ഭൂമി​യിൽ യേശു​വി​ന്റെ ദൗത്യം എന്തായി​രു​ന്നു? യേശു​ത​ന്നെ അതു വെളി​പ്പെ​ടു​ത്തി: “ഞാൻ ദൈവ​രാ​ജ്യ​ത്തി​ന്റെ സുവി​ശേ​ഷം ഘോഷി​ക്കേ​ണ്ട​താ​കു​ന്നു; അതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌.” (ലൂക്കോസ്‌ 4:43) യേശു മുഖ്യ​മാ​യും പഠിപ്പി​ച്ചത്‌ ദൈവ​രാ​ജ്യ​ത്തെ​ക്കു​റി​ച്ചാ​യി​രു​ന്നു. ആ രാജ്യ​ത്തെ​ക്കു​റിച്ച്‌ യേശു പഠിപ്പിച്ച നാലു​കാ​ര്യ​ങ്ങൾ നമുക്കി​പ്പോൾ നോക്കാം.

1. യേശു​വാ​യി​രി​ക്കും അതിന്റെ രാജാവ്‌. വാഗ്‌ദത്ത മിശിഹാ താനാ​ണെന്ന്‌ യേശു​ത​ന്നെ പറഞ്ഞു. (യോഹ​ന്നാൻ 4:25, 26) പ്രവാ​ച​ക​നാ​യ ദാനീ​യേൽ ദർശന​ത്തിൽ കണ്ട രാജാവ്‌ താൻത​ന്നെ​യാ​ണെ​ന്നും യേശു വ്യക്തമാ​ക്കി. താൻ ഒരുനാൾ, “മഹത്ത്വ​മാർന്ന സിംഹാ​സ​ന​ത്തിൽ” ഇരിക്കു​മെന്ന്‌ അവൻ അപ്പൊ​സ്‌ത​ല​ന്മാ​രോ​ടു പറഞ്ഞു. അന്ന്‌ അവരും തന്നോ​ടൊ​പ്പം സിംഹാ​സ​ന​ങ്ങ​ളിൽ ഇരിക്കു​മെന്ന്‌ അവൻ വാഗ്‌ദാ​നം​ചെ​യ്‌തു. (മത്തായി 19:28) ഈ സഹഭര​ണാ​ധി​പ​ന്മാ​രു​ടെ കൂട്ടത്തെ ‘ചെറിയ ആട്ടിൻകൂ​ട്ടം’ എന്നാണ്‌ അവൻ വിശേ​ഷി​പ്പി​ച്ചത്‌. ഇവരിൽ ഉൾപ്പെ​ടാ​ത്ത ‘വേറെ ആടുക​ളും​’ തനിക്കു​ണ്ടെന്ന്‌ യേശു പറയു​ക​യു​ണ്ടാ​യി.—ലൂക്കോസ്‌ 12:32; യോഹ​ന്നാൻ 10:16.

2. ദൈവ​രാ​ജ്യം ശരിയായ അർഥത്തിൽ നീതി സ്ഥാപി​ക്കും. ദൈവ​രാ​ജ്യം യഹോ​വ​യാം​ദൈ​വ​ത്തി​ന്റെ നാമത്തെ വിശു​ദ്ധീ​ക​രി​ക്കു​മെ​ന്നും ഏദെൻതോ​ട്ട​ത്തിൽനി​ന്നു​തു​ടങ്ങി ഇന്നോളം ദൈവ​നാ​മ​ത്തി​ന്മേൽ സാത്താൻ വരുത്തി​ക്കൂ​ട്ടി​യി​രി​ക്കുന്ന എല്ലാ കളങ്കവും മായി​ച്ചു​ക​ള​യു​മെ​ന്നും യേശു സൂചി​പ്പി​ച്ചു. (മത്തായി 6:9, 10) അങ്ങനെ, ഇന്നുവരെ ഉണ്ടായി​ട്ടു​ള്ള​തിൽവെച്ച്‌ ഏറ്റവും ഘോര​മാ​യ അനീതിക്ക്‌ ആ രാജ്യം തീർപ്പു​കൽപ്പി​ക്കു​മെന്ന്‌ അവൻ വ്യക്തമാ​ക്കി. ലിംഗ​ഭേ​ദ​മെ​ന്യേ, സമ്പന്ന​രെ​ന്നോ ദരി​ദ്ര​രെ​ന്നോ വ്യത്യാ​സ​മി​ല്ലാ​തെ, യേശു ആളുകളെ പഠിപ്പി​ച്ചു. അതുവഴി താൻ മുഖപക്ഷം ഇല്ലാത്ത​വ​നാ​ണെന്ന്‌ അവൻ തെളി​യി​ച്ചു. അവന്റെ പ്രധാന നിയോ​ഗം ഇസ്രാ​യേ​ല്യ​രെ അഥവാ യഹൂദ​ന്മാ​രെ പഠിപ്പി​ക്കു​ക എന്നതാ​യി​രു​ന്നെ​ങ്കി​ലും യഹൂദ​ര​ല്ലാ​ത്ത​വ​രെ​യും, ശമര്യ​ക്കാ​രെ​യും വിജാ​തീ​യ​രെ​യും, അവൻ സഹായി​ച്ചി​രു​ന്നു. അന്നത്തെ മതനേ​താ​ക്ക​ന്മാ​രെ​പ്പോ​ലെ ആയിരു​ന്നി​ല്ല അവൻ; മുൻവി​ധി​യു​ടെ​യോ പക്ഷപാ​ത​ത്തി​ന്റെ​യോ ഒരു കണിക​പോ​ലും അവനി​ലി​ല്ലാ​യി​രു​ന്നു.

3. ദൈവ​രാ​ജ്യം ഈ ലോക​ത്തി​ന്റെ ഭാഗമാ​യി​രി​ക്കി​ല്ല. യേശു​വി​ന്റെ കാലത്ത്‌ യെഹൂ​ദ​യി​ലെ രാഷ്‌ട്രീ​യ​രം​ഗം പ്രക്ഷു​ബ്ധ​മാ​യി​രു​ന്നു. ആ ദേശം അന്ന്‌ ഒരു വിദേ​ശ​ശ​ക്തി​യു​ടെ അധീന​ത​യി​ലാ​യി​രു​ന്നു. അന്നത്തെ രാഷ്‌ട്രീ​യ​കാ​ര്യ​ങ്ങ​ളിൽ യേശു​വി​നെ ഉൾപ്പെ​ടു​ത്താൻ ആളുകൾ ശ്രമി​ച്ച​പ്പോൾ അവൻ മാറി​ക്ക​ള​ഞ്ഞു. (യോഹ​ന്നാൻ 6:14, 15) “എന്റെ രാജ്യം ഈ ലോക​ത്തി​ന്റെ ഭാഗമല്ല” എന്ന്‌ അവൻ ഒരു ഭരണാ​ധി​കാ​രി​യു​ടെ മുമ്പാകെ വ്യക്തമാ​ക്കി. (യോഹ​ന്നാൻ 18:36) ‘നിങ്ങൾ ലോക​ത്തി​ന്റെ ഭാഗമല്ല’ എന്ന്‌ അവൻ തന്റെ അനുഗാ​മി​ക​ളോ​ടും പറഞ്ഞു. (യോഹ​ന്നാൻ 15:19) യുദ്ധാ​യു​ധ​ങ്ങൾ ഉപയോ​ഗി​ക്കാൻ അവൻ അവരെ അനുവ​ദി​ച്ചി​ല്ല, തനിക്ക്‌ അപകട ഭീഷണി ഉണ്ടായ സാഹച​ര്യ​ത്തിൽപ്പോ​ലും.—മത്തായി 26:51, 52.

4. യേശു​വി​ന്റെ ഭരണം സ്‌നേ​ഹ​ത്തിൽ അധിഷ്‌ഠി​ത​മാ​യി​രി​ക്കും. താൻ ആളുകൾക്ക്‌ ആശ്വാസം പകരു​മെ​ന്നും അവരുടെ ചുമടി​ന്റെ ഭാരം കുറയ്‌ക്കു​മെ​ന്നും യേശു വാഗ്‌ദാ​നം​ചെ​യ്‌തു. (മത്തായി 11:28-30) അവൻ തന്റെ വാക്കി​നൊ​ത്തു പ്രവർത്തി​ക്കു​ക​യും ചെയ്‌തു. ഉത്‌ക​ണ്‌ഠ​കൾ തരണം​ചെ​യ്യാ​നും ഉലഞ്ഞ ബന്ധങ്ങൾ നേരെ​യാ​ക്കാ​നും ധനമോ​ഹ​ത്തെ ഇല്ലായ്‌മ​ചെ​യ്യാ​നും യഥാർഥ സന്തോഷം കണ്ടെത്താ​നും ഉള്ള പ്രാ​യോ​ഗി​ക വഴികൾ യേശു സ്‌നേ​ഹ​പൂർവം ആളുകൾക്കു കാണി​ച്ചു​കൊ​ടു​ത്തു. (മത്തായി 5-7 അധ്യാ​യ​ങ്ങൾ) യേശു ആളുകളെ സ്‌നേ​ഹി​ച്ചി​രു​ന്ന​തു​കൊണ്ട്‌ അവന്റെ അടുക്കൽ വരാൻ അവർക്കു സന്തോ​ഷ​മാ​യി​രു​ന്നു. നാനാ​തു​റ​ക​ളിൽനി​ന്നുള്ള ആളുകൾ, താഴേ​ക്കി​ട​യി​ലു​ള്ള​വർപോ​ലും, അവന്റെ അടുക്കൽ വന്നുകൂ​ടു​മാ​യി​രു​ന്നു; അവൻ തങ്ങളെ ആദരി​ക്കു​മെ​ന്നും തങ്ങളോട്‌ ദയാവാ​യ്‌പോ​ടെ ഇടപെ​ടു​മെ​ന്നും അവർക്ക്‌ ഉറപ്പാ​യി​രു​ന്നു. എത്ര ശ്രേഷ്‌ഠ​നാ​യ ഒരു ഭരണാ​ധി​പ​നാ​യി​രി​ക്കും യേശു!

ദൈവ​രാ​ജ്യ​ത്തെ​ക്കു​റി​ച്ചു പഠിപ്പി​ക്കാൻ ശക്തമായ മറ്റൊരു മാർഗ​വും യേശു അവലം​ബി​ച്ചു. അവൻ അനേകം അത്ഭുതങ്ങൾ പ്രവർത്തി​ച്ചു. എന്തു​കൊണ്ട്‌? നമുക്കു നോക്കാം.

—മത്തായി, മർക്കോസ്‌, ലൂക്കോസ്‌, യോഹ​ന്നാൻ എന്നീ പുസ്‌ത​ക​ങ്ങ​ളെ ആധാര​മാ​ക്കി​യു​ള്ളത്‌.

മറ്റു മനുഷ്യർക്കു ചെയ്യാ​നാ​കാ​ത്ത കാര്യങ്ങൾ ചെയ്യാൻ ദൈവം യേശു​വി​നെ പ്രാപ്‌ത​നാ​ക്കി. യേശു ഒട്ടേറെ അത്ഭുതങ്ങൾ പ്രവർത്തി​ച്ചു, പലപ്പോ​ഴും വലിയ ജനാവ​ലി​യു​ടെ മുന്നിൽവെ​ച്ചു​ത​ന്നെ. അപൂർണ മനുഷ്യ​രെ​ക്കൊ​ണ്ടു കീഴട​ക്കാൻ സാധി​ക്കാ​ത്ത പ്രതി​ബ​ന്ധ​ങ്ങ​ളെ​യും പ്രതി​യോ​ഗി​ക​ളെ​യും കീഴ്‌പെ​ടു​ത്താൻ യേശു​വി​നാ​കു​മെന്ന്‌ ആ അത്ഭുതങ്ങൾ തെളി​യി​ച്ചു. ചില ഉദാഹ​ര​ണ​ങ്ങൾ കാണുക.

വിശപ്പ​ക​റ്റു​ന്നു. വെള്ളം വീഞ്ഞാ​ക്കി​യ​താ​യി​രു​ന്നു യേശു ചെയ്‌ത ആദ്യത്തെ അത്ഭുതം. ഏതാനും അപ്പവും മീനും കൊണ്ട്‌ അവൻ രണ്ടു​പ്രാ​വ​ശ്യം ആയിര​ങ്ങ​ളു​ടെ വിശപ്പ​ക​റ്റി. ഈ രണ്ടു സന്ദർഭ​ങ്ങ​ളി​ലും, എല്ലാവർക്കും ഭക്ഷിക്കാൻ വേണ്ടതി​ല​ധി​കം ആഹാരം അവൻ ലഭ്യമാ​ക്കി.

രോഗങ്ങൾ സുഖ​പ്പെ​ടു​ത്തു​ന്നു. യേശു “സകലതരം രോഗ​ങ്ങ​ളും വ്യാധി​ക​ളും സൗഖ്യ”മാക്കി. (മത്തായി 4:23) കുഷ്‌ഠ​രോ​ഗി​കൾക്കും അപസ്‌മാ​ര​രോ​ഗി​കൾക്കും അവൻ രോഗ​ശാ​ന്തി നൽകി. അന്ധരെ​യും ബധിര​രെ​യും മുടന്ത​രെ​യും അംഗഹീ​ന​രെ​യും അവൻ സുഖ​പ്പെ​ടു​ത്തി. അവനു സുഖ​പ്പെ​ടു​ത്താൻ കഴിയാത്ത രോഗങ്ങൾ ഒന്നും ഉണ്ടായി​രു​ന്നി​ല്ല.

പ്രകൃ​തി​ക്ഷോ​ഭം ശമിപ്പി​ക്കു​ന്നു. യേശു​വും ശിഷ്യ​ന്മാ​രും ഗലീല​ത്ത​ടാ​ക​ത്തി​ലൂ​ടെ സഞ്ചരി​ക്ക​വെ, പെട്ടെന്ന്‌ ഒരു കൊടു​ങ്കാ​റ്റു​ണ്ടാ​യി. ശിഷ്യ​ന്മാർ ഭയന്നു. യേശു കൊടു​ങ്കാ​റ്റി​നോട്‌, “അടങ്ങുക! ശാന്തമാ​കു​ക” എന്നു പറഞ്ഞ​തേ​യു​ള്ളൂ; പ്രകൃതി ശാന്തമാ​യി. (മർക്കോസ്‌ 4:37-39) മറ്റൊ​ര​വ​സ​ര​ത്തിൽ, ശിഷ്യ​ന്മാർ സഞ്ചരി​ച്ചു​കൊ​ണ്ടി​രു​ന്ന വള്ളം ഒരു കൊടു​ങ്കാ​റ്റിൽപ്പെ​ട്ട​പ്പോൾ യേശു വെള്ളത്തിൻമീ​തെ നടന്ന്‌ അവരുടെ അടു​ത്തേ​ക്കു ചെന്നു.—മത്തായി 14:24-33.

ദുഷ്ടരായ ആത്മസ്വ​രൂ​പി​ക​ളെ കീഴ്‌പെ​ടു​ത്തു​ന്നു. ദൈവ​ത്തോ​ടു മത്സരിച്ച്‌ സാത്താന്റെ പക്ഷം​ചേർന്ന ദൈവ​ദൂ​ത​ന്മാ​രാ​ണി​വർ. ഇവർ മനുഷ്യ​രെ​ക്കാൾ വളരെ ശക്തരാണ്‌. ദൈവ​ത്തി​ന്റെ പ്രതി​യോ​ഗി​ക​ളാ​യ ഈ ദുഷ്ടാ​ത്മാ​ക്ക​ളു​ടെ പിടി​യിൽനി​ന്നു രക്ഷപ്പെ​ടാ​നു​ള്ള കഴിവ്‌ പലർക്കു​മി​ല്ല. ഈ ആത്മാക്കൾ ആവേശി​ച്ചി​ട്ടു​ള്ള ഒട്ടനവധി ആളുകളെ യേശു സുഖ​പ്പെ​ടു​ത്തി​യി​ട്ടുണ്ട്‌. അവന്‌ ഈ ദുഷ്ടാ​ത്മാ​ക്ക​ളെ ഭയമി​ല്ലാ​യി​രു​ന്നു. എന്നാൽ, ഇവർക്ക്‌ യേശു​വി​നെ ഭയമാ​യി​രു​ന്നു. യേശു​വി​ന്റെ അധികാ​രം തിരി​ച്ച​റി​ഞ്ഞി​രു​ന്ന അവർ അവന്റെ ആജ്ഞ അനുസ​രി​ച്ചു​കൊണ്ട്‌ മനുഷ്യ​രെ​വിട്ട്‌ പോകു​മാ​യി​രു​ന്നു.

മരണത്തെ കീഴട​ക്കു​ന്നു. മനുഷ്യ​നു കീഴ്‌പെ​ടു​ത്താൻ കഴിയാത്ത ശത്രു​വാണ്‌ മരണം. അതു​കൊ​ണ്ടു​ത​ന്നെ, ബൈബിൾ മരണത്തെ ഉചിത​മാ​യും “അവസാന ശത്രു” എന്നു വിളി​ച്ചി​രി​ക്കു​ന്നു. (1 കൊരി​ന്ത്യർ 15:26) എന്നാൽ യേശു മരിച്ച​വ​രെ ഉയിർപ്പി​ച്ചു. മരണമടഞ്ഞ ഒരു യുവാ​വി​നെ ജീവി​പ്പി​ച്ച​ശേ​ഷം യേശു അവനെ വിധവ​യാ​യ അവന്റെ അമ്മയെ ഏൽപ്പിച്ചു. മരിച്ചു​പോ​യ ഒരു പെൺകു​ട്ടി​യെ​യും അവൻ അവളുടെ മാതാ​പി​താ​ക്കൾക്കു ജീവ​നോ​ടെ തിരികെ നൽകി. മരണമടഞ്ഞ തന്റെ പ്രിയ സുഹൃ​ത്താ​യ ലാസറി​നെ ഉയിർപ്പി​ച്ചു​കൊണ്ട്‌ ശ്രദ്ധേ​യ​മാ​യ മറ്റൊരു അത്ഭുത​വും യേശു പ്രവർത്തി​ച്ചു. ലാസർ മരിച്ചി​ട്ടു നാലു​ദി​വ​സം കഴിഞ്ഞി​രു​ന്നു! അവന്റെ മരണത്തിൽ വിലപി​ച്ചു​കൊ​ണ്ടി​രുന്ന ഒരുകൂ​ട്ടം ആളുക​ളു​ടെ മുന്നിൽവെ​ച്ചു​ത​ന്നെ യേശു ലാസറി​നെ ജീവനി​ലേ​ക്കു തിരി​ച്ചു​കൊ​ണ്ടു​വ​ന്നു. യേശു​വി​നെ തകർക്കാൻ മുന്നി​ട്ടി​റ​ങ്ങി​യ ശത്രു​ക്കൾപോ​ലും അവൻ ചെയ്‌ത​തി​നെ നിഷേ​ധി​ച്ചി​ല്ല.—യോഹ​ന്നാൻ 11:38-48; 12:9-11.

എന്തിനാണ്‌ യേശു ഈ അത്ഭുത​ങ്ങ​ളെ​ല്ലാം പ്രവർത്തി​ച്ചത്‌? യേശു ചെയ്‌ത അത്ഭുത​ങ്ങ​ളിൽനി​ന്നു പ്രയോ​ജ​നം നേടി​യ​വ​രെ​ല്ലാം മരിച്ചു​മ​ണ്ണ​ടി​ഞ്ഞ​ല്ലോ. അതു ശരിയാണ്‌. എന്നാൽ, മിശി​ഹാ​യു​ടെ ഭരണ​ത്തെ​ക്കു​റി​ച്ചു​ള്ള പ്രവച​ന​ങ്ങ​ളെ​ല്ലാം നിവൃ​ത്തി​യേ​റു​മെന്ന്‌ ഈ അത്ഭുത​ങ്ങ​ളെ​ല്ലാം തെളി​വു​നൽകി. ദൈവ​ത്താൽ നിയോ​ഗി​ക്ക​പ്പെട്ട ഈ രാജാവ്‌ പട്ടിണി, രോഗം, പ്രകൃ​തി​വി​പത്ത്‌, ദുഷ്ടാ​ത്മാ​ക്കൾ, മരണം എന്നിവ​യെ​യെ​ല്ലാം ഇല്ലായ്‌മ​ചെ​യ്യു​മെ​ന്നത്‌ തീർച്ച​യാണ്‌. അതെല്ലാം ചെയ്യാ​നു​ള്ള പ്രാപ്‌തി ദൈവം തനിക്കു നൽകി​യി​ട്ടു​ണ്ടെന്ന്‌ അവൻ തെളി​യി​ച്ചു​ക​ഴി​ഞ്ഞി​രി​ക്കു​ന്നു.

—മത്തായി, മർക്കോസ്‌, ലൂക്കോസ്‌, യോഹ​ന്നാൻ എന്നീ പുസ്‌ത​ക​ങ്ങ​ളെ ആധാര​മാ​ക്കി​യു​ള്ളത്‌.

ഒലിവു​മ​ല​യിൽനി​ന്നു നോക്കി​യാൽ യെരു​ശ​ലേം നഗരവും അവി​ടെ​യു​ള്ള ആലയവും ഭംഗി​യാ​യി കാണാം. ഒരിക്കൽ യേശു ഒലിവു​മ​ല​യിൽ ഇരിക്കു​മ്പോൾ, അവൻ പറഞ്ഞ ചില കാര്യ​ങ്ങ​ളു​ടെ പൊരുൾ ചോദി​ച്ചു​മ​ന​സ്സി​ലാ​ക്കാൻ അവന്റെ അപ്പൊ​സ്‌ത​ല​ന്മാ​രിൽ നാലു​പേർ സ്വകാ​ര്യ​മാ​യി അവനെ സമീപി​ച്ചു. യെരു​ശ​ലേ​മി​ലെ ആലയം നശിപ്പി​ക്ക​പ്പെ​ടു​മെന്ന്‌ അവൻ അൽപ്പം​മുമ്പ്‌ അവരോ​ടു പറഞ്ഞി​രു​ന്നു. മുമ്പൊ​രി​ക്കൽ, “യുഗസ​മാ​പ്‌തി”യെക്കു​റി​ച്ചും അവൻ അവരോ​ടു സംസാ​രി​ച്ചി​രു​ന്നു. (മത്തായി 13:40, 49) എന്നാൽ ഇപ്പോൾ അപ്പൊ​സ്‌ത​ല​ന്മാർ യേശു​വി​നോട്‌, “നിന്റെ സാന്നി​ധ്യ​ത്തി​ന്റെ​യും യുഗസ​മാ​പ്‌തി​യു​ടെ​യും അടയാളം എന്തായി​രി​ക്കും​” എന്ന്‌ ചോദി​ക്കു​ന്നു.—മത്തായി 24:3.

അതിനു മറുപ​ടി​യാ​യി, യെരു​ശ​ലേം നശിപ്പി​ക്ക​പ്പെ​ടു​ന്ന​തി​നു​മുമ്പ്‌ എന്തൊക്കെ സംഭവി​ക്കു​മെന്ന്‌ യേശു പറയുന്നു. എന്നാൽ യേശു​വി​ന്റെ വാക്കു​കൾക്ക്‌ പിൽക്കാ​ലത്ത്‌ ആഗോ​ള​ത​ല​ത്തിൽ അതിലും വലി​യൊ​രു നിവൃത്തി ഉണ്ടാകു​മാ​യി​രു​ന്നു. യേശു സ്വർഗ​ത്തിൽ വാഴ്‌ച ആരംഭി​ക്കു​ന്ന​തു​മാ​യി ബന്ധപ്പെ​ട്ടാ​യി​രി​ക്കു​മാ​യി​രു​ന്നു അത്‌. ആ കാലത്തെ തിരി​ച്ച​റി​യാൻ സഹായി​ക്കു​ന്ന ഒരു അടയാളം യേശു അവർക്കു നൽകി: അന്ന്‌ സംഭവി​ക്കാ​നി​രി​ക്കു​ന്ന കുറെ കാര്യങ്ങൾ അവൻ മുൻകൂ​ട്ടി​പ്പ​റ​ഞ്ഞു. ഇവയെ​ല്ലാം ഇഴചേർന്ന്‌ ഒരൊറ്റ അടയാ​ള​മാ​യി വർത്തി​ക്കു​മാ​യി​രു​ന്നു. ഈ അടയാളം കാണു​ന്ന​വർക്ക്‌ യേശു സ്വർഗ​ത്തിൽ രാജാ​വാ​യി വാഴ്‌ച ആരംഭി​ച്ചി​രി​ക്കു​ന്നു എന്നു മനസ്സി​ലാ​ക്കാ​നാ​കു​മാ​യി​രു​ന്നു. മറ്റു വാക്കു​ക​ളിൽ പറഞ്ഞാൽ, മിശി​ഹൈ​ക​രാ​ജ്യ​ത്തി​ന്റെ രാജാ​വാ​യി ദൈവം യേശു​വി​നെ അവരോ​ധി​ച്ചി​രി​ക്കു​ന്നു​വെന്ന്‌ തിരി​ച്ച​റി​യാൻ ഈ അടയാളം അവരെ സഹായി​ക്കു​മാ​യി​രു​ന്നു. ദൈവ​രാ​ജ്യം ഭൂമി​യിൽനിന്ന്‌ ദുഷ്ടത തുടച്ചു​നീ​ക്കി സമാധാ​നം ആനയി​ക്കു​ന്ന സമയം ആസന്നമാ​ണെ​ന്നും ഈ അടയാളം സൂചി​പ്പി​ക്കു​മാ​യി​രു​ന്നു. അതെ, യേശു മുൻകൂ​ട്ടി​പ്പ​റഞ്ഞ കാര്യങ്ങൾ ഈ ലോക​വ്യ​വ​സ്ഥി​തി, അതായത്‌ നിലവി​ലു​ള്ള മത-രാഷ്‌ട്രീ​യ-സാമൂ​ഹി​ക വ്യവസ്ഥി​തി, അവസാ​നി​ക്കാ​റാ​യി​രി​ക്കു​ന്നു എന്നതി​ന്റെ​യും പുതിയ ഒരു വ്യവസ്ഥി​തി ആരംഭി​ക്കാ​റാ​യി​രി​ക്കു​ന്നു എന്നതി​ന്റെ​യും സൂചന​യാ​യി​രി​ക്കും.

താൻ രാജ്യാ​ധി​കാ​ര​ത്തിൽ സന്നിഹി​ത​നാ​യി​രി​ക്കുന്ന കാലത്തി​ന്റെ അടയാളം എന്തായി​രി​ക്കു​മെന്ന്‌ യേശു വിശദീ​ക​രി​ച്ചു. ലോക​യു​ദ്ധ​ങ്ങൾ, ഭക്ഷ്യക്ഷാ​മ​ങ്ങൾ, വലിയ ഭൂകമ്പങ്ങൾ, മഹാവ്യാ​ധി​കൾ എന്നിവ ഉണ്ടാകും; ഭൂമി​യിൽ അരാജ​ക​ത്വം വർധി​ക്കും; യേശു​വി​ന്റെ യഥാർഥ ശിഷ്യ​ന്മാർ ദൈവ​രാ​ജ്യ​ത്തെ​ക്കു​റി​ച്ചുള്ള സുവി​ശേ​ഷം ഭൂമി​യി​ലെ​ല്ലാ​യി​ട​ത്തും പ്രസം​ഗി​ക്കും. ഇവയെ​ല്ലാം മുമ്പൊ​രി​ക്ക​ലും സംഭവി​ച്ചി​ട്ടി​ല്ലാ​ത്ത ഒരു “മഹാകഷ്ട”ത്തിൽ പര്യവ​സാ​നി​ക്കും.—മത്തായി 24:21.

ആ മഹാകഷ്ടം അടു​ത്തെ​ത്തി​യി​രി​ക്കു​ന്നു​വെന്ന്‌ യേശു​വി​ന്റെ അനുഗാ​മി​കൾ എങ്ങനെ മനസ്സി​ലാ​ക്കും? “അത്തിമ​ര​ത്തി​ന്റെ ദൃഷ്ടാ​ന്ത​ത്തിൽനി​ന്നു പഠിക്കു​വിൻ” എന്ന്‌ യേശു പറയു​ക​യു​ണ്ടാ​യി. (മത്തായി 24:32) അത്തി തളിർക്കു​ന്നത്‌ വേനൽ അടുത്തി​രി​ക്കു​ന്നു എന്നതിന്റെ സൂചന​യാണ്‌. സമാന​മാ​യി, യേശു മുൻകൂ​ട്ടി​പ്പ​റഞ്ഞ എല്ലാ കാര്യ​ങ്ങ​ളും ഒരേ കാലഘ​ട്ട​ത്തി​നു​ള്ളിൽത്തന്നെ സംഭവി​ക്കു​ന്നത്‌ അന്ത്യം അടു​ത്തെ​ത്തി​യി​രി​ക്കു​ന്നു എന്നതിന്റെ വ്യക്തമായ സൂചന​യാ​യി​രി​ക്കും. മഹാകഷ്ടം ആരംഭി​ക്കു​ന്ന കൃത്യ ദിവസ​വും സമയവും പിതാ​വി​നു മാത്രമേ അറിയാ​വൂ എന്ന്‌ യേശു പറഞ്ഞു. അതെ, ‘നിശ്ചയി​ക്ക​പ്പെട്ട സമയം എപ്പോ​ഴാ​ണെന്ന്‌ അറിയി​ല്ലാ​ത്ത​തി’നാലാണ്‌ “ഉണർന്നി​രി​ക്കു​വിൻ” എന്ന ആഹ്വാനം യേശു തന്റെ അനുഗാ​മി​കൾക്കു നൽകി​യത്‌.—മർക്കോസ്‌ 13:33.

—മത്തായി 24, 25 അധ്യാ​യ​ങ്ങൾ, മർക്കോസ്‌ 13-ാം അധ്യായം, ലൂക്കോസ്‌ 21-ാം അധ്യായം എന്നിവയെ ആധാര​മാ​ക്കി​യു​ള്ളത്‌.