നിലനിൽക്കുന്ന നഗരത്തി​നാ​യി കാത്തി​രി​ക്കു​ക

1. യരുശ​ലേ​മിന്‌ എന്തു സംഭവി​ക്കു​മെ​ന്നാ​ണു യേശു മുൻകൂ​ട്ടി​പ്പ​റ​ഞ്ഞത്‌?

മരണത്തിന്‌ ഏതാനും ദിവസ​ങ്ങൾക്കു മുമ്പ്‌ യേശു തന്റെ അനുഗാ​മി​ക​ളോട്‌ ഒരു പ്രവചനം നടത്തി. അത്‌ ആദ്യം നിവൃ​ത്തി​യേ​റി​യത്‌ യരുശ​ലേ​മും അതിലെ ആലയവും നശിപ്പി​ക്ക​പ്പെട്ട സമയത്താ​യി​രു​ന്നു. ‘സൈന്യ​ങ്ങൾ യരുശ​ലേ​മി​നു ചുറ്റും പാളയ​മ​ടി​ക്കും’ എന്നതാ​യി​രു​ന്നു ആ പ്രവചനം. (ലൂക്കോ. 21:20) യേശു പറഞ്ഞത്‌, അങ്ങനെ​യൊ​രു സൈന്യ​ത്തെ കാണു​മ്പോൾ ഉടൻതന്നെ തന്റെ അനുഗാ​മി​കൾ അവിടം വിട്ടു​പോ​കണം എന്നാണ്‌. പിന്നീടു റോമൻ സൈന്യം യരുശ​ലേ​മി​നെ വളഞ്ഞ​പ്പോൾ യേശു പറഞ്ഞതു സത്യമാ​ണെന്നു തെളിഞ്ഞു.—ലൂക്കോ. 21:21, 22.

2. യഹൂദ്യ​യി​ലെ​യും യരുശ​ലേ​മി​ലെ​യും എബ്രാ​യ​ക്രി​സ്‌ത്യാ​നി​കൾക്കു പൗലോസ്‌ അപ്പോ​സ്‌തലൻ എന്തു മുന്നറി​യി​പ്പാ​ണു നൽകി​യത്‌?

² റോമൻ പടയാ​ളി​കൾ യരുശ​ലേ​മി​നെ വളയു​ന്ന​തി​നു കുറച്ച്‌ വർഷങ്ങൾക്കു മുമ്പ്‌ അപ്പോ​സ്‌ത​ല​നായ പൗലോസ്‌ യഹൂദ്യ​യി​ലും യരുശ​ലേ​മി​ലും ഉള്ള ക്രിസ്‌ത്യാ​നി​കൾക്ക്‌ ഒരു കത്തെഴു​തി. ആ കത്താണ്‌ ബൈബി​ളി​ലെ എബ്രായർ എന്ന പുസ്‌തകം. വരാൻപോ​കുന്ന സംഭവ​ങ്ങൾക്കാ​യി ക്രിസ്‌ത്യാ​നി​കളെ ഒരുക്കു​ന്ന​തി​നാ​യി​രു​ന്നു അത്‌ എഴുതി​യത്‌. എന്തായി​രു​ന്നു ആ സംഭവം? യരുശ​ലേം നശിപ്പി​ക്ക​പ്പെ​ടാൻ പോകു​ന്നു. അവി​ടെ​യുള്ള ക്രിസ്‌ത്യാ​നി​കൾക്കു രക്ഷപ്പെ​ട​ണ​മെ​ങ്കിൽ അവർ തങ്ങളുടെ വീടും വ്യാപാ​ര​വും ഒക്കെ ഉപേക്ഷി​ച്ചു​പോ​കണം. യരുശ​ലേ​മി​നെ​ക്കു​റിച്ച്‌ പൗലോസ്‌ ഇങ്ങനെ​യാണ്‌ എഴുതി​യത്‌: “ഇവിടെ നമുക്കു നിലനിൽക്കുന്ന ഒരു നഗരമില്ല. വരാനുള്ള ഒരു നഗരത്തി​നു​വേ​ണ്ടി​യാ​ണ​ല്ലോ നമ്മൾ ആകാം​ക്ഷ​യോ​ടെ കാത്തി​രി​ക്കു​ന്നത്‌.”—എബ്രാ. 13:14.

3. നമ്മൾ എന്തിനു​വേ​ണ്ടി​യാ​ണു കാത്തി​രി​ക്കു​ന്നത്‌, എന്തു​കൊണ്ട്‌?

³ ക്രിസ്‌ത്യാ​നി​കൾ യരുശ​ലേ​മും യഹൂദ്യ​യും വിട്ടു​പോ​കാൻ തീരു​മാ​നി​ച്ച​പ്പോൾ ചുറ്റു​മു​ണ്ടാ​യി​രുന്ന ആളുകൾ സാധ്യ​ത​യ​നു​സ​രിച്ച്‌ അവരെ കളിയാ​ക്കു​ക​യും കുറ്റ​പ്പെ​ടു​ത്തു​ക​യും ഒക്കെ ചെയ്‌തി​രി​ക്കാം. എന്നാൽ ആ തീരു​മാ​ന​മാണ്‌ അവരുടെ ജീവൻ രക്ഷിച്ചത്‌. ഇന്നു നമ്മളെ​യും ആളുകൾ കളിയാ​ക്കു​ന്നു. കാരണം ഇന്നത്തെ പ്രശ്‌ന​ങ്ങ​ളു​ടെ പരിഹാ​ര​ത്തി​നാ​യി നമ്മൾ മനുഷ്യ​രി​ലേക്കു നോക്കു​ന്നില്ല. അതു​പോ​ലെ ഈ ലോക​ത്തിൽ നല്ല ചുറ്റു​പാ​ടും സുരക്ഷി​ത​ത്വ​വും ഉള്ള ജീവിതം ഉണ്ടാക്കാൻ ശ്രമി​ക്കു​ന്നു​മില്ല. നമ്മൾ എന്തു​കൊ​ണ്ടാണ്‌ അങ്ങനെ​യൊ​രു തീരു​മാ​ന​മെ​ടു​ക്കു​ന്നത്‌? കാരണം ഈ ലോകം അധികം നാൾ മുന്നോ​ട്ടു പോകി​ല്ലെന്നു നമുക്ക്‌ അറിയാം. വരാനുള്ള ‘ഉറച്ച അടിസ്ഥാ​ന​മുള്ള ഒരു നഗരത്തി​നു​വേണ്ടി,’ അതായത്‌ ദൈവരാജ്യത്തിനുവേണ്ടിയാണ്‌a നമ്മൾ കാത്തി​രി​ക്കു​ന്നത്‌. (എബ്രാ. 11:10; മത്താ. 6:33) പിൻവ​രുന്ന കാര്യങ്ങൾ നമ്മൾ ഈ ലേഖന​ത്തിൽ പഠിക്കും: (1) ‘വരാനുള്ള ഒരു നഗരത്തി​നാ​യി’ കാത്തി​രി​ക്കാൻ പൗലോ​സി​ന്റെ കത്ത്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ സഹായി​ച്ചത്‌ എങ്ങനെ​യാണ്‌? (2) യരുശ​ലേ​മി​ന്റെ നാശത്തി​നാ​യി ഒരുങ്ങാൻ പൗലോസ്‌ അവരെ സഹായി​ച്ചത്‌ എങ്ങനെ? (3) ആ നിർദേ​ശങ്ങൾ ഇന്നു നമ്മളെ സഹായി​ക്കു​ന്നത്‌ എങ്ങനെ?

നിങ്ങളെ ഒരിക്ക​ലും ഉപേക്ഷി​ക്കാത്ത യഹോ​വ​യിൽ ആശ്രയി​ക്കു​ക

4. യരുശ​ലേം ക്രിസ്‌ത്യാ​നി​കൾക്ക്‌ ഒരു പ്രധാ​ന​പ്പെട്ട സ്ഥലമാ​യി​രു​ന്നത്‌ എന്തു​കൊണ്ട്‌?

⁴ ക്രിസ്‌ത്യാ​നി​കൾക്കു വളരെ പ്രധാ​ന​പ്പെട്ട സ്ഥലമാ​യി​രു​ന്നു യരുശ​ലേം. കാരണം എ.ഡി. 33-ൽ ആദ്യത്തെ ക്രിസ്‌തീ​യസഭ സ്ഥാപി​ത​മാ​യത്‌ അവി​ടെ​യാണ്‌. അതു​പോ​ലെ ആ നഗരത്തി​ലാ​യി​രു​ന്നു ഭരണസം​ഘ​ത്തി​ലെ സഹോ​ദ​രങ്ങൾ താമസി​ച്ചി​രു​ന്നത്‌. ഇനി പല ക്രിസ്‌ത്യാ​നി​ക​ളു​ടെ​യും വീടും വസ്‌തു​വ​ക​ക​ളും ഒക്കെ യരുശ​ലേ​മി​ലാ​യി​രു​ന്നു. എന്നിട്ടും യേശു തന്റെ അനുഗാ​മി​ക​ളോട്‌ അവിടം വിട്ടു​പോ​കാൻ പറഞ്ഞു. യരുശ​ലേ​മിൽനിന്ന്‌ മാത്രമല്ല ആ യഹൂദ്യ പ്രദേ​ശ​ത്തു​നി​ന്നു​പോ​ലും ഓടി​പ്പോ​കാ​നാ​ണു യേശു പറഞ്ഞത്‌.—മത്താ. 24:16.

5. യരുശ​ലേ​മിന്‌ എന്തു സംഭവി​ക്കു​മാ​യി​രു​ന്നു?

⁵ വരാൻപോ​കുന്ന കാര്യ​ങ്ങൾക്കു​വേണ്ടി പൗലോസ്‌ ക്രിസ്‌ത്യാ​നി​കളെ ഒരുക്കി. അതിനാ​യി യരുശ​ലേ​മി​നെ​ക്കു​റി​ച്ചുള്ള യഹോ​വ​യു​ടെ വീക്ഷണം എന്താ​ണെന്നു പൗലോസ്‌ അവർക്കു വിശദീ​ക​രി​ച്ചു​കൊ​ടു​ത്തു. യരുശ​ലേ​മി​ലെ ആലയത്തി​നോ പുരോ​ഹി​ത​ന്മാർക്കോ അവിടെ അർപ്പി​ക്കുന്ന യാഗങ്ങൾക്കോ ഇനി യഹോ​വ​യു​ടെ കണ്ണിൽ ഒരു മൂല്യ​വു​മി​ല്ലെന്ന്‌ അദ്ദേഹം അവരെ ഓർമി​പ്പി​ച്ചു. (എബ്രാ. 8:13) അതു മാത്രമല്ല ആ നഗരത്തി​ലെ മിക്കയാ​ളു​ക​ളും മിശി​ഹയെ തള്ളിക്ക​ള​ഞ്ഞ​വ​രാ​യി​രു​ന്നു. അതെ, യഹോ​വയെ ആരാധി​ക്കാ​നാ​യി ഇനി ആളുകൾ യരുശ​ലേ​മി​ലെ ആലയത്തി​ലേക്കു പോ​കേ​ണ്ട​തി​ല്ലാ​യി​രു​ന്നു. അത്‌ ഉടനെ നശിപ്പി​ക്ക​പ്പെ​ടും.—ലൂക്കോ. 13:34, 35.

6. എബ്രായർ 13:5, 6-ലെ ഉപദേശം പൗലോസ്‌ എന്തു​കൊ​ണ്ടാണ്‌ ക്രിസ്‌ത്യാ​നി​കൾക്കു കൊടു​ത്തത്‌?

⁶ യരുശ​ലേം സാമ്പത്തി​ക​മാ​യി നല്ലൊരു അവസ്ഥയി​ലാ​യി​രുന്ന സമയത്താ​ണു പൗലോസ്‌ എബ്രാ​യർക്ക്‌ ഈ കത്ത്‌ എഴുതു​ന്നത്‌. അന്നുള്ള ഒരു റോമൻ എഴുത്തു​കാ​രന്റെ അഭി​പ്രാ​യ​ത്തിൽ, ലോക​ത്തി​ന്റെ കിഴക്കൻ ഭാഗത്തെ ഏറ്റവും പ്രശസ്‌ത​മായ ഒരു നഗരമാ​യി​രു​ന്നു യരുശ​ലേം. പല സ്ഥലങ്ങളിൽനി​ന്നുള്ള ജൂതന്മാർ വാർഷി​കോ​ത്സവം ആചരി​ക്കാ​നാ​യി യരുശ​ലേ​മിൽ എത്തുക പതിവാ​യി​രു​ന്നു. അത്‌ യരുശ​ലേ​മി​ന്റെ സാമ്പത്തി​ക​സ്ഥി​തി മെച്ച​പ്പെ​ടു​ത്തി. ഈ സാഹച​ര്യം പ്രയോ​ജ​ന​പ്പെ​ടു​ത്തി​ക്കൊണ്ട്‌ അവി​ടെ​യുള്ള ചില ക്രിസ്‌ത്യാ​നി​കൾ നന്നായി പണം സമ്പാദി​ച്ചു​കാ​ണും. അതു​കൊ​ണ്ടാ​യി​രി​ക്കാം പൗലോസ്‌ അവരോട്‌ ഇങ്ങനെ പറഞ്ഞത്‌: “നിങ്ങളു​ടെ ജീവിതം പണസ്‌നേ​ഹ​മി​ല്ലാ​ത്ത​താ​യി​രി​ക്കട്ടെ. ഉള്ളതു​കൊണ്ട്‌ തൃപ്‌തി​പ്പെ​ടുക.” എന്നാൽ ഉത്‌ക​ണ്‌ഠ​പ്പെ​ടാ​തി​രി​ക്കാൻ യഹോ​വ​യു​ടെ ശക്തമായ ഈ ഉറപ്പും പൗലോസ്‌ കൊടു​ത്തു: “ഞാൻ നിന്നെ ഒരിക്ക​ലും കൈവി​ടില്ല; ഒരിക്ക​ലും ഉപേക്ഷി​ക്കില്ല.” (എബ്രായർ 13:5, 6 വായി​ക്കുക; ആവ. 31:6; സങ്കീ. 118:6) യരുശ​ലേ​മി​ലെ​യും യഹൂദ്യ​യി​ലെ​യും ക്രിസ്‌ത്യാ​നി​കൾക്ക്‌ ഈ ഉറപ്പ്‌ ആവശ്യ​മാ​യി​രു​ന്നു. എന്തു​കൊണ്ട്‌? ഈ കത്ത്‌ കിട്ടി അധികം താമസി​ക്കാ​തെ അവർ തങ്ങളുടെ വീടു​ക​ളും വസ്‌തു​വ​ക​ക​ളിൽ പലതും വ്യാപാ​ര​ങ്ങ​ളും എല്ലാം ഉപേക്ഷിച്ച്‌ പോക​ണ​മാ​യി​രു​ന്നു. അവരുടെ ജീവിതം വീണ്ടും ഒന്നേന്നു തുടങ്ങണം.

7. യഹോ​വ​യി​ലുള്ള ആശ്രയം നമ്മൾ ഇപ്പോൾത്തന്നെ ശക്തമാ​ക്കേ​ണ്ടത്‌ എന്തു​കൊണ്ട്‌?

⁷ നമുക്കുള്ള പാഠം: നമ്മളും ‘മഹാക​ഷ്ട​ത​യ്‌ക്കും’ ഈ വ്യവസ്ഥി​തി​യു​ടെ അവസാ​ന​ത്തി​നും ആയി കാത്തി​രി​ക്കു​ക​യാണ്‌. (മത്താ. 24:21) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ നമ്മളും ഉണർന്നും ഒരുങ്ങി​യും ഇരി​ക്കേ​ണ്ട​തുണ്ട്‌. (ലൂക്കോ. 21:34-36) മഹാക​ഷ്ട​ത​യു​ടെ സമയത്ത്‌ നമുക്കു ചില​പ്പോൾ വീടും വസ്‌തു​വ​ക​ക​ളും എല്ലാം നഷ്ടമാ​യേ​ക്കാം. ആ സമയത്ത്‌ നമ്മൾ ഓർക്കേണ്ട ഒരു സംഗതി, യഹോവ നമ്മളെ ഒരിക്ക​ലും ഉപേക്ഷി​ക്കില്ല എന്നതാണ്‌. എന്നാൽ മഹാകഷ്ടത തുടങ്ങു​ന്ന​തി​നു മുമ്പ്‌, ഇപ്പോൾത്തന്നെ, നമ്മുടെ ആശ്രയം ആരിലാണ്‌ എന്നു തെളി​യി​ക്കാ​നുള്ള അവസരം നമുക്കുണ്ട്‌. നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘എന്റെ പ്രവൃ​ത്തി​ക​ളും ലക്ഷ്യങ്ങ​ളും കാണി​ക്കു​ന്നത്‌, ഞാൻ ആശ്രയി​ക്കു​ന്നതു ദൈവ​ത്തി​ലാ​ണെ​ന്നാ​ണോ അതോ പണത്തി​ലാ​ണെ​ന്നാ​ണോ?’ (1 തിമൊ. 6:17) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കു സംഭവി​ച്ച​തിൽനിന്ന്‌ നമുക്കു പല പാഠങ്ങ​ളും പഠിക്കാ​നുണ്ട്‌. എങ്കിലും വരാനി​രി​ക്കുന്ന “മഹാകഷ്ടത” ക്രിസ്‌ത്യാ​നി​കൾ ഇതുവരെ നേരി​ട്ടി​ട്ടി​ല്ലാത്ത വലി​യൊ​രു പരി​ശോ​ധ​ന​യാ​യി​രി​ക്കും. ആ സമയത്ത്‌ നമ്മൾ എന്തൊക്കെ ചെയ്യണ​മെന്നു നമുക്ക്‌ എങ്ങനെ അറിയാൻ കഴിയും?

നേതൃ​ത്വ​മെ​ടു​ക്കു​ന്ന​വരെ അനുസ​രി​ക്കു​ക

8. യേശു ശിഷ്യ​ന്മാർക്ക്‌ ഏതു നിർദേ​ശ​മാ​ണു കൊടു​ത്തത്‌?

⁸ പൗലോ​സി​ന്റെ കത്ത്‌ കിട്ടി കുറച്ച്‌ വർഷങ്ങൾക്കു ശേഷം റോമൻ സൈന്യം യരുശ​ലേ​മി​നെ വളഞ്ഞു. ക്രിസ്‌ത്യാ​നി​കൾ യരുശ​ലേം വിട്ടു​പോ​കാ​നുള്ള ഒരു അടയാ​ള​മാ​യി​രു​ന്നു ഇത്‌. കാരണം യരുശ​ലേം നശിപ്പി​ക്ക​പ്പെ​ടാൻ പോകു​ക​യാ​യി​രു​ന്നു. (മത്താ. 24:3; ലൂക്കോ. 21:20, 24) എന്നാൽ അവർ എങ്ങോട്ട്‌ ഓടി​പ്പോ​കും? യേശു അവരോട്‌ “യഹൂദ്യ​യി​ലു​ള്ളവർ മലകളി​ലേക്ക്‌ ഓടി​പ്പോ​കട്ടെ” എന്നു മാത്രമേ പറഞ്ഞി​രു​ന്നു​ള്ളൂ. (ലൂക്കോ. 21:21) ആ പ്രദേ​ശ​ത്താ​ണെ​ങ്കിൽ ഒരുപാ​ടു മലകളുണ്ട്‌. അപ്പോൾ അവർ ഏതു മലയി​ലേക്ക്‌ ഓടി​പ്പോ​കു​മാ​യി​രു​ന്നു?

9. ഏതു മലയി​ലേ​ക്കാണ്‌ ഓടി​പ്പോ​കേ​ണ്ട​തെന്ന്‌ ക്രിസ്‌ത്യാ​നി​കൾക്കു സംശയം തോന്നി​യി​രി​ക്കാ​വു​ന്നത്‌ എന്തു​കൊണ്ട്‌? (ഭൂപട​വും കാണുക.)

⁹ ഉദാഹ​ര​ണ​ത്തിന്‌, ശമര്യ​യി​ലും ഗലീല​യി​ലും ലബാ​നോ​നി​ലും മലകളു​ണ്ടാ​യി​രു​ന്നു. അതു​പോ​ലെ ഹെർമോൻ പർവതം ഉണ്ടായി​രു​ന്നു, യോർദാൻ നദിക്ക്‌ അക്കരെ​യും ചില മലകൾ ഉണ്ടായി​രു​ന്നു. (ഭൂപടം കാണുക.) ആ മലനി​ര​ക​ളി​ലുള്ള ചില നഗരങ്ങൾ താമസി​ക്കാൻ സുരക്ഷി​ത​മാ​ണെന്ന്‌ അവർക്കു തോന്നി​യി​രി​ക്കാം. അതി​നൊ​രു ഉദാഹ​ര​ണ​മാ​ണു ഗാംലാ നഗരം. എത്തി​പ്പെ​ടാൻ ബുദ്ധി​മു​ട്ടുള്ള വളരെ ഉയർന്ന ഒരു മലയി​ലാ​ണു ഗാംലാ സ്ഥിതി ചെയ്‌തി​രു​ന്നത്‌. അതു​കൊണ്ട്‌ ചില ജൂതന്മാർ ഇതാണു പറ്റിയ സ്ഥലമെന്നു ചിന്തിച്ചു. എന്നാൽ അവർക്കു തെറ്റി. കാരണം, റോമൻ സൈന്യം യരുശ​ലേ​മി​നെ ആക്രമി​ച്ച​പ്പോൾ ഗാംലാ​യിൽ താമസിച്ച അനേകം ജൂതന്മാർ അവരുടെ കൈയാൽ കൊല്ല​പ്പെട്ടു.b

10-11. (എ) എങ്ങനെ​യാ​യി​രി​ക്കാം യഹോവ ക്രിസ്‌ത്യാ​നി​കളെ വഴിന​യി​ച്ചത്‌? (എബ്രായർ 13:7, 17) (ബി) നേതൃ​ത്വ​മെ​ടു​ക്കു​ന്ന​വരെ അനുസ​രി​ച്ച​തു​കൊണ്ട്‌ ക്രിസ്‌ത്യാ​നി​കൾക്ക്‌ എന്തു പ്രയോ​ജനം കിട്ടി? (ചിത്ര​വും കാണുക.)

¹⁰ സഭയിൽ നേതൃ​ത്വ​മെ​ടു​ക്കു​ന്ന​വ​രി​ലൂ​ടെ ആയിരി​ക്കാം യഹോവ ആ ക്രിസ്‌ത്യാ​നി​കളെ വഴിന​യി​ച്ചത്‌. ചരി​ത്ര​കാ​ര​നായ യൂസേ​ബി​യസ്‌ പറഞ്ഞത​നു​സ​രിച്ച്‌: “യരുശ​ലേ​മി​ലുള്ള ക്രിസ്‌ത്യാ​നി​കൾ പെരി​യ​യി​ലെ പെല്ലാ നഗരത്തി​ലേക്ക്‌ ഓടി​പ്പോ​കണം എന്ന നിർദേശം യഹോവ കൊടു​ത്തതു നേതൃ​ത്വ​മെ​ടു​ക്കുന്ന പുരു​ഷ​ന്മാ​രി​ലൂ​ടെ​യാണ്‌.” ജീവൻ രക്ഷിക്കാ​നാ​യി അങ്ങോട്ടു പോകു​ന്നതു ശരിയായ ഒരു തീരു​മാ​ന​മാ​യി​രു​ന്നു. കാരണം അവി​ടെ​യുള്ള മിക്കയാ​ളു​ക​ളും ജൂതന്മാ​ര​ല്ലാ​ത്ത​തു​കൊണ്ട്‌ അവർ റോമൻ സൈന്യ​ത്തിന്‌ എതിരെ പോരാ​ടാൻ പോകി​ല്ലാ​യി​രു​ന്നു. അതു​പോ​ലെ യരുശ​ലേ​മിൽനിന്ന്‌ ദൂരം കുറവാ​യി​രു​ന്ന​തു​കൊണ്ട്‌ അവിടെ എത്തി​പ്പെ​ടാൻ എളുപ്പ​വു​മാ​യി​രു​ന്നു.—ഭൂപടം കാണുക.

¹¹ ‘നേതൃ​ത്വ​മെ​ടു​ക്കു​ന്ന​വരെ അനുസ​രിച്ച’ ക്രിസ്‌ത്യാ​നി​ക​ളെ​ല്ലാം പെല്ലയി​ലേക്ക്‌ ഓടി​പ്പോ​യി. (എബ്രായർ 13:7, 17 വായി​ക്കുക.) അങ്ങനെ ചെയ്‌ത​വർക്കു ജീവൻ രക്ഷിക്കാ​നാ​യി. “ഉറച്ച അടിസ്ഥാ​ന​ങ്ങ​ളുള്ള നഗരത്തി​നു​വേണ്ടി,” ദൈവ​രാ​ജ്യ​ത്തി​നു​വേണ്ടി, കാത്തി​രി​ക്കു​ന്ന​വരെ ദൈവം ഒരുനാ​ളും ഉപേക്ഷി​ക്കി​ല്ലെ​ന്നാണ്‌ ഈ ചരി​ത്ര​വ​സ്‌തുത കാണി​ക്കു​ന്നത്‌.—എബ്രാ. 11:10.

12-13. ബുദ്ധി​മു​ട്ടുള്ള സമയങ്ങ​ളിൽ യഹോവ എങ്ങനെ​യാ​ണു തന്റെ ജനത്തെ വഴിന​യി​ച്ചത്‌?

¹² നമുക്കുള്ള പാഠം: യഹോവ തന്റെ ജനത്തിനു വ്യക്തമായ നിർദേ​ശങ്ങൾ കൊടു​ക്കാൻ ഇന്നും നേതൃ​ത്വ​മെ​ടു​ക്കു​ന്ന​വരെ ഉപയോ​ഗി​ക്കു​ന്നു. ബുദ്ധി​മു​ട്ടുള്ള സമയങ്ങ​ളിൽ യഹോവ തന്റെ ജനത്തെ വഴിന​യി​ക്കാൻ ഇടയന്മാ​രെ ഉപയോ​ഗി​ച്ച​തി​ന്റെ ധാരാളം തെളി​വു​കൾ ബൈബി​ളി​ലുണ്ട്‌. (ആവ. 31:23; സങ്കീ. 77:20) ഇന്നും യഹോവ ആ വിധത്തിൽ നമ്മളെ വഴിന​യി​ക്കു​ന്ന​തി​ന്റെ നിരവധി തെളി​വു​കൾ നിങ്ങൾക്കു കാണാ​നാ​കു​ന്നി​ല്ലേ?

¹³ ഉദാഹ​ര​ണ​ത്തിന്‌, കോവിഡ്‌-19 മഹാമാ​രി​യു​ടെ സമയത്ത്‌ “നേതൃ​ത്വ​മെ​ടു​ക്കുന്ന” സഹോ​ദ​രങ്ങൾ സഭകൾക്കു​വേണ്ട നിർദേ​ശങ്ങൾ നൽകി. മൂപ്പന്മാർക്കു ലഭിച്ച ആ നിർദേ​ശങ്ങൾ സഹോ​ദ​ര​ങ്ങ​ളു​ടെ ആത്മീയാ​വ​ശ്യ​ങ്ങൾ നിറ​വേ​റ്റാൻ സഹായി​ച്ചു. ഇനി, മഹാമാ​രി തുടങ്ങി അധികം വൈകാ​തെ 500 ഭാഷക​ളി​ലാ​യി വലി​യൊ​രു കൺ​വെൻ​ഷൻ നടത്താ​നും നമുക്കു കഴിഞ്ഞു. സഹോ​ദ​രങ്ങൾ ഇന്റർനെ​റ്റി​ലൂ​ടെ​യും ടിവി​യി​ലൂ​ടെ​യും റേഡി​യോ​യി​ലൂ​ടെ​യും അത്‌ ആസ്വദി​ച്ചു. അങ്ങനെ ആത്മീയാ​ഹാ​രം നിലയ്‌ക്കാ​തെ ഒഴുകി! അത്‌ ഐക്യ​മു​ള്ള​വ​രാ​യി തുടരാൻ നമ്മളെ സഹായി​ച്ചു. ഭാവി​യിൽ എന്തെല്ലാം പ്രശ്‌ന​ങ്ങ​ളു​ണ്ടാ​യാ​ലും ജ്ഞാനപൂർവം തീരു​മാ​ന​ങ്ങ​ളെ​ടു​ക്കാൻവേണ്ട നിർദേ​ശങ്ങൾ യഹോവ നേതൃ​ത്വ​മെ​ടു​ക്കു​ന്ന​വ​രി​ലൂ​ടെ തരുമെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം. യഹോ​വ​യിൽ ആശ്രയി​ക്ക​ണ​മെ​ന്നും യഹോ​വ​യു​ടെ നിർദേ​ശങ്ങൾ അനുസ​രി​ക്ക​ണ​മെ​ന്നും നമ്മൾ ഇപ്പോൾ പഠിച്ചു. ശരി, മഹാക​ഷ്ട​ത​യ്‌ക്കാ​യി ഒരുങ്ങാ​നും ആ സമയത്ത്‌ ജ്ഞാനപൂർവം തീരു​മാ​ന​ങ്ങ​ളെ​ടു​ക്കാ​നും മറ്റ്‌ ഏതെല്ലാം ഗുണങ്ങൾ നമ്മളെ സഹായി​ക്കും?

സഹോ​ദ​ര​സ്‌നേ​ഹ​വും ആതിഥ്യ​വും കാണി​ക്കു​ക

14. എബ്രായർ 13:1-3 അനുസ​രിച്ച്‌ യരുശ​ലേ​മി​ന്റെ നാശത്തി​നു മുമ്പ്‌ ക്രിസ്‌ത്യാ​നി​കൾ ഏതു ഗുണങ്ങൾ കാണി​ക്ക​ണ​മാ​യി​രു​ന്നു?

¹⁴ നമ്മൾ ഏറ്റവു​മ​ധി​കം സഹോ​ദ​ര​സ്‌നേഹം കാണി​ക്കേണ്ട ഒരു സമയമാണ്‌ മഹാക​ഷ്ട​ത​യു​ടെ നാളുകൾ. സഹോ​ദ​ര​സ്‌നേഹം കാണി​ക്കുന്ന കാര്യ​ത്തിൽ യരുശ​ലേ​മി​ലെ​യും യഹൂദ്യ​യി​ലെ​യും ക്രിസ്‌ത്യാ​നി​കൾ നമുക്കു നല്ലൊരു മാതൃ​ക​യാണ്‌. അവർക്ക്‌ എല്ലായ്‌പ്പോ​ഴും പരസ്‌പരം നല്ല സ്‌നേ​ഹ​മു​ണ്ടാ​യി​രു​ന്നു. (എബ്രാ. 10:32-34) എന്നാൽ യരുശ​ലേ​മി​ന്റെ നാശം അടുത്തു​വന്ന ആ സമയത്ത്‌ അവർ മുമ്പ​ത്തേ​തി​ലും അധിക​മാ​യി ‘സഹോ​ദ​ര​സ്‌നേ​ഹ​വും’ ‘ആതിഥ്യ​വും’ കാണി​ക്ക​ണ​മാ​യി​രു​ന്നു.c (എബ്രായർ 13:1-3 വായി​ക്കുക.) ഈ വ്യവസ്ഥി​തി​യു​ടെ അവസാനം കാത്തി​രി​ക്കുന്ന നമ്മളും അതു​പോ​ലെ​തന്നെ ചെയ്യണം.

15. യരുശ​ലേ​മിൽനിന്ന്‌ പോയ​ശേ​ഷ​വും എബ്രാ​യ​ക്രി​സ്‌ത്യാ​നി​കൾ സഹോ​ദ​ര​സ്‌നേ​ഹ​വും ആതിഥ്യ​വും കാണി​ക്കേ​ണ്ടി​യി​രു​ന്നത്‌ എന്തു​കൊണ്ട്‌?

¹⁵ യരുശ​ലേ​മി​നെ വളഞ്ഞി​രുന്ന റോമൻ സൈന്യം പെട്ടെ​ന്നു​തന്നെ പിൻവാ​ങ്ങി. ഇതു ക്രിസ്‌ത്യാ​നി​കൾക്ക്‌ യരുശ​ലേ​മിൽനിന്ന്‌ രക്ഷപ്പെ​ടാൻ അവസര​മൊ​രു​ക്കി. ആ യാത്ര​യിൽ അവർക്കു വളരെ കുറച്ച്‌ സാധന​ങ്ങളേ എടുക്കാൻ സാധി​ച്ചു​ള്ളൂ. (മത്താ. 24:17, 18) അതു​കൊ​ണ്ടു​തന്നെ അങ്ങോ​ട്ടുള്ള യാത്ര​യി​ലും അവിടെ ചെന്ന്‌ പുതി​യൊ​രു ജീവിതം തുടങ്ങു​ന്ന​തി​നും അവർ പരസ്‌പരം സഹായി​ക്ക​ണ​മാ​യി​രു​ന്നു. പല സഹോ​ദ​ര​ങ്ങൾക്കും ഭക്ഷണവും വസ്‌ത്ര​വും പാർപ്പി​ട​വും ഒക്കെ ആവശ്യ​മാ​യി​രു​ന്നു. ഈ കാര്യ​ങ്ങ​ളി​ലെ​ല്ലാം “അടിയ​ന്തി​ര​മാ​യി സഹായം” കൊടു​ത്തു​കൊണ്ട്‌ യഥാർഥ സഹോ​ദ​ര​സ്‌നേഹം കാണി​ക്കാൻ അവർക്ക്‌ അവസരം കിട്ടി. അതു​പോ​ലെ പരസ്‌പരം പിന്തു​ണ​ച്ചു​കൊ​ണ്ടും തങ്ങൾക്കു​ള്ളത്‌ മറ്റുള്ള​വ​രു​മാ​യി പങ്കു​വെ​ച്ചു​കൊ​ണ്ടും ആതിഥ്യം കാണി​ക്കാ​നും അവർക്കു കഴിഞ്ഞു.—തീത്തോ. 3:14.

16. സഹായം ആവശ്യ​മുള്ള സഹോ​ദ​ര​ങ്ങ​ളോ​ടു നമുക്ക്‌ എങ്ങനെ സ്‌നേഹം കാണി​ക്കാം? (ചിത്ര​വും കാണുക.)

¹⁶ നമുക്കുള്ള പാഠം: സഹോ​ദ​ര​ങ്ങളെ അവരുടെ ആവശ്യ​ങ്ങ​ളിൽ സഹായി​ക്കാൻ സ്‌നേഹം നമ്മെ പ്രേരി​പ്പി​ക്കും. ഈ അടുത്ത കാലത്തു​ണ്ടായ യുദ്ധങ്ങ​ളി​ലും പ്രകൃ​തി​ദു​ര​ന്ത​ങ്ങ​ളി​ലും അഭയാർഥി​ക​ളാ​യി പോ​കേ​ണ്ടി​വന്ന സഹോ​ദ​ര​ങ്ങളെ നമ്മൾ മനസ്സോ​ടെ സഹായി​ച്ചു. നമ്മൾ അവരെ ആത്മീയ​മാ​യും ഭൗതി​ക​മാ​യും പിന്തു​ണച്ചു. യുദ്ധം കാരണം വീടു​വിട്ട്‌ പോ​കേ​ണ്ടി​വന്ന യു​ക്രെ​യി​നി​ലെ ഒരു സഹോ​ദരി പറഞ്ഞത്‌ ഇങ്ങനെ​യാണ്‌: “സഹോ​ദ​ര​ങ്ങ​ളി​ലൂ​ടെ യഹോവ എന്നെ സഹായി​ക്കു​ന്ന​തും വഴിന​യി​ക്കു​ന്ന​തും ഞാൻ അനുഭ​വി​ച്ച​റി​ഞ്ഞു. യു​ക്രെ​യി​നി​ലും ഹംഗറി​യി​ലും ജർമനി​യി​ലും ഉള്ള സഹോ​ദ​രങ്ങൾ സ്‌നേ​ഹ​ത്തോ​ടെ ഞങ്ങളെ സ്വീക​രി​ക്കു​ക​യും സഹായി​ക്കു​ക​യും ചെയ്‌തു.” സഹോ​ദ​ര​ങ്ങ​ളോട്‌ ആതിഥ്യം കാണി​ക്കു​ക​യും അവരുടെ ആവശ്യ​ങ്ങ​ളിൽ കരുതു​ക​യും ചെയ്യു​മ്പോൾ നമ്മൾ യഹോ​വ​യു​ടെ കൈയി​ലെ ഉപകര​ണ​ങ്ങ​ളാ​യി മാറു​ക​യാണ്‌.—സുഭാ. 19:17; 2 കൊരി. 1:3, 4.

17. നമ്മൾ ഇപ്പോൾത്തന്നെ സഹോ​ദ​ര​സ്‌നേ​ഹ​വും ആതിഥ്യ​വും വളർത്തി​യെ​ടു​ക്കേ​ണ്ടത്‌ എന്തു​കൊണ്ട്‌?

¹⁷ ഇന്നു നമ്മൾ സഹോ​ദ​ര​ങ്ങളെ പല തരത്തിൽ സഹായി​ക്കു​ന്നുണ്ട്‌. എന്നാൽ മഹാക​ഷ്ട​ത​യു​ടെ സമയത്ത്‌ ഇതിലും കൂടുതൽ നമ്മൾ സഹായി​ക്കേ​ണ്ടി​വ​രും. (ഹബ. 3:16-18) ആ സമയത്ത്‌ നമുക്ക്‌ ഏറ്റവും കൂടുതൽ ആവശ്യ​മാ​യി വരുന്ന സഹോ​ദ​ര​സ്‌നേ​ഹ​വും ആതിഥ്യ​വും കാണി​ക്കാൻ യഹോവ ഇപ്പോൾത്തന്നെ നമ്മളെ പരിശീ​ലി​പ്പി​ക്കു​ന്നു.

ഭാവി​യിൽ എന്തു സംഭവി​ക്കും?

18. ഒന്നാം നൂറ്റാ​ണ്ടി​ലെ എബ്രാ​യ​ക്രി​സ്‌ത്യാ​നി​കളെ നമുക്ക്‌ എങ്ങനെ അനുക​രി​ക്കാം?

¹⁸ നിർദേ​ശങ്ങൾ അനുസ​രിച്ച്‌ മലകളി​ലേക്ക്‌ ഓടി​പ്പോയ ക്രിസ്‌ത്യാ​നി​കൾക്കു ജീവൻ രക്ഷിക്കാ​നാ​യി എന്നു ചരിത്രം സാക്ഷ്യ​പ്പെ​ടു​ത്തു​ന്നു. അവരെ​ല്ലാം പലതും പിന്നിൽ ഉപേക്ഷി​ച്ചു​പോ​യെ​ങ്കി​ലും യഹോവ അവരെ ഉപേക്ഷി​ച്ചില്ല. ഇനി നമ്മുടെ നാളു​ക​ളെ​ക്കു​റി​ച്ചോ? ഭാവി​യിൽ സംഭവി​ക്കാൻപോ​കുന്ന എല്ലാ കാര്യ​ങ്ങ​ളും നമുക്കു കൃത്യ​മാ​യി അറിയില്ല. എന്നാൽ നിർദേ​ശങ്ങൾ അനുസ​രി​ക്കാൻ എപ്പോ​ഴും ഒരുക്ക​മു​ള്ള​വ​രാ​യി​രി​ക്കണം എന്ന മുന്നറി​യിപ്പ്‌ യേശു നമുക്കു തന്നിട്ടുണ്ട്‌. (ലൂക്കോ. 12:40) അതു​പോ​ലെ പൗലോ​സി​ന്റെ കത്തിൽനിന്ന്‌ പഠിച്ച പാഠങ്ങൾ നമുക്കു ജീവി​ത​ത്തിൽ പകർത്താം. ഇനി നമ്മളെ ഓരോ​രു​ത്ത​രെ​യും ഒരിക്ക​ലും കൈവി​ടി​ല്ലെ​ന്നും ഉപേക്ഷി​ക്കി​ല്ലെ​ന്നും ഉള്ള ഉറപ്പും യഹോവ തന്നിട്ടുണ്ട്‌. അതിൽ നമുക്കു പൂർണ​മാ​യി വിശ്വ​സി​ക്കാം. (എബ്രാ. 13:5, 6) അതു​കൊണ്ട്‌ നിലനിൽക്കുന്ന നഗരത്തി​നാ​യി, ദൈവ​രാ​ജ്യ​ത്തി​നാ​യി, നമുക്കു കാത്തി​രി​ക്കാം. ആ രാജ്യം കൊണ്ടു​വ​രാൻപോ​കുന്ന നിത്യാ​നു​ഗ്ര​ഹങ്ങൾ ആസ്വദി​ക്കാം.—മത്താ. 25:34.