വിധം സംബന്ധി​ച്ചു നൽക​പ്പെ​ട്ടി​രി​ക്കുന്ന നിർദ്ദേ​ശങ്ങൾ ബാധക​മാ​ക്കു​ന്ന​തി​നാൽ നാം ഒരു ഫലപ്ര​ദ​മായ ശുശ്രൂ​ഷ​യാൽ അനു​ഗ്ര​ഹി​ക്ക​പ്പെ​ടട്ടെ.