മാസി​കകൾ ഉപയോ​ഗി​ച്ചു​കൊ​ണ്ടു മററു​ള​ള​വർക്കു പ്രയോ​ജനം ചെയ്യുക

¹ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഏററവും പുതിയ ലക്കങ്ങൾ കിട്ടു​ന്നതു നമുക്ക്‌ എത്ര സന്തോ​ഷ​മാണ്‌. അവ അവതരി​പ്പി​ക്കുന്ന വിവര​ത്തിൽനി​ന്നു പ്രയോ​ജനം നേടാൻത​ക്ക​വണ്ണം കഴിയു​ന്നി​ട​ത്തോ​ളം പെട്ടെന്ന്‌ അവ വായി​ക്കാ​നു​ളള അവസരത്തെ നാം വിലമ​തി​ക്കു​ന്നു. നമ്മെ വ്യക്തി​പ​ര​മാ​യി സഹായി​ച്ചേ​ക്കാ​വുന്ന വിവര​ങ്ങൾക്കാ​യി നോക്കു​ന്നതു കൂടാതെ മററു​ള​ള​വർക്കു മാസി​കകൾ സമർപ്പി​ക്കു​മ്പോൾ ഉപയോ​ഗി​ക്കാൻ കഴിയുന്ന പോയിൻറു​കൾക്കാ​യും നോക്കു​ന്നത്‌ ഒരു നല്ല ആശയമാണ്‌. നമ്മുടെ സഭയുടെ പ്രദേ​ശ​ത്തു​ള​ള​വർക്കു വിശേ​ഷിച്ച്‌ ആകർഷ​ക​മെന്നു തോന്നുന്ന ഭാഗങ്ങൾ അടയാ​ള​പ്പെ​ടു​ത്താൻ നാം ആഗ്രഹി​ച്ചേ​ക്കാം. അല്ലെങ്കിൽ സംസാ​രാ​ശ​യങ്ങൾ സംബന്ധി​ച്ചു നമ്മെ ഓർമി​പ്പി​ക്കു​ന്ന​തി​നും ആ ലേഖനം പ്രാ​ദേ​ശി​ക​മാ​യി എങ്ങനെ അവതരി​പ്പി​ക്കാൻ കഴിയും എന്നതു സംബന്ധി​ച്ചും നമ്മുടെ സ്വന്തം പ്രതി​യു​ടെ മാർജി​നിൽ നാം നോട്ടു​കൾ കുറി​ക്കു​ക​പോ​ലും ചെയ്‌തേ​ക്കാം.

² നമ്മുടെ മാസി​ക​കൾക്കു നിലനിൽക്കുന്ന മൂല്യ​മുണ്ട്‌. പ്രാഥ​മി​ക​മാ​യി നാം അടുത്ത കാലത്തെ മാസി​കകൾ സമർപ്പി​ക്കാൻ ശ്രദ്ധി​ച്ചേ​ക്കാ​മെ​ങ്കി​ലും പഴയ ലക്കങ്ങൾ അവഗണി​ക്കേണ്ട ഒരാവ​ശ്യ​വു​മില്ല. കാരണം, വിവരങ്ങൾ അതിൽത്തന്നെ പഴഞ്ചനാ​യി​ത്തീ​രു​ന്നില്ല. സാക്ഷീ​ക​രണം നടത്തു​മ്പോൾ ലഭ്യമാ​യി​രി​ക്ക​ത്ത​ക്ക​വണ്ണം സാക്ഷീ​ക​ര​ണ​ത്തിന്‌ ഉപയോ​ഗി​ക്കുന്ന നിങ്ങളു​ടെ ബാഗിൽ പഴയ ലക്കങ്ങൾ സൂക്ഷി​ക്കുക. വീട്ടു​കാ​രന്റെ ഒരു പ്രത്യേക ആവശ്യം അറിയു​മ്പോൾ ഇവ പ്രത്യേ​കി​ച്ചും ഉപയോ​ഗ​പ്ര​ദ​മാണ്‌. ഒരു പഴയ പ്രസി​ദ്ധീ​ക​രണം കൊടു​ത്തി​ട്ടു​പോ​രു​മ്പോൾ നാം മാസി​ക​കൾക്കു സ്വീക​രി​ക്കുന്ന സംഭാവന ചുരു​ക്ക​മാ​യി പരാമർശി​ക്കു​ന്നത്‌ ഉചിത​മാണ്‌.