ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത വേലയിൽ പങ്കെടു​ക്കു​ക

¹ മനുഷ്യ​വർഗ​ത്തി​ന്റെ ചരി​ത്ര​ത്തി​ലു​ട​നീ​ളം നിരവധി സന്ദർഭ​ങ്ങ​ളിൽ, തന്റെ ശത്രു​ക്ക​ളു​ടെ​മേൽ ന്യായ​വി​ധി നടത്തേ​ണ്ടത്‌ യഹോ​വയെ സംബന്ധി​ച്ചി​ട​ത്തോ​ളം അനിവാ​ര്യ​മാ​യി​രു​ന്നു. എന്നാൽ, തന്റെ കരുണ നിമിത്തം അവൻ ഉചിത​മായ ഹൃദയ​നി​ല​യു​ള്ള​വർക്ക്‌ രക്ഷയ്‌ക്കുള്ള അവസരം പ്രദാനം ചെയ്‌തു. (സങ്കീ. 103:13) അവരുടെ പ്രതി​ക​രണം അവർക്ക്‌ അന്തിമ​മാ​യി എന്തു സംഭവി​ക്കു​മെന്നു നിർണ​യി​ച്ചു.

² ദൃഷ്ടാ​ന്ത​ത്തിന്‌, പൊ.യു.മു. 2370-ലെ പ്രളയ​ത്തി​നു​മുമ്പ്‌ നോഹ ഒരു “നീതി​പ്ര​സം​ഗി​യാ”യിരുന്നു. ദിവ്യ മുന്നറി​യി​പ്പു തൃണവ​ത്‌ക​രി​ച്ച​വ​രാ​യി​രു​ന്നു നശിപ്പി​ക്ക​പ്പെ​ട്ടത്‌. (2 പത്രൊ. 2:5; എബ്രാ. 11:7) പൊ.യു. 70-ലെ യെരൂ​ശ​ലേ​മി​ന്റെ നാശത്തി​നു മുമ്പ്‌, ആ നഗരത്തിൻമേൽ സംഭവി​ക്കാ​നി​രുന്ന നാശത്തിൽനി​ന്നു രക്ഷപ്പെ​ടു​ന്ന​തിന്‌ ഏതൊ​രു​വ​നും സ്വീക​രി​ക്കേ​ണ്ടി​യി​രുന്ന നടപടി യേശു വ്യക്തമാ​യി വിവരി​ച്ചു. അവന്റെ മുന്നറി​യി​പ്പിൻ സന്ദേശം തിരസ്‌ക​രിച്ച ഏവരും ഭീതി​ദ​മായ അനന്തര​ഫ​ലങ്ങൾ അനുഭ​വി​ച്ചു. (ലൂക്കൊ. 21:20-24) അത്തരം ദിവ്യ മുന്നറി​യി​പ്പു​ക​ളും ന്യായ​വി​ധി​ക​ളും ചരി​ത്ര​ത്തിൽ അനേകം തവണ ആവർത്തി​ക്ക​പ്പെട്ടു.

³ ആധുനി​ക​കാല മുന്നറി​യി​പ്പിൻ വേല: ഇന്നത്തെ ദുഷ്ട വ്യവസ്ഥി​തി​ക്കെ​തി​രെ തന്റെ കോപം അഴിച്ചു​വി​ടു​മെ​ന്നും സൗമ്യ​ത​യു​ള്ളവർ മാത്രമേ അതിജീ​വി​ക്കു​ക​യു​ള്ളു​വെ​ന്നും യഹോവ ദീർഘ​കാ​ലം മുമ്പു പ്രഖ്യാ​പി​ച്ചു. (സെഫ. 2:2, 3; 3:8) ഈ മുന്നറി​യി​പ്പിൻ സന്ദേശം പ്രസം​ഗി​ക്കു​ന്ന​തി​നുള്ള സമയം സത്വരം തീർന്നു​കൊ​ണ്ടി​രി​ക്കു​ന്നു! “മഹോ​പ​ദ്രവം” തൊട്ടു മുമ്പി​ലാണ്‌. സൗമ്യ​ത​യു​ള്ളവർ ഇപ്പോൾ കൂട്ടി​വ​രു​ത്ത​പ്പെ​ടു​ന്നു. “നിലങ്ങൾ” തീർച്ച​യാ​യും “കൊയ്‌ത്തി​ന്നു വെളു​ത്തി​രി​ക്കു​ന്നു.” അതു​കൊണ്ട്‌, പ്രാധാ​ന്യ​ത്തി​ന്റെ​യും അടിയ​ന്തി​ര​ത​യു​ടെ​യും കാര്യ​ത്തിൽ മറ്റൊരു വേല​യെ​യും ഇതി​നോ​ടു താരത​മ്യ​പ്പെ​ടു​ത്താ​നാ​വില്ല.—മത്താ. 24:14, 21, 22; യോഹ. 4:35.

⁴ മറ്റുള്ള​വ​രോട്‌, അവർ “കേട്ടാ​ലും കേൾക്കാ​ഞ്ഞാ​ലും” ഈ ആധുനി​ക​കാല മുന്നറി​യി​പ്പു മുഴക്കു​ന്ന​തിൽ നാം പങ്കെടു​ക്കണം. നാം അവഗണി​ക്ക​രു​താത്ത ഒരു ദൈവദത്ത നിയമ​ന​മാ​ണിത്‌. (യെഹെ. 2:4, 5; 3:17, 18) ഈ വേലയിൽ നമുക്ക്‌ ഒരു പൂർണ​മായ പങ്കുണ്ടാ​യി​രി​ക്കു​ന്നത്‌, ദൈവ​ത്തോ​ടുള്ള നമ്മുടെ ആഴമായ സ്‌നേ​ഹ​ത്തി​ന്റെ​യും അയൽക്കാ​രോ​ടുള്ള നമ്മുടെ യഥാർഥ താത്‌പ​ര്യ​ത്തി​ന്റെ​യും നമ്മുടെ രക്ഷിതാ​വായ യേശു​ക്രി​സ്‌തു​വി​ലുള്ള അചഞ്ചല​മായ വിശ്വാ​സ​ത്തി​ന്റെ​യും ബോധ്യം​വ​രു​ത്തുന്ന തെളിവു പ്രദാനം ചെയ്യുന്നു.

⁵ പ്രവർത്തി​ക്കാ​നുള്ള സമയം ഇതാണ്‌: യഹോ​വ​യു​ടെ കഴിഞ്ഞ​കാല ന്യായ​വി​ധി​കൾക്കു ശേഷം, സാത്താ​നും അവന്റെ ഭൂതങ്ങ​ളും പ്രവർത്ത​ന​നി​രതർ ആയിരു​ന്ന​തി​നാൽ എല്ലായ്‌പോ​ഴും ദുഷ്ടത പുതി​യ​രൂ​പ​ത്തിൽ ഉയർന്നു​വന്നു. എന്നാൽ ഇത്തവണ അതു വ്യത്യ​സ്‌ത​മാ​യി​രി​ക്കും. സാത്താന്യ സ്വാധീ​നം തുടച്ചു​നീ​ക്ക​പ്പെ​ട്ടി​രി​ക്കും. ആസന്നമാ​യി​രി​ക്കുന്ന “മഹോ​പ​ദ്രവ”ത്തെക്കു​റി​ച്ചുള്ള ഒരു ആഗോള മുന്നറി​യി​പ്പു വീണ്ടു​മൊ​രി​ക്ക​ലും ആവശ്യ​മാ​യി​രി​ക്കു​ക​യില്ല. (വെളി. 7:14, NW; റോമ. 16:20) ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത ഒരു വേലയിൽ പങ്കുപ​റ്റാ​നുള്ള പ്രത്യേക പദവി നമുക്കുണ്ട്‌. ഈ അവസരം ഏറ്റവും നന്നായി വിനി​യോ​ഗി​ക്കാ​നുള്ള സമയം ഇതാണ്‌.

⁶ തന്റെ പ്രസംഗ പ്രവർത്ത​ന​ത്തെ​ക്കു​റി​ച്ചു തികഞ്ഞ ബോധ്യ​ത്തോ​ടെ അപ്പോ​സ്‌ത​ല​നായ പൗലൊസ്‌ പ്രസ്‌താ​വി​ച്ചു: “സകല മനുഷ്യ​രു​ടെ​യും രക്തത്തിൽനി​ന്നു ഞാൻ സ്വത​ന്ത്ര​നാണ്‌.” (പ്രവൃ. 20:26, NW) മുന്നറി​യി​പ്പു മുഴക്കു​ന്ന​തി​ലെ എന്തെങ്കി​ലും പരാജയം നിമിത്തം രക്തപാ​ത​ക​ക്കു​റ്റ​മു​ള്ള​താ​യി അവനു തോന്നി​യില്ല. എന്തു​കൊ​ണ്ടില്ല? കാരണം അവനു തന്റെ ശുശ്രൂ​ഷ​യെ​ക്കു​റിച്ച്‌ ഇപ്രകാ​രം പറയാൻ കഴിഞ്ഞു: “ഞാൻ . . . പോരാ​ടി​ക്കൊ​ണ്ടു അദ്ധ്വാ​നി​ക്കു​ന്നു.” (കൊലൊ. 1:29) ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത വേലയിൽ കഴിവി​ന്റെ പരമാ​വധി പങ്കെടു​ത്തു​കൊണ്ട്‌ നമുക്കും അതേ സംതൃ​പ്‌തി ആസ്വദി​ക്കാം!—2 തിമൊ. 2:15.