നിങ്ങളു​ടെ രാജ്യ​സേ​വ​ന​മെന്ന നിക്ഷേപം വർധി​പ്പി​ക്കു​ക

¹ രാജ്യ​പ്ര​ത്യാ​ശയെ അമൂല്യ​മായ ഒരു നിക്ഷേ​പ​ത്തോട്‌ യേശു ഉപമിച്ചു. (മത്താ. 13:44-46) യേശു​വി​ന്റെ ഉപമയി​ലെ പുരു​ഷൻമാർ കൂടുതൽ മൂല്യ​മു​ളള ഒന്ന്‌ വാങ്ങാ​നാ​യി തങ്ങളുടെ സകല സ്വത്തു​ക്ക​ളും വിററു, അവരെ​പ്പോ​ലെ​യാ​ണോ നാം? ആണെങ്കിൽ, അസൗക​ര്യ​വും ആത്മത്യാ​ഗ​വും ഉൾപ്പെ​ട്ടി​രു​ന്നാൽപ്പോ​ലും നാം ദൈവ​രാ​ജ്യ​ത്തി​നു പ്രഥമ​സ്ഥാ​നം കൊടു​ക്കും.—മത്താ. 6:19-22.

² രാജ്യ​സേ​വനം ഒരു നിക്ഷേ​പ​മാ​യി​രി​ക്കു​ന്ന​തു​കൊണ്ട്‌ അതു വർധി​പ്പി​ക്കാ​നാ​യി​രി​ക്കണം നമ്മുടെ ആഗ്രഹം. നമ്മുടെ വ്യക്തി​പ​ര​മായ ജീവി​ത​ഗതി എന്താണു പ്രകട​മാ​ക്കു​ന്നത്‌? നാം നമ്മുടെ രാജ്യ​പ്ര​വർത്തനം വർധി​പ്പി​ക്കു​ന്നു​ണ്ടോ? വീടു​തോ​റു​മു​ളള വേലയിൽ ഏർപ്പെ​ടു​ന്ന​തും മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്തു​ന്ന​തും അനൗപ​ചാ​രി​ക​മാ​യി സാക്ഷീ​ക​രി​ക്കു​ന്ന​തും ഉൾപ്പെടെ ശുശ്രൂ​ഷ​യു​ടെ വിവിധ വശങ്ങളിൽ പങ്കുപ​റ​റി​ക്കൊ​ണ്ടു നമുക്ക്‌ അങ്ങനെ ചെയ്യാ​നാ​കും.

³ ‘എന്റെ പങ്ക്‌ എങ്ങനെ വർധി​പ്പി​ക്കാ​നാ​കും?’ ഒരു പുതിയ സേവന​വർഷം ആരംഭി​ക്കു​മ്പോൾ ശുശ്രൂ​ഷ​യിൽ ചെലവി​ടുന്ന സമയം വർധി​പ്പി​ക്കാൻ എന്തു ചെയ്യാ​നാ​കു​മെന്നു കാണു​ന്ന​തിന്‌ ഓരോ​രു​ത്ത​രും സ്വന്തം പ്രവർത്ത​നത്തെ അവലോ​കനം ചെയ്യു​ന്ന​തും ഇങ്ങനെ ചോദി​ക്കു​ന്ന​തും നല്ലതാണ്‌: ‘ഇടയ്‌ക്കി​ട​യ്‌ക്കോ നിരന്ത​ര​മായ അടിസ്ഥാ​ന​ത്തി​ലോ ഒരു സഹായ പയനി​യ​റാ​യി പ്രവർത്തി​ക്കാൻ എന്റെ കാര്യാ​ദി​കളെ ക്രമ​പ്പെ​ടു​ത്താൻ എനിക്കു കഴിയു​മോ? കുറ​ച്ചൊ​ക്കെ പൊരു​ത്ത​പ്പെ​ടു​ത്ത​ലു​കൾ വരുത്തി എനിക്കു നിരന്ത​ര​പ​യ​നി​യർ സേവന​ത്തിൽ പ്രവേ​ശി​ക്കാ​നാ​കു​മോ?’ സെപ്‌റ​റം​ബർ 1-ാം തീയതി​യോ​ടെ പയനി​യർനി​ര​യിൽ പ്രവേ​ശി​ക്കുന്ന പുതിയ പയനി​യർമാർ, അടുത്ത പയനിയർ സേവന​സ്‌കൂ​ളിൽ പ്രവേ​ശി​ക്കാൻ യോഗ്യത നേടി​യേ​ക്കാം.

⁴ കൂടുതൽ അനൗപ​ചാ​രിക സാക്ഷീ​ക​രണം നടത്തു​ന്ന​തി​നു വേണ്ടി ചില പ്രസാ​ധകർ വ്യക്തി​പ​ര​മായ ഒരു ലാക്കു വെച്ചി​ട്ടുണ്ട്‌. ഈ പ്രവർത്തനം മിക്ക​പ്പോ​ഴും മികച്ച ഫലം ഉത്‌പാ​ദി​പ്പി​ക്കു​ന്നു. ഫലപ്ര​ദ​മായ മടക്കസ​ന്ദർശ​ന​ങ്ങ​ളോ ബൈബി​ള​ധ്യ​യ​ന​ങ്ങ​ളോ നടത്തു​ന്ന​തിൽ പുരോ​ഗ​മി​ക്കേണ്ട ആവശ്യം മററു ചിലർക്കു തോന്നി​യേ​ക്കാം.

⁵ നമ്മുടെ ശുശ്രൂഷ ഏതെങ്കി​ലും വിധത്തിൽ പരിമി​ത​മാ​ണെന്നു നാം നിഗമനം ചെയ്യു​ന്നെ​ങ്കിൽ അതു വർധി​പ്പി​ക്കാൻ നമുക്ക്‌ എന്തു ചെയ്യാൻ സാധി​ക്കും? എന്തു വില ഒടു​ക്കേണ്ടി വന്നാലും രാജ്യ​താ​ത്‌പ​ര്യ​ങ്ങൾ ഒന്നാമതു വെക്കു​ന്ന​തി​നു ദൃഢനി​ശ്ചയം ചെയ്യാൻ ഉന്നത ലക്ഷ്യങ്ങൾ വിജയ​പ്ര​ദ​മാ​യി കൈവ​രി​ച്ചി​ട്ടു​ള​ളവർ ശുപാർശ ചെയ്യുന്നു. (മത്താ. 6:33) യഹോ​വ​യി​ലു​ളള വിശ്വാ​സ​വും സമ്പൂർണ ആശ്രയ​വും അനിവാ​ര്യ​മാണ്‌. (2 കൊരി. 4:7) ആത്മാർഥ​മായ, സ്ഥിരമായ പ്രാർഥ​ന​യി​ലൂ​ടെ അവന്റെ സഹായം തേടുക. (ലൂക്കൊ. 11:8, 9) യഹോ​വ​യു​ടെ സേവന​ത്തി​ലെ നമ്മുടെ പങ്ക്‌ വർധി​പ്പി​ക്കാ​നു​ളള ആത്മാർഥ​മായ ശ്രമങ്ങളെ യഹോവ അനു​ഗ്ര​ഹി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—1 യോഹ. 5:14.

⁶ തങ്ങളുടെ ശുശ്രൂഷ വിജയ​ക​ര​മാ​യി വർധി​പ്പി​ച്ചി​ട്ടു​ളള മററു സഹോ​ദ​രീ​സ​ഹോ​ദ​രൻമാ​രോ​ടു സംസാ​രി​ക്കുക. നിരു​ത്സാ​ഹി​ത​രാ​കാ​തെ പ്രതി​ബ​ന്ധ​ങ്ങളെ തരണം ചെയ്യാൻ അവർക്ക്‌ എങ്ങനെ സാധി​ച്ചു​വെന്നു ചോദി​ക്കുക. അവരുടെ വ്യക്തി​പ​ര​മായ അനുഭ​വങ്ങൾ മാത്രം മതിയാ​യി​രി​ക്കാം വിപു​ല​മായ ഒരു ശുശ്രൂഷ അപ്രാ​പ്യ​മ​ല്ലെന്നു നിങ്ങളെ ബോധ്യ​പ്പെ​ടു​ത്താൻ.

⁷ വീക്ഷാ​ഗോ​പു​ര​ത്തി​ലോ നമ്മുടെ രാജ്യ ശുശ്രൂ​ഷ​യി​ലോ വയൽസേ​വ​ന​ത്തോ​ടു ബന്ധപ്പെട്ടു വരുന്ന ലേഖനങ്ങൾ വായി​ക്കു​മ്പോൾ നിങ്ങളു​ടെ ശുശ്രൂ​ഷ​യിൽ ആ നിർദേ​ശങ്ങൾ എങ്ങനെ ബാധക​മാ​ക്കാ​മെന്നു പ്രാർഥ​നാ​പൂർവം പരിചി​ന്തി​ക്കുക. സഭാ​യോ​ഗ​ങ്ങ​ളി​ലോ സമ്മേള​ന​ങ്ങ​ളി​ലോ സംബന്ധി​ക്കു​മ്പോ​ഴും അങ്ങനെ ചെയ്യുക. ഈ ലേഖന​ത്തിൽ നൽകി​യി​രി​ക്കുന്ന നിർദേ​ശങ്ങൾ കഴിഞ്ഞ വർഷത്തെ സർക്കിട്ട്‌ സമ്മേള​ന​ത്തി​ന്റെ ഭാഗമാ​യി​രുന്ന ഒരു ചർച്ചയെ അധിഷ്‌ഠി​ത​മാ​ക്കി​യു​ള​ള​താണ്‌. ആ പരിപാ​ടി​യി​ലൂ​ടെ നൽകിയ പ്രോ​ത്സാ​ഹ​നത്തെ പിൻപ​റ​റാ​നും ബാധക​മാ​ക്കാ​നും നമ്മെ സഹായി​ക്കാൻ ലാക്കാ​ക്കി​യു​ളള ലേഖന​പ​ര​മ്പ​ര​യിൽ ആദ്യ​ത്തേ​താ​ണിത്‌.

⁸ യേശു തന്റെ ശുശ്രൂ​ഷയെ വളരെ ഗൗരവ​പൂർവം വീക്ഷിച്ചു, അവന്റെ ജീവി​ത​ത്തിൽ അതിനു പ്രഥമ​സ്ഥാ​ന​മു​ണ്ടാ​യി​രു​ന്നു. അവൻ ഇങ്ങനെ പ്രഖ്യാ​പി​ച്ചു: “എന്നെ അയച്ചവന്റെ ഇഷ്ടം ചെയ്‌തു അവന്റെ പ്രവൃത്തി തികെ​ക്കു​ന്നതു തന്നെ എന്റെ ആഹാരം.” (യോഹ. 4:34) നമുക്കും അങ്ങനെ​തന്നെ തോന്നു​ന്നു​ണ്ടോ? ഉണ്ടെങ്കിൽ, നമ്മുടെ പ്രവർത്തനം വിപു​ല​മാ​ക്കാ​നും നമ്മുടെ നിക്ഷേ​പ​ക​ല​വ​റ​യിൽനി​ന്നു മററു​ള​ള​വ​രു​മാ​യി “നല്ലതു” പങ്കു​വെ​ക്കാ​നു​മു​ളള വഴികൾ നാം കണ്ടെത്തു​ക​തന്നെ ചെയ്യും.—മത്താ. 12:35; ലൂക്കൊ. 6:45.