നമ്മുടെ ദൈവ​ത്തി​ന്റെ ഭവനത്തെ നാം അവഗണി​ക്ക​രുത്‌

¹ “പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും നിന്റെ പട്ടണത്തി​ലുള്ള പരദേ​ശി​യും കേട്ടു പഠിച്ചു നിങ്ങളു​ടെ ദൈവ​മായ യഹോ​വയെ ഭയപ്പെട്ടു ഈ ന്യായ​പ്ര​മാ​ണ​ത്തി​ലെ വചനങ്ങൾ ഒക്കെയും പ്രമാ​ണി​ച്ചു​ന​ട​ക്കേ​ണ്ട​തി​ന്നും . . . ജനത്തെ വിളി​ച്ചു​കൂ​ട്ടേണം.” (ആവ. 31:12, 13) പുരാതന ഇസ്രാ​യേൽ ജനതയ്‌ക്കു നൽകിയ ഈ ഉദ്‌ബോ​ധനം ഇന്നുള്ള യഹോ​വ​യു​ടെ സകല സത്യാ​രാ​ധ​കർക്കും ബാധക​മാണ്‌, എന്തെന്നാൽ ക്രമമാ​യി ഒരുമി​ച്ചു​കൂ​ടാൻ എബ്രായർ 10:25-ൽ പൗലൊസ്‌ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. അതു​കൊണ്ട്‌, യോഗങ്ങൾ നമ്മുടെ ആരാധ​ന​യു​ടെ ഒരു മർമ​പ്ര​ധാന ഭാഗമാണ്‌. വ്യക്തമാ​യും, അത്തരം കൂടി​വ​ര​വി​ന്റെ ഉദ്ദേശ്യം ശ്രദ്ധി​ക്കു​ക​യും പഠിക്കു​ക​യും യഹോ​വ​യാൽ പഠിപ്പി​ക്ക​പ്പെ​ടു​ക​യും ചെയ്യുക എന്നതാണ്‌. (യെശ. 54:13) പുരാതന ഇസ്രാ​യേ​ലി​ന്റെ കാര്യ​ത്തി​ലെ​ന്ന​പോ​ലെ അത്തരം യോഗങ്ങൾ, ദാവീ​ദി​ന്റേ​തു​പോ​ലുള്ള ഒരു പ്രതി​ക​രണം നമ്മിൽ ഉളവാ​ക്കുന്ന സന്തോ​ഷ​ക​ര​മായ അവസര​ങ്ങ​ളാണ്‌. അവൻ എഴുതി: “യഹോ​വ​യു​ടെ ആലയത്തി​ലേക്കു നമുക്കു പോകാം എന്നു അവർ എന്നോടു പറഞ്ഞ​പ്പോൾ ഞാൻ സന്തോ​ഷി​ച്ചു.” (സങ്കീ. 122:1) യഹോ​വ​യു​ടെ ഭവനത്തി​നു വേണ്ടി​യുള്ള നെഹെ​മ്യാ​വി​ന്റെ തീക്ഷ്‌ണത ഇപ്രകാ​രം പറയാൻ അവനെ പ്രേരി​പ്പി​ച്ചു, “നമ്മുടെ ദൈവ​ത്തി​ന്റെ ഭവനത്തെ നാം അവഗണി​ക്ക​രുത്‌.”—നെഹമ്യാ​വു 10:39, NW.

² വാസ്‌തു​ശിൽപ്പ​പ​ര​മാ​യി ചില​പ്പോൾ വളരെ മതിപ്പു​ള​വാ​ക്കുന്ന, ക്രൈ​സ്‌ത​വ​ലോ​ക​ത്തി​ന്റെ പള്ളിക​ളിൽനി​ന്നു വ്യത്യ​സ്‌ത​മാ​യി, യഹോ​വ​യു​ടെ സാക്ഷികൾ ആരാധ​ന​യ്‌ക്കാ​യി കൂടി​വ​രുന്ന സ്ഥലങ്ങൾ ലളിത​മാ​യ​വ​യാണ്‌, എങ്കിലും രാജ്യ​ഹാ​ളു​കൾ എന്നറി​യ​പ്പെ​ടുന്ന അവ സജീവ​വും ഊഷ്‌മ​ള​വു​മാണ്‌. 1935-ൽ, സൊ​സൈ​റ്റി​യു​ടെ അന്നത്തെ പ്രസി​ഡൻറാ​യി​രുന്ന ജെ. എഫ്‌. റതർഫോർഡാണ്‌ പ്രത്യ​ക്ഷ​ത്തിൽ ഈ പേർ ആദ്യമാ​യി ഉപയോ​ഗി​ച്ചത്‌. അദ്ദേഹം ഹവായി സന്ദർശി​ക്കു​ക​യും അവിടെ ഒരു യോഗ​സ്ഥ​ല​ത്തി​ന്റെ നിർമാ​ണം സംഘടി​പ്പി​ക്കു​ക​യും ചെയ്‌ത​പ്പോ​ഴാ​യി​രു​ന്നു അത്‌. ഇന്നുവരെ ആ പേർ ഭൂമി​യി​ലു​ട​നീ​ളം നിലനി​ന്നി​രി​ക്കു​ന്നു. 1961 വെബ്‌സ്‌റ്റേ​ഴ്‌സ്‌ അൺഅ​ബ്രി​ഡ്‌ജ്‌ഡ്‌ ഡിക്‌ഷ്‌നറി രാജ്യ​ഹാ​ളി​നെ, “യഹോ​വ​യു​ടെ സാക്ഷി​ക​ളു​ടെ മതശു​ശ്രൂ​ഷകൾ നടക്കുന്ന ഒരു പ്രാ​ദേ​ശിക യോഗ​സ്ഥലം,” എന്നു നിർവ​ചി​ക്കു​ന്നു. ഒരു ആരാധ​നാ​സ്ഥ​ല​മെന്ന നിലയിൽ രാജ്യ​ഹാ​ളു​കൾ മറ്റുള്ള​വ​രിൽ മതിപ്പു​ള​വാ​ക്കാൻ രൂപകൽപ്പന ചെയ്‌തി​ട്ടുള്ള ഒരു പ്രദർശന കെട്ടി​ട​മാ​യി​രി​ക്ക​രുത്‌. അതിന്റെ വാസ്‌തു​വി​ദ്യ ഓരോ പ്രദേ​ശ​ത്തും വ്യത്യ​സ്‌ത​മാ​യി​രി​ക്കാ​മെ​ങ്കി​ലും, ഉദ്ദേശ്യ​ത്തിന്‌ ഉതകു​ന്ന​വി​ധ​ത്തി​ലാ​യി​രി​ക്കണം അത്‌.—പ്രവൃ. 17:24.

ഓരോ സഭയ്‌ക്കും സ്വന്തം രാജ്യ​ഹാൾ ഉണ്ടായി​രി​ക്ക​ണ​മോ?

³ ഒരു പ്രാ​ദേ​ശിക സഭയ്‌ക്കു സ്വന്തം രാജ്യ​ഹാൾ ഉണ്ടായി​രി​ക്ക​ണ​മോ വേണ്ടയോ എന്നു സൊ​സൈ​ററി തീരു​മാ​നി​ക്കു​ന്നില്ല. പ്രാ​ദേ​ശിക സഭ തീരു​മാ​നി​ക്കേണ്ട ഒരു സംഗതി​യാ​ണിത്‌. ചിലർ സ്വന്തം ഹാളുകൾ നിർമി​ച്ചി​രി​ക്കു​ന്നു; മറ്റുള്ളവർ തങ്ങളുടെ യോഗങ്ങൾ നടത്താൻ കെട്ടി​ടങ്ങൾ വാടക​യ്‌ക്കെ​ടു​ത്തി​രി​ക്കു​ന്നു. സംഗതി എന്തുത​ന്നെ​യാ​യി​രു​ന്നാ​ലും, യോഗ​സ്ഥലം മാന്യ​വും വൃത്തി​യു​ള്ള​തും യഹോ​വ​യു​ടെ ആരാധ​ന​യു​ടെ ഉന്നത നിലവാ​രങ്ങൾ പ്രതി​ഫ​ലി​പ്പി​ക്കു​ന്ന​തും ആയിരി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. ഉപയോ​ഗ​ത്തി​ലാ​യി​രി​ക്കു​മ്പോൾ അതിനു ശ്രദ്ധേ​യ​മാ​യൊ​രു സൗഹൃ​ദാ​ന്ത​രീ​ക്ഷം ഉണ്ടായി​രി​ക്കണം. നമ്മുടെ രാജ്യ​ഹാ​ളു​ക​ളി​ലൊ​ന്നിൽ യഹോ​വ​യു​ടെ സാക്ഷി​ക​ളു​ടെ ഒരു യോഗ​ത്തിൽ ഹാജരാ​യിട്ട്‌ ഒരു യൂണിയൻ മെതഡിസ്റ്റ്‌ ശുശ്രൂ​ഷകൻ പറഞ്ഞു, “ഈ ആളുക​ളു​ടെ ഭാഗത്തെ യഥാർഥ കരുതൽ ഞങ്ങൾക്കു ബോധ്യ​മാ​യി, ഞങ്ങൾ അതിനാ​യി ഒരുങ്ങി​യി​രു​ന്നില്ല. എന്നാൽ ഒരവസ​ര​ത്തി​ലും ഞങ്ങൾക്ക്‌ അവരിൽനി​ന്നു സമ്മർദം അനുഭ​വ​പ്പെ​ട്ടില്ല. ഒഴിവു​ദി​ന​ത്തോ​ടുള്ള ബന്ധത്തിൽ ഞങ്ങൾ സന്ദർശിച്ച 20 സഭകളിൽ ഒന്നിലും ലഭിക്കാത്ത, കൂടുതൽ യഥാർഥ​മായ സ്വാഗതം അവരിൽനിന്ന്‌ അനുഭ​വ​വേ​ദ്യ​മാ​യി. ഊഷ്‌മ​ള​മാ​യി പുഞ്ചി​രി​തൂ​കുന്ന, പിരി​മു​റു​ക്ക​മി​ല്ലാത്ത ഒരു ജനത്തിന്റെ സഭ. അവർ വ്യക്തമാ​യി, അന്യോ​ന്യ​വും അപരി​ചി​ത​രു​ടെ കാര്യ​ത്തി​ലും ആഴമായ കരുതൽ പ്രകട​മാ​ക്കി. അതു​പോ​ലെ​തന്നെ, ദൈവ​വ​ചനം ഗ്രഹി​ക്കാൻ തീവ്ര​മായ ശ്രമവും ചെലുത്തി.”

⁴ സ്വന്തമാ​യി ഹാൾ ഉണ്ടായി​രി​ക്കു​ന്ന​തി​നെ​ക്കു​റി​ച്ചു പരിചി​ന്തി​ക്കാൻ അനേകം സഭക​ളെ​യും അവയുടെ സാമ്പത്തിക നില അനുവ​ദി​ക്കു​ന്നി​ല്ലെന്നു സമ്മതി​ക്കേ​ണ്ടി​യി​രി​ക്കു​ന്നു. തന്നെയു​മല്ല, ചില സ്ഥലങ്ങളിൽ ഒരു ഹാൾ വാടക​യ്‌ക്കെ​ടു​ക്കു​ന്നത്‌ ഒരെണ്ണം വാങ്ങു​ക​യോ നിർമി​ക്കു​ക​യോ ചെയ്യു​ന്ന​തി​നെ​ക്കാൾ സൗകര്യ​പ്ര​ദ​മാണ്‌. എന്നാൽ, സ്ഥലം വാങ്ങി, തങ്ങളുടെ ആവശ്യ​ങ്ങൾക്കു യോജിച്ച സ്വന്തം രാജ്യ​ഹാൾ പണിയാൻ നിരവധി സഭകൾ തീരു​മാ​നി​ച്ചി​രി​ക്കു​ന്നു. അല്ലെങ്കിൽ അവർ ഒരു കെട്ടിടം വാങ്ങി അതു പുതു​ക്കി​പ്പ​ണി​തി​രി​ക്കു​ന്നു. ഓരോ സഭയ്‌ക്കും സ്വന്തം രാജ്യ​ഹാ​ളു​ണ്ടെ​ങ്കിൽ സുനി​ശ്ചി​ത​മായ നേട്ടങ്ങ​ളുണ്ട്‌. ഉദാഹ​ര​ണ​ത്തിന്‌, സ്വന്തമാ​യി രാജ്യ​ഹാ​ളു​കൾ പണിത രണ്ടു സഭകൾക്ക്‌, ഒരു വർഷത്തി​നു​ള്ളിൽത്തന്നെ ഹാജർ വളരെ​യേറെ വർധി​ച്ച​തി​ന്റെ ഫലമായി വ്യത്യസ്‌ത സമയങ്ങ​ളി​ലാ​യി രണ്ടു യോഗ​സെ​ഷ​നു​കൾ നടത്തേ​ണ്ടത്‌ ആവശ്യ​മാ​യി​വ​ന്നു​വെന്നു കേരള​ത്തി​ലെ ഒരു സർക്കിട്ട്‌ മേൽവി​ചാ​രകൻ റിപ്പോർട്ടു ചെയ്യുന്നു. രാജ്യ​ഹാൾ പദ്ധതിയെ സാമ്പത്തി​ക​മാ​യി പിന്താ​ങ്ങു​ന്നതു മാത്രമല്ല, അതിന്റെ നിർമാ​ണ​ത്തി​നും അതിനു​ശേ​ഷ​മുള്ള അതിന്റെ സംരക്ഷ​ണ​ത്തി​നും—വൃത്തി​യാ​യും പ്രദർശ​ന​യോ​ഗ്യ​മാ​യും നല്ലനി​ല​യി​ലും നിലനിർത്തി​ക്കൊ​ണ്ടു​പോ​കാൻ—തങ്ങളുടെ സേവനങ്ങൾ സ്വമേ​ധയാ ലഭ്യമാ​ക്കു​ന്നത്‌ ഒരു പദവി​യാ​യി സാക്ഷികൾ കണക്കാ​ക്കണം. രാജ്യ​ഹാൾ അതിന്റെ അകമേ​യും പുറ​മേ​യും യഹോ​വ​യെ​യും അവന്റെ സ്ഥാപന​ത്തെ​യും ഉചിത​മാ​യി പ്രതി​നി​ധാ​നം ചെയ്യണം.

⁵ തങ്ങൾ സ്വന്തം രാജ്യ​ഹാൾ ഉണ്ടായി​രി​ക്കാൻ പറ്റിയ നിലയി​ലാ​ണെന്ന്‌ ഒരു സഭ വിചാ​രി​ക്കു​ന്നെ​ങ്കി​ലെന്ത്‌? ഈ കാര്യം പ്രാ​ദേ​ശിക സഹോ​ദ​രങ്ങൾ തീരു​മാ​നി​ക്കണം. സ്ഥലം വാങ്ങു​ക​യും രൂപരേഖ തയ്യാറാ​ക്കു​ക​യും ഹാൾ നിർമി​ക്കു​ക​യും ചെയ്യു​മ്പോൾ ചിട്ടയാ​യി പിൻപ​റ്റേണ്ട നിരവധി നടപടി​ക്ര​മങ്ങൾ സൊ​സൈ​ററി വിവരി​ച്ചി​ട്ടുണ്ട്‌. ഈ നീക്കത്തെ അംഗീ​ക​രി​ക്കുന്ന ഒരു പ്രമേയം സഭ പാസാ​ക്കി​യിട്ട്‌ കൂടു​ത​ലായ മാർഗ​നിർദേ​ശ​ങ്ങൾക്കാ​യി സൊ​സൈ​റ്റി​യു​ടെ രാജ്യ​ഹാൾ ഡെസ്‌ക്കു​മാ​യി ബന്ധപ്പെ​ടുക എന്നതാണ്‌ ആദ്യപടി. സ്ഥലം വാങ്ങാ​നുള്ള നടപടി ആരംഭി​ക്കു​ന്ന​തി​നു മുമ്പ്‌ നിരവധി മുൻക​രു​ത​ലു​കൾ എടുക്കണം. മേഖലാ നിയ​ന്ത്ര​ണങ്ങൾ, നിർമാണ ചട്ടങ്ങൾ, മതോ​ദ്ദേ​ശ്യ​ങ്ങൾക്കാ​യി കെട്ടിടം പണിയു​ന്ന​തി​നുള്ള അനുവാ​ദം എന്നിവ പരി​ശോ​ധി​ക്കേ​ണ്ടി​യി​രി​ക്കുന്ന ചില പ്രാഥ​മിക കാര്യ​ങ്ങ​ളാണ്‌.

പ്രാ​ദേ​ശിക നിർമാ​ണ​ക്ക​മ്മി​റ്റി​യു​ടെ പങ്ക്‌

⁶ രാജ്യ​ഹാ​ളു​ക​ളു​ടെ നിർമാ​ണ​ത്തോ​ടു ബന്ധപ്പെട്ട കാര്യ​ങ്ങ​ളിൽ മാർഗ​നിർദേ​ശ​വും സഹായ​വും നൽകാൻ യോഗ്യ​രായ ആത്മീയ പക്വത​യുള്ള മൂപ്പൻമാ​രു​ടെ ഒരു പ്രാ​ദേ​ശിക നിർമാ​ണ​ക്ക​മ്മി​റ്റി (Regional Building Committee—ആർബിസി) സൊ​സൈറ്റി രൂപീ​ക​രി​ച്ചി​ട്ടുണ്ട്‌. സഭയുടെ ധനമാർഗ​ങ്ങ​ളും ആവശ്യ​മായ വലുപ്പ​വും പരിഗ​ണ​ന​യി​ലെ​ടു​ത്തു​കൊണ്ട്‌, നിങ്ങളു​ടെ പ്രദേ​ശ​ത്തി​നു യോജി​ക്കുന്ന രാജ്യ​ഹാ​ളി​നുള്ള കെട്ടിടം വാങ്ങു​ക​യോ നിർമി​ക്കു​ക​യോ ചെയ്യു​ന്നതു സംബന്ധിച്ച്‌ ഈ അഞ്ചംഗ കമ്മിറ്റി മാർഗ​നിർദേ​ശങ്ങൾ പ്രദാനം ചെയ്യും. പ്രാ​ദേ​ശിക നിർമാ​ണ​ക്ക​മ്മി​റ്റി തദ്ദേശ രാജ്യ​ഹാൾ നിർമാ​ണ​ക്ക​മ്മി​റ്റിക്ക്‌ പകരമാ​വില്ല, മറിച്ച്‌ നിർമാണ പരിപാ​ടി​യിൽ അതിനെ സഹായി​ക്കും. സ്ഥലം വാങ്ങു​ന്ന​തി​നു മുമ്പു​പോ​ലും തദ്ദേശ നിർമാ​ണ​ക്ക​മ്മി​റ്റി ആർബിസി-യുമായി പര്യാ​ലോ​ചി​ക്കു​ന്നത്‌ ഉചിത​മാണ്‌. ആർബിസി, വില​യോ​ടും നിർമാ​ണ​ത്തോ​ടും ബന്ധപ്പെട്ട അനേക വശങ്ങളിൽ വൈദ​ഗ്‌ധ്യ​മുള്ള, പ്രാപ്‌ത​രായ പുരു​ഷൻമാർ ഉൾപ്പെ​ട്ട​താ​യ​തി​നാൽ അത്തരം സംരം​ഭ​ങ്ങ​ളിൽ അവരുടെ സഹായം മൂല്യ​വ​ത്താ​യി​രി​ക്കും.

⁷ മുൻകൂ​ട്ടി​യുള്ള ആസൂ​ത്രണം ആവശ്യ​മാ​യി​രി​ക്കുന്ന ഒരു പ്രധാ​ന​പ്പെട്ട മണ്ഡലം രാജ്യ​ഹാ​ളി​ന്റെ വലുപ്പ​മാണ്‌—അതിന്റെ രൂപ​രേ​ഖ​യും ഇരിപ്പി​ട​ങ്ങ​ളു​ടെ എണ്ണവും. ലളിത​മായ എന്നാൽ പ്രാ​യോ​ഗി​ക​മായ രൂപ​രേ​ഖ​യാണ്‌ ഏറ്റവും മെച്ചം. ആർബിസി-ക്ക്‌ അത്തരം അനേകം രൂപ​രേ​ഖ​ക​ളുണ്ട്‌. എന്നാൽ അടിസ്ഥാ​ന​പ​ര​മാ​യി മൂന്നു തരത്തി​ലുള്ള ഇരിപ്പി​ടാ​വ​ശ്യ​ങ്ങ​ളാ​ണു പ്രദാനം ചെയ്യു​ന്നത്‌: 100, 150, 250 ആളുകൾക്കു​ള്ളത്‌. ഹാളിന്റെ തറവി​സ്‌തീർണം കണക്കാ​ക്കു​ന്നത്‌, ഇരുത്തേണ്ട ആളുക​ളു​ടെ എണ്ണത്തെ 1.8 ചതുരശ്ര മീറ്റർകൊ​ണ്ടു ഗുണി​ക്കുക എന്ന ഫോർമു​ല​യു​ടെ അടിസ്ഥാ​ന​ത്തി​ലാണ്‌. ഉദാഹ​ര​ണ​ത്തിന്‌, 100 പേരെ ഇരുത്താ​വുന്ന ഹാളാണ്‌ വേണ്ട​തെ​ങ്കിൽ, 180 ചതുരശ്ര മീറ്റർ ആവശ്യ​മാണ്‌. കക്കൂസു​കൾ, മാസി​കാ​സാ​ഹി​ത്യ കൗണ്ടറു​കൾ, രണ്ടാം സ്‌കൂൾ തുടങ്ങിയ മറ്റാവ​ശ്യ​ങ്ങൾക്കുള്ള സ്ഥലം ഇതിൽ ഉൾപ്പെ​ടും. അത്തരം കണക്കു​കൂ​ട്ട​ലു​ക​ളും ആസൂ​ത്ര​ണ​വും രാജ്യ​ഹാ​ളി​നെ സൗകര്യ​പ്ര​ദ​വും വേണ്ടു​വോ​ളം ഇടമു​ള്ള​തു​മാ​ക്കും. അനു​യോ​ജ്യ​മായ പ്ലാറ്റ്‌ഫോം, പരസ്യ​പ്ര​സംഗ സംവി​ധാ​ന​ത്തി​ന്റെ സ്ഥാനം, ലൈറ്റു​കൾ, ഫാനുകൾ, മറ്റു വൈദ്യു​ത ക്രമീ​ക​ര​ണങ്ങൾ എന്നിവ​യു​ടെ സ്ഥാനം, ജനറേറ്റർ മുറി, പ്ലംബി​ങ്ങി​നും മലിനജല നിർമാർജ​ന​ത്തി​നു​മുള്ള സംവി​ധാ​നം തുടങ്ങി​യ​വ​യെ​ക്കു​റി​ച്ചെ​ല്ലാം നിർദേ​ശങ്ങൾ നൽകാൻ പ്രാ​ദേ​ശിക നിർമാ​ണ​ക്ക​മ്മി​ററി പ്രാപ്‌ത​മാണ്‌.

⁸ ചില സന്ദർഭ​ങ്ങ​ളിൽ ഒന്നില​ധി​കം സഭകൾക്ക്‌ ഒരേ രാജ്യ​ഹാൾ ഉപയോ​ഗി​ക്കാ​വു​ന്ന​താണ്‌. അത്‌ സാധന​സൗ​ക​ര്യ​ങ്ങൾ പൂർണ​മാ​യി പ്രയോ​ജ​ന​പ്പെ​ടു​ത്താൻ ഇടയാ​ക്കു​ക​യും സാമ്പത്തിക ഭാരത്തെ കൂടുതൽ വ്യക്തി​ക​ളി​ലാ​യി വ്യാപി​പ്പി​ക്കു​ക​യും ചെയ്യുന്നു. രണ്ടോ അതില​ധി​ക​മോ സഭകൾ തമ്മിലുള്ള അത്തരം സഹകരണം നിർമാണ പരിപാ​ടി​യു​ടെ സാമ്പത്തിക പ്രാ​യോ​ഗി​കത ഗണ്യമാ​യി വർധി​പ്പി​ക്കും. എന്നിരു​ന്നാ​ലും, മുൻകൂർ പണത്തോ​ടും മറ്റു ക്രമീ​ക​ര​ണ​ങ്ങ​ളോ​ടു​മുള്ള ബന്ധത്തിൽ സൊ​സൈറ്റി പ്രസ്‌തുത സഭകളിൽ ഒരെണ്ണ​വു​മാ​യി മാത്രമേ ഇടപെ​ടു​ക​യു​ള്ളൂ. സഭകൾ എപ്പോൾ തങ്ങളുടെ യോഗങ്ങൾ നടത്തണ​മെ​ന്നതു സംബന്ധി​ച്ചുള്ള വിശദാം​ശങ്ങൾ പങ്കെടു​ക്കുന്ന സഭകളി​ലെ മൂപ്പൻമാ​രു​ടെ സംഘങ്ങൾ തീരു​മാ​നി​ക്കണം.

രാജ്യ​ഹാ​ളി​നു സാമ്പത്തിക സഹായം നൽകൽ

⁹ വേല നന്നായി പുരോ​ഗ​മി​ക്കുന്ന നഗരങ്ങ​ളിൽ, രണ്ടോ അതില​ധി​ക​മോ സഭകൾക്ക്‌ ഒരു ഹാൾ ഉപയോ​ഗി​ക്കാൻ കഴിയുന്ന അപൂർവം ചില കേസു​ക​ളിൽ സ്ഥലം വാങ്ങു​ന്ന​തി​നു പണം നൽകാൻ സൊ​സൈറ്റി സഹായി​ച്ചി​ട്ടു​ണ്ടെ​ങ്കി​ലും, രാജ്യ​ഹാ​ളി​നു​വേ​ണ്ടി​യുള്ള സ്ഥലത്തിന്‌ സൊ​സൈറ്റി പണം നൽകു​ന്നി​ല്ലെ​ന്നു​ള്ളതു ശ്രദ്ധി​ക്കേ​ണ്ട​താണ്‌. 2 കൊരി​ന്ത്യർ 8:13-15-ൽ, പൗലൊസ്‌ പ്രോ​ത്സാ​ഹി​പ്പിച്ച അതേ ആത്മാവ്‌ യഹോ​വ​യു​ടെ ആധുനി​ക​കാല ദാസൻമാർ തുടർന്നും പ്രകട​മാ​ക്കും: ‘മററു​ള​ള​വർക്കു സുഭി​ക്ഷ​വും നിങ്ങൾക്കു ദുർഭി​ക്ഷ​വും വരേണം എന്നല്ല സമത്വം വേണം എന്നത്രേ. സമത്വം ഉണ്ടാവാൻ തക്കവണ്ണം അവരുടെ സുഭിക്ഷം നിങ്ങളു​ടെ ദുർഭി​ക്ഷ​ത്തി​ന്നു ഉതകേ​ണ്ട​തി​ന്നു ഇക്കാലം നിങ്ങൾക്കു​ളള സുഭിക്ഷം അവരുടെ ദുർഭി​ക്ഷ​ത്തി​ന്നു ഉതകട്ടെ. “ഏറെ പെറു​ക്കി​യ​വന്നു ഏറെയും കുറെ പെറു​ക്കി​യ​വന്നു കുറവും കണ്ടില്ല” എന്നു എഴുതി​യി​രി​ക്കു​ന്ന​തു​പോ​ലെ തന്നേ.’ പുതിയ രാജ്യ​ഹാ​ളു​കൾ നിർമി​ക്കു​ന്ന​തിൽ സഹായി​ക്കാൻ നമ്മുടെ സമയവും വിഭവ​ങ്ങ​ളും നൽകു​ന്നത്‌ യഹോ​വയെ ബഹുമാ​നി​ക്കാ​നുള്ള ഒരു ഉത്തമ മാർഗ​മാണ്‌.—സദൃ. 3:9

¹⁰ ഏതാണ്ട്‌ 3,500 വർഷം മുമ്പ്‌ ഉദാര​മായ സംഭാ​വ​ന​ക​ളു​ടെ ആവശ്യം ഉയർന്നു​വന്ന ഒരു സാഹച​ര്യം പരിഗ​ണി​ക്കുക. തന്റെ ആരാധ​ന​യ്‌ക്കാ​യി ഉപയോ​ഗി​ക്കാൻ ഒരു തിരു​നി​വാ​സം, അല്ലെങ്കിൽ ‘സമാഗമന കൂടാരം’ നിർമി​ക്കാൻ യഹോവ മോ​ശെ​യോ​ടു കൽപ്പിച്ചു. ദൈവദത്ത രൂപകൽപ്പന അമുല്യ​മായ അനേകം വസ്‌തു​ക്കൾ ആവശ്യ​മാ​ക്കി. യഹോവ കൽപ്പിച്ചു: “നിങ്ങളു​ടെ ഇടയിൽനി​ന്നു യഹോ​വെക്കു ഒരു വഴിപാ​ടു [“സംഭാവന,” NW] എടുപ്പിൻ. നല്ല മനസ്സു​ള്ള​വ​നെ​ല്ലാം യഹോ​വെക്കു വഴിപാ​ടു കൊണ്ടു​വ​രേണം.” (പുറ. 35:4-9) ജനം എങ്ങനെ പ്രതി​ക​രി​ച്ചു? “ഹൃദയ​ത്തിൽ ഉത്സാഹ​വും മനസ്സിൽ താല്‌പ​ര്യ​വും തോന്നി​യവൻ എല്ലാം സമാഗ​മ​ന​കൂ​ടാ​ര​ത്തി​ന്റെ പ്രവൃ​ത്തി​ക്കും അതിന്റെ സകലശു​ശ്രൂ​ഷ​യ്‌ക്കും വിശു​ദ്ധ​വ​സ്‌ത്ര​ങ്ങൾക്കും വേണ്ടി യഹോ​വെക്കു വഴിപാ​ടു കൊണ്ടു​വന്നു”വെന്നു വിവരണം നമ്മോടു പറയുന്നു. ഈ സ്വമേ​ധയാ ദാനം ക്രമേണ വളരെ വലുതാ​യി​ത്തീർന്നു. ചെയ്യണ​മെന്നു യഹോവ കൽപ്പിച്ച വേല ചെയ്യു​ന്ന​തിന്‌ “വേണ്ടതി​ല​ധി​ക​മാ​യി”രുന്നു അത്‌. (പുറ. 35:21-29; 36:3-5) എത്ര നിസ്വാർഥ​വും ഉദാര​വു​മായ ആത്മാവാണ്‌ ജനം പ്രകടി​പ്പി​ച്ചത്‌!

¹¹ ഇസ്രാ​യേ​ല്യ​രിൽ നിന്നുള്ള ഉദാര സംഭാ​വ​ന​യ്‌ക്കാ​യി 500 വർഷത്തി​നു​ശേഷം വീണ്ടും സമാന​മാ​യൊ​രു ക്ഷണമു​ണ്ടാ​യി. യഹോ​വ​യ്‌ക്കു​വേണ്ടി യെരൂ​ശ​ലേ​മിൽ സ്ഥിരമാ​യൊ​രു ആലയം പണിയാ​നുള്ള ദാവീദ്‌ രാജാ​വി​ന്റെ ആഗ്രഹം അവന്റെ പുത്ര​നായ ശലോ​മോ​നി​ലൂ​ടെ സാക്ഷാ​ത്‌ക​രി​ക്കേ​ണ്ടി​യി​രു​ന്നു. ആവശ്യ​മാ​യി​രി​ക്കു​മാ​യി​രു​ന്ന​തി​ന്റെ വലി​യൊ​രു ഭാഗം ദാവീ​ദു​തന്നെ സ്വരൂ​പി​ച്ചു സംഭാ​വ​ന​ചെ​യ്‌തു. “യഹോ​വെക്കു കരപൂ​രണം [സമ്മാനം, NW]” കൊണ്ടു​വ​രാൻ ദാവീദ്‌ ആവശ്യ​പ്പെ​ട്ട​പ്പോൾ മറ്റുള്ള​വ​രും പങ്കു​ചേർന്നു. ഫലമോ? “ജനം മനഃപുർവ്വ​മാ​യി കൊടു​ത്തതു കൊണ്ടു അവർ സന്തോ​ഷി​ച്ചു; ഏകാ​ഗ്ര​ഹൃ​ദ​യ​ത്തോ​ടെ [“പൂർണ​ഹൃ​ദ​യ​ത്തോ​ടെ,” NW] മനഃപൂർവ്വ​മാ​യി​ട്ടാ​യി​രു​ന്നു അവർ യഹോ​വെക്കു കൊടു​ത്തതു. ദാവീ​ദ്‌രാ​ജാ​വും അത്യന്തം സന്തോ​ഷി​ച്ചു.” (1 ദിന. 22:14; 29:3-9) ഇപ്പോ​ഴത്തെ മൂല്യ​മ​നു​സ​രി​ച്ചു വെള്ളി​ക്കും സ്വർണ​ത്തി​നും മാത്രം സുമാർ രണ്ട്‌ ലക്ഷം കോടി രൂപ വരുമാ​യി​രു​ന്നു!—2 ദിന. 5:1.

¹² ആധുനി​ക​കാ​ല​ത്തും ഭൂമി​യു​ടെ വ്യത്യസ്‌ത ഭാഗങ്ങ​ളിൽ നമ്മുടെ സഹോ​ദ​രൻമാർ അതേ ആത്മാവു പ്രകടി​പ്പി​ച്ചി​രി​ക്കു​ന്നു. നമ്മുടെ പരമാ​ധി​കാര കർത്താ​വായ യഹോ​വ​യ്‌ക്കു​വേണ്ടി ഒരു ആരാധ​നാ​സ്ഥലം പണിയാ​നുള്ള ആഗ്രഹം, നമ്മുടെ സഹോ​ദ​ര​ങ്ങ​ളു​ടെ ‘പൂർണ​വും മനസ്സൊ​രു​ക്ക​വു​മുള്ള ഹൃദയത്തെ’ കാണി​ക്കുന്ന പുളക​പ്ര​ദ​മായ അനുഭ​വ​ങ്ങ​ളാൽ പ്രകട​മാ​ക്ക​പ്പെ​ട്ടി​രി​ക്കു​ന്നു​വെന്ന്‌ അറിയു​ന്നത്‌ എത്ര പ്രോ​ത്സാ​ഹ​ജ​ന​ക​മാണ്‌. ഉദാഹ​ര​ണ​ത്തിന്‌, പോള​ണ്ടി​ന്റെ ചില ഭാഗങ്ങ​ളിൽ, കാല​ക്ര​മ​ത്തിൽ രാജ്യ​ഹാൾ പണിയാൻ കഴി​യേ​ണ്ട​തി​നു പണം സ്വരൂ​പി​ക്കാൻ സഹോ​ദ​രങ്ങൾ വയലുകൾ പാട്ടത്തി​നെ​ടു​ത്തു കൃഷി​ചെ​യ്‌തിട്ട്‌, വിളകൾ വിൽക്കു​ക​യോ ബെറികൾ പറിക്കു​ക​യോ ചെയ്യുന്നു. അത്തരം പദ്ധതി​കൾക്കാ​യി ചിലർ പണവും മറ്റുചി​ലർ ആഭരണ​ങ്ങ​ളും സ്ഥലവും നൽകി​യി​രി​ക്കു​ന്നു. അനേകം കൊച്ചു​കു​ട്ടി​കൾ തങ്ങളുടെ ചില്ലി​ക്കാ​ശു​കൾ—ലൗകിക മൂല്യ​മ​നു​സ​രി​ച്ചു ചെറിയ തുകകൾ, എന്നാൽ യഹോ​വ​യു​ടെ കണ്ണുക​ളിൽ വലിയത്‌—സൊ​സൈ​റ്റിക്ക്‌ അയച്ചു​കൊ​ണ്ടു നിർമാണ പദ്ധതി​ക​ളോ​ടുള്ള വിലമ​തി​പ്പു പ്രകടി​പ്പി​ച്ചി​രി​ക്കു​ന്നു.

¹³ സാമ്പത്തിക സഹായം നൽകു​ന്നതു തിരു​വെ​ഴു​ത്തു​പ​ര​മാണ്‌. “സംഭാവന” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദത്തിന്റെ അർഥം “വിശുദ്ധ ഭാഗം” എന്നാണ്‌. (പുറ. 25:2, NW റഫറൻസ്‌ ബൈബിൾ അടിക്കു​റിപ്പ്‌.) രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കു​ന്ന​തി​നു ക്രിസ്‌ത്യാ​നി​കൾ തങ്ങളുടെ സമയവും ഊർജ​വും ഭൗതിക സ്വത്തു​ക്ക​ളും സംഭാവന ചെയ്യാൻ ഉചിത​മാ​യി ആഗ്രഹി​ക്കു​ന്നു. രാജ്യ​ഹാൾ നിർമി​ക്കാൻ സഭ തീരു​മാ​നി​ക്കു​മ്പോൾ, പെട്ടെ​ന്നു​തന്നെ പദ്ധതിക്കു സംഭാവന നൽകാ​നോ തങ്ങൾക്ക്‌ അപ്പോൾ ആവശ്യ​മി​ല്ലാത്ത പണം വായ്‌പ​യാ​യി കൊടു​ക്കാ​നോ സാധി​ക്കു​മെന്നു ചിലർ വ്യക്തി​പ​ര​മാ​യി കണ്ടെത്തി​യേ​ക്കാം. അതിനു​പു​റമേ, ഓരോ മാസവും ക്രമമാ​യി തങ്ങൾ എത്രമാ​ത്രം സംഭാവന ചെയ്യു​മെന്ന്‌ എല്ലാവർക്കും തീരു​മാ​നി​ക്കാ​വു​ന്ന​താണ്‌. ഇത്‌ ഒരു ദശാം​ശ​മോ നിബന്ധ​ന​യോ അല്ലാത്ത​തി​നാൽ, തികച്ചും സ്വമേ​ധയാ ആയതി​നാൽ, ആസൂ​ത്ര​ണങ്ങൾ ചെയ്യാൻ തങ്ങളെ സഹായി​ക്കു​ന്ന​തി​നു മൂപ്പൻമാർ സഭാം​ഗ​ങ്ങ​ളോ​ടു പ്രസ്‌തുത വിവരങ്ങൾ അന്വേ​ഷി​ച്ചേ​ക്കാം. തുക എഴുതിയ ഒപ്പിടാത്ത പേപ്പറു​കൾ മതിയാ​കും ഈ കണക്കു​കൂ​ട്ടൽ നടത്താൻ.

¹⁴ രാജ്യ​ഹാൾ നിർമാ​ണ​ത്തി​നാ​യി എളുപ്പം ലഭ്യമാ​കുന്ന ഫണ്ട്‌ സ്വരൂ​പി​ക്കാ​നുള്ള ഒരു പ്രാ​യോ​ഗിക വിധം, ‘നിർമാണ ഫണ്ട്‌’ എന്ന്‌ എഴുതിയ ഒരു സംഭാ​വ​ന​പ്പെട്ടി രാജ്യ​ഹാ​ളിൽ വെച്ചിട്ട്‌ ആ ഉദ്ദേശ്യ​ത്തി​നാ​യി സംഭാവന ചെയ്യാൻ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കുക എന്നതാണ്‌. അത്തര​മൊ​രു പെട്ടി​യു​ണ്ടാ​ക്കാൻ 1995 ആഗസ്റ്റിൽ സൊ​സൈറ്റി ഇന്ത്യയി​ലെ സകല സഭക​ളോ​ടും ആവശ്യ​പ്പെട്ടു. ഇപ്പോൾത്തന്നെ സ്വന്തമാ​യി ഒരു രാജ്യ​ഹാൾ ഉള്ള, അതിന്റെ കടംതീർത്തി​ട്ടുള്ള സഭകൾ, അല്ലെങ്കിൽ നിലവിൽ രാജ്യ​ഹാൾ നിർമാണ പദ്ധതി​യി​ല്ലാ​ത്ത​തും സമീപ ഭാവി​യി​ലേക്ക്‌ അത്തര​മൊ​രു പദ്ധതി മുൻകൂ​ട്ടി​ക്കാ​ണു​ന്നി​ല്ലാ​ത്ത​തു​മായ സഭകൾ ഈ പെട്ടി​യിൽനി​ന്നു കിട്ടുന്ന തുക മുഴു​വ​നും ഓരോ മാസവും സൊ​സൈ​റ്റിക്ക്‌ അയച്ചു​കൊ​ടു​ക്കണം. ഈ പണം ‘ദേശീയ രാജ്യ​ഹാൾ ഫണ്ടി’നായി (National Kingdom Hall Fund—എൻകെഎച്ച്‌എഫ്‌) വേർതി​രി​ച്ചി​ട്ടു​ള്ള​താണ്‌. രാജ്യ​ത്തെ​ങ്ങു​മുള്ള സഭകളെ തങ്ങളുടെ രാജ്യ​ഹാൾ പദ്ധതി​കൾക്കു പണപര​മാ​യി സഹായി​ക്കാൻ മുൻകൂർ പണം നൽകുന്ന ഒരു ‘ചുറ്റി​ത്തി​രി​യുന്ന നിധി’യാണ്‌ എൻകെ​എ​ച്ച്‌എഫ്‌. ഇടപാടു ചെലവു​കൾ നികത്തു​ന്ന​തി​നും മറ്റു ഹാളു​കൾക്കു സാമ്പത്തിക സഹായം ചെയ്യു​ന്ന​തി​നു​മാ​യി നാമമാ​ത്ര​മായ മൂന്നു ശതമാനം സർച്ചാർജോ​ടെ തിരി​ച്ച​ട​യ്‌ക്കാ​വുന്ന മുൻകൂർ പണമാ​ണിത്‌. പ്രാ​ദേ​ശിക സഭയുടെ ചെലവു​കൾക്കാ​യി പതിവു സംഭാവന നൽകു​ന്ന​തി​നു പുറമേ, തങ്ങളുടെ പ്രാപ്‌തി​യും ആഗ്രഹ​വും അനുസ​രിച്ച്‌ ഈ ഫണ്ടി​ലേക്കു ക്രമമാ​യി എന്തെങ്കി​ലും മാറ്റി​വെ​ക്കാൻ എല്ലാവ​രെ​യും പ്രോ​ത്സാ​ഹി​പ്പി​ക്കാ​വു​ന്ന​താണ്‌. (1 കൊരി​ന്ത്യർ 16:1-4 താരത​മ്യം ചെയ്യുക.) ആദിമ ക്രിസ്‌തീയ സഭയെ​ക്കു​റി​ച്ചു ചരി​ത്ര​കാ​ര​നായ തെർത്തു​ല്യൻ എഴുതി: “ഓരോ പുരു​ഷ​നും മാസത്തി​ലൊ​രി​ക്കൽ ഏതാനും എളിയ നാണയങ്ങൾ അല്ലെങ്കിൽ അയാൾ ആഗ്രഹി​ക്കുന്ന എന്തും കൊണ്ടു​വ​രു​ന്നു, അയാൾക്ക്‌ ആഗ്രഹ​വും പ്രാപ്‌തി​യും ഉണ്ടെങ്കിൽ മാത്രം; എന്തെന്നാൽ ആരും നിർബ​ന്ധി​തരല്ല; അതൊരു സ്വമേ​ധയാ ദാനമാണ്‌.” സംഭാ​വ​നകൾ ആവശ്യ​പ്പെ​ടാൻ ഒരു കാണിക്ക പാത്രം കൈമാ​റുന്ന ഇന്നത്തെ അനേകം മതങ്ങളിൽനി​ന്നു വ്യത്യ​സ്‌ത​മാ​യി, ക്രിസ്‌തീയ സഭയിലെ സകല ഭൗതിക ദാനങ്ങ​ളും ഹൃദയ​ത്തിൽനി​ന്നു സ്വമേ​ധയാ നൽക​പ്പെ​ടു​ന്നു.—2 കൊരി. 9:7.

¹⁵ ആർബിസി-യുടെ നിർദേ​ശങ്ങൾ ബാധക​മാ​ക്കി​യ​തി​നു ശേഷം പ്രാ​ദേ​ശിക മൂപ്പൻമാ​രു​ടെ സംഘം നിർമാ​ണ​ത്തി​നാ​യുള്ള പദ്ധതികൾ അംഗീ​ക​രി​ച്ചു​ക​ഴി​ഞ്ഞാൽ, പ്രാ​ദേ​ശിക നിർമാ​ണ​ക്ക​മ്മി​റ്റി​യു​ടെ സഹായ​ത്തോ​ടെ മുഴു പദ്ധതി​യു​ടെ​യും ചെലവു കണക്കാ​ക്കണം. പ്രാ​ദേ​ശി​ക​മാ​യി എത്രമാ​ത്രം പണം ലഭ്യമാ​ണെ​ന്നും സഭയ്‌ക്ക്‌ അതി​നോ​ടകം ബോധ്യ​പ്പെ​ട്ടി​രി​ക്കും. ഈ സാഹച​ര്യ​ത്തിൽ, മുൻകൂർ പണം ആവശ്യ​മാ​ണെ​ങ്കിൽ, സഭയ്‌ക്ക്‌ അതിനാ​യി സൊ​സൈ​റ്റി​യോട്‌ അപേക്ഷി​ക്കാ​വു​ന്ന​താണ്‌. സൊ​സൈ​ററി ആ അപേക്ഷ സൂക്ഷ്‌മ​മാ​യി പരി​ശോ​ധി​ച്ചിട്ട്‌, മാസ ഗഡുക്ക​ളാ​യി പത്തു വർഷം​കൊണ്ട്‌ അടച്ചു​തീർക്കേണ്ട മുൻകൂർ പണം അനുവ​ദി​ക്ക​ണ​മോ​യെന്നു തീരു​മാ​നി​ക്കും. ഒരേ പദ്ധതി​ക്കു​വേണ്ടി വീണ്ടും മുൻകൂർ പണം ചോദി​ക്കു​ന്നത്‌ ഒഴിവാ​ക്കാൻ, അതിനാ​യി അപേക്ഷി​ക്കു​ന്ന​തി​നു മുമ്പ്‌, ഉൾപ്പെ​ട്ടി​രി​ക്കുന്ന ചെലവു​കൾ സഹോ​ദ​രൻമാർ കൃത്യ​മാ​യും വസ്‌തു​നി​ഷ്‌ഠ​മാ​യും കണക്കാ​ക്കേ​ണ്ടത്‌ അത്യാ​വ​ശ്യ​മാണ്‌. (ലൂക്കൊ. 14:28) ഒരു ഫ്‌ളാ​റ്റോ രാജ്യ​ഹാ​ളാ​യി രൂപ​പ്പെ​ടു​ത്താൻ മറ്റു കെട്ടി​ട​ങ്ങ​ളോ വാങ്ങു​ന്ന​തി​നു വേണ്ടി​യുള്ള മുൻകൂർ പണാ​പേ​ക്ഷ​ക​ളും, പദ്ധതി പ്രാ​യോ​ഗി​ക​മാ​ണെന്നു കണ്ടാൽ പരിഗ​ണി​ക്കും.

രാജ്യ​ഹാൾ സഹായ ക്രമീ​ക​ര​ണം

¹⁶ സ്വന്തമോ വാടക​യ്‌ക്കെ​ടു​ത്ത​തോ ആയ ഒരു രാജ്യ​ഹാൾ നിങ്ങൾക്ക്‌ ഉണ്ടായി​രി​ക്കു​ക​യും ആ കെട്ടി​ട​മോ അതിലെ എടുത്തു​മാ​റ്റാ​വുന്ന വിലപി​ടി​പ്പുള്ള വസ്‌തു​ക്ക​ളോ സംരക്ഷി​ക്കാൻ നിങ്ങൾ ആഗ്രഹി​ക്കു​ക​യും ചെയ്യു​ന്നെ​ങ്കിൽ, സൊ​സൈ​റ്റിക്ക്‌ രാജ്യ​ഹാൾ സഹായ ക്രമീ​ക​രണം (Kingdom Hall Assistance Arrangement—കെഎച്ച്‌എഎ) ഉണ്ട്‌. ഇതി​നെ​ക്കു​റി​ച്ചുള്ള വിവരങ്ങൾ എല്ലാ സഭകൾക്കും വിതരണം ചെയ്‌തി​ട്ടുണ്ട്‌. നാം ജീവി​ക്കുന്ന നിർണാ​യക നാളു​ക​ളു​ടെ വീക്ഷണ​ത്തിൽ, മോഷ​ണ​ത്തി​ന്റെ​യും മറ്റു നശീക​ര​ണ​പ്ര​വർത്ത​ന​ങ്ങ​ളു​ടെ​യും സാധ്യത വർധി​ച്ചി​രി​ക്കു​ന്ന​തി​നാൽ ഇതു വളരെ പ്രയോ​ജ​ന​പ്ര​ദ​മായ ക്രമീ​ക​ര​ണ​മാണ്‌. സൊ​സൈറ്റി നിശ്ചയി​ക്കുന്ന ഒരു ചെറിയ സംഭാ​വ​ന​മാ​ത്രം ഓരോ വർഷവും നൽകു​ന്ന​തി​ലൂ​ടെ, കെട്ടി​ട​ത്തി​ന്റെ​യോ വിലപി​ടി​പ്പുള്ള വസ്‌തു​ക്ക​ളു​ടെ​യോ നഷ്ടം പുനരു​ദ്ധ​രി​ക്കാൻ സഹായം ലഭിക്കുന്ന നിരയി​ലാ​യി​ത്തീ​രു​ന്നു സഭ. പരസ്യ​പ്ര​സംഗ സംവി​ധാ​നം, ഫർണീച്ചർ എന്നിവ പോലുള്ള വില​യേ​റിയ ഉപകര​ണങ്ങൾ അപ്രകാ​രം സംരക്ഷി​ക്കാ​വു​ന്ന​താണ്‌. ഇതു വളരെ സ്‌നേ​ഹ​പൂർവ​ക​മായ ഒരു കരുത​ലാണ്‌. ഇതു പ്രയോ​ജ​ന​പ്പെ​ടു​ത്താൻ എല്ലാ സഭക​ളെ​യും പ്രോ​ത്സാ​ഹി​പ്പി​ക്കു​ന്നു.

¹⁷ കൊടു​ക്ക​ലി​ന്റെ ആത്മാവ്‌ യഹോ​വ​യിൽനിന്ന്‌ ഉത്ഭവി​ക്കു​ന്നു. അവൻ തന്റെ ഭൗമിക മക്കൾക്കു സകല നല്ല ദാനങ്ങ​ളും പൂർണ​മായ സമ്മാന​ങ്ങ​ളും നൽകുന്ന ഏറ്റവും ഉദാര​നായ ദാതാ​വാണ്‌. (യാക്കോ. 1:17) താൻ നൽകി​യി​രി​ക്കുന്ന അത്ഭുത​ക​ര​മായ സകല സംഗതി​കൾക്കും പകരമാ​യി അവൻ നമ്മിൽനിന്ന്‌ എന്താണു പ്രതീ​ക്ഷി​ക്കു​ന്നത്‌? സങ്കീർത്ത​ന​ക്കാ​ര​നായ ദാവീദ്‌ അതേക്കു​റിച്ച്‌ ഈ ചോദ്യം ഉന്നയിച്ചു: “യഹോവ എനിക്കു ചെയ്‌ത സകല ഉപകാ​ര​ങ്ങൾക്കും ഞാൻ അവന്നു എന്തു പകരം കൊടു​ക്കും?” (സങ്കീ. 116:12) യഹോ​വ​യു​ടെ സകല സ്‌നേ​ഹ​ദ​യ​യ്‌ക്കും നിത്യ​ജീ​വന്റെ പ്രത്യാ​ശ​യ്‌ക്കും പകരം നമുക്ക്‌ അവന്‌ എന്തു നൽകാ​വു​ന്ന​താണ്‌? ഉത്തരമാ​യി സങ്കീർത്ത​ന​ക്കാ​രൻതന്നെ പറഞ്ഞു: “ഞാൻ രക്ഷയുടെ പാനപാ​ത്രം എടുത്തു യഹോ​വ​യു​ടെ നാമം വിളി​ച്ച​പേ​ക്ഷി​ക്കും. ഞാൻ നിനക്കു സ്‌തോ​ത്ര​യാ​ഗം കഴിച്ചു യഹോ​വ​യു​ടെ നാമം വിളി​ച്ച​പേ​ക്ഷി​ക്കും.” (സങ്കീ. 116:13, 17) അതേ, യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ക​യും നമ്മുടെ പ്രദേ​ശത്തു സത്യാ​രാ​ധന ഉന്നമി​പ്പി​ക്കു​ക​യും ചെയ്‌തു​കൊണ്ട്‌ നമ്മുടെ അചഞ്ചല​മായ കൂറു തെളി​യി​ക്കു​ന്ന​താണ്‌ നമുക്ക്‌ അവനു നൽകാൻ കഴിയുന്ന ഏറ്റവും അമൂല്യ​മായ സമ്മാനം. സ്വന്തമാ​യി രാജ്യ​ഹാൾ ഉണ്ടായി​രി​ക്കുക എന്നതാണ്‌ ഇതു ചെയ്യു​ന്ന​തി​നുള്ള ഒരു അത്യുത്തമ മാർഗം. “ദൈവം നിങ്ങ​ളോ​ടു​കൂ​ടെ ഉണ്ടെന്നു ഞങ്ങൾ കേട്ടി​രി​ക്ക​യാൽ ഞങ്ങൾ നിങ്ങ​ളോ​ടു​കൂ​ടെ പോരു​ന്നു” എന്നു പറഞ്ഞു​കൊണ്ട്‌ ആളുകൾ വരുന്നത്‌ അവി​ടേ​ക്കാണ്‌.—സെഖ. 8:23.

[6-ാം പേജിലെ ചതുരം]

രാജ്യഹാൾ നിർമാ​ണ​ത്തി​നു സംഭാവന ചെയ്യാൻ ഹൃദയം നിങ്ങളെ പ്രേരി​പ്പി​ക്കു​ന്നു​വോ?

രാജ്യഹാൾ നിർമാ​ണ​ത്തോ​ടുള്ള നിങ്ങളു​ടെ വിലമ​തി​പ്പും താത്‌പ​ര്യ​വും പ്രകടി​പ്പി​ക്കാൻ കഴിയുന്ന നിരവധി മാർഗ​ങ്ങ​ളുണ്ട്‌. അത്തരം പദ്ധതി​കളെ പണപര​മാ​യി സഹായി​ക്കു​ന്ന​തി​നു സൊ​സൈ​റ്റിക്ക്‌ ഒരു ദേശീയ രാജ്യ​ഹാൾ ഫണ്ട്‌ ഉണ്ട്‌. പിൻവ​രുന്ന വിധങ്ങ​ളിൽ നിങ്ങൾക്കു സഹായി​ക്കാ​വു​ന്ന​താണ്‌:

1. ദാനങ്ങൾ: സ്വമേ​ധ​യാ​ദാ​ന​മാ​യു​ളള പണം Watch Tower Bible and Tract Society-യിലേക്കു നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മററു വസ്‌തു​ക്ക​ളോ സംഭാവന ചെയ്യാ​വു​ന്ന​താണ്‌. ഈ സംഭാ​വ​ന​ക​ളോ​ടൊ​പ്പം അവ ദേശീയ രാജ്യ​ഹാൾ ഫണ്ടിനാ​യുള്ള ഒരു നിരു​പാ​ധിക ദാനമാ​ണെന്നു ചുരു​ക്ക​മാ​യി പ്രസ്‌താ​വി​ക്കുന്ന ഒരു കത്തും അയയ്‌ക്കേ​ണ്ട​താണ്‌.

2. സോപാ​ധിക സംഭാ​വനാ ക്രമീ​ക​രണം: വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നു​ളള വ്യവസ്ഥ​യിൽ, ദാതാ​വി​ന്റെ മരണം​വരെ പണം ഒരു ട്രസ്‌റ​റാ​യി സൂക്ഷി​ക്കാൻ വാച്ച്‌ ടവർ സൊ​സൈ​റ്റി​യെ ഏൽപ്പി​ക്കാ​വു​ന്ന​താണ്‌. ഈ പണം മേൽപ്പറഞ്ഞ ഫണ്ടിനാ​ണെന്നു വ്യക്തമാ​യി രേഖ​പ്പെ​ടു​ത്തണം.

3. ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ​റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ്റി​യിൽ ട്രസ്‌റ​റാ​യി അല്ലെങ്കിൽ മരണാ​ന​ന്തരം സൊ​സൈ​റ്റി​ക്കു ലഭിക്ക​ത്ത​ക്ക​വി​ധം ഏൽപ്പി​ക്കാ​വു​ന്ന​താണ്‌. ഈ തുകകൾ മേൽപ്പ​റ​ഞ്ഞി​രി​ക്കുന്ന ഫണ്ടിനാ​യി ഉപയോ​ഗി​ക്ക​ണ​മെന്നു വ്യക്തമാ​ക്കുക. അങ്ങനെ​യു​ളള ഏതു ക്രമീ​ക​ര​ണ​വും സൊ​സൈ​റ്റി​യെ അറിയി​ച്ചി​രി​ക്കണം.

4. സ്‌റേ​റാ​ക്കു​ക​ളും ഓഹരി​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റേ​റാ​ക്കു​ക​ളും ഓഹരി​ക​ളും വാച്ച്‌ ടവർ സൊ​സൈ​റ്റി​ക്കു ദാനമാ​യി നൽകാ​വു​ന്ന​താണ്‌. എന്തെങ്കി​ലും സാമ്പത്തിക ലാഭം ഉണ്ടെങ്കിൽ സൊ​സൈ​റ്റി​യു​ടെ കൈവ​ശ​മുള്ള രാജ്യ​ഹാൾ ഫണ്ടിനാ​യി രേഖ​പ്പെ​ടു​ത്തണം.

5. സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ആയുഷ്‌കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ്റി​ക്കു ദാനം ചെയ്യാ​വു​ന്ന​താണ്‌, ദാതാ​വി​ന്റെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ്റിക്ക്‌ ആധാരം ചെയ്യു​ന്ന​തി​നു മുമ്പായി സൊ​സൈ​റ്റി​യു​മാ​യി സമ്പർക്കം പുലർത്തണം. അതിൽനി​ന്നു ലഭിക്കുന്ന പണം രാജ്യ​ഹാൾ ഫണ്ടിനാ​യി ഉപയോ​ഗി​ക്കാ​നാ​ണെന്നു വ്യക്തമാ​യി പ്രസ്‌താ​വി​ക്കണം.

6. വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തരം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ്റിക്ക്‌ ഒസ്യത്താ​യി നൽകാ​വു​ന്ന​താണ്‌. അല്ലെങ്കിൽ ഒരു ട്രസ്‌ററ്‌ ക്രമീ​ക​ര​ണ​ത്തി​ന്റെ പ്രയോ​ക്താ​വാ​യി സൊ​സൈ​റ​റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു പ്രയോ​ജ​കീ​ഭ​വി​ക്കുന്ന ട്രസ്‌ററ്‌ ചില നികു​തി​യി​ള​വു​കൾ പ്രദാനം ചെയ്‌തേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്‌ററ്‌ കരാറി​ന്റെ ഒരു പകർപ്പു സൊ​സൈ​റ്റിക്ക്‌ അയച്ചു​കൊ​ടു​ക്കു​ക​യും വിൽപ്പ​ത്ര​ത്തി​ന്റെ​യോ ട്രസ്റ്റി​ന്റെ​യോ ആദായം രാജ്യ​ഹാൾ ഫണ്ടിനാ​ണെന്നു വ്യക്തമാ​യി രേഖ​പ്പെ​ടു​ത്തു​ക​യും വേണം.

ഇങ്ങനെയുളള കാര്യങ്ങൾ സംബന്ധി​ച്ചു കൂടുതൽ വിവരത്തിന്‌, Watch Tower Bible and Tract Society of India, H-58 Old Khandala Road, Lonavla 410401, MAH., INDIA-യിലേക്ക്‌ എഴുതുക.