അനൗപ​ചാ​രിക സാക്ഷീ​ക​ര​ണ​ത്തിന്‌ നിങ്ങൾ സജ്ജരാ​ണോ?

1. അനൗപ​ചാ​രിക സാക്ഷീ​ക​രണം ഫലകര​മാ​ണെന്ന്‌ ഏത്‌ ഉദാഹ​രണം കാണി​ക്കു​ന്നു?

¹ അനൗപ​ചാ​രിക സാക്ഷീ​ക​രണം ഫലകര​മാ​ക്കാൻ നമുക്കു കഴിയും. ഈ വിധത്തി​ലുള്ള സാക്ഷീ​ക​ര​ണ​ത്തിന്‌ നല്ല ഫലങ്ങൾ ലഭിച്ച​തി​ന്റെ നിരവധി ഉദാഹ​ര​ണങ്ങൾ ബൈബി​ളിൽ കാണാം. (യോഹ. 4:7-15) അനൗപ​ചാ​രിക സാക്ഷീ​ക​ര​ണ​ത്തി​നാ​യി നമുക്ക്‌ എങ്ങനെ സജ്ജരാ​കാ​നാ​കും?

2. നമ്മുടെ വസ്‌ത്ര​ധാ​ര​ണ​വും ചമയവും സാക്ഷീ​ക​ര​ണ​ത്തിന്‌ അവസരം നൽകി​യേ​ക്കാ​വു​ന്നത്‌ എങ്ങനെ?

² വസ്‌ത്ര​ധാ​ര​ണ​വും ചമയവും: നമ്മുടെ വസ്‌ത്ര​ധാ​ര​ണ​വും ചമയവും എല്ലായ്‌പോ​ഴും മാന്യ​മാ​ണെ​ങ്കിൽ മറ്റുള്ള​വ​രോട്‌ നമ്മുടെ വിശ്വാ​സ​ത്തെ​ക്കു​റിച്ച്‌ നമുക്ക്‌ മടികൂ​ടാ​തെ സംസാ​രി​ക്കാ​നാ​കും. (1 തിമൊ. 2:9, 10) എന്നാൽ നമ്മുടെ വസ്‌ത്ര​ധാ​രണം ഉചിത​മ​ല്ലെന്നു നമുക്കു തോന്നു​ന്നെ​ങ്കി​ലോ? സാക്ഷ്യം നൽകാൻ നമ്മൾ മടി​ച്ചേ​ക്കാം. നേരെ​മ​റിച്ച്‌, വൃത്തി​യും വെടി​പ്പു​മുള്ള വസ്‌ത്ര​ധാ​രണം മറ്റുള്ള​വ​രു​ടെ താത്‌പ​ര്യം ഉണർത്തി​യേ​ക്കാം. ഉദാഹ​ര​ണ​ത്തിന്‌, ഒരു സാക്ഷി​ദ​മ്പ​തി​കൾ ഒരിക്കൽ യാത്ര​ചെ​യ്യു​ക​യാ​യി​രു​ന്നു. അവരുടെ നല്ല വസ്‌ത്ര​ധാ​ര​ണ​രീ​തി ശ്രദ്ധിച്ച ഇസ്ലാംമത വിശ്വാ​സി​യായ ഒരു സഹയാ​ത്രി​കൻ അവർ ക്രിസ്‌ത്യാ​നി​ക​ളാ​ണോ എന്നു ചോദി​ച്ചു. ഫലമെ​ന്താ​യി​രു​ന്നു? മൂന്നു മണിക്കൂർ നീണ്ട ഒരു ബൈബിൾ ചർച്ച!

3. യേശു​വി​ന്റെ മാതൃക അനുക​രി​ച്ചു​കൊണ്ട്‌ നിങ്ങൾ എങ്ങനെ​യാണ്‌ സംഭാ​ഷണം തുടങ്ങി​യി​ട്ടു​ള്ളത്‌?

³ സംഭാ​ഷണം തുടങ്ങാൻ: യാക്കോ​ബി​ന്റെ ഉറവി​ന​രി​കെ കണ്ടുമു​ട്ടിയ ശമര്യ​സ്‌ത്രീ​യോട്‌ വെള്ളം ചോദി​ച്ചു​കൊ​ണ്ടാണ്‌ യേശു ഒരു സംഭാ​ഷണം ആരംഭി​ച്ചത്‌. സമാന​മാ​യി, ലളിത​മായ ഒരു ചോദ്യം ചോദി​ച്ചു​കൊ​ണ്ടോ എന്തി​നെ​ക്കു​റി​ച്ചെ​ങ്കി​ലും ഒരു അഭി​പ്രാ​യം പറഞ്ഞു​കൊ​ണ്ടോ നമുക്കും സംഭാ​ഷണം തുടങ്ങാൻ കഴിയും. മറ്റുള്ള​വ​രു​മാ​യി സംഭാ​ഷണം തുടങ്ങുക എന്നത്‌ നമുക്ക്‌ എപ്പോ​ഴും അത്ര എളുപ്പ​മ​ല്ലാ​യി​രി​ക്കാം. എന്നാൽ യഹോ​വ​യിൽ ആശ്രയി​ക്കു​ന്നെ​ങ്കിൽ അതിനുള്ള ‘ധൈര്യം’ നമുക്കു ലഭിക്കും. അവരുടെ മറുപടി ശ്രദ്ധിച്ചു കേൾക്കു​ന്നെ​ങ്കിൽ, അവർക്ക്‌ താത്‌പ​ര്യ​മു​ണ്ടോ​യെ​ന്നും സംഭാ​ഷണം തുട​രേ​ണ്ട​തു​ണ്ടോ​യെ​ന്നും നമുക്ക്‌ മനസ്സി​ലാ​കും.—1 തെസ്സ. 2:2.

4. അനൗപ​ചാ​രിക സാക്ഷീ​ക​ര​ണ​ത്തിന്‌ നമുക്ക്‌ എങ്ങനെ സജ്ജരാ​കാം?

⁴ അവസരങ്ങൾ സൃഷ്ടി​ക്കുക: അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള മാർഗങ്ങൾ പല പ്രസാ​ധ​ക​രും കണ്ടെത്തി​യി​ട്ടുണ്ട്‌. നിങ്ങളു​ടെ സാഹച​ര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ദിവസ​വും നിങ്ങൾ കണ്ടുമു​ട്ടാൻ സാധ്യ​ത​യുള്ള ആളുക​ളെ​ക്കു​റിച്ച്‌ ഓർത്തു​നോ​ക്കുക. ഒരു ചെറിയ ബൈബി​ളും അനു​യോ​ജ്യ​മായ പ്രസി​ദ്ധീ​ക​ര​ണ​ങ്ങ​ളും കൂടെ​ക്ക​രു​തുക. ചുറ്റു​മുള്ള ആളുകളെ നിരീ​ക്ഷി​ക്കുക, അവരിൽ താത്‌പ​ര്യ​മെ​ടു​ക്കുക. ലഭ്യമാ​യേ​ക്കാ​വുന്ന അവസര​ങ്ങ​ളെ​ക്കു​റിച്ച്‌ മുന്നമേ ചിന്തി​ക്കു​ന്നെ​ങ്കിൽ, സാക്ഷ്യം നൽകാൻ എപ്പോ​ഴും നിങ്ങൾ സജ്ജരാ​യി​രി​ക്കും.—ഫിലി. 1:12-14; 1 പത്രോ. 3:15.

5. അനൗപ​ചാ​രിക സാക്ഷീ​ക​ര​ണ​ത്തി​നാ​യി നാം എപ്പോ​ഴും ഒരുങ്ങി​യി​രി​ക്കേ​ണ്ടത്‌ എന്തു​കൊണ്ട്‌?

⁵ അനൗപ​ചാ​രിക സാക്ഷീ​ക​ര​ണ​ത്തി​നുള്ള അവസരങ്ങൾ പ്രയോ​ജ​ന​പ്പെ​ടു​ത്താൻ നമുക്ക്‌ രണ്ടു നല്ല കാരണ​ങ്ങ​ളുണ്ട്‌—ദൈവ​ത്തോ​ടുള്ള സ്‌നേ​ഹ​വും അയൽക്കാ​രോ​ടുള്ള സ്‌നേ​ഹ​വും. (മത്താ. 22:37-39) പ്രസം​ഗ​വേല ഇപ്പോൾ അടിയ​ന്തി​ര​മാ​യി​രി​ക്കു​ന്ന​തി​നാൽ, അനൗപ​ചാ​രിക സാക്ഷീ​ക​ര​ണ​ത്തി​നാ​യി നാം എപ്പോ​ഴും ഒരുങ്ങി​യി​രി​ക്കേ​ണ്ട​താണ്‌. ശേഷി​ച്ചി​രി​ക്കുന്ന ഈ സമയത്ത്‌ മറ്റുള്ള​വ​രോട്‌ രാജ്യ​സു​വാർത്ത പറയാ​നുള്ള എല്ലാ അവസര​വും പ്രയോ​ജ​ന​പ്പെ​ടു​ത്താൻ നാം സജ്ജരാ​യി​രി​ക്കണം.—റോമ. 10:13, 14; 2 തിമൊ. 4:2.