Дайн яагаад гарсаар байгаа вэ?

НҮГЭЛ

Бурхан бидний анхны өвөг дээдэс Адам, Еваг өөрийнхөө дүр төрхөөр бүтээжээ (Эхлэл 1:27). Өөрөөр хэлбэл тэд эвтэй байх, нэг нэгнээ хайрлах зэрэг Бурхны зан чанарыг илэрхийлэх төрөлхийн чадвартай байсан (1 Коринт 14:33; 1 Ёохан 4:8). Гэвч Бурханд дуулгаваргүй загнаж, нүгэл үйлдсэн. Үүний гайгаар бид бүгдээрээ нүгэл, үхлийг өвлөн авсан (Ром 5:12). Ийнхүү төгс бус болсон хүмүүс муу муухай юм бодож, хүчирхийлэл үйлддэг (Эхлэл 6:5; Марк 7:21, 22).

ХҮНИЙ ЗАСАГЛАЛ

Бурхан хүнийг нэг нэгнээ захирах чадвартайгаар бүтээгээгүй. Библид «Алхаж байгаа хүн ч алхаагаа чиглүүлэх мэдэлгүй юм» гэж байдаг (Иеремиа 10:23). Ийм учраас хүний засаглал дайн, хүчирхийллийг ор мөргүй арилгаж чаддаггүй.

САТАН БА ЧӨТГӨРҮҮД

Библид тэмдэглэснээр «бүх ертөнц хорон муу нэгний эрхшээлд байдаг» (1 Ёохан 5:19). «Хорон муу нэгэн» гэдэг нь Сатан Диавол юм. Тэрбээр муу санаатай алуурчин билээ (Ёохан 8:44). Сатан болон чөтгөрүүд харагддаггүй ч хүмүүсийг өдөөн турхирч дайтах, хүчирхийлэхэд хүргэдэг (Илчлэл 12:9, 12).