Programm Ġdid tal-​Jum t’Assemblea Speċjali

¹ Waqt li l-​mezzi tax-​xandir u l-​għalliema sekulari jigglorifikaw l-​għana materjali, il-​Kelma t’Alla tħeġġiġna billi tgħidilna “Stagħnew b’Opri Tajba.” (1 Tim. 6:18) Din hija t-​tema tal-​programm tal-​jum t’assemblea speċjali li jibda minn Settembru 2002. Liema inkuraġġiment se nirċievu f’din l-​assemblea?

² L-​indokratur tas-​circuit se jiddiskuti xi tfisser it-​tema “Kun Għani minn Kif Jarak Alla,” u se jintervista lil xi wħud li qed iħabirku b’ħilithom kollha sabiex jiksbu l-​għana spiritwali. Fl-​ewwel taħdita tiegħu dakinhar, il-​kelliemi li jkun qed iżurna se juri kif il-​poplu t’Alla qed iwettaq “Għemejjel mill-​Aħjar f’Dan iż-​Żmien taʼ Ħsad.” Kull wieħed u waħda minna se jiġi mħeġġeġ jikkunsidra kif jistaʼ jieħu sehem saħansitra iktar bis-​sħiħ fix-​xogħol tal-​ħsad ordnat minn Alla li qed jitwettaq illum.

³ Kemm nieħdu pjaċir meta naraw liż-​żgħażagħ Kristjani jfittxu l-​għana spiritwali! Dan jigglorifika lil Jehovah u jgħin liż-​żgħażagħ biex iqiegħdu pedament tajjeb għall-​privileġġi taʼ servizz iktar ’il quddiem. Il-​parti “Prosit liż-​Żgħażagħ għall-​Għemejjel mill-​Aħjar f’li Jfaħħru lil Jehovah” se ssemmi għemejjel mill-​aħjar li ż-​żgħażagħ Kristjani qed iwettqu lokalment.

⁴ X’inhuma r-​riżultati meta nfittxu li nagħmlu għemejjel mill-​aħjar? Il-​kelliemi li jkun qed iżurna se jiddiskuti dan fl-​aħħar taħdita tiegħu, “Kompli f’Għemejjel mill-​Aħjar u Aħsad il-​Barkiet taʼ Jehovah.” Se jikkunsidra erbaʼ aspetti fejn nistgħu naħsdu barkiet għonja: (1) bħala individwi, (2) bħala familji, (3) bħala kongregazzjoni, u (4) bħala organizzazzjoni madwar id-​dinja.

⁵ Dawk li ddedikaw ruħhom lil Jehovah se jkollhom l-​opportunità li jitgħammdu. Jekk int lest li tagħmel dan il-​pass, informa fil-​pront lill-​indokratur li jippresiedi.

⁶ Meta titħabbar id-​data taʼ l-​assemblea li se ssir fejn toqgħod int, ħaffef u agħmel pjanijiet definiti sabiex tattendi. Stinka biex tasal kmieni sabiex tieħu sehem fl-​għanja u t-​talba tal-​ftuħ. Il-​fatt li nkunu preżenti u attenti għall-​programm kollu tal-​jum t’assemblea speċjali se jsaħħaħna biex inkomplu nfittxu ħajja li tagħmilna verament għonja minn kif jarana Alla tagħna, Jehovah.