यशया

५४ यहोवा म्हणतो: “हे स्त्री! मुलांना जन्म न दिलेल्या वांझ स्त्री! तू आनंदाने जयजयकार कर;+

प्रसूतीच्या वेदना माहीत नसलेली स्त्री,+ तू हर्षाने जयघोष कर!+

मागेपुढे पाहू नकोस, तुझ्या तंबूचे दोर आणखी लांब कर,

आणि तुझ्या तंबूच्या खुंट्या पक्क्या कर.+

तुझी संतती राष्ट्रांचा ताबा घेईल,

आणि ती ओसाड पडलेल्या शहरांमध्ये वस्ती करेल.+

तरुणपणी झालेली तुझी बदनामी तू विसरून जाशील,

आणि विधवा असल्यामुळे लागलेला कलंक तुला पुन्हा कधीही आठवणार नाही.”

 ५ “कारण तुझा महान निर्माणकर्ता+ तुला पतीसारखा* आहे,+

त्याचं नाव सैन्यांचा देव यहोवा आहे,

आणि इस्राएलचा पवित्र देव तुझा सोडवणारा आहे.+

 ६ तुझा देव म्हणतो: “सोडून दिलेल्या आणि मनातून फार दुःखी असलेल्या स्त्रीला जसं बोलावतात;+

तरुणपणी लग्न झालेल्या आणि नाकारलेल्या बायकोला जसं बोलावतात, तसं यहोवाने तुला बोलावलंय.

 ७ क्षणभरासाठी मी तुला सोडून दिलं होतं,

पण आता मोठ्या दयेने मी तुला परत आणीन.”+

नोहाच्या काळात मी शपथ घेऊन म्हटलं होतं, की पुन्हा कधीच पृथ्वी जलप्रलयाने बुडणार नाही;+

तसं आताही मी शपथ घेऊन सांगतो, की पुन्हा कधीच माझा राग तुझ्यावर भडकणार नाही किंवा पुन्हा कधीच मी तुला शिक्षा करणार नाही.+

पण तुझ्यावर असलेलं माझं एकनिष्ठ प्रेम कधीही नाहीसं होणार नाही,+

आणि मी केलेला शांतीचा करार कधीही मोडणार नाही,”+ असं तुझ्यावर दया करणारा देव यहोवा म्हणतो.+

११ “हे दुःखात असलेली,+ वादळाने झोडपलेली आणि सांत्वन न मिळालेली स्त्री,+

मी तुझे दगड कठीण चुन्याने* बसवीन,

आणि तुझा पाया नीलमण्यांनी घालीन.+

मी तुझे दरवाजे चमकणाऱ्‍या रत्नांचे,*

आणि तुझ्या सीमा मौल्यवान दगडांच्या बनवीन.

१३ तुझी सर्व मुलं यहोवाने शिकवलेली असतील,+

आणि तुझ्या मुलांना भरपूर शांती मिळेल.+

तुला कसलीच भीती वाटणार नाही आणि कोणीही तुला घाबरवणार नाही,

कारण भीती तुझ्या जवळपासही फिरकणार नाही.+

१५ कोणी तुझ्यावर हल्ला केला,

तर तो माझ्या आज्ञेवरून नसेल.

१७ म्हणून तुझ्यावर चालवायला बनवलेलं कोणतंही हत्यार तुझ्यावर चालणार नाही,+

आणि तुझ्यावर आरोप लावणारी प्रत्येक जीभ तू दोषी ठरवशील.