പുതിയ സർക്കിട്ട്‌ സമ്മേളന പരിപാ​ടി

¹ മത്തായി 6:33-ലെ യേശു​വി​ന്റെ വാക്കു​ക​ളോ​ടു​ളള അനുസ​ര​ണ​ത്തിൽ സത്യ​ക്രി​സ്‌ത്യാ​നി​കൾ രാജ്യത്തെ തങ്ങളുടെ ജീവി​ത​ത്തിൽ എല്ലായ്‌പോ​ഴും ഒന്നാമതു വച്ചിരി​ക്കു​ന്നു. ആയതി​നാൽ, “ഒന്നാമതു രാജ്യം അന്വേ​ഷി​ച്ചു​കൊ​ണ്ടി​രി​ക്കുക” എന്നത്‌ 1994 ജനുവ​രി​യിൽ ആരംഭി​ക്കുന്ന സർക്കിട്ട്‌ സമ്മേളന പരിപാ​ടിക്ക്‌ ഉചിത​മായ ഒരു വിഷയ​മാണ്‌.

² രാജ്യം ഭൂപ്ര​ദേ​ശ​വും ഭരണാ​ധി​കാ​രി​ക​ളും പ്രജക​ളും നിയമ​ങ്ങ​ളും സഹിതം ഇപ്പോൾത്തന്നെ പ്രവർത്ത​ന​ത്തി​ലി​രി​ക്കുന്ന ഒരു ഗവൺമെൻറാ​ണെന്ന്‌ ഊന്നി​പ്പ​റ​ഞ്ഞു​കൊണ്ട്‌ തുടക്കം​മു​തലേ പരിപാ​ടി രാജ്യ​യാ​ഥാർഥ്യ​ത്തെ പ്രദീ​പ്‌ത​മാ​ക്കും. യഥാർഥ​ത്തിൽ ഇന്നത്തെ സമൂഹ​ത്തി​നു പ്രയോ​ജനം ചെയ്യുന്ന മനുഷ്യ ഗവൺമെൻറു​ക​ളു​ടെ പല നിയമ​ങ്ങ​ളും ബൈബിൾ നിയമ​ങ്ങ​ളു​ടെ അടിസ്ഥാ​ന​ത്തി​ലു​ള​ള​താണ്‌.

³ നമ്മുടെ ജീവി​ത​ത്തി​ന്റെ എല്ലാ വശങ്ങളി​ലും രാജ്യ​ത്തിന്‌ ഒന്നാം സ്ഥാനം കൊടു​ക്കു​ന്ന​തിൽ നിന്നു നമുക്കു ലഭിക്കുന്ന സംരക്ഷ​ണ​വും അനു​ഗ്ര​ഹ​വും പരിചി​ന്തി​ക്ക​പ്പെ​ടും. അനാവ​ശ്യ​മായ ഉത്‌കണ്‌ഠ നമുക്ക്‌ എങ്ങനെ ഒഴിവാ​ക്കാൻ കഴിയു​മെന്നു കാണി​ക്കാൻ സഹായ​ക​ര​മായ ബുദ്ധ്യു​പ​ദേശം നൽക​പ്പെ​ടും. നമ്മുടെ കണ്ണിനെ ലഘുവാ​ക്കി നിർത്തേ​ണ്ടത്‌ ഇത്ര പ്രധാ​ന​മാ​യി​രി​ക്കു​ന്ന​തെ​ന്തു​കൊ​ണ്ടെന്നു പ്രസം​ഗ​ങ്ങ​ളും പ്രകട​ന​ങ്ങ​ളും ചർച്ചക​ളും പ്രകടി​പ്പി​ക്കും.

⁴ സമ്മേള​ന​ത്തി​ന്റെ ശനിയാഴ്‌ച യോഗ്യ​രായ സ്‌നാ​പ​നാർഥി​കൾ യഹോ​വ​യോ​ടു​ളള തങ്ങളുടെ സമർപ്പ​ണ​ത്തി​ന്റെ പരസ്യ പ്രഖ്യാ​പനം നടത്തു​ന്ന​താ​യി​രി​ക്കും. ഞായറാഴ്‌ച “ദൈവ​രാ​ജ്യം മനുഷ്യ​വർഗ​ത്തി​നു​വേണ്ടി ചെയ്യാ​നി​രി​ക്കു​ന്നത്‌” എന്ന വിഷയത്തെ അടിസ്ഥാ​ന​പ്പെ​ടു​ത്തി​യു​ളള പരസ്യ പ്രസം​ഗ​ത്തി​നു ഹാജരാ​കാൻ നാമെ​ല്ലാ​വ​രും ആഗ്രഹി​ക്കും.

⁵ സർക്കിട്ട്‌ സമ്മേള​ന​ത്തി​ന്റെ ഇരുദി​ന​ങ്ങ​ളി​ലും ഹാജരാ​കു​ന്ന​തി​നു​ളള പദ്ധതികൾ ഒരുക്കു​ന്ന​തി​നു നിശ്ചയ​മു​ള​ള​വ​രാ​യി​രി​ക്കുക. സമ്മേളന പരിപാ​ടി​യും ഒപ്പം സന്തോ​ഷ​ക​ര​മായ സഹോദര സഹവാ​സ​വും, ഉന്നമി​പ്പി​ക്കു​ന്ന​തും നവോൻമേ​ഷ​ക​ര​വു​മായ പ്രചോ​ദനം പ്രദാനം ചെയ്യും. അതു നഷ്ടപ്പെ​ടു​ത്താൻ നാമാ​രും ആഗ്രഹി​ക്കില്ല.