അർഹത​യു​ള്ള​വരെ അന്വേ​ഷി​ക്കു​വിൻ

1. ശുശ്രൂ​ഷ​യിൽ പങ്കെടു​ക്കാ​നുള്ള പദവിയെ വിലമ​തി​ക്കു​ന്നു​വെന്ന്‌ നമു​ക്കെ​ങ്ങനെ കാണി​ക്കാം?

¹ തന്റെ ഭൗമിക ശുശ്രൂ​ഷ​ക്കാ​ലത്ത്‌ എളിയ​വ​രു​മാ​യി ആശ്വാ​സ​ദാ​യ​ക​മായ സദ്വാർത്ത പങ്കു​വെ​ക്കാൻ യേശു കഠിന​മാ​യി യത്‌നി​ച്ചു. (യെശ. 61:1, 2) ക്രിസ്‌തു​വി​നു​വേ​ണ്ടി​യുള്ള സ്ഥാനപ​തി​ക​ളും വക്താക്ക​ളും എന്ന നിലയിൽ, നമ്മുടെ പ്രദേ​ശ​ത്തുള്ള അർഹരാ​യ​വർക്കാ​യി അക്ഷീണ​വും സമഗ്ര​വു​മായ അന്വേ​ഷണം നടത്തി​ക്കൊണ്ട്‌ അവനെ അനുക​രി​ക്കു​ന്ന​തി​നുള്ള വിശി​ഷ്ട​മായ പദവി ഇന്നു നമുക്കുണ്ട്‌.—മത്താ. 10:11; 2 കൊരി. 5:20.

2. പൗലോസ്‌ വഴക്കം പ്രകട​മാ​ക്കി​യ​തെ​ങ്ങനെ, അതിന്റെ ഫലമെ​ന്താ​യി​രു​ന്നു?

² വഴക്കമു​ള്ള​വ​രാ​യി​രി​ക്കുക: ഒരു പ്രദേ​ശത്തു ചെന്നാൽ ആദ്യം​തന്നെ അവിടത്തെ സിന​ഗോ​ഗിൽ ചെന്ന്‌ യഹൂദ​ന്മാ​രോ​ടും മതപരി​വർത്തി​ത​രോ​ടും പ്രസം​ഗി​ക്കുന്ന രീതി​യാ​യി​രു​ന്നു പൗലോസ്‌ അപ്പൊ​സ്‌ത​ല​ന്റേത്‌. (പ്രവൃ. 14:1) എന്നാൽ ഫിലി​പ്പി​യിൽ ചെന്ന​പ്പോൾ, ആളുകളെ കണ്ടെത്താ​നാ​യി അവനും ശീലാ​സും, ‘പ്രാർഥ​നാ​സ്ഥലം ഉണ്ടായി​രി​ക്കും’ എന്ന്‌ അവർ വിചാ​രിച്ച ഒരിട​ത്തേക്കു പോയി. അവി​ടെ​യു​ണ്ടാ​യി​രുന്ന ഒരു സംഘം സ്‌ത്രീ​ക​ളോട്‌ അവർ സാക്ഷീ​ക​രി​ച്ചു. അക്കൂട്ട​ത്തി​ലു​ണ്ടാ​യി​രുന്ന ലുദിയ പെട്ടെ​ന്നു​തന്നെ സത്യം സ്വീക​രി​ക്കു​ക​യും ചെയ്‌തു.—പ്രവൃ. 16:12-15.

3. വീടു​തോ​റു​മുള്ള വേലയ്‌ക്കു പുറമേ സേവന​ത്തി​നുള്ള മറ്റെന്ത്‌ അവസരങ്ങൾ നമുക്കുണ്ട്‌?

³ വീടു​തോ​റു​മുള്ള വേലയ്‌ക്കു പുറമേ, നിങ്ങളു​ടെ പ്രദേ​ശ​ത്തുള്ള ബസ്‌ സ്റ്റാൻഡ്‌, പാർക്ക്‌, ഓഫീ​സു​കൾ, തിരക്കുള്ള കവലകൾ, ചന്തകൾ, കടകൾ എന്നിവി​ട​ങ്ങ​ളി​ലും സാക്ഷീ​ക​രി​ക്കാൻ നിങ്ങൾക്കാ​കു​മോ? അന്യർക്കു പ്രവേ​ശനം നിരോ​ധി​ച്ചി​രി​ക്കുന്ന കനത്ത സുരക്ഷാ സംവി​ധാ​ന​മുള്ള അപ്പാർട്ടു​മെ​ന്റു​ക​ളി​ലും മറ്റും കത്തു മുഖേ​ന​യോ ഫോണി​ലൂ​ടെ​യോ നിങ്ങൾക്കു സാക്ഷീ​ക​രി​ക്കാ​നാ​യേ​ക്കും. എന്നാൽ സാക്ഷീ​ക​ര​ണ​ത്തി​ന്റെ വിവിധ വശങ്ങളിൽ ഏർപ്പെ​ടു​മ്പോൾ ജാഗ്ര​ത​യും വിവേ​ക​വും ഉള്ളവരാ​യി​രി​ക്കേ​ണ്ടത്‌ അതി​പ്ര​ധാ​ന​മാണ്‌. പ്രദേ​ശത്തെ മാറി​വ​രുന്ന സാഹച​ര്യ​ങ്ങൾ മനസ്സി​ലാ​ക്കി ആവശ്യ​മായ പൊരു​ത്ത​പ്പെ​ടു​ത്തൽ വരുത്തു​ന്നെ​ങ്കിൽ “കർത്താ​വി​ന്റെ വേലയിൽ സദാ വ്യാപൃ​ത​രാ​യി”രിക്കാൻ നിങ്ങൾക്കാ​കും.—1 കൊരി. 15:58.

4. സഭയ്‌ക്കു പ്രവർത്തി​ക്കാൻ ആവശ്യ​ത്തി​നു പ്രദേ​ശ​മി​ല്ലെ​ങ്കിൽ നമു​ക്കെന്തു ചെയ്യാം?

⁴ മറ്റൊരു സഭയി​ലേക്കു മാറി​ക്കൊണ്ട്‌ ശുശ്രൂഷ വികസി​പ്പി​ക്കാൻ പല പ്രസാ​ധ​കർക്കും സാധി​ച്ചി​ട്ടുണ്ട്‌. തങ്ങളുടെ പ്രദേ​ശത്തു വന്നുപാർക്കുന്ന മറ്റു ഭാഷക്കാ​രോ​ടു പ്രസം​ഗി​ക്കാൻ ചിലർ ഒരു പുതിയ ഭാഷ​പോ​ലും പഠിച്ചി​രി​ക്കു​ന്നു.

5. നാം ജീവി​ക്കുന്ന ഈ കാല​ത്തെ​ക്കു​റി​ച്ചുള്ള നമ്മുടെ വീക്ഷണം എന്തായി​രി​ക്കണം, എന്തു ചെയ്യാൻ നാം ദൃഢനി​ശ്ച​യ​മു​ള്ള​വ​രാ​യി​രി​ക്കണം?

⁵ ഈ “ലോകം” മുഴുവൻ നമുക്കു പ്രവർത്തി​ക്കാ​നുള്ള ‘വയലാ​ണെന്ന’ കാര്യം നാം മനസ്സിൽപ്പി​ടി​ക്കണം. (മത്താ. 9:37; 13:38) ഈ ദുഷ്ട വ്യവസ്ഥി​തി​യു​ടെ നാശം ആസന്നമാ​യി​രി​ക്കെ, നാമോ​രോ​രു​ത്ത​രും നമ്മുടെ സാഹച​ര്യ​വും കഴിവു​ക​ളും അവസര​ങ്ങ​ളും ശുശ്രൂഷ വികസി​പ്പി​ക്കു​ന്ന​തി​നുള്ള സാധ്യ​ത​ക​ളും ഗൗരവ​പൂർവം വിലയി​രു​ത്തണം. രാജ്യ​താ​ത്‌പ​ര്യ​ങ്ങൾ ഒന്നാമതു വെക്കു​ന്ന​പക്ഷം, ശുശ്രൂഷ വികസി​പ്പി​ക്കാ​നുള്ള നമ്മുടെ ആത്മാർഥ ശ്രമങ്ങളെ താൻ അനു​ഗ്ര​ഹി​ക്കു​മെന്ന്‌ യഹോവ നമുക്ക്‌ ഉറപ്പു​നൽകു​ന്നു.—മത്താ. 6:33.