ജനസഞ്ച​യങ്ങൾ കൂട്ടി​ച്ചേർക്ക​പ്പെ​ടു​ന്നു

¹ ഒന്നാം നൂറ്റാ​ണ്ടിൽ സത്യമാ​യി​രു​ന്ന​തു​പോ​ലെ​തന്നെ, ക്രിസ്‌തീയ സഭ ഇന്ന്‌ അനുഭ​വി​ക്കുന്ന വളർച്ച​യും ശ്രദ്ധേ​യ​മാണ്‌. (പ്രവൃ. 2:41; 4:4) കഴിഞ്ഞ​വർഷം ലോക​വ്യാ​പ​ക​മാ​യി 3,66,579 പുതിയ ശിഷ്യൻമാർ സ്‌നാ​പ​ന​മേറ്റു, ഓരോ ദിവസ​വും ശരാശരി 1,000-ത്തിലധി​കം പേർ! കഴിഞ്ഞ മൂന്നു​വർഷം​കൊണ്ട്‌ പത്തു ലക്ഷത്തി​ല​ധി​കം ആളുകൾ സ്‌നാ​പ​ന​മേ​റ്റി​രി​ക്കു​ന്നു. തീർച്ച​യാ​യും യഹോവ വിശ്വാ​സി​ക​ളു​ടെ സമൂഹ​ങ്ങളെ കൂട്ടി​ച്ചേർത്തു​കൊ​ണ്ടി​രി​ക്കു​ന്നു.—പ്രവൃ. 5:14.

² ക്രിസ്‌തീയ ജീവി​ത​ത്തിൽ അനുഭ​വ​പ​രി​ചയം കുറഞ്ഞ നിരവധി പുതി​യ​വർക്കു വിശ്വാ​സ​ത്തിൽ ബലിഷ്‌ഠ​രാ​യി​രി​ക്കു​ന്ന​വ​രിൽനി​ന്നു സഹായ​വും പരിശീ​ല​ന​വും ആവശ്യ​മാണ്‌. (റോമ. 15:1) ആദിമ ക്രിസ്‌ത്യാ​നി​ക​ളിൽ ചിലർക്കു സ്‌നാ​പ​ന​മേറ്റു വർഷങ്ങൾ കഴിഞ്ഞി​ട്ടും “പക്വത​യി​ലേക്കു മുന്നേ​റാൻ” കഴിഞ്ഞില്ല. (എബ്രാ. 5:12; 6:1, NW) അതു​കൊ​ണ്ടാണ്‌ എബ്രാ​യർക്കുള്ള തന്റെ ലേഖന​ത്തിൽ ക്രിസ്‌ത്യാ​നി​കൾ ആത്മീയ​മാ​യി വളരേണ്ട മണ്ഡലങ്ങൾ പൗലൊസ്‌ പ്രദീ​പ്‌ത​മാ​ക്കി​യത്‌. അവ ഏതെല്ലാ​മാണ്‌, ആവശ്യ​മായ സഹായം എങ്ങനെ നൽകാ​വു​ന്ന​താണ്‌?

³ നല്ല പഠനശീ​ലങ്ങൾ സ്വായ​ത്ത​മാ​ക്കൽ: പൗലൊ​സി​ന്റെ പ്രബോ​ധ​ന​ത്തി​നു ചേർച്ച​യിൽ ഒരു നല്ല പഠിതാ​വാ​യി​രി​ക്കു​ന്ന​തിൽ ഫലപ്ര​ദ​മായ പഠനം, ആവർത്തനം, യഹോ​വ​യു​ടെ സ്ഥാപനം പ്രദാനം ചെയ്യുന്ന “കട്ടിയാ​യുള്ള ആഹാരം” ഉപയോ​ഗി​ക്കൽ തുടങ്ങി​യവ ഉൾപ്പെ​ടു​ന്നു. (എബ്രാ. 5:13, 14; 1993 ആഗസ്റ്റ്‌ 15 വീക്ഷാ​ഗോ​പു​ര​ത്തി​ന്റെ 12-17 പേജുകൾ കാണുക.) ആത്മീയ സംഭാ​ഷ​ണ​ങ്ങ​ളിൽ പുതിയ വിശ്വാ​സി​കളെ ഉൾപ്പെ​ടു​ത്തി​ക്കൊ​ണ്ടും വ്യക്തി​പ​ര​മായ ഗവേഷ​ണ​ത്തി​ലൂ​ടെ നിങ്ങൾ പഠിച്ച സത്യത്തി​ന്റെ അമൂല്യ രത്‌നങ്ങൾ അവരു​മാ​യി പങ്കു​വെ​ച്ചു​കൊ​ണ്ടും നല്ല പഠനശീ​ലങ്ങൾ വളർത്തി​യെ​ടു​ക്കാൻ നിങ്ങൾ അവരെ പ്രചോ​ദി​പ്പി​ച്ചേ​ക്കാം. ഒരുപക്ഷേ, നിങ്ങളു​ടെ വ്യക്തി​പ​ര​മായ പഠനത്തി​ലോ കുടും​ബാ​ധ്യ​യ​ന​ത്തി​ലോ പങ്കു​ചേ​രാൻ പുതിയ ഒരു വിശ്വാ​സി​യെ നിങ്ങൾക്ക്‌ ഇടയ്‌ക്കി​ടെ ക്ഷണിക്കാ​വു​ന്ന​താണ്‌.

⁴ യോഗ​ങ്ങൾക്കു ക്രമമാ​യി ഹാജരാ​കൽ: നിങ്ങളു​ടെ വിശ്വ​സ്‌ത​മായ ദൃഷ്ടാ​ന്ത​വും സ്‌നേ​ഹ​പൂർവ​ക​മായ പ്രോ​ത്സാ​ഹന വാക്കു​ക​ളും പൗലൊസ്‌ പരാമർശിച്ച പരിചി​ന്ത​നാർഹ​മായ മറ്റൊരു മണ്ഡലം—ക്രിസ്‌തീയ യോഗങ്ങൾ ഉപേക്ഷി​ക്കുന്ന “പതിവ്‌”—ഒഴിവാ​ക്കാൻ പുതിയ സഭാം​ഗ​ങ്ങളെ സഹായി​ക്കും. (എബ്രാ. 10:24, 25, NW) അവരെ സഭയു​മാ​യി ബന്ധപ്പെ​ടു​ത്തുന്ന ആത്മീയ ജീവരേഖ യോഗ​ങ്ങ​ളാ​ണെന്നു മനസ്സി​ലാ​ക്കാൻ അവരെ സഹായി​ക്കുക. നമ്മുടെ സഹോ​ദ​ര​വർഗ​ത്തി​ന്റെ ഭാഗ​മെ​ന്ന​നി​ല​യിൽ അവർക്കു സ്വാഗതം തോന്നാ​നി​ട​യാ​ക്കു​ന്ന​തിൽ മുൻ​കൈ​യെ​ടു​ക്കുക.

⁵ ആത്മവി​ശ്വാ​സ​ത്തോ​ടെ യഹോ​വയെ സമീപി​ക്കൽ: ജഡിക ബലഹീ​ന​ത​ക​ളും വ്യക്തിത്വ വൈക​ല്യ​ങ്ങ​ളും തരണം​ചെ​യ്യു​ന്ന​തിന്‌, അത്യഗാ​ധ​മായ വിചാ​ര​ങ്ങ​ളും ഏറ്റവും സ്വകാ​ര്യ​മായ ആകുല​ത​ക​ളും പ്രകടി​പ്പി​ച്ചു​കൊണ്ട്‌ നാം യഹോ​വ​യോ​ടു പ്രാർഥി​ക്കണം. സഹായ​ത്തി​നാ​യി യഹോ​വ​യോ​ടു യാചി​ച്ചു​കൊണ്ട്‌ അങ്ങനെ ചെയ്യാൻ പുതി​യവർ പഠിക്കണം. പൗലൊസ്‌ ഉദ്‌ബോ​ധി​പ്പി​ച്ച​തു​പോ​ലെ അവർ ശങ്കി​ക്കേ​ണ്ട​തില്ല. (എബ്രാ. 4:15, 16; 10:22) ഈ സംഗതി​യി​ലുള്ള നിങ്ങളു​ടെ വ്യക്തി​പ​ര​മായ അനുഭ​വങ്ങൾ യഹോവ ഹൃദയം​ഗ​മ​മായ പ്രാർഥ​നകൾ കേൾക്കു​മെ​ന്നുള്ള പുതിയ ഒരുവന്റെ ആത്മവി​ശ്വാ​സത്തെ ശക്തി​പ്പെ​ടു​ത്തും.

⁶ ശുശ്രൂ​ഷ​യ്‌ക്കാ​യി സമയം പട്ടിക​പ്പെ​ടു​ത്തൽ: നാം ദൈവ​ത്തി​നു “സ്‌തോ​ത്ര​യാ​ഗം ഇടവി​ടാ​തെ അർപ്പിക്കു”മ്പോൾ അത്‌ ആത്മീയ​മാ​യി ശക്തി​പ്പെ​ടു​ത്തു​ന്നു​വെ​ന്നും പൗലൊസ്‌ പ്രകട​മാ​ക്കി. (എബ്രാ. 13:15) വയൽശു​ശ്രൂ​ഷ​യ്‌ക്കുള്ള നിങ്ങളു​ടെ പ്രതി​വാര ക്രമീ​ക​ര​ണ​ങ്ങ​ളിൽ പങ്കു​ചേ​രാൻ ഒരു പുതിയ പ്രസാ​ധ​കനെ നിങ്ങൾക്കു ക്ഷണിക്കാൻ കഴിയു​മോ? ഒരുപക്ഷേ നിങ്ങൾക്കി​രു​വർക്കും​കൂ​ടി അവതര​ണങ്ങൾ തയ്യാറാ​കാ​നോ പുതി​യ​യാൾ ഇതുവരെ പരീക്ഷി​ച്ചു​നോ​ക്കി​യി​ട്ടി​ല്ലാത്ത ശുശ്രൂ​ഷ​യു​ടെ ഒരു വശം പരിഗ​ണി​ക്കാ​നോ കഴിയും.

⁷ കൂട്ടി​ച്ചേർക്ക​പ്പെ​ടുന്ന ജനസഞ്ച​യങ്ങൾ വലിയ സന്തോ​ഷ​ത്തി​നു നിദാ​ന​മാണ്‌. സഭയിലെ പുതിയ അംഗങ്ങളെ പരിശീ​ലി​പ്പി​ക്കു​ന്ന​തി​ലും പ്രബോ​ധി​പ്പി​ക്കു​ന്ന​തി​ലും നാം നമ്മെത്തന്നെ വിനി​യോ​ഗി​ക്കു​ന്നത്‌ ‘ജീവരക്ഷ പ്രാപി​ക്കു​ന്ന​വ​രാ​യി​രി​ക്കാൻ’ ആവശ്യ​മാ​യി​രി​ക്കുന്ന ശക്തമായ വിശ്വാ​സം വളർത്തി​യെ​ടു​ക്കാൻ അവരെ സഹായി​ക്കും.—എബ്രാ. 3:12, 13; 10:39.