ഒരു ഭർത്താവ്‌ തന്റെ ഭാര്യയെ സ്‌നേ​ഹി​ക്കു​ക​യും അവളുടെ നല്ലൊരു സുഹൃ​ത്താ​യി​രി​ക്കു​ക​യും അവളുടെ ആവശ്യ​ങ്ങൾക്കാ​യി കരുതു​ക​യും അവളെ ആത്മീയ​മാ​യി സഹായി​ക്കു​ക​യും ചെയ്യാൻ യഹോവ പ്രതീ​ക്ഷി​ക്കു​ന്നു. ചിന്താ​ശേഷി വളർത്തി​യെ​ടു​ക്കു​ന്ന​തും സ്‌ത്രീ​കളെ ബഹുമാ​നി​ക്കു​ന്ന​തും ആശ്രയ​യോ​ഗ്യ​രാ​യി​രി​ക്കു​ന്ന​തും നല്ലൊരു ഇണയാ​യി​രി​ക്കാൻ നിങ്ങളെ സഹായി​ക്കും. വിവാഹം കഴിഞ്ഞാൽ നിങ്ങൾ ചില​പ്പോൾ ഒരു പിതാ​വാ​യി​ത്തീർന്നേ​ക്കാം. ഒരു നല്ല അപ്പനാ​കുന്ന കാര്യ​ത്തിൽ യഹോ​വ​യു​ടെ മാതൃ​ക​യിൽനിന്ന്‌ നിങ്ങൾക്കു പലതും പഠിക്കാ​നുണ്ട്‌. (എഫെ. 6:4) തന്റെ മകനായ യേശു​വി​നെ സ്‌നേ​ഹി​ക്കു​ന്നു​ണ്ടെ​ന്നും അംഗീ​ക​രി​ക്കു​ന്നു​ണ്ടെ​ന്നും യഹോവ തുറന്നു​പ​റഞ്ഞു. (മത്താ. 3:17) നിങ്ങൾ ഒരു പിതാ​വാ​യാൽ മക്കളെ സ്‌നേ​ഹി​ക്കു​ന്നു​ണ്ടെന്ന്‌ നിങ്ങളും അവർക്ക്‌ എപ്പോ​ഴും ഉറപ്പു​കൊ​ടു​ക്കണം. അവർ ചെയ്യുന്ന നല്ല കാര്യ​ങ്ങൾക്ക്‌ അവരെ അഭിന​ന്ദി​ക്കാൻ ഒരിക്ക​ലും മടിക്ക​രുത്‌. യഹോ​വയെ അനുക​രി​ക്കുന്ന പിതാ​ക്ക​ന്മാർ തങ്ങളുടെ മക്കളെ പക്വത​യുള്ള ക്രിസ്‌തീയ പുരു​ഷ​ന്മാ​രും സ്‌ത്രീ​ക​ളും ആയിത്തീ​രാൻ സഹായി​ക്കും. നല്ലൊരു പിതാ​വാ​കാൻ നിങ്ങൾക്ക്‌ ഇപ്പോഴേ ഒരുങ്ങാം. അതിനാ​യി കുടും​ബ​ത്തി​ലും സഭയി​ലും ഉള്ളവർക്ക്‌ ആവശ്യ​മായ സഹായങ്ങൾ ചെയ്‌തു​കൊ​ടു​ക്കുക. അവരോ​ടുള്ള സ്‌നേ​ഹ​വും വിലമ​തി​പ്പും തുറന്നു​പ​റ​യാൻ പഠിക്കുക.—യോഹ. 15:9. w23.12 28–29 ¶17-18

നമ്മൾ യഹോ​വ​യു​ടെ വിശ്വസ്‌ത ദാസരാ​ണെ​ങ്കി​ലും, നമുക്കും മറ്റുള്ള​വ​രെ​പ്പോ​ലെ പ്രശ്‌ന​ങ്ങ​ളും രോഗ​ങ്ങ​ളും ഒക്കെ ഉണ്ടാകും. അതുകൂ​ടാ​തെ, ദൈവ​ജ​ന​മാ​യ​തി​ന്റെ പേരി​ലുള്ള എതിർപ്പോ ഉപദ്ര​വ​മോ നമുക്കു നേരി​ട്ടേ​ക്കാം. ആ പ്രശ്‌ന​ങ്ങ​ളെ​ല്ലാം ദൈവം തടയു​ന്നി​ല്ലെ​ങ്കി​ലും നമ്മളെ സഹായി​ക്കു​മെന്നു വാക്കു​ത​ന്നി​ട്ടുണ്ട്‌. (യശ. 41:10) സാഹച​ര്യം എത്ര കഠിന​മാ​ണെ​ങ്കി​ലും യഹോ​വ​യു​ടെ സഹായ​മു​ണ്ടെ​ങ്കിൽ നമുക്കു സന്തോഷം നിലനി​റു​ത്താ​നും നല്ല തീരു​മാ​ന​ങ്ങ​ളെ​ടു​ക്കാ​നും വിശ്വ​സ്‌ത​രാ​യി തുടരാ​നും കഴിയും. “ദൈവ​സ​മാ​ധാ​നം” നമുക്കു തരു​മെന്നു യഹോവ ഉറപ്പു​ത​ന്നി​ട്ടുണ്ട്‌. (ഫിലി. 4:6, 7) എന്താണ്‌ ആ സമാധാ​നം? യഹോ​വ​യു​മാ​യി ഒരു നല്ല ബന്ധമു​ള്ള​തു​കൊണ്ട്‌ ഒരാളു​ടെ ഹൃദയ​ത്തി​നും മനസ്സി​നും തോന്നുന്ന സ്വസ്ഥത​യും ശാന്തത​യും ആണ്‌ അത്‌. ഈ സമാധാ​നം ‘മനുഷ്യ​ബു​ദ്ധിക്ക്‌ അതീത​മാണ്‌;’ അതായത്‌ നമുക്കു ചിന്തി​ക്കാൻ കഴിയു​ന്ന​തി​നും അപ്പുറം! നിങ്ങൾ യഹോ​വ​യോ​ടു തീവ്ര​മാ​യി പ്രാർഥി​ച്ച​ശേഷം എപ്പോ​ഴെ​ങ്കി​ലും ഇത്തരത്തിൽ മനസ്സിനു വളരെ ശാന്തത തോന്നി​യി​ട്ടു​ണ്ടോ? അതാണ്‌ “ദൈവ​സ​മാ​ധാ​നം.” w24.01 20 ¶2; 21 ¶4

യഹോ​വയെ സ്‌നേ​ഹി​ക്കുന്ന ആളുകൾ മുഴു​ഹൃ​ദ​യ​ത്തോ​ടെ യഹോ​വ​യു​ടെ നാമത്തെ സ്‌തു​തി​ക്കും. യഹോ​വ​യു​ടെ നാമത്തെ സ്‌തു​തി​ക്കുക എന്നു പറഞ്ഞാൽ യഹോ​വ​യെ​ത്തന്നെ സ്‌തു​തി​ക്കുക എന്നാ​ണെന്നു ദാവീദ്‌ മനസ്സി​ലാ​ക്കി. യഹോ​വ​യു​ടെ പേരി​നെ​ക്കു​റിച്ച്‌ കേൾക്കു​മ്പോൾ യഹോ​വ​യു​ടെ വ്യക്തി​ത്വ​മാ​ണു മനസ്സി​ലേ​ക്കു​വ​രു​ന്നത്‌. അതായത്‌, യഹോ​വ​യു​ടെ മനോ​ഹ​ര​മായ ഗുണങ്ങ​ളും അതിശ​യ​ക​ര​മായ പ്രവൃ​ത്തി​ക​ളും എല്ലാം. തന്റെ പിതാ​വി​ന്റെ പേരിനെ പരിശു​ദ്ധ​മാ​യി കാണാ​നും അതിനെ സ്‌തു​തി​ക്കാ​നും ദാവീദ്‌ ആഗ്രഹി​ച്ചു. ‘ഉള്ളം മുഴു​വ​നോ​ടെ,’ അതായത്‌ മുഴു​ഹൃ​ദ​യ​ത്തോ​ടെ​യാണ്‌ ദാവീദ്‌ അതു ചെയ്‌തത്‌. ഇതു​പോ​ലെ ലേവ്യ​രും യഹോ​വയെ സ്‌തു​തി​ക്കു​ന്ന​തിൽ നേതൃ​ത്വ​മെ​ടു​ത്തു. എത്രതന്നെ സ്‌തു​തി​ച്ചാ​ലും യഹോ​വ​യു​ടെ അതിപ​രി​ശു​ദ്ധ​നാ​മം അർഹി​ക്കുന്ന അത്രയും സ്‌തുതി കൊടു​ക്കാൻ തങ്ങൾക്കു കഴിയി​ല്ലെന്ന്‌ അവർ താഴ്‌മ​യോ​ടെ അംഗീ​ക​രി​ച്ചു. (നെഹ. 9:5) ഇത്തരത്തിൽ താഴ്‌മ​യോ​ടെ, ഹൃദയ​പൂർവം നമ്മൾ യഹോ​വയെ സ്‌തു​തി​ക്കു​മ്പോൾ അത്‌ യഹോ​വയെ സന്തോ​ഷി​പ്പി​ക്കും. w24.02 9 ¶6