യോജി​പ്പോ​ടെ ഏകീഭ​വി​ക്കു​വിൻ

¹ മനുഷ്യ​ശ​രീ​ര​ത്തി​ന്റെ അതിവി​ദഗ്‌ധ രൂപസം​വി​ധാ​നം നിങ്ങളെ എത്ര കൂടെ​ക്കൂ​ടെ വിസ്‌മ​യ​ഭ​രി​ത​രാ​ക്കി​യി​ട്ടുണ്ട്‌? (സങ്കീ. 139:14) ശരീര​ത്തി​ലെ ഓരോ അവയവ​വും പരസ്‌പര യോജി​പ്പി​ലാ​ണു പ്രവർത്തി​ക്കു​ന്നത്‌. ദൈവ​വ​ചനം ക്രിസ്‌തീയ സഭയെ നല്ല യോജി​പ്പിൽ പ്രവർത്തി​ക്കുന്ന ഒരു ശരീര​ത്തോട്‌ ഉപമി​ക്കു​ന്നു. ക്രിസ്‌തു​വാ​കുന്ന ശിരസ്സി​നു കീഴെ സഭയിലെ മുഴുവൻ അംഗങ്ങ​ളും ‘സന്ധിബ​ന്ധ​ങ്ങ​ളാൽ അതതിന്റെ ജോലി നിർവ്വ​ഹി​ക്ക​ത്ത​ക്ക​വി​ധം [“യോജി​പ്പോ​ടെ ഏകീഭ​വി​ക്കു​ന്നു,” NW] സമന്വ​യി​ക്ക​പ്പെ​ടു​ന്നു.’ (എഫെ. 4:16, പി.ഒ.സി. ബൈബിൾ) അതു​കൊണ്ട്‌, അത്ഭുത​ക​ര​മായ കാര്യങ്ങൾ നിർവ​ഹി​ക്കാൻ തന്റെ ഏകീകൃത ജനത്തെ ഉപയോ​ഗി​ക്കാൻ യഹോ​വയ്‌ക്കു സാധി​ക്കു​ന്നു.

² ഒന്നാം നൂറ്റാ​ണ്ടിൽ ക്രിസ്‌തീയ സഭയിലെ അംഗങ്ങൾ, പരസ്‌പ​ര​മുള്ള ആത്മീയ​വും ഭൗതി​ക​വു​മായ ആവശ്യ​ങ്ങൾക്കാ​യി കരുതു​ന്ന​തിൽ “ഒരുമ​ന​പ്പെട്ടു” പ്രവർത്തി​ച്ചു. (പ്രവൃ. 2:44-47) യഹോ​വ​യു​ടെ സഹായ​ത്തോ​ടെ അവർ കടുത്ത എതിർപ്പി​നെ നേരി​ടു​ക​യും വിജയം വരിക്കു​ക​യും ചെയ്‌തു. (പ്രവൃ. 4:24-31) പോയ സ്ഥലങ്ങളി​ലെ​ല്ലാം അവർ രാജ്യ സന്ദേശം പ്രഖ്യാ​പി​ച്ചു. അങ്ങനെ ലോകത്ത്‌ അക്കാലത്ത്‌ അറിയ​പ്പെ​ട്ടി​രുന്ന ഭാഗങ്ങ​ളി​ലെ​ല്ലാം സുവാർത്ത എത്തി. (കൊലൊ. 1:23) ഈ ആധുനിക നാളു​ക​ളിൽ, ക്രിസ്‌തീയ സഭ ഐക്യ​ത്തോ​ടെ ഇതേ കാര്യ​ങ്ങൾതന്നെ വലിയ തോതിൽ നിർവ​ഹി​ച്ചി​രി​ക്കു​ന്നു. ഈ ഐക്യ​ത്തി​നു നിദാ​ന​മായ ഘടകങ്ങൾ എന്തെല്ലാ​മാണ്‌?

³ ദിവ്യ പഠിപ്പി​ക്ക​ലി​നാൽ ഏകീക​രി​ക്ക​പ്പെ​ടു​ന്നു: നമ്മുടെ ആരാധന ആഗോ​ള​മായ ഐക്യം നമുക്കു കൈവ​രു​ത്തി​യി​രി​ക്കു​ന്നു. അത്‌ എങ്ങനെ​യാ​ണു സാധ്യ​മാ​യി​രി​ക്കു​ന്നത്‌? ‘തൽസമ​യത്ത്‌ ആത്മീയ ഭക്ഷണം’ പ്രദാനം ചെയ്യാൻ യഹോവ ഉപയോ​ഗി​ക്കുന്ന ദൃശ്യ സരണിയെ നാം അംഗീ​ക​രി​ക്കു​ന്നു. (മത്താ. 24:45) സഭയിൽ ഉപദേ​ഷ്ടാ​ക്കൾ എന്ന നിലയിൽ അവൻ നമുക്കു നൽകി​യി​രി​ക്കുന്ന “മനുഷ്യ​രാം ദാനങ്ങ”ളെയും നാം വിലമ​തി​ക്കു​ന്നു. നമ്മെ ആത്മീയ​മാ​യി പോഷി​പ്പി​ക്കാ​നുള്ള യഹോ​വ​യു​ടെ കരുത​ലു​കൾ താഴ്‌മ​യോ​ടെ സ്വീക​രി​ക്കു​മ്പോൾ, ദൈവ​വ​ചനം സംബന്ധിച്ച നമ്മുടെ ഗ്രാഹ്യം വർധി​ക്കു​ക​യും യേശു​വി​നെ അവന്റെ ശിഷ്യ​ന്മാ​രെന്ന നിലയിൽ അനുക​രി​ക്കാ​നുള്ള പൊതു​വായ ഒരു ആഗ്രഹം നമ്മിൽ ഉളവാ​കു​ക​യും ചെയ്യുന്നു. ‘വിശ്വാ​സ​ത്തി​ലുള്ള ഐക്യത പ്രാപി​ക്കാൻ’ ശ്രമി​ച്ചു​കൊ​ണ്ടു നാം ദൈവ​വ​ചനം തീക്ഷ്‌ണ​ത​യോ​ടെ പഠിക്കു​ന്ന​തിൽ തുടരണം. (എഫെ. 4:8, 11-13) ദൈനം​ദി​നം ബൈബിൾ വായി​ച്ചു​കൊണ്ട്‌ നമ്മുടെ ആത്മീയ ഐക്യത്തെ നിങ്ങൾ ഉന്നമി​പ്പി​ക്കു​ന്നു​ണ്ടോ?

⁴ ക്രിസ്‌തീയ സഹവാ​സ​ത്താൽ ഏകീക​രി​ക്ക​പ്പെ​ടു​ന്നു: സ്‌നേഹം നമ്മെ ക്രിസ്‌തീയ യോഗ​ങ്ങ​ളി​ലെ ഉറ്റ സഹവാ​സ​ത്തിൽ ഏകീഭ​വി​പ്പി​ക്കു​ന്നു. ഈ യോഗ​ങ്ങ​ളിൽ നാം “അന്യോ​ന്യം പരിഗണി”ക്കുന്നു. (എബ്രാ. 10:24, 25, NW) നമ്മുടെ സഹോ​ദ​ര​ങ്ങളെ കേവലം പുറമേ വീക്ഷി​ക്കു​ന്ന​തി​നു പകരം, അവരെ യഥാർഥ​ത്തിൽ അറിയു​ന്ന​തും യഹോവ വീക്ഷി​ക്കു​ന്ന​തു​പോ​ലെ അവരെ “അമൂല്യ​നി​ധി​കൾ” ആയി കാണു​ന്ന​തും ഇതിൽ ഉൾപ്പെ​ടു​ന്നു. (ഹഗ്ഗാ. 2:7, പി.ഒ.സി. ബൈ.) അവരുടെ വിശ്വാ​സ​ത്തി​ന്റെ പ്രകട​നങ്ങൾ ശ്രദ്ധി​ക്കു​മ്പോൾ അവരോ​ടുള്ള നമ്മുടെ സ്‌നേഹം ആഴമു​ള്ള​താ​കു​ക​യും നമ്മുടെ ഐക്യം ശക്തി​പ്പെ​ടു​ക​യും ചെയ്യുന്നു. സഭാ യോഗ​ങ്ങ​ളിൽ പതിവാ​യി സംബന്ധി​ക്കുന്ന ഒരാളാ​ണു നിങ്ങ​ളെന്ന്‌ മറ്റുള്ള​വർക്കു കാണാൻ കഴിയു​ന്നു​ണ്ടോ?

⁵ വയലിലെ കൂട്ടു​വേ​ല​ക്കാർ: സഹവി​ശ്വാ​സി​ക​ളോ​ടൊ​ത്തു സുവാർത്ത പ്രസം​ഗി​ക്കു​ന്നതു ദൈ​വേഷ്ടം ചെയ്യു​ന്ന​തിൽ നമ്മെ ഏകീക​രി​ക്കു​ന്നു. തന്നോ​ടൊ​പ്പം ‘ദൈവ​രാ​ജ്യ​ത്തി​നു കൂട്ടു​വേ​ല​ക്കാർ’ ആയവരെ പൗലൊസ്‌ വിലമ​തി​ക്കു​ക​യു​ണ്ടാ​യി. (കൊലൊ. 4:11) ശുശ്രൂ​ഷ​യിൽ ആയിരി​ക്കെ അനുഭ​വങ്ങൾ പങ്കു​വെ​ക്കു​ന്ന​തും പരസ്‌പരം സഹായി​ക്കു​ന്ന​തും നമ്മുടെ ക്രിസ്‌തീയ ദൗത്യം നിർവ​ഹി​ക്കാൻ നമ്മെ സഹായി​ക്കു​ക​യും ഐക്യ​ത്തി​ന്റെ ബന്ധത്തെ ശക്തമാ​ക്കു​ക​യും ചെയ്യുന്നു.—കൊലൊ. 3:14.

⁶ ഏകീക​രി​ക്കാ​നുള്ള പരിശു​ദ്ധാ​ത്മാ​വി​ന്റെ ശക്തി: നാം യഹോ​വ​യു​ടെ ഹിതം തീക്ഷ്‌ണ​ത​യോ​ടെ നിറ​വേ​റ്റു​മ്പോൾ തന്റെ പരിശു​ദ്ധാ​ത്മാ​വി​നെ നൽകി അവൻ നമ്മെ അനു​ഗ്ര​ഹി​ക്കും. അതു നമുക്കി​ട​യി​ലു​ണ്ടാ​കുന്ന പ്രശ്‌നങ്ങൾ കുറയ്‌ക്കാ​നും ഐക്യ​ത്തിൽ ഒത്തൊ​രു​മി​ച്ചു വസിക്കാ​നും നമ്മെ സഹായി​ക്കു​ന്നു. (സങ്കീ. 133:1) “ആത്മാവി​ന്റെ ഐക്യത സമാധാ​ന​ബ​ന്ധ​ത്തിൽ കാപ്പാൻ” അതു നമ്മെ പ്രേരി​പ്പി​ക്കു​ന്നു. (എഫെ. 4:3) പരസ്‌പ​ര​മുള്ള ഇടപെ​ട​ലു​ക​ളിൽ ആത്മാവി​ന്റെ ഫലങ്ങൾ പ്രകട​മാ​ക്കി​ക്കൊ​ണ്ടു ദൈവ​ജ​ന​ത്തി​നി​ട​യി​ലുള്ള ഐക്യത്തെ ഉന്നമി​പ്പി​ക്കാൻ നമ്മിൽ ഓരോ​രു​ത്തർക്കും സാധി​ക്കും.—ഗലാ. 5:22, 23.

⁷ ക്രിസ്‌തു​വി​ന്റെ നേതൃ​ത്വ​ത്തിൻ കീഴിൽ ഐക്യ​ത്തോ​ടെ സേവി​ക്കു​മ്പോൾ ‘ശരീരം മുഴു​വ​നും സ്‌നേ​ഹ​ത്തിൽ വളർച്ച പ്രാപി​ക്കു​ന്നു.’ (എഫെ. 4:16) കൂടാതെ, “സമാധാ​ന​ത്തി​ന്റെ ദൈവ”മായ യഹോ​വയെ അതു മഹത്ത്വ​പ്പെ​ടു​ത്തു​ക​യും ചെയ്യുന്നു.—റോമ. 16:20.