താഴ്‌മ

പൗലോ​സി​ന്റെ മാതൃക

വീഡി​യോ: പൗലോസ്‌ അഗ്രിപ്പ രാജാ​വി​നെ സന്തോ​ഷ​വാർത്ത അറിയി​ക്കു​ന്നു

1. വീഡി​യോ കാണുക, അല്ലെങ്കിൽ പ്രവൃ​ത്തി​കൾ 26:2, 3 വായി​ക്കുക. എന്നിട്ട്‌ ഈ ചോദ്യ​ങ്ങൾ ചിന്തി​ക്കുക:

1. എ. അഗ്രിപ്പ രാജാ​വി​നോ​ടു സംസാ​രി​ച്ച​പ്പോൾ പൗലോസ്‌ താഴ്‌മ കാണി​ച്ചത്‌ എങ്ങനെ​യാണ്‌?

2. ബി. പൗലോസ്‌ തന്നി​ലേക്കു ശ്രദ്ധ ആകർഷി​ക്കാ​തെ യഹോ​വ​യി​ലേ​ക്കും തിരു​വെ​ഴു​ത്തു​ക​ളി​ലേ​ക്കും ശ്രദ്ധ തിരി​ച്ചത്‌ എങ്ങനെ​യാണ്‌?—പ്രവൃ. 26:22 കാണുക.

പൗലോ​സിൽനിന്ന്‌ എന്തു പഠിക്കാം?

2. നമ്മൾ താഴ്‌മ​യോ​ടെ​യും ആദര​വോ​ടെ​യും സന്ദേശം അറിയി​ക്കു​ന്നെ​ങ്കിൽ ആളുകൾക്ക്‌ അത്‌ കൂടുതൽ ഇഷ്ടപ്പെ​ടും.

പൗലോ​സി​നെ അനുക​രി​ക്കു​ക

3. വലിയ ആളാ​ണെന്നു ഭാവി​ക്ക​രുത്‌. ‘നമുക്ക്‌ എല്ലാം അറിയാം, അവർക്ക്‌ ഒന്നും അറിയില്ല’ എന്ന രീതി​യിൽ ഇടപെ​ട​രുത്‌. പകരം അവരോട്‌ ആദര​വോ​ടെ സംസാ​രി​ക്കുക.

4. നിങ്ങൾ അറിയി​ക്കുന്ന സത്യങ്ങൾ ബൈബി​ളിൽനി​ന്നാണ്‌ എന്നു വ്യക്തമാ​ക്കുക. ആളുക​ളു​ടെ ചിന്തക​ളെ​യും വികാ​ര​ങ്ങ​ളെ​യും സ്വാധീ​നി​ക്കാൻ ദൈവ​വ​ച​ന​ത്തി​നു കഴിയും. ബൈബിൾ ഉപയോ​ഗിച്ച്‌ സംസാ​രി​ക്കു​മ്പോൾ ദൈവ​വ​ചനം എന്ന ശരിയായ അടിസ്ഥാ​ന​ത്തിൽ നമ്മൾ അവരുടെ വിശ്വാ​സം പണിയു​ക​യാണ്‌.

5. സൗമ്യ​ത​യു​ള്ള​വ​രാ​യി​രി​ക്കുക. നമ്മൾ പറയു​ന്ന​താണ്‌ ശരി എന്നു സ്ഥാപി​ക്കാ​നാ​യി തർക്കി​ക്കാൻ നിൽക്ക​രുത്‌. ശാന്തരാ​യി ഇടപെ​ടു​മ്പോ​ഴും സാഹച​ര്യം മനസ്സി​ലാ​ക്കി അവി​ടെ​നിന്ന്‌ പോരു​മ്പോ​ഴും നമ്മൾ താഴ്‌മ കാണി​ക്കു​ക​യാണ്‌. (സുഭാ. 17:14; തീത്തോ. 3:2) സൗമ്യ​ത​യോ​ടെ ഇടപെ​ട്ടാൽ പിന്നീട്‌ ഒരു അവസര​ത്തിൽ വീട്ടു​കാ​രൻ നമ്മുടെ സന്ദേശം ശ്രദ്ധി​ച്ചേ​ക്കാം.