‘യോഗ്യ​രാ​യ​വരെ’ എത്രയും പെട്ടെന്ന്‌ സഹായി​ക്കു​ക

1. സന്തോ​ഷ​വാർത്ത​യോട്‌ ആളുകൾ പ്രതി​ക​രി​ക്കുന്ന വിധം വ്യത്യ​സ്‌ത​മാ​യി​രി​ക്കു​ന്നത്‌ എങ്ങനെ? (പ്രവൃ​ത്തി​കൾ 13:47, 48; 16:14, 15)

ഒന്നാം നൂറ്റാ​ണ്ടിൽ ധാരാളം പേർ യേശു​വി​നെ​ക്കു​റി​ച്ചുള്ള സന്ദേശം കേട്ട ഉടനെ ക്രിസ്‌ത്യാ​നി​ത്വം സ്വീക​രി​ച്ചു. (പ്രവൃ​ത്തി​കൾ 13:47, 48; 16:14, 15 വായി​ക്കുക.) അതു​പോ​ലെ ഇന്നും സന്തോ​ഷ​വാർത്ത ആദ്യമാ​യി കേൾക്കു​മ്പോൾത്തന്നെ ചിലർ നന്നായി പ്രതി​ക​രി​ക്കാ​റുണ്ട്‌. എന്നാൽ ആദ്യ​മൊ​ന്നും അധികം താത്‌പ​ര്യം കാണി​ച്ചി​ല്ലെ​ങ്കി​ലും പിന്നീട്‌ സത്യം പഠിക്കാൻ മനസ്സു കാണി​ക്കു​ന്ന​വ​രു​മുണ്ട്‌. അങ്ങനെ​യെ​ങ്കിൽ ‘നിത്യ​ജീ​വനു യോഗ്യ​രാ​ക്കുന്ന തരം മനോ​ഭാ​വ​മു​ള്ള​വരെ’ ശുശ്രൂ​ഷ​യിൽ കണ്ടുമു​ട്ടി​യാൽ നമ്മൾ എന്തു ചെയ്യണം?

2. ശിഷ്യ​രാ​ക്കൽ പ്രവർത്ത​നത്തെ ഒരു കൃഷി​ക്കാ​രന്റെ ജോലി​യോട്‌ ഉപമി​ക്കാ​നാ​കു​ന്നത്‌ എങ്ങനെ?

² ഒരു ഉദാഹ​രണം നോക്കാം. ശിഷ്യ​രാ​ക്കൽ പ്രവർത്ത​നത്തെ ഒരു കൃഷി​ക്കാ​രന്റെ പണി​യോട്‌ ഉപമി​ക്കാ​നാ​കും. അദ്ദേഹം തോട്ട​ത്തി​ലുള്ള ഒരു ചെടി​യി​ലെ പഴങ്ങൾ പഴുത്ത്‌ പാകമാ​യെന്നു കണ്ടാൽ ഉടൻതന്നെ അതു പറിക്കും. അതേസ​മയം മറ്റു ചെടി​കൾക്കു വെള്ള​മൊ​ഴി​ക്കു​ന്ന​തും അതിനെ പരിപാ​ലി​ക്കു​ന്ന​തും തുടരു​ക​യും ചെയ്യും. ഇതു​പോ​ലെ, ശുശ്രൂ​ഷ​യിൽ നമ്മുടെ സന്ദേശ​ത്തോട്‌ ഒരാൾ പെട്ടെ​ന്നു​തന്നെ താത്‌പ​ര്യം കാണി​ക്കു​മ്പോൾ ക്രിസ്‌തു​വി​ന്റെ ശിഷ്യ​നാ​കാൻ അയാളെ എത്രയും വേഗം സഹായി​ക്കാൻ നമ്മൾ ശ്രമി​ക്കും. അതേസ​മയം മറ്റു ചിലരു​ടെ കാര്യ​ത്തിൽ അവരുടെ താത്‌പ​ര്യം വളർത്താൻ നമ്മൾ ശ്രമം തുട​രേ​ണ്ടി​വ​ന്നേ​ക്കാം. കാരണം നമ്മൾ പറയുന്ന സത്യത്തി​ന്റെ മൂല്യം മനസ്സി​ലാ​ക്കാൻ അവർക്ക്‌ സമയം വേണ്ടി​വ​രും. (യോഹ. 4:35, 36) കണ്ടുമു​ട്ടു​ന്ന​വരെ ഏതു രീതി​യിൽ സമീപി​ക്കു​ന്ന​താണ്‌ ഏറ്റവും നല്ലതെന്നു മനസ്സി​ലാ​ക്കാൻ വകതി​രിവ്‌ സഹായി​ക്കും. നമ്മുടെ സന്ദേശ​ത്തോട്‌ താത്‌പ​ര്യം കാണി​ക്കുന്ന ആളുക​ളോട്‌ ആദ്യസ​ന്ദർശ​ന​ത്തിൽ എന്ത്‌ പറയാ​നാ​കു​മെന്ന്‌ ഇപ്പോൾ നോക്കാം. അതു​പോ​ലെ പുരോ​ഗ​മി​ക്കാൻ അവരെ സഹായി​ക്കു​ന്ന​തിന്‌ എന്തു ചെയ്യാ​നാ​കു​മെ​ന്നും നമ്മൾ പഠിക്കും.

ആളുകൾ താത്‌പ​ര്യം കാണി​ക്കു​മ്പോൾ

3. താത്‌പ​ര്യ​മു​ള്ള​വരെ ശുശ്രൂ​ഷ​യിൽ കണ്ടുമു​ട്ടു​മ്പോൾ നമുക്ക്‌ എന്തു ചെയ്യാം? (1 കൊരി​ന്ത്യർ 9:26)

³ താത്‌പ​ര്യ​മു​ള്ള​വരെ കണ്ടുമു​ട്ടു​മ്പോൾ, നിത്യ​ജീ​വന്റെ പാതയി​ലേക്ക്‌ കടക്കാൻ അവരെ എത്രയും പെട്ടെന്നു സഹായി​ക്കാൻ നമ്മൾ ആഗ്രഹി​ക്കു​ന്നു. അങ്ങനെ​യു​ള്ള​വ​രോട്‌ ആദ്യസം​ഭാ​ഷ​ണ​ത്തിൽത്തന്നെ ബൈബിൾപ​ഠ​ന​ത്തെ​ക്കു​റിച്ച്‌ പറയാ​നും അവരെ മീറ്റി​ങ്ങു​കൾക്ക്‌ ക്ഷണിക്കാ​നും മടിക്ക​രുത്‌.—1 കൊരി​ന്ത്യർ 9:26 വായി​ക്കുക.

4. പെട്ടെ​ന്നു​തന്നെ ബൈബിൾപ​ഠ​ന​ത്തിന്‌ സമ്മതിച്ച ഒരാളു​ടെ അനുഭവം പറയുക.

⁴ ബൈബിൾപ​ഠ​ന​ത്തെ​ക്കു​റിച്ച്‌ പറയുക. ശുശ്രൂ​ഷ​യിൽ കണ്ടുമു​ട്ടുന്ന ചിലർ പെട്ടെ​ന്നു​തന്നെ ബൈബിൾപ​ഠനം സ്വീക​രി​ച്ചേ​ക്കാം. ഒരു അനുഭവം നോക്കാം. കാനഡ​യിൽ താമസി​ക്കുന്ന ചെറു​പ്പ​ക്കാ​രി​യായ ഒരു സ്‌ത്രീ ഒരു വ്യാഴാഴ്‌ച നമ്മുടെ കാർട്ടി​ന്റെ അടുത്തു​വന്ന്‌ ജീവിതം ആസ്വദി​ക്കാം ലഘുപ​ത്രിക എടുത്തു. കാർട്ടി​ന്റെ അടുത്ത്‌ നിന്നി​രുന്ന സഹോ​ദരി ഈ ലഘുപ​ത്രിക ഉപയോ​ഗി​ച്ചുള്ള ബൈബിൾപ​ഠ​ന​ത്തെ​ക്കു​റിച്ച്‌ അവരോ​ടു പറഞ്ഞു. ആ സ്‌ത്രീക്ക്‌ അത്‌ ഇഷ്ടമായി. അവർ ഫോൺ നമ്പറുകൾ കൈമാ​റി. അന്നുതന്നെ ആ സ്‌ത്രീ സഹോ​ദ​രിക്ക്‌ ബൈബിൾപ​ഠ​ന​ത്തെ​ക്കു​റിച്ച്‌ ചോദി​ച്ചു​കൊണ്ട്‌ മെസ്സേജ്‌ അയച്ചു. ശനിയാഴ്‌ച പഠിക്കു​ന്ന​തി​നെ​ക്കു​റിച്ച്‌ സഹോ​ദരി പറഞ്ഞ​പ്പോൾ ആ ചെറു​പ്പ​ക്കാ​രി ഇങ്ങനെ ചോദി​ച്ചു: “നാളെ പറ്റുമോ, ഞാൻ ഫ്രീ ആണ്‌.” അങ്ങനെ ആ വെള്ളി​യാ​ഴ്‌ച​തന്നെ അവർ ബൈബിൾപ​ഠനം തുടങ്ങി. ആ ഞായറാ​ഴ്‌ചത്തെ മീറ്റി​ങ്ങി​നും ആ സ്‌ത്രീ പങ്കെടു​ത്തു. അവർ പെട്ടെ​ന്നു​തന്നെ പുരോ​ഗ​മി​ക്കാ​നും തുടങ്ങി.

5. ഒരു ബൈബിൾപ​ഠ​ന​ത്തെ​ക്കു​റിച്ച്‌ പറയുന്ന കാര്യ​ത്തിൽ നമുക്ക്‌ വകതി​രിവ്‌ കാണി​ക്കാ​നാ​കു​ന്നത്‌ എങ്ങനെ​യാണ്‌? (ചിത്ര​ങ്ങ​ളും കാണുക.)

⁵ എല്ലാ ആളുക​ളും ഈ സ്‌ത്രീ​യെ​പ്പോ​ലെ നമ്മുടെ സന്ദേശ​ത്തോട്‌ പെട്ടെന്ന്‌ താത്‌പ​ര്യം കാണി​ക്കി​ല്ലെന്നു നമുക്ക​റി​യാം. ചിലരു​ടെ കാര്യ​ത്തിൽ കുറച്ച്‌ സമയം വേണ്ടി​വ​ന്നേ​ക്കാം. അങ്ങനെ​യു​ള്ള​വ​രോട്‌ സംസാ​രി​ക്കു​മ്പോൾ അവർക്ക്‌ ഇഷ്ടമുള്ള ഒരു വിഷയ​ത്തെ​ക്കു​റിച്ച്‌ നിങ്ങൾക്ക്‌ പറഞ്ഞു​തു​ട​ങ്ങാ​നാ​കും. എന്നിട്ട്‌ അവർ നന്നായി പ്രതി​ക​രി​ക്കു​മെന്ന പ്രതീ​ക്ഷ​യോ​ടെ അവരിൽ തുടർന്നും താത്‌പ​ര്യം കാണി​ക്കു​ന്നെ​ങ്കിൽ അധികം വൈകാ​തെ നിങ്ങൾക്ക്‌ ഒരു ബൈബിൾപ​ഠനം തുടങ്ങാ​നാ​യേ​ക്കും. അങ്ങനെ​യെ​ങ്കിൽ ബൈബിൾപ​ഠനം വാഗ്‌ദാ​നം ചെയ്യുന്ന സമയത്ത്‌ നിങ്ങൾക്ക്‌ എന്തൊക്കെ പറയാ​നാ​കും? ഈ ചോദ്യം ബൈബിൾപ​ഠനം തുടങ്ങു​ന്ന​തിൽ വിദഗ്‌ധ​രായ ചില സഹോ​ദ​ര​ങ്ങ​ളോട്‌ ചോദി​ച്ച​പ്പോൾ അവർ പറഞ്ഞ ചില നിർദേ​ശങ്ങൾ നോക്കാം.

6. ബൈബിൾപ​ഠനം പ്രയോ​ജനം ചെയ്യു​മെന്ന്‌ വ്യക്തിക്കു മനസ്സി​ലാ​ക്കി​ക്കൊ​ടു​ക്കാൻ നിങ്ങൾക്ക്‌ എന്തു പറയാ​നാ​കും?

⁶ ഒരു ബൈബിൾപ​ഠ​ന​ത്തെ​ക്കു​റിച്ച്‌ പറയു​മ്പോൾ “ബൈബിൾ കോഴ്‌സ്‌,” “പഠനം,” “നിങ്ങളെ പഠിപ്പി​ക്കാം” എന്നതു​പോ​ലുള്ള പദപ്ര​യോ​ഗങ്ങൾ ഒഴിവാ​ക്കു​ന്നത്‌ നല്ലതാ​ണെന്ന്‌ പല നാടു​ക​ളി​ലെ​യും പ്രചാ​ര​കർക്കും മുൻനി​ര​സേ​വ​കർക്കും തോന്നി​യി​ട്ടുണ്ട്‌. പകരം “സംസാ​രി​ക്കാം,” “ചർച്ച ചെയ്യാം,” “ബൈബി​ളി​നെ​ക്കു​റിച്ച്‌ കൂടുതൽ അറിയാം” തുടങ്ങിയ പദപ്ര​യോ​ഗങ്ങൾ ഉപയോ​ഗി​ക്കു​ന്നത്‌ പ്രയോ​ജനം ചെയ്യു​ന്ന​താ​യി അവർ മനസ്സി​ലാ​ക്കി​യി​രി​ക്കു​ന്നു. അടുത്ത തവണ സംസാ​രി​ക്കാ​നുള്ള താത്‌പ​ര്യം ഉണർത്തു​ന്ന​തി​നു നിങ്ങൾക്കു ചില​പ്പോൾ ഇങ്ങനെ പറയാ​നാ​കും: “ജീവി​ത​ത്തി​ലെ പ്രധാ​ന​പ്പെട്ട പല ചോദ്യ​ങ്ങൾക്കുള്ള ഉത്തരം ബൈബി​ളി​ലുണ്ട്‌;” അല്ലെങ്കിൽ “ബൈബിൾ വെറു​മൊ​രു മതഗ്ര​ന്ഥമല്ല, നമുക്ക്‌ ജീവി​ത​ത്തിൽ പ്രയോ​ജനം ചെയ്യുന്ന ഒരുപാ​ടു കാര്യങ്ങൾ അതിലുണ്ട്‌.” അതോ​ടൊ​പ്പം ഇങ്ങനെ​യും പറയാം: “ബൈബി​ളിൽനിന്ന്‌ വില​യേ​റിയ ഒരു ആശയം മനസ്സി​ലാ​ക്കാൻ ഒരുപാ​ടു സമയ​മൊ​ന്നും വേണ്ടി​വ​രില്ല. 10-ഓ 15-ഓ മിനിട്ട്‌ മതിയാ​കും.” എന്നാൽ “എല്ലാ ആഴ്‌ച​യും പഠിക്കാം,” “എല്ലാ ആഴ്‌ച​യും ഇതേ സമയത്തു​തന്നെ പഠിക്കാം” എന്നൊക്കെ പറയു​ന്നത്‌ വേണ​മെ​ങ്കിൽ നമുക്ക്‌ ഒഴിവാ​ക്കാം. കാരണം അങ്ങനെ കേൾക്കു​മ്പോൾ തങ്ങൾ ഒരു കടപ്പാ​ടിൽ ആയി​പ്പോ​കു​ന്ന​താ​യി അവർക്കു തോന്നാ​നി​ട​യുണ്ട്‌.

7. ചില ആളുകൾ ബൈബിൾസ​ത്യം തിരി​ച്ച​റി​ഞ്ഞി​രി​ക്കു​ന്നത്‌ എപ്പോ​ഴാണ്‌? (1 കൊരി​ന്ത്യർ 14:23-25)

⁷ മീറ്റി​ങ്ങിന്‌ ക്ഷണിക്കുക. സാധ്യ​ത​യ​നു​സ​രിച്ച്‌ പൗലോസ്‌ അപ്പോ​സ്‌ത​ലന്റെ കാലത്ത്‌ ചില ആളുകൾ ബൈബിൾസ​ത്യം തിരി​ച്ച​റി​ഞ്ഞത്‌ ആദ്യമാ​യി ക്രിസ്‌തീ​യ​യോ​ഗ​ത്തി​നു വന്നപ്പോ​ഴാണ്‌. (1 കൊരി​ന്ത്യർ 14:23-25 വായി​ക്കുക.) ഇന്നും അതു സത്യമാണ്‌. പുതി​യ​വ​രായ ആളുകൾ മിക്ക​പ്പോ​ഴും പെട്ടെന്ന്‌ പുരോ​ഗ​മി​ക്കു​ന്നത്‌ അവർ മീറ്റി​ങ്ങി​നു വന്നുതു​ട​ങ്ങു​മ്പോ​ഴാണ്‌. അങ്ങനെ​യെ​ങ്കിൽ ആളുകളെ നമുക്ക്‌ എപ്പോൾ മീറ്റി​ങ്ങിന്‌ ക്ഷണിക്കാ​നാ​കും? ജീവിതം ആസ്വദി​ക്കാം പുസ്‌ത​ക​ത്തി​ന്റെ 10-ാം പാഠത്തിൽ ആ കാര്യം പറയു​ന്നുണ്ട്‌. പക്ഷേ അത്‌ പഠിക്കു​ന്ന​തു​വരെ കാത്തു​നിൽക്കേ​ണ്ട​തില്ല. ആദ്യസം​ഭാ​ഷ​ണ​ത്തിൽത്തന്നെ നിങ്ങൾക്കു വീട്ടു​കാ​രനെ വാരാ​ന്ത​യോ​ഗ​ത്തിന്‌ ക്ഷണിക്കാ​നാ​കും. ആ ആഴ്‌ചത്തെ പൊതു​പ്ര​സം​ഗ​ത്തി​ന്റെ വിഷയ​മോ വീക്ഷാ​ഗോ​പു​ര​പ​ഠ​ന​ത്തി​ലെ ഏതെങ്കി​ലും ഒരു പോയി​ന്റോ പറഞ്ഞു​കൊണ്ട്‌ അവരുടെ താത്‌പ​ര്യം ഉണർത്താ​നാ​യേ​ക്കും.

8. പുതിയ ഒരാളെ മീറ്റി​ങ്ങി​നു ക്ഷണിക്കു​മ്പോൾ നമുക്ക്‌ എന്തൊക്കെ പറഞ്ഞു​കൊ​ടു​ക്കാ​നാ​കും? (യശയ്യ 54:13)

⁸ താത്‌പ​ര്യ​മുള്ള ഒരാളെ മീറ്റി​ങ്ങി​നു ക്ഷണിക്കു​മ്പോൾ അദ്ദേഹ​ത്തി​നു പരിച​യ​മുള്ള മതശു​ശ്രൂ​ഷ​ക​ളിൽനി​ന്നും നമ്മുടെ മീറ്റി​ങ്ങു​കൾക്കുള്ള വ്യത്യാ​സം പറഞ്ഞു​കൊ​ടു​ക്കാം. ബൈബിൾ പഠിക്കുന്ന ഒരു സ്‌ത്രീ ആദ്യമാ​യി വീക്ഷാ​ഗോ​പു​ര​പ​ഠനം കൂടി​യ​പ്പോൾ തന്റെ അധ്യാ​പി​ക​യോട്‌ ചോദി​ച്ചു: “പരിപാ​ടി നടത്തു​ന്ന​യാൾക്ക്‌ എല്ലാവ​രു​ടെ​യും പേരുകൾ അറിയാ​മോ?” ഇവിടം ഒരു കുടും​ബം പോ​ലെ​യാ​ണെ​ന്നും പരസ്‌പരം പേരുകൾ ഓർത്തി​രി​ക്കാൻ ഞങ്ങൾ ശ്രമി​ക്കാ​റു​ണ്ടെ​ന്നും സഹോ​ദരി പറഞ്ഞു. താൻ പൊയ്‌ക്കൊ​ണ്ടി​രി​ക്കുന്ന പള്ളിയിൽനിന്ന്‌ ഇത്‌ വ്യത്യ​സ്‌ത​മാ​ണ​ല്ലോ എന്ന്‌ ബൈബിൾവി​ദ്യാർഥി ചിന്തിച്ചു. ഇനി നമ്മുടെ മീറ്റി​ങ്ങി​ന്റെ ഉദ്ദേശ്യ​ത്തെ​ക്കു​റി​ച്ചും പുതി​യ​വർക്ക്‌ പറഞ്ഞു​കൊ​ടു​ക്കാ​നാ​കും. (യശയ്യ 54:13 വായി​ക്കുക.) നമ്മൾ കൂടി​വ​രു​ന്നത്‌ യഹോ​വയെ ആരാധി​ക്കാ​നും യഹോ​വ​യിൽനിന്ന്‌ പഠിക്കാ​നും പരസ്‌പരം പ്രോ​ത്സാ​ഹി​പ്പി​ക്കാ​നും ആണ്‌. (എബ്രാ. 2:12; 10:24, 25) അതു​കൊ​ണ്ടു​തന്നെ നമ്മുടെ മീറ്റി​ങ്ങു​ക​ളിൽ മതപര​മായ ചടങ്ങു​ക​ളില്ല. പഠിക്കാൻ പറ്റുന്ന രീതി​യിൽ വളരെ ക്രമീ​കൃ​ത​മാ​യാണ്‌ അത്‌ നടത്ത​പ്പെ​ടു​ന്നത്‌. (1 കൊരി. 14:40) അതു​പോ​ലെ നമ്മുടെ രാജ്യ​ഹാ​ളു​കൾ വളരെ ലളിത​വും പഠിക്കാൻ പറ്റുന്ന നല്ല അന്തരീ​ക്ഷ​മു​ള്ള​തും ആണ്‌. രാഷ്‌ട്രീ​യ​കാ​ര്യ​ങ്ങ​ളിൽ നിഷ്‌പ​ക്ഷ​രാ​യ​തു​കൊണ്ട്‌ അതെക്കു​റിച്ച്‌ നമ്മൾ സംസാ​രി​ക്കാ​റില്ല. അതു​പോ​ലെ​തന്നെ ചൂടു​പി​ടിച്ച ചർച്ചക​ളോ വാദങ്ങ​ളോ നമ്മൾ അവിടെ നടത്തില്ല. മീറ്റി​ങ്ങിന്‌ വരുന്ന​തി​നു മുമ്പു​തന്നെ രാജ്യ​ഹാ​ളിൽ എന്താണ്‌ നടക്കു​ന്നത്‌? എന്ന വീഡി​യോ വിദ്യാർഥി​യെ കാണി​ക്കു​ന്നെ​ങ്കിൽ അവിടെ നടക്കുന്ന കാര്യ​ങ്ങ​ളു​ടെ ഒരു ചിത്രം വിദ്യാർഥി​ക്കു മുന്നമേ കിട്ടും.

9-10. മീറ്റി​ങ്ങി​നു വരാൻ മടിക്കുന്ന പുതി​യ​വ​രോ​ടു നിങ്ങൾക്ക്‌ എന്തൊക്കെ പറയാ​നാ​കും? (ചിത്ര​വും കാണുക.)

⁹ യഹോ​വ​യു​ടെ സാക്ഷി​യാ​കേ​ണ്ടി​വ​രു​മോ എന്ന പേടി​കൊ​ണ്ടാ​യി​രി​ക്കാം ചിലർ മീറ്റി​ങ്ങു​കൾക്ക്‌ വരാൻ മടിക്കു​ന്നത്‌. എന്നാൽ നമ്മുടെ സഭയിൽ ചേരാ​നോ അവിടത്തെ പരിപാ​ടി​ക​ളിൽ പങ്കെടു​ക്കാ​നോ ഒന്നും നമ്മൾ ആരെയും നിർബ​ന്ധി​ക്കു​ന്നി​ല്ലെന്ന്‌ അവരോ​ടു പറയാ​നാ​കും. ഇനി കൊച്ചു​കു​ട്ടി​കൾ ഉൾപ്പെടെ കുടും​ബാം​ഗ​ങ്ങളെ എല്ലാവ​രെ​യും നമ്മൾ സ്വാഗതം ചെയ്യു​ന്നുണ്ട്‌. മീറ്റി​ങ്ങു​ക​ളിൽ കുട്ടി​കൾക്കു മാതാ​പി​താ​ക്ക​ളോ​ടൊ​പ്പം ഇരുന്ന്‌ പഠിക്കാ​നാ​കും. കുട്ടി​കൾക്കു മാത്ര​മാ​യി പ്രത്യേ​ക​ക്ലാ​സ്സു​കൾ ഒന്നുമില്ല. ഇത്‌ മുന്നമേ പറയു​മ്പോൾ തങ്ങളുടെ മക്കൾ ആരോ​ടൊ​പ്പം ആയിരി​ക്കും, അവരെ എന്തെല്ലാ​മാ​യി​രി​ക്കും പഠിപ്പി​ക്കു​ന്നത്‌ എന്നൊക്കെ ഓർത്ത്‌ മാതാ​പി​താ​ക്കൾക്ക്‌ ടെൻഷ​ന​ടി​ക്കേ​ണ്ടി​വ​രില്ല. (ആവ. 31:12) അതു​പോ​ലെ അവിടെ പണപ്പി​രി​വു​ക​ളില്ല. “സൗജന്യ​മാ​യി നിങ്ങൾക്കു ലഭിച്ചു; സൗജന്യ​മാ​യി​ത്തന്നെ കൊടു​ക്കുക” എന്ന യേശു​വി​ന്റെ കല്പനയ്‌ക്കു ചേർച്ച​യി​ലാണ്‌ നമ്മൾ പ്രവർത്തി​ക്കു​ന്നത്‌. (മത്താ. 10:8) കൂടാതെ മീറ്റി​ങ്ങു​കൾക്ക്‌ വരാൻ വിലകൂ​ടിയ വസ്‌ത്ര​മൊ​ന്നും ധരിക്കേണ്ട ആവശ്യ​മി​ല്ലെ​ന്നും പറഞ്ഞു​കൊ​ടു​ക്കാ​നാ​കും. ദൈവം നോക്കു​ന്നത്‌ പുറമേ അല്ല അകമേ​യുള്ള വ്യക്തി​യെ​യാണ്‌.—1 ശമു. 16:7.

¹⁰ പുതി​യ​താ​യി മീറ്റി​ങ്ങി​നു വരുന്ന വ്യക്തിക്ക്‌ കുറച്ച്‌ ടെൻഷൻ കാണും. ആ ടെൻഷൻ കുറയ്‌ക്കാൻ നിങ്ങ​ളെ​ക്കൊണ്ട്‌ കഴിയു​ന്ന​തെ​ല്ലാം ചെയ്യുക. സഭയിലെ പ്രചാ​ര​ക​രെ​യും മൂപ്പന്മാ​രെ​യും അദ്ദേഹ​ത്തിന്‌ പരിച​യ​പ്പെ​ടു​ത്തി കൊടു​ക്കാ​നാ​കും. നല്ലൊരു അന്തരീ​ക്ഷ​വും നല്ല കൂട്ടു​കാ​രും ഒക്കെ ഉണ്ടെന്നു കാണു​മ്പോൾ അദ്ദേഹം വീണ്ടും വരാനുള്ള സാധ്യ​ത​യുണ്ട്‌. ഇനി മീറ്റി​ങ്ങി​ന്റെ സമയത്ത്‌ അദ്ദേഹ​ത്തി​ന്റെ കൈയിൽ ഒരു ബൈബി​ളി​ല്ലെ​ങ്കിൽ നിങ്ങളു​ടേതു കാണി​ച്ചു​കൊ​ടു​ക്കുക. അതു​പോ​ലെ, പഠിക്കുന്ന പ്രസി​ദ്ധീ​ക​ര​ണങ്ങൾ നോക്കാ​നും അവരെ സഹായി​ക്കുക.

ഒരു ബൈബിൾപ​ഠനം തുടങ്ങു​മ്പോൾ

11. ബൈബിൾവി​ദ്യാർഥി​യു​ടെ സമയത്തി​നും തിരക്കി​നും നിങ്ങൾ വില​കൊ​ടു​ക്കു​ന്നു​ണ്ടെന്ന്‌ എങ്ങനെ കാണി​ക്കാം?

¹¹ ഒരു ബൈബിൾപ​ഠനം ആരംഭി​ക്കു​മ്പോൾ നമ്മൾ എന്തെല്ലാം മനസ്സിൽപ്പി​ടി​ക്കണം? വീട്ടു​കാ​രന്റെ സമയ​ത്തെ​യും തിരക്കു​ക​ളെ​യും മാനി​ക്കുക. നമ്മൾ ഒരു സമയം പറഞ്ഞി​ട്ടു​ണ്ടെ​ങ്കിൽ ആ സമയത്തു​തന്നെ ചെല്ലുക. നമ്മുടെ നാട്ടിലെ രീതി​യ​നു​സ​രിച്ച്‌ അൽപ്പം വൈകി​യാ​ലൊ​ന്നും കുഴപ്പ​മില്ല എന്നു തോന്നി​യാ​ലും അങ്ങനെ ചെയ്യരുത്‌. ഇനി ബൈബിൾപ​ഠനം തുടങ്ങുന്ന ദിവസം, പഠനം ഒരുപാ​ടു നീണ്ടു​പോ​കാ​തി​രി​ക്കാൻ ശ്രദ്ധി​ക്കണം. ധാരാളം ബൈബിൾപ​ഠ​നങ്ങൾ നടത്തുന്ന പ്രചാ​രകർ പറയു​ന്നത്‌, പഠിക്കുന്ന വ്യക്തിക്കു കേൾക്കാൻ കൂടുതൽ താത്‌പ​ര്യ​മു​ണ്ടെ​ങ്കി​ലും എപ്പോ​ഴും പഠനം കൃത്യ​സ​മ​യ​ത്തു​തന്നെ നിറു​ത്തു​ന്ന​താ​ണു നല്ലത്‌ എന്നാണ്‌. അതു​പോ​ലെ നിങ്ങൾ ഒരുപാ​ടു സംസാ​രി​ക്ക​രുത്‌. ഉള്ളിലു​ള്ളതു പറയാൻ വീട്ടു​കാ​രനു സമയം കൊടു​ക്കുക.—സുഭാ. 10:19.

12. ബൈബിൾപ​ഠനം തുടങ്ങു​മ്പോൾമു​തൽ നമ്മുടെ ലക്ഷ്യം എന്തായി​രി​ക്കണം?

¹² തുടക്കം​മു​തലേ നമ്മുടെ ലക്ഷ്യം യഹോ​വ​യെ​യും യേശു​വി​നെ​യും കുറിച്ച്‌ അറിയാ​നും അവരെ സ്‌നേ​ഹി​ക്കാ​നും വിദ്യാർഥി​യെ സഹായി​ക്കുക എന്നതാ​യി​രി​ക്കണം. അതിനാ​യി നമുക്ക്‌ ദൈവ​വ​ച​ന​ത്തി​ലേക്ക്‌ അവരുടെ ശ്രദ്ധ ക്ഷണിക്കാം; അല്ലാതെ നമ്മളി​ലേ​ക്കോ നമ്മുടെ ബൈബിൾ പരിജ്ഞാ​ന​ത്തി​ലേ​ക്കോ ആയി​പ്പോ​ക​രുത്‌. (പ്രവൃ. 10:25, 26) അപ്പോ​സ്‌ത​ല​നായ പൗലോസ്‌ ഇക്കാര്യ​ത്തിൽ നല്ലൊരു മാതൃ​ക​യാണ്‌. അദ്ദേഹം ആരെക്കു​റി​ച്ചാണ്‌ ഏറ്റവും കൂടുതൽ പഠിപ്പി​ച്ചത്‌? യഹോ​വയെ ഏറ്റവും മെച്ചമാ​യി അറിയാൻ സഹായിച്ച യേശു​ക്രി​സ്‌തു​വി​നെ​ക്കു​റിച്ച്‌. (1 കൊരി. 2:1, 2) പൗലോസ്‌ അടുത്ത​താ​യി, നല്ല ഗുണങ്ങൾ വളർത്തി​യെ​ടു​ക്കാൻ പുതി​യ​വരെ സഹായി​ക്കേ​ണ്ട​തി​ന്റെ പ്രാധാ​ന്യ​വും വ്യക്തമാ​ക്കി. അത്തരം ഗുണങ്ങളെ സ്വർണം, വെള്ളി, വില​യേ​റിയ കല്ലുകൾ എന്നിവ​യോ​ടാണ്‌ ഉപമി​ച്ചത്‌. (1 കൊരി. 3:11-15) വിശ്വാ​സം, ജ്ഞാനം, വകതി​രിവ്‌, യഹോ​വ​യോ​ടുള്ള ഭയം എന്നീ ഗുണങ്ങൾ അതിൽ ഉൾപ്പെ​ടു​ന്നു. (സങ്കീ. 19:9, 10; സുഭാ. 3:13-15; 1 പത്രോ. 1:7) പൗലോ​സി​ന്റെ ഈ പഠിപ്പി​ക്കൽ രീതി നമുക്കും അനുക​രി​ക്കാം. അങ്ങനെ ശക്തമായ വിശ്വാ​സ​വും യഹോ​വ​യു​മാ​യുള്ള ഒരു നല്ല ബന്ധവും വളർത്തി​യെ​ടു​ക്കാൻ വിദ്യാർഥി​കളെ നമുക്ക്‌ സഹായി​ക്കാം.—2 കൊരി. 1:24.

13. പുതി​യ​വരെ സഹായി​ക്കു​മ്പോൾ എങ്ങനെ ക്ഷമയും വിവേ​ക​വും കാണി​ക്കാ​നാ​കും? (2 കൊരി​ന്ത്യർ 10:4, 5) (ചിത്ര​വും കാണുക.)

¹³ യേശു​വി​ന്റെ പഠിപ്പി​ക്കൽ രീതി അനുക​രി​ച്ചു​കൊണ്ട്‌ ക്ഷമയും വിവേ​ക​വും കാണി​ക്കുക. വ്യക്തിക്ക്‌ ബുദ്ധി​മു​ട്ടു​ണ്ടാ​ക്കുന്ന ചോദ്യ​ങ്ങൾ ചോദി​ക്കാ​തി​രി​ക്കുക. ഒരു കാര്യം പഠിപ്പി​ക്കു​മ്പോൾ അത്‌ ആ വ്യക്തിക്ക്‌ ഉൾക്കൊ​ള്ളാൻ ബുദ്ധി​മു​ട്ടാ​ണെ​ങ്കിൽ അതെക്കു​റി​ച്ചു​തന്നെ പറഞ്ഞു​കൊ​ണ്ടി​രി​ക്കു​ന്ന​തി​നു പകരം പഠനം മുന്നോ​ട്ടു കൊണ്ടു​പോ​കുക. പിന്നീട്‌ പതിയെ തിരി​ച്ചു​വ​ന്നാൽ മതിയാ​കും. ഒരു ബൈബിൾസ​ത്യം അവരെ​ക്കൊണ്ട്‌ നിർബ​ന്ധിച്ച്‌ സമ്മതി​പ്പി​ക്കാൻ ശ്രമി​ക്ക​രുത്‌. കാരണം സത്യം ഒരാളു​ടെ ഹൃദയ​ത്തിൽ വേരു​പി​ടി​ക്കാൻ സമയ​മെ​ടു​ക്കും. (യോഹ. 16:12; കൊലോ. 2:6, 7) തെറ്റായ പഠിപ്പി​ക്ക​ലു​കളെ ബൈബിൾ താരത​മ്യം ചെയ്‌തി​രി​ക്കു​ന്നത്‌ തകർത്തു​ക​ള​യേണ്ട ഒരു കോട്ട​യോ​ടാണ്‌. (2 കൊരി​ന്ത്യർ 10:4, 5 വായി​ക്കുക.) കാലങ്ങ​ളാ​യി വിശ്വ​സി​ച്ചു​പോ​രുന്ന കാര്യങ്ങൾ പെട്ടെന്നു വേണ്ടെ​ന്നു​വെ​ക്കാൻ വിദ്യാർഥി​ക്കു ബുദ്ധി​മു​ട്ടാ​യി​രി​ക്കും. അതു​കൊണ്ട്‌ ആദ്യം ഒരു പുതിയ കോട്ട പണിയാൻ അതായത്‌, യഹോ​വ​യി​ലുള്ള ആശ്രയം കൂട്ടാൻ അവരെ സഹായി​ക്കുക. അങ്ങനെ​യാ​കു​മ്പോൾ തെറ്റായ പഠിപ്പി​ക്ക​ലു​ക​ളു​ടെ കോട്ട തകർക്കാൻ അവർക്ക്‌ എളുപ്പ​മാ​യി​രി​ക്കും.—സങ്കീ. 91:9.

പുതി​യവർ മീറ്റി​ങ്ങു​കൾക്ക്‌ വരു​മ്പോൾ

14. പുതി​യ​താ​യി മീറ്റി​ങ്ങി​നു വരുന്ന​വ​രോ​ടു നമ്മൾ എങ്ങനെ ഇടപെ​ടണം?

¹⁴ പുതി​യവർ മീറ്റി​ങ്ങി​നു വരു​മ്പോൾ അവരുടെ സംസ്‌കാ​ര​മോ പശ്ചാത്ത​ല​മോ സാമ്പത്തി​ക​നി​ല​യോ ഒന്നും നോക്കാ​തെ നമ്മൾ അവരോ​ടെ​ല്ലാം സ്‌നേ​ഹ​ത്തോ​ടെ ഇടപെ​ടാൻ യഹോവ ആഗ്രഹി​ക്കു​ന്നു. (യാക്കോ. 2:1-4, 9) അങ്ങനെ​യാ​ണെ​ങ്കിൽ നമുക്ക്‌ ആ സ്‌നേഹം എങ്ങനെ കാണി​ക്കാം?

15-16. മീറ്റി​ങ്ങി​നു വരുന്ന പുതി​യ​വ​രോ​ടു നമുക്ക്‌ എങ്ങനെ സ്‌നേഹം കാണി​ക്കാം?

¹⁵ ചിലർ മീറ്റി​ങ്ങു​കൾക്കു വരുന്നത്‌ അവിടെ എന്താണ്‌ നടക്കു​ന്ന​തെന്ന്‌ അറിയാ​നോ അല്ലെങ്കിൽ മറ്റേ​തെ​ങ്കി​ലും പ്രദേ​ശ​ത്തുള്ള ഒരു സാക്ഷി​യോ താത്‌പ​ര്യ​ക്കാ​ര​നോ പറഞ്ഞതു​കൊ​ണ്ടോ ആയിരി​ക്കാം. അതു​കൊണ്ട്‌ പരിച​യ​മി​ല്ലാത്ത ഒരാളെ മീറ്റി​ങ്ങി​നു കാണു​മ്പോൾ അവരെ സ്‌നേ​ഹ​ത്തോ​ടെ സ്വാഗതം ചെയ്യുക. എന്നാൽ ഒരുപാട്‌ ആവേശം കാണി​ച്ചു​കൊണ്ട്‌ അവരെ വീർപ്പു​മു​ട്ടി​ക്ക​രുത്‌. മീറ്റി​ങ്ങി​ന്റെ സമയത്ത്‌ നിങ്ങളു​ടെ അടുത്ത്‌ ഇരിക്കാ​നാ​യി അവരെ ക്ഷണിക്കുക. ബൈബി​ളും പ്രസി​ദ്ധീ​ക​ര​ണ​ങ്ങ​ളും ഒക്കെ കാണി​ച്ചു​കൊ​ടു​ക്കാം. ആവശ്യ​മെ​ങ്കിൽ അവർക്ക്‌ സ്വന്തമാ​യി ഒരു കോപ്പി കൊടു​ക്കാ​നു​മാ​കും. ഇനി അവരുടെ ടെൻഷൻ കുറയ്‌ക്കാൻ മറ്റ്‌ എന്തെല്ലാം ചെയ്യാ​നാ​കു​മെ​ന്നും നിങ്ങൾക്കു ചിന്തി​ക്കാം. ഒരിക്കൽ ആദ്യമാ​യി രാജ്യ​ഹാ​ളി​ലേക്കു വന്ന ഒരാളെ ഒരു സഹോ​ദരൻ സ്‌നേ​ഹ​ത്തോ​ടെ സ്വാഗതം ചെയ്‌തു. അവിടെ ഉള്ളവ​രെ​പ്പോ​ലെ അത്ര നല്ല വസ്‌ത്ര​മൊ​ന്നും ധരിച്ചല്ല താൻ വന്നിരി​ക്കു​ന്നത്‌ എന്ന ടെൻഷ​നി​ലാ​യി​രു​ന്നു ആ വ്യക്തി. എന്നാൽ യഹോ​വ​യു​ടെ സാക്ഷികൾ മറ്റുള്ള​വ​രെ​പ്പോ​ലെ​തന്നെ സാധാ​ര​ണ​ക്കാ​രാ​ണെന്നു പറഞ്ഞു​കൊണ്ട്‌ സഹോ​ദരൻ അദ്ദേഹത്തെ ആശ്വസി​പ്പി​ച്ചു. അദ്ദേഹം പതിയെ പുരോ​ഗ​മിച്ച്‌ സ്‌നാ​ന​മേറ്റു. ആ വ്യക്തിക്ക്‌ ഒരിക്ക​ലും അന്ന്‌ സഹോ​ദരൻ തന്നോടു കാണിച്ച സ്‌നേഹം മറക്കാ​നാ​യില്ല. എന്നാൽ ശ്രദ്ധി​ക്കേണ്ട ഒരു കാര്യ​മുണ്ട്‌: മീറ്റി​ങ്ങി​നു മുമ്പോ ശേഷമോ പുതി​യ​വ​രോ​ടു സംസാ​രി​ക്കു​മ്പോൾ നമ്മൾ അവരോ​ടു താത്‌പ​ര്യം കാണി​ക്കു​മെ​ങ്കി​ലും അവരുടെ വ്യക്തി​പ​ര​മായ കാര്യ​ങ്ങ​ളിൽ തലയി​ട​രുത്‌.—1 പത്രോ. 4:15.

¹⁶ മീറ്റി​ങ്ങി​നു വരുന്ന പുതി​യ​വ​രോ​ടു സ്‌നേഹം കാണി​ക്കാൻ പറ്റുന്ന മറ്റൊരു വിധം നോക്കാം. നമ്മുടെ സംഭാ​ഷ​ണ​ങ്ങ​ളി​ലും ഉത്തരങ്ങ​ളി​ലും മീറ്റി​ങ്ങി​ലെ പരിപാ​ടി​ക​ളി​ലും സാക്ഷി​ക​ള​ല്ലാ​ത്ത​വ​രെ​ക്കു​റി​ച്ചോ അവരുടെ വിശ്വാ​സ​ങ്ങ​ളെ​ക്കു​റി​ച്ചോ പറയേ​ണ്ടി​വ​രു​മ്പോൾ ആദര​വോ​ടെ സംസാ​രി​ക്കുക. അവരെ ഇടറി​ക്കു​ന്ന​തോ കളിയാ​ക്കു​ന്ന​തോ ആയ പദപ്ര​യോ​ഗങ്ങൾ ഒഴിവാ​ക്കാ​നാ​കും. അവരുടെ വിശ്വാ​സ​ങ്ങളെ പരിഹ​സി​ക്കുന്ന രീതി​യിൽ ഒരിക്ക​ലും സംസാ​രി​ക്ക​രുത്‌. (തീത്തോ. 2:8; 3:2; 2 കൊരി. 6:3) ഇക്കാര്യ​ത്തിൽ പൊതു​പ്ര​സം​ഗം നടത്തുന്ന സഹോ​ദ​ര​ന്മാർ പ്രത്യേ​കം ശ്രദ്ധി​ക്കു​ന്നു. ഇനി പുതി​യ​വർക്കു മനസ്സി​ലാ​കാത്ത പദപ്ര​യോ​ഗ​ങ്ങ​ളോ ആശയങ്ങ​ളോ പ്രസം​ഗ​ത്തി​ലു​ണ്ടെ​ങ്കിൽ ആ സഹോ​ദ​ര​ന്മാർ അതു വിശദീ​ക​രി​ച്ചു​കൊ​ടു​ക്കു​ക​യും ചെയ്യും.

17. ശുശ്രൂ​ഷ​യിൽ ‘യോഗ്യ​രായ’ ആളുകളെ കണ്ടെത്തു​മ്പോൾ എന്താണ്‌ നമ്മുടെ ലക്ഷ്യം?

¹⁷ ഓരോ ദിവസം കഴിയു​ന്തോ​റും നമ്മുടെ പ്രസം​ഗ​പ്ര​വർത്ത​ന​ത്തി​ന്റെ അടിയ​ന്തി​രത കൂടി​ക്കൂ​ടി വരുക​യാണ്‌. ‘നിത്യ​ജീ​വനു യോഗ്യ​രാ​ക്കുന്ന തരം മനോ​ഭാ​വ​മു​ള്ള​വരെ’ നമ്മൾ തുടർന്നും കണ്ടെത്തും. (പ്രവൃ. 13:48) അവരോ​ടു ബൈബിൾപ​ഠ​ന​ത്തെ​ക്കു​റിച്ച്‌ പറയാ​നും അവരെ മീറ്റി​ങ്ങു​കൾക്ക്‌ ക്ഷണിക്കാ​നും ഒരിക്ക​ലും മടി വിചാ​രി​ക്ക​രുത്‌. അങ്ങനെ ചെയ്യു​ന്നെ​ങ്കിൽ ‘ജീവന്റെ വഴിയി​ലേ​ക്കുള്ള’ ആദ്യചു​വട്‌ വെക്കാൻ നമ്മൾ അവരെ സഹായി​ക്കു​ക​യാ​യി​രി​ക്കും.—മത്താ. 7:14.