നിങ്ങളു​ടെ സമയം ശുശ്രൂ​ഷ​യിൽ പൂർണ​മാ​യി പ്രയോജനപ്പെടുത്തുക

യഹോ​വ​യു​ടെ സാക്ഷികൾ 2014 സേവന​വർഷ​ത്തിൽ 194,54,87,604 മണിക്കൂർ ശുശ്രൂ​ഷ​യിൽ ചെലവ​ഴി​ച്ചു. യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി തുടരാ​നുള്ള നമ്മുടെ ഉറച്ച​ബോ​ധ്യ​ത്തി​ന്റെ വ്യക്തമായ തെളി​വാണ്‌ അത്‌. (സങ്കീ. 110:3; 1 കൊരി. 15:58) “സമയം ചുരു​ങ്ങി​യി​രി​ക്കുന്ന”തിനാൽ ശുശ്രൂ​ഷ​യി​ലെ നമ്മുടെ വില​യേ​റിയ അവസരങ്ങൾ കൂടുതൽ ആളുകളെ കണ്ടെത്താ​നാ​യി ഉപയോ​ഗി​ക്കാ​നാ​കു​മോ?—1 കൊരി. 7:29.

സമയം ഏറ്റവും മെച്ചമാ​യി ചെലവ​ഴി​ക്കു​ന്ന​തിന്‌ ചില മാറ്റങ്ങൾ വേണ്ടി​വ​ന്നേ​ക്കാം. ഉദാഹ​ര​ണ​ത്തിന്‌, ശുശ്രൂ​ഷ​യു​ടെ ഒരു പ്രത്യേ​ക​വ​ശത്ത്‌ നിങ്ങൾ സാധാ​ര​ണ​യാ​യി ഒന്നോ രണ്ടോ മണിക്കൂർ ചെലവ​ഴി​ച്ചി​ട്ടും ആരോ​ടും സംസാ​രി​ക്കാൻ കഴിയു​ന്നി​ല്ലെ​ങ്കിൽ കൂടുതൽ ആളുകളെ കണ്ടെത്താ​നും സംസാ​രി​ക്കാ​നു​മാ​യി മറ്റൊരു രീതി പരീക്ഷി​ച്ചു​നോ​ക്ക​രു​തോ? സാഹച​ര്യം എല്ലായി​ട​ത്തും ഒരു​പോ​ലെ​യാ​യി​രി​ക്ക​ണ​മെ​ന്നില്ല. എന്നിരു​ന്നാ​ലും, താഴെ കൊടു​ത്തി​രി​ക്കുന്ന നിർദേ​ശങ്ങൾ പ്രാവർത്തി​ക​മാ​ക്കു​ന്നെ​ങ്കിൽ സമയം നല്ല രീതി​യിൽ ഉപയോ​ഗി​ക്കാ​നും നമ്മുടെ പ്രയത്‌നം “വായു​വിൽ കുത്തു​ന്നതു”പോലെ ആകാതി​രി​ക്കാ​നും സഹായി​ക്കും.—1 കൊരി. 9:26.

• വീടു​തോ​റു​മുള്ള സാക്ഷീ​ക​രണം: വീടു​തോ​റും സാക്ഷീ​ക​രി​ച്ചു​കൊണ്ട്‌ ശുശ്രൂഷ തുടങ്ങു​ന്ന​താണ്‌ കാലങ്ങ​ളാ​യി നമ്മുടെ പതിവ്‌. എന്നാൽ, പലരെ​യും പകൽ സമയത്ത്‌ വീട്ടിൽ കാണാ​നാ​കാ​ത്ത​തു​കൊണ്ട്‌ കൂടുതൽ ആളുകളെ വീട്ടിൽ കാണാ​നാ​കുന്ന വൈകു​ന്നേ​ര​മോ സന്ധ്യയ്‌ക്കോ വീടു​തോ​റു​മുള്ള ശുശ്രൂഷ ചെയ്‌തു​കൂ​ടേ? പകൽസ​മ​യത്ത്‌ തെരു​വു​സാ​ക്ഷീ​ക​ര​ണ​മോ കടകൾ തോറു​മുള്ള സാക്ഷീ​ക​ര​ണ​മോ ആയിരി​ക്കും നല്ല ഫലങ്ങൾ തരുന്നത്‌.

• പരസ്യ​സാ​ക്ഷീ​ക​രണം: സഭയുടെ പ്രദേ​ശത്ത്‌ കാൽന​ട​യാ​ത്ര​ക്കാർ കൂടു​ത​ലുള്ള സ്ഥലങ്ങളിൽ മേശയും കൊണ്ടു​ന​ട​ക്കാ​വുന്ന പ്രദർശ​നോ​പാ​ധി​ക​ളും ഉപയോ​ഗി​ച്ചു​കൊണ്ട്‌ സാക്ഷീ​ക​രണം നടത്താ​നുള്ള ക്രമീ​ക​രണം ചെയ്യുക. (2014 ജൂൺ ലക്കം നമ്മുടെ രാജ്യ​ശു​ശ്രൂ​ഷ​യു​ടെ പേജ്‌ 3 കാണുക.) പരസ്യ​സാ​ക്ഷീ​ക​ര​ണ​ത്തി​നാ​യി ക്രമീ​ക​രി​ച്ചി​രി​ക്കുന്ന സ്ഥലത്ത്‌ കാൽന​ട​യാ​ത്ര​ക്കാർ കുറയു​ന്നെ​ങ്കിൽ കൂടുതൽ കാൽന​ട​യാ​ത്ര​ക്കാ​രുള്ള സ്ഥലത്തേക്ക്‌ പ്രദർശ​നോ​പാ​ധി​കൾ മാറ്റണ​മോ എന്ന കാര്യം സഭാ സേവന​ക്ക​മ്മി​റ്റിക്ക്‌ തീരു​മാ​നി​ക്കാ​വു​ന്ന​താണ്‌.

• മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും: വീടു​തോ​റു​മുള്ള വേലയോ ശുശ്രൂ​ഷ​യു​ടെ മറ്റു വശങ്ങളോ ഫലകര​മ​ല്ലാത്ത സമയങ്ങ​ളിൽ അന്നത്തെ മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്താ​നാ​കു​മോ? ഉദാഹ​ര​ണ​ത്തിന്‌, ശനിയാഴ്‌ച രാവി​ലെ​യാണ്‌ വീടു​തോ​റു​മുള്ള ശുശ്രൂഷ കൂടുതൽ പ്രയോ​ജനം ചെയ്യു​ന്ന​തെ​ങ്കിൽ ആ സമയത്തു നടത്തേണ്ട ബൈബി​ള​ധ്യ​യ​നങ്ങൾ അന്നേ ദിവസം ഉച്ചതി​രി​ഞ്ഞോ വൈകു​ന്നേ​ര​മോ ആക്കിക്കൂ​ടേ?

ശുശ്രൂ​ഷ​യിൽ ഏർപ്പെ​ടുന്ന സമയ​മെ​ല്ലാം നമുക്ക്‌ റിപ്പോർട്ട്‌ ചെയ്യാ​മെ​ങ്കി​ലും അത്‌ ഫലകര​മാ​യി ചെലവ​ഴി​ക്കു​മ്പോ​ഴാണ്‌ നമ്മുടെ സന്തോഷം വർധി​ക്കുക. ശുശ്രൂ​ഷ​യു​ടെ ഒരു പ്രത്യേ​ക​വശം ഉദ്ദേശി​ക്കുന്ന ഫലം നൽകു​ന്നി​ല്ലെ​ങ്കിൽ ആ സമയത്ത്‌ മറ്റൊന്നു പരീക്ഷി​ച്ചു​നോ​ക്കി​ക്കൂ​ടേ? ശുശ്രൂ​ഷ​യിൽ നമ്മുടെ സമയം ഏറ്റവും മെച്ചമാ​യി ഉപയോ​ഗി​ക്കാ​നുള്ള നിർദേ​ശ​ത്തി​നാ​യി “കൊയ്‌ത്തി​ന്റെ യജമാന”നായ യഹോ​വ​യോ​ടു പ്രാർഥി​ക്കുക.—മത്താ. 9:38.